الموضوع: صديقات للأبد الجزء 4 5 6

الجسم, صديقات

هااي هذي الاجزاء الباقيه وانشاء الله فيه باقي بس قولوا لي ايش رايكم ومين احسن شخصيه بالقصه :) :) شكرا لكم واذا فيه شي مو عاجبكم عدوها (صفر على الشمال) :)

الجزء الرابع

البنات في السيارة

شهد: غلا الله يفشلك . قاعدة ترقصي بالشارع تخيلي مر واحد من أخوانك
غلا: إيزي وش فيها بيطقني ويمكن يحبسوني بالبيت وبس
نجود : هيه من وين تعلمت هذا المنطق لايكون عدتك ديمة ؟
ديمة: ليه فيروس شايفتني اعديها أنا اعدي الكل إلا هي والله
غلا : تراني ساكتة لك من الصباح ترا بوريك احين
ديمة: يلا وريني أستناك أنا
رانية : ياربيه ماصارت ذي كل شوي تهاوشتوا حشا ترا زهقتونا
ديمة و غلا : وانتي شكو ؟
ود : بنات الحقوا هناك تفتيش
نجود : والله احين ايش راح نسوي ؟
غلا تكلم شهد اللي جالسه جنبها : شهودة حياتي افتحي الكبت اللي قدامك شوفي الرخصة موجودة فيه ولا لا ؟
وفتحت شهد الكبت وقعدت تحوس
شهد: غلاما في رخصة ولا ورقة تشبهها حتى
غلا: احلفي . بنات ترا رحنا وطي
ديمة : بنات انتوا شفيكم ما عندكم حس المغامرة عادي يودونا التوقيف ونشوف الحياة هناك كيف
نجود : صدق انك هبله عارفه من جد لاتعليق على كلامك
ديمة : يكون احسن بعد قالت لاتعليق قالت
رانية : ديوم حبيبتي ما أدري من وشو معصبة بس لا تحطي حرتك فينا أوكي ؟
ديمة : من عيوني كم رنوش عندي انا . هذولي الناس اللي عندها أسلوب مو انتوا
محد رد عليها لأنهم قربوا عند التفتيش قدامهم بس 3 سيارات
شهد : بنات وش بنسوي أحين ؟
رانية : بسوي له مثل ما سوت غلا للسكيورتي
رد : خلاص نعتمد ؟
رانية : أكيد
المهم وصلوا البنات عند التفتيش ونزلت رانية وخدعت العسكري بكلمتين حلوات >>> ما يصدقون الرجال يلقون أحد يقول لهم كلام حلو
ومشاهم العسكري
ويوم قربوا عند بيت غلا
نجود : بنات خلنا ننزل السوبر ماركت
غلا : أوكي
ووقفت عند سوبر ماركت ونزلوا البنات ودخلوا واتوزعوا داخل
رانية وشهد عند الايسكريمات والعصيرات والحلويات
ديمة ونجود عند المجلات
غلا و ود عند كريمات الوجه وزيوت الشعر
رانية تصارخ من آخر المحل : غلااااااا تبين أيسكريم
شهد تطق رانية : الله يأخذك يا غبية نسيتي إننا شباب وشو غلا؟
رانية تحط يدها على فمها : يووووووووه نسيت ؟

وعند ود و غلا
غلا: ود تعرفين وش احسن نوع حنة للشعر أو صبغة ؟
ود : ترانا بسوبر ماركت روحي عند الصيدلية ولا العطار هناك عندهم صبغات وأنواع الحنة والله فله حتى هناك مضمونة
غلا : أجل شورك وهداية الله بروح بكره مع ابوي للعطار
ود : لا تنسينا عاد ترا أنا قلت لك
غلا : أفا عليك ولا يهمك
ود : شوفي بشرتي جافة شكلي بشتري كريم ويلا للعناية الليلية
غلا : وععع أشتري جونسون أحلى
ود : تهقين
غلا: ايه

