ياكثرهم لا قلت لك عرفة وجيـه =وياقلهم لا قلـت قـدر ومعـزه
رجلٍ تعزه بعـد ماتلتقـي فيـه=ورجلٍ قبل ماتلتقـي بـه تعـزه
ورجلٍ ترزه بالمجالـس مباديـه=ورجلٍ فلوسه بالمجالـس تـرزه
ورجلٍ يموت ولا يجيبون طاريه=ورجل ٍ يجي طاريه في كل حزه
ورجلٍ يهزه بعض موقف ويشقيه=ورجلٍ مهوب أيّات موقف يهزه
ورجلٍ ضعيف ويستفزه معاديـه=ورجلٍ كـلام اعـداه مايستفـزه
ورجلٍ تلزه يعترف لك بخافيـه=ورجلٍ على خافيه محـدٍ يلـزه
ورجلٍ يوزونه ويزعـل بنيخيـه=ورجلٍ يزعّل من يحاول ، يوزه
ورجلٍ تكزه لا زم انك توصيـه=ورجلٍ بليّا مـا توصيـه كـزه
من لا فرش للمرجلـه ماتغطيـه=ومن لايخز الناس محـدٍ يخـزه
ان كنت تعرفني فهي عرفة وجي=همو شرط لك بالقلب قدرومعـزه