~[ مواطن يقتحم بنك الراجحي / صور ]~

يعطيك العافيه دفنت قلبي

الله يعوضه في محفظته الإستثماريه وسيارته

ولله ما نلومه

حصلي موقف مع بنك الراجحي

عندي إيداع لحساب أخوي فخذيت رقم وأنتظرت ربع ساعه

حتى أن جاء رقمي أعطيت الصراف قسيمة الإيداع معها المبلغ 19.000 ريال نقداً

أخبرني بأن نظامهم الجديد يفيد بأن المبلغ إلي يودع عند الصراف أن لا يقل20.000 ريال

فتوقعت إن الدعوه فيها مزح قلت طيب الحل

يقولي حطهم بالظرف وسويلهم إيداع نقدي بجهاز الصراف الخارجي ..

طيب ما عندي حساب أو بطاقه في بنككم الموقر

يرد علي وهو واثق بسيطه شفلك أي شخص بيودع وأعطه

إلي سويته إني أعطيته على قد عقله وقلت هذا الي بيصير

وطلعت لصراف وسحبت من بطاقتي الفرنسي 1.000 ريال

ورجعت له قلت هاه بتودعهم الحين ولا راح رقمي <= ناويلك على نيه

أبتسم وقالي لا شدعوه وتم إيداع المبلغ بعد كذا

سئلته عن النظام البايخ وقالي تصدق بيني وبينك مرتاحين لا شغل ولا مشغله

ونا أقول ف قلبي متعبني على حساب راحتك

للمعلوميه


أول بنك يطبق نظام سجن السعودي إذا كان يطالبه لو 5.000ريال
أول بنك يمنع دخول السعودي لصالة الأسهم من يقل مبلغ محفظته عن 400.000ريال
أول بنك يطبق نظام الإيداع النقدي إذا قل عن 20.000ريال الله لا يهينك انطق برى الفرع

وأتوقع من بعد هبوط السوق السعودي ودخول صاحب السياره لفرع الراجحي

ألغيت الأنظمه

تحياتي
خالد سعود