وعند ديمة ونجود
ديمة : جودي شوفي وناسة هذي المجلة فيها حوار مع أصالة وعبد المجيد عبدالله شرايك نشتريها
نجود : لا خلنا ناخذ مجلة رياضية الله وناسة شوفي هذي فيها عن ماتيورازي و ديفيد بيكهام وبلاك الله شوفي شلون يجنن
ديمة : لا وشو وين قاعدين ؟
نجود : شفيك مو احنا احين شباب خلنا نعيش الدور
ديمة : ايه صح . خلاص نأخذها

المهم الكل شروا اللي يهمهم واطلعوا من السوبر ماركت

وتوهم راكبين السيارة إلا رن جوال ود
ود تكلم البنات : بنات بنات سووا إزعاج
وبعدين ردت على الجوال : آلو هلا جسوم
جاسم : هلا والله . شكلك مستانسة
ود : أكيد
جاسم : المهم ترا نص ساعة وبمر عليك أوكي ؟
ود: خلاص تمام
جاسم : يلا سلام
وسكر الخط
جاسم العزيز يقول بيجيني بعد نص ساعة
غلا : يلا نرد بسرعة عشان يميدك تبدلي
وزدات السرعة شوي
يوم قربوا عند بيت غلا شافوا سيارة
غلا: يووه في سيارة واقفة عند بيتنا خلينا نقرب نشوف سيارة مين ؟
يوم سمعت شهد كلام غلا رفعت راسها لانها كانت راخية راسها تدور على جوالها اللي طاح تحت الكرسي
شهد : لاااااااا ارجعي هذي سيارتنا
ديمة : طيب أحين من وين ندخل ؟
غلا : ننط من السور من ورا البيت دايم عبود اذا أتأخر في الرجعة ينط عشان ابوي لا يدري
ديمة : وناسة اخيراً أكشن
شهد ونجود : من جدكم انتوا ؟
ود : ايه يلا بسرعة أخوي بيجي بعد شوي
لفت غلا بالسيارة حول البيت ونزلوا البنات وتسلقوا الشجرة اللي جمب السور ونطوا ويوم نطوا طلع صوت جرس الإنذار اللي غلا ما تدري انه موجود لأنها يوم طلعت المجمع جا ابوها ركبه وطلع
غلا شهقت وشوي يغمى عليها والبنات صنموا ما يدرون ايش يسوون
وهو واقفين سمعوا صوت اخوا ن غلا طلال وماجد جايين ركض

__________________







الجزء الخامس

طبعاً حنا وصلنا لين ما أخوان غلا جووا ركض بعد ما دق جرس الإنذار
ماجد: مين هناك ؟
غلا اللي صحت من الصدمة : ماجد لا تجي انا وصحباتي هنا
ماجد: طيب وش سويتوا عشان جرس الإنذار دق
غلا: ولا شي بس قطينا قوطي البيبسي بره
ماجد : اها . خلاص طيب انا طالع وإذا جات أمي قولي لها إني طالع اشتري لي شوية أغراض حق السفر
غلا : طيب
وطلع من البيت
ديمة : واااااااو بغيت أموت
نجود : ايه والله حسبنا إننا رحنا فيها
شهد : يله عدت على خير المهم سيارتي بره يله ببدل بسرعة واروح
غلا : يلا
وبدلوا البنات وعدلوا أشكالهم وشالوا اللزقات
وكل وحده راحت بيتهم
هذي الاحداث كلها صارت يوم الاربعاء

