الموضوع: كُـل عـام وكُـل ُأم بـِـخير وصحة ٌوسلام.

بـِـخير, ٌوسلام, سلم, عـام, نسخة, وكُـل, كُـل

بسم الله الرحمن الرحيم

السلام عليكم ورحمة الله وبركاته



كل سنة وكل أم بألف صحة وخير


إقترب موعد عيد الأم

والآن ممكن تكون محتار

لا تعرف ماالذى تشتريه لوالدتك

وتشعر إن الوقت فات من غير ما تعمل حسابك في مال يكفى لثمن هديتك

أو ممكن يكون معك المال الكافى ولكن مازلت محتار

لا تعرف ماالذى تشتريه؟

طبعا كل دي أفكار تدور في دماغك


صح؟


قررت إن ِ أهديــكـم بعض من نصائحــى اللي جمعت لك فيها مجموعة هايلة من الهدايا اللي ممكن إنك تجيبها " لست الكل "


المجموعة الاولي
لو معاك مبلغ بسيط
|
V

إنـظر
المجموعة الأولى من الهدايا اللي معاي اليوم هتلاقيها مناسبة ليك جدا خاصة لو كان معاك مبلغ بسيط ولا تعرف مالذى تحب أن تهديه لوالدتك

الهدايا

مج


ممكن إنك تجيب مج من أي محل من محلات الهدايا. وعلى فكرة الأيام دي فيه محلات بتنزل مجات مكتوب عليها عبارات تهنئة بمناسبة عيد الأم أو بيكون مكتوب على المج حرف من الحروف الأبجدية فممكن إنك تختاري المج اللي بيكون مكتوب عليه أول حرف من اسم والدتك



ألبوم صور


ممكن إنك تجيب لوالدتك ألبوم صور وتعمل لها مفاجأة إنك تجمع في الألبوم ده صور كل الناس اللي ماما بتحبهم أو تجمعي فيه كل صور والدتك أعتقد إن هدية زي دي هتكون مفاجأة حلوة قوي ليها.


إيشارب من صنع إيدك


وممكن كمان إنك تجيبي قماش سادة بنفس مقاس الإيشارب وتعملي فيه تطريز بالخرز . أعتقد دي هتكون مفاجأة جميلة جدا لمامتك خاصة إنها هتحس إنك عملتِ ليها حاجة مميزة جدا من صنع إيدك لوكنت ِ لا تعرفى تعملي تطريز ممكن إنك تجيبي إيشارب منقوش جاهز وخدي بالك إنك تختاري النقوش اللي والدتك بتحبها.



كارت معايدة بيعمل موسيقى



كارت يكون مكتوب عليه عبارة تهنئة بمناسبة عيد الأم أو يكون بيعمل موسيقى لأغنيات عيد الأم الجميلة ولا تنسي أن تكتبي عليه أي كلمة حلوة لماما بمناسبة عيد الأم وليكن حتى كلمة
"كل سنة وإنتِ طيبة يا ست الحبايب"



علبة مجوهرات


علبة مجوهرات وعلى فكرة فيه علب خشب وبيكون تمنها على حسب حجمها وفيه منها اللي بيعمل موسيقى فى حين فتحها.



محفظة جلد حلوة وبسيطة


محفظة جلد صغيرة تحمل فيها الأوراق الخاصة بها أول المال.
وعلى فكرة هذه المحفظة لا توجد أم تستغني عنها لأن حجمها الصغير بيساعدها على حملها في الشنطة.
أو ممكن إنها تستغني عن الشنطة وتمسك هذه المحفظة .
وعلي فكرة المحفظة دي فيه منها ألوان كتير قوي زي "الأسود والبني والهافان والنبيتي".


مجموعة شموع عطرية


هذه بسيطة جدآ أيضآ مجموعة من الشموع العطرية يفوح منها رائحة في منتهي الجمال ويا سلام وإنتم قاعدين بتحتفلوا بعيد الأم تطفي كل أنوار البيت وتشغلي الشموعستعطى منظر فى منتهى الروعة والرومانسية.

مبخرة


ده شكل جديد للمبخرة نازل مخصوص علشان عيد الأم.
وعلى فكرة الشكل ده يمكن استغلاله كقطعة ديكور للبيت يوضع على التليفزيون أو على ترابيزة الأنتريه ويبقى إنتِ كدهأحضرت لماما هديتين بتمن هدية واحدة.

أباجورة


أباجورة ممكن إنك تجيبيها لماما علشان لما تحب تقرأ كتاب أو أي شىء فى الليل على ضوء هادي.




فازة زجاج


ممكن إنك تهديها فازة صغيرة ويا سلام لو أحضرت معها مجموعة صغيرة من الورد سواء كان الورد هذا طبيعي أو ورد صناعي.



