الموضوع: سلسلة سوالف زماااان "الجزء الأول"

الجزء الأول, زماااان, سلسلة

أجمل وأطرف ماحكي عن سوالف زماان.

يقلكم ياجماعة الخير كان فيه ثلاث شباب سافروا من ديرتهم لديره ثانيه بقصد التجاره
وصلو لديره كلها دكاكين والناس اللي يسف وهذا يخرز وذاك يفتل حبال.كلن لاهي بشغله
دخلوا الشباب وصاروا يمشون بين الناس وماحد عارفهم إلين مالقيوا شياب ناداهم واحد فيهم حياكم ياعيالي اقلطوا
قالوا لا والله نبي نروح المجلس" السوق"
قال الشايب نفزع تامرون على شي نساعد.
قالوا الله يجزاك خير ماتقصر بس كنا نبي نسأل عن عبدالرحمن بن فلان تعرفه
قال إيه تشوفون الشياب اللي جالسي عند المسجدمو اللي على اليسار ولا اللي عقبه اللي عقبه
قالوا ذاك اللي مادن رجليه
قال إيه هو
راحوا له قالوا انت فلان بن فلان
قال إيه حياكم اقلطوا
قالوا لا الله يجزاك خير بس كنا نبيك بكلمة راس
قام الشايب مسك عصاته ويحاول ويحاول إلين ماقام
كان الشايب عمره حول الثمانيه وتسعين
قالوا ياعم حنا جيناك نبي نشتري من عندك قرع نبي نتاجر فيه
قال تبون واجد والا شوي
قالوا نبيه كله
قال دامكم تبونه كله لازم نروح يم المخزن اللي فيه القرع
وراحوا معاه والشايب كل شوي يوقف علشان يرتاح والمسافه كانت جدا طويله
والشباب طول ماهم ماشين بهالديره مايشوفون غير شياب أصغر واحد فيهم عمره حول الخمسه وسبعين بس الصحه تماام
المهم مشيوا مع الشايب ودخلهم من دهليز لدهليز اللي مظلم واللي به نور إلين ماوصلو بيت سقفه من السعف والقش
ناداهم الشايب وش فيكم اقلطوا قالوا نخاف يكون به حريم
قال اقلطو مابه أحد
يوم دخلوا قام الشايب ينادي يبه يبه
اتفاجئ الشباب قالوا أبوك إنت لك أبو
قال أجل أيش مقطوع من شجره
شوي جا شايب يزحف مافيه غير جلد على عظم
يصارخ يقول الله لايصلحك وين رحت وتاركني بلحالي بذا البيت
ونسي يهلي بالضيوف قام وتعذر منهم وسألهم وش طلبكم
قالوا سلامتك الله يجزاك خير نبي نشتري قرع من عندك
قال تعالوا معي وصار يقلب بالقرع برجليه وهالشايب أقوى مافيه رجليه
هذي مبيوعه وهذي طالبها فلان وهذي لكم
إلين ماأعطاهم طلبهم وهم مدهوشين كيف شايب بهالسن له أب بعده عايش وبهالصحه

ياشن في راسي له رنه
كنه يومي به دوار
ان قمت فلا بد الونه
والممشى كنه بي جار
اشبه لي هرش في عنه
وان شاف المرعى ماثار
وسنوني كبر طاحنه
واكلي نتش بالأظفار
ياويل مخل بالسنه
ووفي فرضه كنه نقار
الصدق خطام للجنه
والكذب خطام للنار

قصيدة الشاعر حميدان الشويعر

أتمنا تكون السالفه أعجبتكم

تحيااااااتي

---

sgsgm s,hgt .lhhhhk "hg[.x hgH,g"