V.I.P
| | | | | | | | | | | | | المستوى :  | | |
 | المنتدى :
•°•¤ لا للطفش¤•°•  (( فص فص نيابة عن معمر القذافي في قمه الرياض ))
نجدد بكم القاء بها الموضوع بعد غياب دام فتره من الزمن ونرحب بالاعضاء الجدد
والاعضاء الي مبطي ونقول لهم ......
ارررررررررررحبوو يالله ان تحييهم في محلهم ,, القهوووووه ياوووورع
صراحتن مبطي عن المواضيع بها القسم وطرى ع اليوم اعلمكم بسالفتن حصلت ع امس
,,,انا الصراحه مانويت اعلم احد بس اكيد الي قرا الجرايد اليوم شاف كل شي وبانت له الامور كلها ,,
امس الله مير يسلملي هالووجيه ويطولي هالخشووم ماكان للشيطان عندي طاري تغديت وقلت ابي
اكبرالمخده ,,
شووي ويدق علي مقرودن من مقاريد النسيم ,, قال تكفىىىىىى يافص فص انا لك ولا للذيب
ابو الحصين ,,؟ قلت لا والله خل ابو الحصين ينفعك , اخلص وش عندك ,,
قال انا تعطلت على طريق المعذر وابيك تجيني ,, قلت نعنبو دارك انت تدري ان اليوم القمه العربيه ومدير المرور يقول لااشوف واحدن يوطوط في شوارع الرياض وانت متعطلن بجمب قصر المؤتمرات الي فيه القمه ,, وانا خايف اني اجيك ثم يصادرون سيارتي ,,
قالي عاد وش اسوي تعال على ليموزين وجب معك العده , قلت امري لله خلاص جايك
المووهم وقفت ليموزين وبعد الاخذ والعطاء وحب الخشوووم والبخشيش وافق ابو هنود انه يوديني ,,
رحنا ويوم اقبلنا على طريق المعذر الا والله الدوريه يوم وقفتنا ,, قالت ووين يابوو هنود
وينك رايح انت ماتدري ان الرؤسا العرب يمرون من هنا وحنا مانعين التجول ,,
الموهم وهم يصادرون ليموزين الهندي قالو يالله الركاب على مرور الناصريه ويوم سمعت الناصريه
وتضرررب فيوزاتي عاد انا لي تجربه مريره سابقه مع الناصريه ,,
الموهم وانا انقز قلت مالها الا النحشه مادام اثباتاتي معي ,, وانا احط رجلي في ثنين وانا انحاش >
هذا اختصاصي ههع
وانا اجي في ذيك الزاويه وانا اجلس انتضر ليموزين ولاعسى الله يرزقني بـواحدن يجي يشيلني ,,
المهم طولت وانا انتضر والشوارع فااضيه ,,
شووي الا اشووف هذيك البي ام المظلله وانا انقز في وجهها يوم وقف ونزل القزاز الا هوو ( بشار الاسـد ) وووووووووولي على آمتي اثاري وقفت موكب الريس السوري ,,
قال شو مالك يابني ؟ وانا ادن الهاشميه واعييييييط قال يابني وش فيك وانا اعيييييييييييط >
قالي اركب ونوصلك وين ماتبي بس اسكت ,, وانا اركب مع فخامة الريس
وهو يقوم يسآلني وانا اجاوب شوي وانا اهل عليه القصيده الي تقول :
البوك فاضي والمزايين بالشام******* والعين ملت من وجيه الجماعه
وهو يقعد يضحك المهم اعجبه الوضع قال فص فص ابيك تروح معي القمه وتسولف علي الين
نوصل ,, قلت ابشرر بسعدك > ترا مهووب نصاب خخخ
الموهم سالفنا وصلنا مركز الملك عبد العزيز الدولي للمؤتمرات حيث انعقاد القمه ,
ونزل بشار الاسد ووفده وانا من ضمن الوفد > من قدي
المهم اعضا الوفد كل واحد له كرسي بآسمه وجلس فيه وانا قعدت واقف .,
قالي بشار دورلك كرسي واجلس فيه الين مانخلص ونوديك على دربنا , قلت اووكيشن
الموهم قعدت الف ادور لي كرسي , واكيد طبعآ مريت ابو متعب وحبيته على رااسه ياجعل بوش وبلير فدوتن له ,,
شووي وانا القى هذاك الكرسي فاااضي وانا اقعد فيه ,, وقدامه علم صغير مادري وشوو علمه ,,؟ عاد اخوكم في الله مايعرف الا علم السعوديه واليابان ,
وعلم امريكيا الله يلعن امهــا من كثر مانشوفه لعله الانتكاسه الي ماعاد يقوم بعدها
المووهم اثاري الكرسي الي انا قعدت فيه كرسي الريس الليبي معمر القذافي وانا اشووف المصوورين وجهو كميراتهم كلها لي يحسبوني من طرف الاشهب هذاك
شووي وينقزوون علي الصحفيين ,, ليش ماحضر الرئيس الليبي القمه ؟؟ قلت والله السياره امبنشر > اعذار المدرسه ايام سادسه جيم
انا الصراحه خشيت القمه وطلعت وانا مدرري وش السالفه يعني ماهتميت من الووضع الا بعد ماقريت اليووم في الصحف العربيه والعالميه وانتم عاد تعرفوووون الاعلام كيف يفخم الاموور ,, وشووفوو وش كتبوو عني بعدها تآكدت ان الشهره تجي من دون مقدماااااااااااات ,, وووووووووبسسسسسسسس
هذي صحيفة التايمـز البريطانيه شووفوو خشتي فيها ياعلها بالسيل ههههع
بس بيني وبينكم الشهرره مالها داااااااعي احسن لكم لاتشتهروون ههههع >> اووخص يالامير تشارلز
مير لا احدن يقوولي انت ليش خشيت بالسياسه ترا هذي مووب سياسه
كان معكم
فخامة الرئيس فصفص
|
آخر 10 مشاركات
مشاركة رقم :
1
في 01-Apr-2007 الساعة :
10:39 AM
تشفق لها نجد وجروحي لها تبرا
قسم بلله محششش..محششش وعلى مسئوليتي.. احجزو له غرفه بمستشفى الامل هذا.. خالص وزاحف ومعاد ينفع معها طب او علاج ولا حتي قرات القران .. اجل انت نيابة عن معمر الفذافي هههههههههه