يوم السبت
ديمة : بنات بصراحة يوم الأربعاء كان أحلا يوم بحياتي
ود: ايه توني احس بأنوثتي فيه
غلا : شدخل هذا في هذا
ود : يوم شلت اللزقة
رانية : ايه توني فهمت عليك
شهد : ايش ما فهمت انا
نجود : تبيني أشرح
شهد : ايه
نجود: يوم شالت اللزقة حست انو .
قاطعتها غلا : بس ووجعه لا تكملين حشا وانتي مو لازم تفهمي
ديمة : أعصاااااااااااابك
نجود : والله بس يوم الأربعاء كان فلللللللللللللله ياليت يتكرر
رغد : حسااااااااافة كان ودي اكون معاكم بس للأسف جدتي جات عندنا
غلا : طيب انا عندي اقتراح بما إننا تونا ناقلين بيتنا الجديد وبما إنكم ما شفتوه يوم جيتوا وبما إن أمي وأبوي بيروحون المدينة نهاية الأسبوع عشان فيه عزا والشباب مسافرين شرايكم تجون تنامون ببيتنا
رانية : لا والله وشو يوم كنا بنروح جيان جينا عندك واحين نرجع عندك بعد خلنا نروح بيت احد ثاني
ود : ايه تعالوا بيتنا
نجود : لا أمك موجودة وأخوانك شلون ببنام عندك ؟
شهد : خلاص نروح بيت غلا بس بنات شلون أهلنا ما يرضون ؟
ديمة : يا ربي تحبون تصعبون الأمور عادي نقفل أبواب غرفنا ونرجع قبل ما يقومون اهلنا بالصباح
شهد : ومين بيودينا ؟
ديمة : قلت التكاسي . على العموم انا بمركم مع السواق وحده وحده على الساعة 12بالليل خلاص ؟
ود : ايه والله فكره حلوه
رانية : خلاص بنات يوم الخميس نروح . بس والله أحس هذي المره بالذات بنروح فيها
ديمة : تك ات ايزي عاااااااااادي
شهد : انا نفسي اعرف وشو اللي مو عادي عندك ؟
ديمة : إني اطلع القمر خخخخخخخخخ
نجود : ما تضحك
ديمة : أدري
ود : اللهم لك الحمد بس

ومر الأسبوع بشكل عادي غير انو بنات الشلة الحلوين داوموا بس السبت و الأحد لأن المديرة فصلتهم 3 أيام ليش ؟ هذي سالفة ثانية في الجزء القادم

