انـــــا والشـــــعـر

ماعدت انا والشعر ربع(ن) ولا اصحاب=ماعدت ابيه ولا اظنه يبيني
للشعر باب وصك في وجهي الباب=وبان انكساري في ملامح سنيني
ياما فقدت احباب وخانوني احباب=اسكنتهم قلبي وعضو يميني
من ظلمهم مايحتمل شعري كتاب=وتغلبني الذكرى وانا اهجر حنيني
كانت عيوني ستر وضلوعي احجاب=قدمت قلبي في وسط راحتيني
كنت ارسل اشواقي لهم دايم اسراب=اسقيتهم دمي ومن ماى عيني
لهم حفرت صخور واطعمهم اعناب=اضحك لهم والحزن ساكن جبيني
وفجاه صحيت وشعر راسي انا شاب=من صدمه اللى رفعتهم يميني
ونسيت اشيل هموم والهم غلاب=والفرح وينه عن حياتي ويني
ومن يومها والقلب منه الشعر تاب=لاني نخيته بس ماحس فيني
كنت الطفل والشعر لى كومه العاب=كان الوحيد اللى يحس بونيني
ياليت شعري وقت ماحتاج له طاب=ليته فهم قصدي وريح انيني
وياليت فرق حره ضلوع واهداب=وليته مثل اول يجي يحتويني
لكنه اقفى دون عذر(ن) ولا اسباب=اقفى وقلبي من فراقه حزيني
حتى الشعر خان وهجر مثل الاصحاب=كنت اطلبه لاكنه عيا يجيني