الموضوع: إلى أبو عبد الله وكل الموجودين في منتدى مياسة

منتدى, عبد

إلى أبو عبد الله وكل من قرأ رسالتي مع التحية :
شكراً لك على كل حرف حملته قصيدتك الموجهه لي وشعورك الطيب دليل على معدنك الاصيل ولك مني بعض نظرتي لعالم المحبة وتجارب الحياة :
أ- للمحبة أثر في القلب لايختفي مهما طال الجفا أو كان قاسياً يقول الشاعر :

الحب خلد سيرتك داخل الروح = تبقى حـــــبيبي لو بقالي عــــــذابك
لو ان ماللحب غاية ومصلوح = مشكــلتي إني ماتحمـــل غيــــــابك
الصمت عذبني وعذبني البوح = حتى استوى عندي خطاك وصوابك

ب- إذا زاد الغلا تحول إلى هيام فكل شي يحدث فيه يكون مقبولاً حتى الجروح يقول الشاعر:

لو ماانت غالي ماتحمل غيابك = ولااشقيت روحي في رجاوي تلاقيك
أحب فيك الحب واعشق عتابك= واحب جـــــرحك والغياب وتغـــــليك

ج- أصعب شي إذا قاسيت المحبة لوحدك ومن تحب يجهل المحبة ولكن الأيام وقدرك هو الذي رماك دون اختيارك فلاتستطيع سوى التعبير عن مشاعرك تجاهه وتسلي نفسك بنفسك يقول الشاعر :

الليل بعدك ظلامه طال واشقاني = والفجر نوره تعذر يطلب وصالك
لو تدري الشوق بعدك وين وداني = ماكان والله يمر البعد في بالك
تبقى حبيبي ولو ترحل وتنساني = ياكثرهم في عيوني وأنت بلحالك

د-أما عن تجاربي في الحياة بشكل عام

1= حياة التجارب علمتني وانا حساس = وخلتني اعرف نظرة العين وش تعني
أنا لو بدت لي حاجةٍ عند بعض الناس = أريد الكلام وعزة النفس تمنعني


2= بعض السوالف تجي وتروح ماتبقى = وبعض السوالف صداها بالعمر باقي
ياصاحبي معي لا تتعب ولاتشـــــــقى = يتغير الوقت واخلاقي هي أخـــــلاقي
إن جيت أرحب وإذا ماجـيت لي تبقى = أنت أكثر انسان عزيته من أعماقي

3= الوقت غربة وآخر الدرب عنوان = والعمر رحلة والتجارب رحايل
وأنا كثر مالي مع الناس خــــــلان = اللي صفــــــولي بالشدايد قلايل
مرات ربك يرزقك خوة انســــان = واحد ويسوى في عيونك قبايل

4 = كل ساعة من حياتك رايحه = مايعوضــــــــــها لك المال ا لكثير
ليلةٍ تخــــــسر وليلة رابحة = والزمن لايخـــــدعك عمره قصير
وانت ياشايل همــوم فادحة = خل في صدرك سعة وابشـــر بخير

5= خلقت بالدنيا وأنا مامعي شي = وبروح منها مامعي شي منها
أحاول استأنس بها دامني حي = ولامت مدري جثتي من دفنـها



تحياتي للجميع / غريـــــ(الدار)ـــــب

---

Ygn Hf, uf] hggi ,;g hgl,[,]dk td lkj]n ldhsm