المهم جاء يوم الخميس
والبنات راحوا بيت غلا وكل وحده جابت معاها بجامتها

غلا : حياكم بنات اتفضلوا
ديمة : زاد فضلك
ود : أقول ديوم متى تعلمت الذرابة ؟
ديمة : عارفة ذاك اليوم اللي انولدت فيه وكنتي ببطن أمك . في ذاك اليوم تعلمت الذرابة
شهد : المهم بنات شلون بنقضي الوقت لانو ما عندنا غير 8 ساعات بالضبط
نجود : ياشينك لين حسبتيها خلينا نستانس بدون ما نحس بالوقت
رغد: طيب اذا ما حسبناها راح نتمادى وننسى نفسنا ويروح الوقت
شهد : صح عليك
غلا : بنات أنا اقول أول شي تتفرجون على بيتنا بعدين يحلها الف حلال شرايكم ؟
نجود : خلاص حلو
غلا : أوكي يلا امشوا تفرجوا على البيت
وقعدوا البنات يتفرجوا على البيت لين وصلوا لغرفة غلا
نجود تصفر : وااااااااااو غلا غرفتك تجنن حلوه مره
ود : ايه ماشاء الله عليك ذوقك في الديكور مره حلو
غلا : عيونكم الحلوة . المهم بنات خلاص اقعدوا بغرفتي وغيروا وانا بروح اودي نايف ونور بيت جدي
شهد : بس نقعد بروحنا
غلا : عادي البيت بيتكم بعدين بيت جدي مو بعيد يعني ربع ساعة واكون رجعت
رانية : خلاص اوكي
وراحت غلا بعدين البنات غيروا وقعدوا البنات يفتشوا بغرفة غلا
وبعد ربع ساعة رجعت غلا ومعاها بنت خالتها رشا
غلا طبت عليهم : شقاعدين تفتشون
ود : بسم الله روعتينا . من هذي اللي معك ؟
غلا: هذي بنت خالي رشا . رحت بيت جدي ويوم قلت لها إنكم عندي انشبت لي إلا تجي معي فجبتها
رغد : حياها الله بالعكس راح يكون اونس يوم يكون عددنا اكثر
غللا : بنات دقايق بس نلبس انا ورشا البيجامات
ولبست غلا هي ورشا بيجاماتهم بعدين راحوا البنات للمطبخ يسووا العشا
رشا : بنات ايش راح نسوي عشا ؟
ديمة : أنا مشتهية سباغيتي
نجود : لا مابي سباغيتي
شهد : أصلا احنا ما نعرف نسوي غير الإسباغيتي هذا اولا ثانيا مافي اكلة تنضج بسرعة مثله
ود : صح كلام شهد . نسويه وإذا صار كل وحده تحط اللي تبيه يا إنها تحط جبن أو صلصة طماطم أو صلصة بيضا أو روب
رانية : يعني أحين لازم نسوي السباغيتي والصلصات امممممم يعني لازم نقسم نفسنا
ديمة : أنا بسوي صلصة الطماطم
رشا : وانا مع ديمة
غلا وود ورانية : واحنا بنسوي السباغيتي
رغد : مابقى إلا الصلصة البيضا بسويها انا وشهد
نجود : وانا ؟
ديمة : انتي اقعدي اشرفي لأنك لو اشتغلت بيصير دمار شامل
نجود: ليش شايفين نفسكم ايش . كلكم ما تعرفوا تتطبخوا الله يعين وش بنآكل
ود : نحاول نطبخ . أحلى شي يوم ناكل من تعب يدينا
ديمة : الله والتعب بس أقول يلا نبدا قبل لايضيع الوقت
وبدأو البنات الطبخ وصار ما ينسمع إلا صوت القدور والصحون وصوت وحده تصارخ ما تدري وين الأغراض ووحده تضحك وعلى هالحال لين انتهوا من الطبخ طبعاً ما يحتاج أوصف لكم حالة المطبخ بعد ما طلعلوا منه بنات مدمرين لكل شي وفاشلين بالطبخ أكيد تصورتوا شكل المطبخ المسكين
المهم كل وحده شالت صحنها وقعدوا على طاولة الطعام
شهد : اممممم يازين المكرونة طعمها يجنن
ديمة : أكيد دام حطيت يدي فيها
رغد: أمحق
نجود : سكووووت ما تعرفوا المثل اللي يقول لا كلام على الطعام
رشا بإستهزاء : بالله في مثل كذا توني أدري
غلا: بنات شوفوا شلووووون ود مندمجة بالاكل لين قاعده تبوس المكرونة
الكل ضحكوا على ود إلا رانية ردة فعلها كانت قووووية لأن فمها كان مليان مكرونة وما عرفت شتسوي تبغا تضحك وتبغا تبلع فاختارت الخيار الاول وضحكت والكل طارت عليهم المكرونة اللي بفمها
غلا : وووووووع وشو ذا ؟
شهد تطالع بقرف : الله يقرفك خلاص أنا شبعت سديت نفسي
نجود : مي تو
والكل انسدت نفوسهم وقاموا شالوا الصحون حطوها بالمطبخ طبعا المطبخ لازال مدمر للآن
طلعوا من المطبخ وراحوا الصالة الرئيسية يتابعوا فلم ( جعلتني مجرماً )
ديمة : ياشين المصارية وأفلامهم أنا مابي اتابع
رغد : ولاأنا
رشا : غلوي مو كمال أخوك عنده شيشة جيبيها خلينا نجرب نشيش
غلا: احلفوا انتوا بس شكلكم مو صاحيين
ديمة : تصدقين شكلنا نايميين . يلا عاد جيبيها
رغد : ايه ولا تنسي جيبي معاها حب وفستق وترمس
نجود : وإذا عندكم ورقه بعد جيبيها
غلا: لا والله خدامة أبوكم انا
رغد : يلا عاد حنا ضيوفك
غلا: زين بس عشان خاطرك
وراحت غلا جابت لهم الأغراض وقعدت تكمل الفيلم
وقعدوا البنات يلعبوا بلوت ويأكلوا ويوم جات ود عطتها رشا دورها وقامت تشيش مع رانية وقعدوا على هالحال لين خلص الفيلم
وكانت الساعة اربع الفجر
ود : بنات شرايكم نفتح الشات ؟
غلا: ايه والله فكره يلا تعالوا نشبك

