الموضوع: يالي ملكت القلووب

خالد

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياللـي ملكـت القلـب بالله بـه روف = إرفـق عليـه وخـاف يازيـن ربّـك
ماهو بحـق تولـع القلـب وتعـوف = وانته تعرف انه مـن الصغـر حبّـك
عسفتني يازيـن واصبحـت معسـوف = عـزالله انـي واقـعٍ فـي مطـبّـك
إن رحت عنك وجيت بالـودّ مكتـوف = والشاهد أني ازعل ان شخـص سبّـك
يمرني طيفـك وأفـز إلـه ملهـوف = كنـي ضريـرٍ قالـو ابشـر بطبّـك
ياللي عليك من الحر إسمات ووصوف = حـرٍ طليـق جنـاح ماهـو مشـبّـك
وعليك من شكل الظبي لأونس الحوف = سرعـه وخفـه والخطـر ماقـربّـك
وعليك من جود العرب والتقى إحروف = والطيب والاخـلاق ورثٍ مـن أبّـك
لو لا الحيا والعيب والثالـث الخـوف = لاعلن لكـل النـاس واجهـر بحبّـك
واصرخ وانادي كل حاسد واقل شوف = زنـدٍ قدحتـه تـال الايــام شـبّـك
وتعب تعبته ضـاع ماهـو بمخلـوف = واكبـر دليـل اللـي تمنـاه كـبّـك
لاتحسب الحب ثوب وشماغ منسـوف = ومهاتـراتٍ فـي هـواتـف تشـبّـك
وأرقام تلقط مـن بلوتـوث مكشـوف = بجهـاز بنـدى والا دمـعـه بعـبّـك
الحب صدق شعور واحساس معروف = إحسـاس صـادق بالمحبـه ينـبّـك
على النقا مايدخلـه عيـب وكسـوف = وش فايـدة حـبٍ وعيـبـه يهـبّـك
قال المثل والقـول واضـح ومألـوف = من لـبّ غيـرك قـدم عينـك يلبّـك
والخاتمـه يامالـك القلـب بـه روف = إرفـق عليـه وخـاف يازيـن ربك[/poem]

---

dhgd lg;j hgrg,,f