عباية للصلاة


ممكن إنك تجيبي ليها عباية للصلاة علشان كل ما تصلي تدعي ليك.

هذه كانت المجموعة الأولى من الهدايا البسيطة اللي ممكن إنك تجيبيها لماما في عيد الأم.



ولا تُحرج أحضرت لماما هدية بسيطة لأن قيمة الهدية ليست فى ثمنها نهائي.


لننظـر إلى المجموعة التانية اللي معاى اليوم وش فيها.



لو معاكِ مبلغ كبير إنتِ وإخواتك في هدية لست الحبايب.
هذه بعض الأفكار فلننظر


عباية للبيت


مهما كان والدتك عندها عبايات كثيرة فهذه ستكون بالنسبة لها أحسن وأجمل وافضل عباية عندها لأنها هدية من أغلى الناس وكمان هتلاقيها ما بتلبس إلا العباية هذه.



عباية للخروج


لو والدتك من الناس اللي بتلبس عبايات في الخروج ممكن إنك تجيب ليها عباية تلبسها وهي خارج المنزل أو ممكن تجيب ليها جيبة أو بلوزة


شنطة وحذاء


ممكن تكون ماما إشترت طاقم جديد لكن لم تشترى له الشنطة أو الحذاء المناسبين للطقم،طبعا هتكون فرصتك في إنك تشترى لها شىء تكون هي فى أشد الإجحتياج له ولو لم يكن معك ثمن الاتنين ممكن إنك تشترى شيئآ واحدآ منهم.
ساعة يد قيمة


ممكن إنك تشترى لها ساعة يد ذهب أو فضة أو أي قطعة إكسسوار وأكيد طبعا مافى أى إمرأة في الدنيا لا تحب الذهب أو الإكسسوارات.


طقم للمشروبات


أكيد وإنتِ بتساعدي ماما في البيت كسرتِ أشياء"ههههههه ههههههه" كتير صح؟
فما رئيك لو تعوضيها شيء من الخسائر اللي إنتِ عملتيها بحجة إنك بتساعديها وتجيبي ليها السنة دي طقم شاي أو طقم معالق أو أطباق أو طقم كاسات كريستال أو أي حاجة لزوم البيت
أو إنك تجيبي أي أجهزة كهربائية هتحسي إنها هتساعد ماما وهتريحهيا في شغل البيت زي مثلا "مضرب كهرباء أو قلاية كهربائية"



تليفزيون صغير


ممكن إنك تشتري ليها تليفزيون صغير لتضعه في المطبخ، لتشاهده وهي تحضرالأكل أو ممكن تحطه في غرفة النوم وتشاهده وهي على السرير خاصة في الشتاء وهى فى راحة تامة.




نجفة كريستال


لو كانت مامتك من الناس اللي بتحب إنها تغير ديكور البيت من فترة لأخرى فهذه ستكون مفاجأة هائلة جدآ لها.




شمعدان


الشمعدان ده هيفرّح مامتك جدآ خاصة لو كانت مامتك من النوع الرومانسيالذى لايحب الإضاءة بالأنوار.


ولكن.

ما رأيكم لو إستعملتم أيديكم لتهدوالماما مفاجأة أروع يوم عيدها"أعاده الله عليها بالخير والحب واليُمن والبركات" .














































لننظر معآ ما هي المفاجأة؟
|
|
|
|
|
|
|
|
|
|
V
















































































بعد ما عرفنا أفكار للهدايا اللي ممكن إنك تشتريها لأغلى إنسانة .


مارأيك لو إستخدمت يدك لتعد لها مفاجأة مع الهدية

والمفاجأة هي عبارة عن




تورتة من صنع إيدك

ويا سلام كمان لو كتبتِ على التورتة دي أي كلمة حلوة تكون طالعة من قلبك لماما في يوم عيد الأم.

نشوف مع بعض الطريقة

بصي يا ستي في الأول هتعملي كيكة إسفنجية عادية دي المقادير والطريقة بتاعتها:

المقادير:
• 5 بيضات.
• 2/1 1كوب سكر ناعم.
• 2/1 1كوب سمن.
• 3 كوب دقيق.
• 1 معلقة صغيرة فانيليا.
• 1 معلقة صغيرة بيكنج بودر.
• 2 كوب كاكاو.

الطريقة
هاتي البيض واكسريه في إناء عميق وضيفي إليه السكر والفانيليا واضربيهم مع بعض "بالمضرب الكربائهي" لمدة ربع ساعة أو لغاية ما تلاقي الخليط ده بقى عامل زي الكريمة.

بعد كده هاتي الدقيق والبيكنج بودر وضيفيهم لبعض ولو عايزة تعملي كيكة بالشيكولاتة ممكن إنك تضيفي إليهم "الكاكاو".