وقعدوا نص ساعة على النت ومابقى أحد بالشات إلا وتحرشوا فيه لين ثلاث أرباع اللي بالشات أزهقوا واطلعوا بعدين قاموا من على النت وراحوا شغلوا الإستريو ورقصوا لين ما أذن الفجر طفوه وتوضوا وصلوا جماعة
نجود وهي بالقوة تفتح عيونها : بنات خلونا ناخذ لنا فجرورة
رغد : وش معنى فجرورة
نجود : مو بالظهر يقولوا قيلولة خلاص انا ألفت بالفجر نقول فجرورة
غلا : ايه يعني ناخذ لنا استراحة وننام ساعة
نجود : عليك لمبة
غلا: خلاص طيب بس بنات نحاول نتقسم بغرفتي وغرف اخواني الشباب
نجود وهي بتموت من النعاس : خلاص بسرعة
واتقسموا البنات غلا وديمة بغرفة غلا
رشا ورانية بغرفة كمال
نجود ورغد بغرفة طلال
ود و شهد بغرفة ماجد

غلا ونجود ورغد علطول ناموا ويوم نامت غلا راحت ديمة عند ود وشهد تسولف معاهم وخذتهم السوالف لين نامت ديمة مع ود وشهد
الكل نام ما عدا رانية ورشا لان مو من عواديهم يناموا بدري
فقعدوا يسولفوا ورانية ما بقت فضيحة للشلة إلا وقالتها لرشا
خاصة سالفة جيان وسالفة ود
رشا ميتة ضحك على سالفة جيان : اوووف والله إنكم شلة خطيرة ما خفتوا الهيئة تصيدكم
رانية : لازم يكون عندنا حس المغامرة بعدين احنا عندنا حلول لجميع المشاكل
رشا : فلة والله . المهم ماعندك سالفة ثانية تضحك ؟
رانية : اسمعي الله يسلمك . في يوم ماطر خطر ببال ديمة ان تنتقم من ود
فكتبت في ورقة (( أنا خايسة أنصحكم ما تشوفوا وجهي لانه وووع ))
واتفقت من شهد انها نهاية الدوام تدف ديمة على ود عشان تلزق ديمة الورقة بظهر ود بدون ما تحس
وجاءت ساعة الصفر ولزقت ديمة الورقة بظهر ود ومسكينة ود قعدت تمشي بالشارع والكل يقرا ويضحك وشوي طاحت الورقة حست ود ويوم لفت لقت الورقة وقرتها وبغت تموت من القهر طبعا ديمة وشهد ماتوا ضحك عليها ونجود انصدمت وطول الوقت تقول(( واه )) المهم راحوا البنات وقعدت ديمة شوي لان سواقهم يتاخر وهي واقفة تشوف البنات يقروا الورقة وبعدين يعلقوا ويضحكوا ووحده اسمها نوال شافت الورقة وهي تطيح من ظهر ود فقالت : شكل البنت اللي لزقوا لها الورقة مررررره خايسه فعندها عقدة وكبت نفسي فقالت لصديقاتها يلزقوا لها الورقة بظهرها لعل الكبت النفسي يتفرغ وغيره من التعليقات اللي تفقع ضحك
طبعاً ماتت رشا من الضحك على ود لين حست ت انها راح تبول على روحها لو ما راحت الحمام
رشا : بس يا رانية خلاص ما أقدر لازم اروح الحمام
وقامت ركض تبغا تروح الحمام ويوم فتحت باب الغرفة لقيت كمال بوجهها هي من الصدمة سوتها على روحها وكمال انحرج شلون يعتذر فقال : أوه رشا عندنا
ورخا عيونه وكمل : رشا في شي تحتك
هي مسكينه من الفشله تلون وجهها بكل الألوان
رانية شافتها وقفت جات عندها وقالت بصدمة : رشا بلت على روحك
هنا ما قدرت رشا تستحمل وقعدت تصيح من الخاطر
وكمال راح عند غلا وصحاها
غلا : امممممممم روحي ابي انام
كمال : غلا قومي
يوم استوعبت غلا أنه صوت أخوها فزت
غلا بخوف: كمال انت شتسوي هنا ؟ ومتى جيت ؟
كمال: انتي اللي قولي لي رشا وصديقتك شيسون بغرفتي
شهقت غلا : انت رحت شفتهم
كمال : ايه وابشرك بنت خالك المصونة بالت عند باب غرفتي
غلا : وشو ونطت من السرير وركضت تبغا تطلع من الغرفة
لكن مسكها كمال من يدها
كمال : تعالي فهمين وش قاعد يصير ؟
غلا : انتظرني اشوفها وارجع لك
كمال : طيب خذي لها بيجامة عشان تبدل ؟
وخذت بيجامة وراحت عند رشا
ومن صوت كمال وصوت بكا رشا صحيوا باقي البنات وراحوا يشوفوا وش صار
