الموضوع: غلطانة اللي تعشق اليوم رجال

اللي, الدول, تعشق, رجاء, غلطانة

على قطعة ورق مرميه في خاطر منظام

عليها من التعب حارس تشكل بين هندامي

عزفت بسطرها الباكي عليها قديم أنغام

وزخرفته شعر غنى على معزوفة أحلامي

سريت ابها مع القمر على صهوة فرس الأقلام

أخاف الخطوة تسابق وادوسه تحت اقدامي

أنا والليل والغربه ترافقنا مدى الأعوام

تقسمنا العنا والتيه. تهت بزحمة أوهامي

خذتني رحلة الدنيا لدررب الشوك والآلام

ولاجيت انزعه ذا الشوك زاد بحيل آلامي

أناظر تاتي من الفرحه مع الأنسام

تبلل يابس اعروقي وتشفي جرح آلامي

تجاوزت الألم لحظه وطفت بقسوة الأيام

تحديت السهر لي شفت انه ناوي اعدامي

ورسمت البسمه بوجهي وقلت اعزف حلو الأنغام

طويت ولا معي حارس سوى الفرحه بهندامي

اليوم لك ثاني مع راحة البال

وأنا بعد همي له اليوم ثاني

اليوم تاركني أناظر بالأطلال

صورة رساله حلم جرح وأماني

ليلي قضيته بين هم وغربال

واقول في نفسي حبيبي نساني

غنيت انا عقبك من الضيق موال

يومك تسمع للطرب والأغاني

لي دمعة من فوق الأوجان تختال

يومك تلاعب مترفات المباني

وبي عبرة منها المخاليق تهتال

ياعبرتي لا تفضحيني عشاني

ياعبرتي خلي لك الصدر منزال

لا هوب بك داري ولا هوب عاني

مشغول له في ترفة حالها حال

ما هوب فاضي لعبرتي او جناني

في يوم واحد نسته كل الآمال

وش عاد لو يدري بشوق غشاني

عزاه كيف الود زال بثواني

سنه وشهرين طوال ياكيف تنزال

وتحط في قلبك احد مكاني

ماكنت اظنك تجحد الود لاطال

أثرك على طريق وتبيني اعاني

قد قالوا ان البعد والصد قتال

وانا اشهد انه علة بالمحاني

يومي اشوفك لابس بشت وعقال

والشارب الأسود وزول سباني

وعروستك من الحيا ترخي الشال

وترسل لها بسمه تزيد امتحاني

دمعي بلا علمي على وجنتي سال

اشتقتلك ليتك تحس بحناني

ليتك تشوف الحال يامتلف الحال

بس التقت لي شوق وش الله بلاني

نصيتها تضحك لها لاهي سال

واقول ياليته حبيبي نصاني

الله يادنيا التعاسه والأهوال

الله يستر وش يخبي زماني

غلطانه اللي تعشق اليوم رجال

مهما حلف بالود يبقى اناني

وقلب الرجل مابه من الحب مثقال

والبنت ترفه قلبها ما يداني

حاولت اعبر والقلم في يدي مال

من هول مابي انعقد بي لساني


اتمنى يعجبكم

تحياتي

---

yg'hkm hggd juar hgd,l v[hg