مشاركة رقم :
30
 في 17-May-2007 الساعة :
03:09 AM
|
| | كاتب الموضوع :
مفاهيم الخجل المنتدى :
•°•¤ خارج مقص الرقيب¤•°•
اقتباس:
المشاركة الأصلية كتبت بواسطة مفاهيم الخجل
 حنا السعوديين أكثر شعب في العالم يمتلك بترول . وحنا اللي تبرعنا لأغلب دول العالم . وحنا اللي إكتفينا من القمح وصدرناه للعالم . وحنا اللي أخذنا كأس أسيا ثلاث مرات . ووصلنا لكاس العالم ثلاث مرات . وحنا اللي هزمنا العراق في حرب الخليج .. وحنا اللي فجرنا مركز التجارة والبنتاجون .
حنا السعوديين أول من طلع الفضاء من العرب . وحنا أكثر شعب في المنطقة وحنا أكثر شعب عنده ستالايت . وحنا اللي نمتلك قناة mbc وقناة art ... وحنا أكثر من يتصل على القنوات الفضائية ونلعب مع المذيعات الحلوات ونمزح معاهم .
حنا اللي أرسلنا أكثر المجاهدين لأفغانستان والبوسنة والشيشان . وحنا اللي ماأحد يغار على الدين مثلنا ، رغم إن أغلبنا مايصلي كل الفروض . وحنا اللي مافي شعب يضايق الكفار مثلنا . والتكفير عندنا مثل شرب الماء وألذ من العسل .
حنا السعوديين مافي أطيب وأكرم مننا . حنا اللي نرمي نصف أكلنا في الزبالة من زود الكرم . وحنا من تفوق على غيرنا في كبر الكروش والكسل .
حنا من أكثر شعوب العالم إستهلاكا للدخان والشيشة . وحنا اللي عندنا مدينة جدة رابع أكبر مدينة تلوث في العالم . وحنا اللي قضينا على الحياة البرية في السعودية من كثرالصيد والقنص. ثم رحنا على مصر والسودان نقضي على الباقي .
حنا أكثر من يطارد بنات العالم في الخارج . وحنا أكثر ناس في العالم ننفق على السياحة . وحنا اللي تبكي وتتحسف علينا بانكوك وبتايا من بعدها عنا .
حنا أكثر شعب في العالم عنده عمالة أجنبية . وأكثر الأشياء اللي نستخدمها من صنع غيرنا . ومانرضى نشتغل في المطاعم والمطابخ والمخابز والمغاسل . لأننا نشوفها أقل من مستوانا .
حنا اللي نحافظ على تقاليدنا حتى لو كانت غلط . وحنا اللي مانشوف أحسن من قبايلنا .. ونشوف الأجانب أقل مننا . إلا من رحم ربي .
حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل .
حنا أول من إبتكر مطاردة البنات في الشوارع بالسيارات. وإذا شفنا بنت راكبة السيارة مع سواقها تجمعنا بسياراتنا حولها مثل الغنم . نبغا منها كلمة حتى لو تتفل في وجيهنا أو ترمينا بحجر.
حنا اللي عندنا أغلى المهور في العالم . ومانشوف ولا نعرف العروس إلا بعد الزفاف (شختك بختك) . وبسبب هذا ثلث الزيجات عندنا تنتهي بالطلاق ..!! .
رغم الحقيقة والألم ..
حنا السعوديين أحسن المسلمين والعرب ...
ملاحظة : كل المعلومات الواردة في المقال صحيحه وعلى حسب الإحصائيات ...
مقال نشر في جريدة عكاظ اعجبني كثير وحبيت انقله .... واشوف ان فيه من الصحه الشي الكثير ....