ويوم عرفوا اللي صار قعدوا يضحكوا في البداية بعدين يوم شافوا انو رشا مقطعة نفسها من البكا حزنوا عليها وقعدوا يواسوها فصارت تسكت شوي بعدين ترجع تصيح
رغد : أحين انا نفسي أعرف وش اللي يصيحك السالفة انتهت خلاص ؟
رشا وهي تصيح : بس . ألحين كمال . يـ يأخذ فكرة شينة عني . ويمكن يكرهني
غلا تضرب رأسها كنها تذكرت شي : أووووووووه نسيت أن جوليت عندنا بالبيت لا تخافي روميو ما راح يكرهك اصلا هو كان زعلان عشانك وهو اللي قالي أجيب لك البيجامة
رشا سكتت : والله
غلا : ايه
رانية : ستوب كني سمعت روميو وجوليت وشو السالفة ؟
ديمة : صح ايش سالفتك رشا مع كمال
غلا : ولاشي بس رشا وكمال يحبوا بعض
شهد : أحلااااااااااااا احداث مشوقة قولوا السالفة من البداية
وقالت لهم غلا السالفة بعدين رجعت عند كمال وقالت له السالفة وحلفته ما يفضحهم طبعا هو كان جاي يبي أوراق الإمتحان نساها بغرفته جابتها له ورجع سافر للجبيل
ويوم راح رجعوا البنات وناموا مره ثانية وكانت الساعة ست ونص واتفقوا يقوموا بعد ساعة عشان يسولفوا قبل ما يرجعوا بيوتهم الساعة ثمانية
صحوا البنات الساعة سبعة ونص واتجمعوا بالصالة اتطنزوا على رشا شوي
رانية : بنات شفيها ديمة ما صحت الساعة قربت تصير ثمان خلونا نقومها عشان تكلم سواقها يجي يرجعنا لانها هي اللي جابتنا
شهد : هي قالت لنا انها قالت للسواق يجي ثمان وقالت لنا لا نصحيها إلا يوم تصير الساعة ثمان
رغد : اوكي خلوها على راحتها
يوم صارت الساعة ثمان راحت ود تصحي ديمة
ود : بنات ديمة مو موجودة
نجود : وشو أكيد بالحمام
ود : لا مو بالحمام دورت عليها داخله
وقاموا البنات يدوروا عليها بكل البيت ويوم ما لقوها دقوا عليها
ديمة بصوت نايم : آلو
غلا : ألو ديمة وينك
ديمة : ببيتنا
غلا طلعت عيونها على قدام : وشو . طيب والبنات
ديمة : شفيهم البنات
غلا: مين بيرجعهم
ديمة : والله انا ما قلت لهم إني برجعهم
غلا : أجل مين بيرجعهم ؟
ديمة : صرفوا نفسكم يلا باي ابي انام
وقفلت بوجه غلا
شهد : وينها
غلا : ببيتهم
البنات من الصدمة بغا يغمى عليهم
ود : طيب واحنا مين بيرجعنا
غلا : تقول صرفوا روحكم هي ما قالت إنها بترجعكم
رانية : قلت لكم احنا بنروح في داهية انا اصلا استغربت يوم تطوعت ديمة انها توصلنا لأنه مو عوايدها بس ما حبيت أعلق ذاك الوقت
رغد : ديمة حسابها معانا يوم السبت بس احين احنا شلون بنروح ؟
غلا : أكلم كمال ادعوا بس انه ماراح الجبيل
ودقت على كمال
كمال : آلو
غلا : هلا كمال
كمال : خير
غلا : وصلت للجبيل
كمال : لا انا ببيت واحد من الشباب ليه؟
غلا : ممكن تجي توصل البنات لبيوتهم لانو مافي احد يرجعهم
كمال : يوم مافي أحد يرجعهم ليش جو
غلا : بتذلنا يعني بتجي ولا لا
كمال : ام سوري ماراح أجي فيني النوم بحط راسي على المخده وبنام وانتو دبروا عمركم
غلا : الله يخليك عشان خاطري
كمال : مالك خاطر عندي
غلا : ووجعه طيب عشان خاطر رشا
كمال يفكر : امممم طيب بس بشرط بعد ما نوصل صديقات تروح رشا تفطر معانا
غلا تكلم البنات : يقول ما يوصلكم إلا إذا رضت رشا تفطر معاي انا وياه بعد ما نوصلكم
رشا : وشو دا بعده خيييييير
كمال : خلاص كيفكم يلا باي
غلا : اصبر
وقعدوا البنات يقنعوا في رشا لين وافقت غصب
وجاء كمال ووصل كل وحده لبيتها وراح مع غلا ورشا للمطعم طبعا هو لانه ما يخبي على غلا أي شي قعد يمدح ( مانبي نقول يغازل ) في رشا قدامها وهي ميتة ضحك ورشا شوي وتموت من العصبية و القهر والإحراج
وقعدت تحلف ما تطب بيت عمتها مرة ثانية
المهم مر اليوم بسلام وماله داعي أقول لكم ايش صار لديمة يوم السبت لأني أتوقع أنكم عرفتوا

