لعنبــو قصـــه غرام

لعنبو قصة غرام كل ابوها كلمتين ابتدينا عند احبك وانتهينا عند باي
درب الهوى خطوتين
وانتهى الموضوع كله حتى ماأعرف وش خطاي
انتهى الموضوع وبكل سهوله تحكمين
وين احبك وين اريدك وين ساكن في حشاي
يمكن انت ماوفيتي يوم جيت تعشقين
ويمكن انك تحسبين بتبعك من دون راي
ويمكن اصلا ماعشقت بس كنت تلعبين
ويمكن ماوصلت في هواك لمستواي
ويمكن اني ماعرفتك في الحقيقه وش تبين
ويمكن اني خنت نفسي يوم اعطيتك وفاي
علميني في الهوى ياجاهله وش تعرفين
تعرفين انك غديتي شي يجري في دماي
علميني في العطا والتضحيه وش تفهمين
لعنبو حبك عشانك عفت اقرب اقرباي
كنت احطك في عيوني تسرحين وتمرحين
كنت اشيل هموم قلبك وارمي همومي وراي
كنت اطير من السعاده يوم اشوفك تضحكين
كنت ذايب في هواك مثل سكر وسط ماي
كنت نايم في العسل وارسم من الفرحه سنين
كنت اظنك قلب عاشق ماسكن وسطه سواي
ماوعيت الا وانت في خفوقي تطعنين
ماوعيت الا وسيفك في الهوى رايح وجاي
ورده اي والله ورده بس عرفتي تجرحين
كل شي فيني جريح الافخامة كبرياي
ماتأثرت بغيابك وش يعني دمعتين بكره انسى صدقيني وارجع بكامل قواي
ادري احنا افترقنا بس ابفهم حاجتين علميني وش كسبت وعلميني وش خطاي..