الموضوع: $$ فــــقــــــــد تــــــــــــــــك $$

[align=center]

وربـي فقدتـك وافتقـدت الليـالـي ___ اللـي اجمعتنـا دون قصـد وكلافـه

صدفه اجمعتنا وصرت في القلب غالي ___ ومديت لـك كـفٍ فضحـه ارتجافـه

ما كان قصدي ولا بعد هو في بالـي ___ أعشـق مثيلـك ذوق ويـا لطـافـه

حظي رماك بدربـي وصـرت فالـيي ___ احلى مـلاك القلـب حبـه وحافـه

ياحلى من السكر يابـو ثغـر حالـيي ___ اعذب عسل في الكون أهوى ارتشافه

قربك هنـاي وبعـدك أثـر بحالـي ___ أنا اشهد ان البعـد يـا شـوق آفـه

فجأه رحلت وصـار شوقـي ظلالـي ___ حتى لسانـي مـا نطـق باعترافـه

رحت وتركت القلب عقبـك تسالـي ___ كل من يزوره شاف زولـك وعافـه

عفت الحيـاه وربعـي وكـل مالـي ___ والفكر سارح في خلا عشـق طافـه

أقضي نهاري حامي الشـوق صالـي ___ واقضي الليالي يـا حياتـي حسافـه

والله فراقـك فـوق كـل احتمـالـي ___ أصبحت دونك ما أعـرف الصلافـه

وأصبحت أشوف الكون مظلم وبالـي ___ واصبح شعور الحب دونـك سخافـه

أنـا سقيتـك بالشعـر مـن ادلالـي ___ وبهرتها بالشوق والعشـق قافـه

وكتبـت فـي حبـك كـلامٍ خيـالـي ___ لا ما كتبـه انسـي ولا جـن شافـه

وسميتـك الغالـي وقـمـة منـالـي ___ وسميتـك القمـري بعالـي منـافـه

وارخصت لك عمري ومالي وحلالـي ___ وأسكنتـك بقلـبٍ منحـك التـرافـه

وحشتني وأنـت مـا تهـم وتبالـيي ___ ا هيه ! فيني صاحب الملك خافه

انته هوى نفسـي مـن أول وتالـي ___ وحبك بقلبـي ماطـرى لـي خلافـه

ما يكفي اللـي مـن فراقـك جرالـي ___ أرجوك يكفي مـا يبـي لـه إضافـه

ولهان بالحيل وانتـه البالـي خالـي ___ وضعي ووضعك ما تشـوف اختلافـه

شوقـي ذبحنـي وانتخيـت بخوالـي ___ لا يا خوالـي مـا قصـدت الضيافـه

أنـا فقـدت اللـي ليالـي طـوالـي ___ أنطر رجوعه قد ضميت اغترافـه

ماحدن قدر غيـر العلـي ذو الجـلالِي ___ جبر خفوقـي مـن عنـاه وهتافـه

أبطـى وقلبـي صـار همـه جبالـي ___ لا يـا خوالـي جيتكـم بـي نكافـه

أبعد وأنا ادري مـا لقربـه مجالـي ___ أشكي وأبكي وصاب جسمـي نحافـه

سلمت أمـري لخالقـي عـز والـي ___ وانـت بطريقـك عـل كلـه رهافـه

ويا شوق هوّن بس مالك ومالـي ___ يكفينـي دمـعٍ علّأنـي بانجـرافـه

ويا دمع عينـي كـل شـي للـزوالِي ___ إتـرك مجـال لضحكتـي والظرافـه

[/align]

---

$$ tJJJJrJJJJJJJJ] jJJJJJJJJJJJJJJJJ; $$