--( حــان الـــــوداع وجاك صوت المنادي )--

يابنت وش بك صايره ماتحنين = وحبك تردّى صاير اليوم عادي
من عقب ماكنتي تصول وتجولين=صرتي بليا أشواق لونك رمادي
متباعده بالوصل وأنتي تناسين =كنك معي تمشين بليا ودادي
راح الغلا اللي بالضماير تكنين= وراحت سوالف ودنا للبعادي
ودرب المجامل سالكه كان تدرين = وقلبك بروده زاد فيه أزيادي
والحين كني أطلبك باقي الدين = أصبحت أنا اللي أطلبك برتدادي
غايب عن عيونك كلام المحبين = وقولك جفافه مكتسيه السوادي
وصدك بدالي واضح ٍ بالعناوين = تلولح بهجرك في كلامك تمادي
خليت العشره وصرتي تملين= وأصبح صعيب الوصل والبعد بادي
يعني كذا من دون أية براهين = حان الوداع وجاك صوت المنادي
لترك المحبه وأفتراق العشيرين = يعني بوادي صرت وأنتي بوادي
هانت بعينك عشرتي كلها شين = وهانت محبتنا وهذا الوكادي
محد ٍ يدوم ألا ألآه الشياطين = الدايم بوجهه بموت العبادي
اللي خلق آدم بيده من الطين = يمه أكز إشكاي وعليه أعتمادي
وصلاة ربي عداد من قالو آمين = عى نبي الخير صلاتي تنادي