ضيفي الدقيق والبيكنج باودر بالتدريج إلى البيض والسكر وقلبيهم مع بعض كويس باستخدام معلقة خشب بس خدي بالك إن التقليب يكون بالراحة.

بعد كده هاتي صينية أو "قالب كيك" وادهني القاع والجوانب بشوية سمنة ورشي رشة صغيرة من الدقيق علشان الكيكة ماتلزقش منك في الصينية وبعد كده صبي خليط الكيكة فيها

شغلي الفرن لمدة 5 دقائق وبعد كده دخلي صينية الكيكة الفرن وخلي درجة الحرارة متوسطة وسيبيها لمدة 40 دقيقة أو لغاية ما تلاقي وشها أحمر

ولو عايزة تتأكدي من إن الكيكة استوت من جوه يبقى ممكن إنك تجيبي سكينة نضيفة وتحطيها في وسط الكيكة، لو خرجت السكينة نضيفة زي ما هي يبقى كده الكيكة استوت من جوه، لكن لو خرجت وفيها أي حاجة يبقى الكيكة ماستوتش

بعد ما تستوي الكيكة خرجيها من الفرن وسيبيها شوية لغاية ما تبرد علشان تقدري إنك تنقليها في صينية تانية مستديرة وخدي بالك وإنتِ بتنقليها إنك تحطيها على وشها بحيث تبقى الناحية اللي تحت فوق واللي فوق تحت.



طريقة تزيين وحشو تورتة الكريمة

المقادير:
• زيدة.
• لبن.
• مربى.
• علبة كمبوت أناناس.
• علبة بودرة كريم شانتيه.
• جوزة الهند مبشورة.
• تشكيلة مكسرات مفرومة "لوز وبندق وجوز وفستق"
• كريز.
• قمع لتزويق التورتة.

الطريقة:
طلعي الزبدة من التلاجة وسيبيها لمدة نصف ساعة علشان لما تيجي تستعمليها تلاقيها سايحة شوية.

هاتي طبق عميق وحطي فيه اللبن البارد وبعد كده ضيفي إليه علبة بودرة "الكريم شانتيه" واضربيهم مع بعض كويس بالمضرب الكهربائي، لمدة عشر دقائق وبعد كده حطي الكريم شانتيه في الفريزر.

هاتي الكيكة وقسميها باستخدام سكينة الحلويات إلى طبقتين، وخدي الطبقة الأولى وحطيها على صينية تانية ورشي عليها ماء الكمبوت

وعلى سطح النصف التاني من الكيكة هتفردي طبقة من الزبدة
وبعد كده طبقة مربى "أي نوع مربى عندك" بعد كده ضمي الجزأين على بعض.

هاتي الكريم شانتيه وغطي الكيكة كلها بيه باستخدام ضهر المعلقة. وهاتي القمع وحطي فيه كريم شانتيه وزوقي الأطراف، وعلى فكرة ممكن إنك تحطي على الجوانب جوز الهند والمكسرات المفرومة اللي عندك.

بعد كده هاتي أي نوع فاكهة عندك "فراولة أو تفاح" وقطعيهم إلى شرائح أو قطع الأناناس اللي موجودة عندك والكريز وزوقي سطح التورتة بالشكل اللي إنتِ بتحبيه، بعد كده حطيها في التلاجة لمدة نص ساعة وبالهنا والشفا.

طريقة تزيين وحشو تورتة الشيكولاتة



المقادير:
• 200 جرام شيكولاتة خام.
• نصف كيلو لبن حليب دسم.
• فنجان صغير مية سخنة.
• 2 معلقة فانيليا.
• تشكيلة مكسرات مفرومة "لوز وبندق وجوز وفستق"

الطريقة :

هاتي الكيكة وقسميها إلى نصفين، بعد كده هاتي حلة صغيرة وحطي فيها الشيكولاتة وحطي الحلة الصغيرة في حلة أكبر منها فيها مية مغلية وسيبيها على النار لمدة 5 دقائق أو لغاية ما تلاقي الشيكولاتة ساحت داخل الحلة بعد كده تضيفي إليها اللبن وسييبها على نار هادية لمدة خمس دقائق كمان مع التقليب المستمر.

بعد انتهاء الخمس دقائق شيليها من على النار وضيفي إليها فنجان المية السخنة والفانيليا، بعد كده زوقي التورتة من الداخل والخارج بالشيكولاتة وممكن إنك تضيفي إليها شوية مكسرات مفرومة، وبالهنا والشفا.

ويا رب تكون الأفكار اللي اتكلمت عنها في الموضوع مفيدة فعلا وهتساعدكم في اختيار هدية أعز الحبايب.


وكل عام وكل أم طيبة



وتحياتى لكم جميعآ / السلام عليكم ورحمة الله وبركاته

---

;EJg uJhl ,;EJg EHl fJAJodv ,wpm R,sghl>