الموضوع: (( مرثـــــــــــيــــــة العــــــــــراااوي ))

العــــــــــراااوي

[align=center]
سلام ياعرب

هذا هو ((الددسن)) اللذي اصبح في طي النسيان
يثبت لنا انه أوفى من الانسان
عندما تذكر صاحبه اللي تخلى عنه

ليبوح بذاكرته لتلك الطيور التي تشدو بالحانها العذبه كل صباح
فوق مخيلته .
على الله يجتمع مع خويه .





[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يادمعة هليتها تحت الاغصان=ابكي على فرقا عشيرن غدا لي

شهرين مرن وصاحبي مابعد بان=من يوم قفل مالقيته قبالي

ياشين حالي صرت وحدي وزهقان=تحت الشجر واقف وارثي لحالي

في الليل وحشه مايجيني ولا انسان=وعز الظهر يصلي على القلب صالي

يارفقة قضيتها طول الازمان=مع صاحبي يرخص علي كل غالي

ولامن ذكرت اللي مضى علي كان=يزيد فيني الهم ويحتاس بالي

مشوارنا نقطعه في حب واحسان=كم قد مشينا من دروب طوالي
وكم رقينا من طعوس وكثبان=في سرعتي من شافني قال رالي
وكم مره يوم المعاشيب تزدان=اجلس معه اِلين وقت الزوالي
والله من وادي نزلته وشعبان=ماهمني في الدرب طامي وعالي
عقب المحبه باعني بارخص اثمان=باع الرفاقه والامل والدلالي
أول يجي يمي شفوق وولهان=لي غاب عني مايدور بدالي
يطرب له من شاف موتره نيسان=ويمشي معه دايم كنه اظلالي
ياهل العقول المنصفه سايقي خان=كنت أحسب انه لي رفيق موالي
مايدري ان لي رفيق بيابان=يحرص على ممشاي أول وتالي
وان كان قلبه قاسي مابعد لان=فالله يصبرني على ماجرالي[/poem]


[/align]

---

(( lveJJJJJJJJJJJdJJJJJJm hguJJJJJJJJJJvhhh,d ))