وبس خلص الجزء



_____________



الجزء السادس
يوم الاحد
بالمدرسة ( الحصة الثالثة )
المادة : جيولوجيا
والبنات في قمة الملل
الاستاذة نبيهة تشرح : وكان أول من حفر الأرض هم المصريون حيث ان الناس بالعصر الحجري لم يعرفوا معنى كلمة حفر وبالتالي لم يحفروا وحتى إنسان الجليد لم يجد تراب يحفره فلذلك لم يحفر

غلا : أبلة شهالخرابيط وش دخل كلمة حفر في الفعل حتى لو ما عرف الكلمة راح يحفر
ديمة : صح وحتى إنسان الجليد ولو اني مدري من وين طلع بس لو تطالعين افلام كارتون يا أبلة بتشوفين انهم يحفرون الجليد عشان يصيدون سمك فالحفر ماله دخل بالتراب
أبلة نبيهة : تبون تعلموني بشي انا درسته ثلاثين سنة
قاطعتها رانية : أوه ياأبلة يعني عمرك حوالي 55
عطتها الأبلة نظرة بعدين كملت : على العموم قوموا انتوا يالثلاثي اطلعوا برة
رانية : شفيك يا ابلة ليه ما تتقبلي النقاش بروح مرحة مو انتوا تبون نسأل ونناقش
الأبلة: اطلعووووووا بره بكمل درسي
ديمة بكل برود : احلفي انتي بس لو على جثتك ما طلعنا بعدين تبين تكملين هذي الخرابيط اللي قاعدة تقوليها كمليها محد مربطك
الأبلة : غلا قومي انتي وصديقاتك الثنتين واطلعوا بره بكرامتكم ما دام النفس عليكم طيبة
غلا وهي قاعدة تشخبط قالت : ما بين المعلم والطالب كرامة
الأبلة هنا وصلت حدها قالت : يا بنات الكلاب ياللي ما تربيتوا اذا محد رباكم انا مستعدة اربيكم ( وغيره من السبات الخطيرة )
الفصل انصدموا
وقفت غلا : عيدي مرة ثانية عيدي
الأبلة : تعالي طقيني بعد والله بنات آخر زمن
ما كملت جملتها إلا ورانية عندها تعطيها ذاك الطف اللي يبرد الروح
انصدمت الأبلة وقالت : تمدي يدك علي
رانية : وامدها على اللي جابوك بعد فاهمة
الأبلة : صدق انكم مو متربين
ديمة : وتعيديها مرة ثانية شكل الكف ما كفاك
الأبلة : والله ما تكونوا بنات ابآكم لو مديتوا يدكم مرة ثانية
ديمة وغلا ورانية راحوا عند الابلة وطاحوا طق فيها ومايحتاج اقول إنو كل الشلة قاموا يفزعوا وطقوها طق وجابت نجود مقص وقصت شعر الأبلة
وشقوا ملابسها وشلحوها يعني ذلوها للآخر
يوم خلصوا طق غسلوا أياديهم وراحوا قعدوا بأماكنهم كنهم ماسووا شي
الأبلة سحبت روحها لحد ما وصلت لغرفة المديرة
المديرة بصدمة : نبيهة شفيك عسى ما شر
نبيهة : بنات ثاني ثانوي طقوني آآآآآآآآآآآآي وأغمي عليها