مع فائق احترامي وحبي لبلدي وابنائه ... | وعدت بالعوده فلبيت :
اقتباس: |
حنا اللي نشوف البنت مخلوق ناقص ومالها رأي . ماهي مسؤولة عن نفسها ، لكن مسؤولة عن أفعالها . ماتأكل في العزايم إلا من بقايا أكلنا . محجوزة عندنا في البيت مثل الغنم . ماتطلع إلا لزيارة الجارة أو للعمل . حتى زاد عليها الهم والغم . وحتى صارت في الوزن مثل الجمل . وبعد هذا نمنعها من ممارسة الرياضة لأن الرياضة بس للولد ..!!
| قد يكون حديثه صحيح حول نظرة المجتمع السعودي أو اغلبه للمرأه ناصقه ، ولكن كان مخطئاً في مسألة تضخيم بعض المسائل التي لا تستحق التضخيم كـ أكل المرأه بعد الرجال فلا ارى أن هذا أمر يضايق النساء ولا أرى أن فيه ظلم بل من حق للرجل أن يأكل قبل المرأه كما تواترت عن الأعراب والمسلمين سابقاً ، فلم يمعنوا أو نكروا ذلك الفعل " أن تأكل المرأه بعد الرجل " .
وكذلك مسألة خروج المرأه من منزلها لغير حاجة ماسه فهذا هو الدين .
فإن كان يبحث عن الرخص فلا أعتقد بأن هناك من يمنع الكاتب من خروج أمه أو أخته فليدعها تخرج ليل نهار أو مدى الدهر فلسنا حكومة وشعباً معارضين خروج أخت الكاتب الباكي ، ولكن لا يعني ذلك بأننا نقف تأييداً لخروج الفتاه من منزلها بغير حاجة ماسه .
أما مسألة الرياضه فإنني أجزم على وجود حل لهذه السمنه المفرطه للسناء إلا وهو :
1- الأستغناء عن الخادمات المنزليات بغير حاجة .
2- عدم الأفراط في الأكل والحلويات " والفصفص وتكيات النم والوشي " .
3- أخذ المحرم وأحتشام الملبس والسير على رصيف رسمي للمشاه كـ ممشى الملك عبدالله أو غيره .
ولن تحتاج بعد ذلك المرأه لحصة رياضيه رسميه ، هذا الكاتب باكياً شاكياً لاهياً .
اقتباس: |
حنا اللي الحرمة عندنا ماتكشف حجابها لنا وتكشفه للأجنبي . وحنا اللي نمنع الحرمة في المدينة من السواقه لأنها فتنة . حتى لو كانت قبيحة وغير مغرية . ونتركها تركب السيارة لوحدها مع السواق الأجنبي . رغم إن بنات البدو يسوقون السيارة في الصحراء من زمن . من دون خوف ولا وجل . ومن دون إعتراض الأهل
| والله اللي أخبره أن أمي ومحارمي ما يكشفون لأي غريب حتى لو كان قريب ؟
- فكيف يقول هالسافل "حنا اللي الحرمة عندنا ماتكشف حجابها لنا وتكشفه للأجنبي" بصيغة الجمع .
وكذلك الكاتب تحدث عن القياده داخل المدن وهي مسأله تحتاج موضوع مستقل لأنها مسأله غير محرمه دينياً ولكن لكثرة أضرارها داخل المدينه منعت ، فعند المقاسيه بالمناطق البريه نجد العلماء يبيحون القياده لعدم أظرارها .
صيغة الجمع في هذا المقال عامله دوشه للكاتب .
الكاتب باكياً على مشاكل أجتماعيه عده ،،بعضها حلها يعاكس حل الأخرى كـ القياده في المدينه تحتاج نزع الحجاب ويبكي على نزع الحجاب للأجنبي ويتمنى أن ينتزوع للكل ، أي أنه أنبطاحي درجة أولى .
المشاكل واجد في هالمقال وكل مشكله تحتاج موضوع مستقل ، أعتمد الكاتب أن ينتقي المشكلات الخلافيه كالحجاب والقياده وخروج المرأه وغيرها كي يتيه الناقد ولكن لا بأس لو أتت في مواضيع مستقله .
فاضي هالكاتب
أشكر الناقل للموضوع .
| | |
|
آخر 10 مشاركات
العرض العادي