المديرة دقت على الأسعاف جوا اخذوا الأبلة اللي لقوا عندها كسور مضاعفة وكانت حامل بالشهر الاول وسقطت
المهم راحت المديرة فصل ثاني ثانوي
المديرة : مين اللي طق أبلة نبيهة
رانية : نحن
المديرة: بعد شين وقوات عين
رانية : شين بعينك
المديرة : قوموا قدامي على الإدارة
وراحوا البنات الإدارة مع المديرة وجلسوا بدون ما تسمح لهم
وكل وحده بوادي
المديرة : مين قال لكم اجلسوا
غلا : احنا قلنا حق روحنا
المديرة : بلا قلة ادب
ديمة : هيه انتي شتبين ترانا احنا اللي مقومين المدرسة بفلوسنا يعني كل الاغراض بفلوسنا حتى رواتبكم بفلوسنا فاختصري لاننا ملينا من القعدة هنا
المديرة : المهم عشان ما اكثر كلام معاكم بكره تجيبوا وليات أمركم
ود : وليه ؟
المديرة : بدون ليه ؟
ديمة : مب جايبينهم
نجود تطالع السقف : بنات ليه السقف لونه خايس
غلا : مدري عنهم ما عندهم ذوق اللي اختاروا الالوان
رانية : ايه والله
المديرة عصبت من تطنيشهم لها وطلعت ورقة تكتب: طيب هذا قرار فصلكم يعني ما راح تدخلون المدرسة إلا بوليات امركم
شهد سحبت الورقة من المديرة وشقتها قطع صغيرة ونثرتها على شعر المديرة
شهد : عشان اذكرك بالورد الذي نثروه عليك بيوم عرسك
رغد وهي قاعده تبرد أظافيرها وحاطة رجل على رجل : اقول انتي شكلك ناسية احنا بنات مين ترى لو بغينا بإصبع من يدنا ننسفك من التعليم فاهمة انتي ولا أعيد
المديرة خافت لأنها تدري انهم يسووها : طيب شتبون آمروا
نجود : شوفي اكتبي لنا قرار فصل 3 أيام ولو دروا اهلنا عنه يا ويلك
المديرة : طيب أوامر ثانية
ديمة : ايه جهزي ملفاتنا يوم السبت عشان بننقل مدرسة حكومية
المديرة : لا خليكم هنا ماراح يغلط عليكم احد ثاني
غلا : نوب عشان نشوف مين يعطيكم الفلوس اللي نعطيكم إياها يلا حنا رايحين تبين شي ثاني
وما خلوها ترد اصفطوها واطلعوا
وانتهى الدوام كأي دوام عادي
وصاروا في الصباح يخلوا السواق يوصلهم المدرسة و يركبوا سيارة وحده منهم ويروحوا بيتها بعد ما يرشوا السواق والخدامة مره راحوا بيت ديمة ومره بيت نجود ومره راحوا السوق يفطروا ودجوا لين وقت الإنصراف يرجعوا المدرسة كل وحده تركب سيارتها وتروح بيتها وخلص الإسبوع على كذا والخميس راحوا عند غلا

خلص الجزء
انتظرونا بيننا اتصال لووووووووول يالله سي يو

---

w]drhj ggHf] hg[.x 4 5 6