مشاركة رقم :
1
 في 31-May-2007 الساعة :
01:10 AM
|
مياسي مجتهد
| | | | | | | | | | | | | المستوى :  | | | | المنتدى :
•°•¤ لا للطفش¤•°•  اسواق بنده الجديده بحايل ..وياليل ما اطولك بين المطيري وتوم
هاي <<< اهب وش هايه انت وخشتك
سلام عليكم
كان ياماكان << اقوول ادخل في السالفه لاتخليني اصكك بوكس الصقك بسقف المقهى
ههههههههههههههههههههههه
المهم انا بقوول لكم سر << بدينا في حركات الورعان هههههههههههههه
شوفو هي سالفه على قولت المطيري (سوالف اخر الليل)
يعني موقف صار وحبيت انقله لكم << يمهد عشان اذا محد ضحك ما يتفشل
ههههههههههههههههههههههه
امس رحت انا والمطيري نتمشى في حايل تعرفون طفش وزهق الشقه الواحد لازم يطلع يشم هواااا << طيب خير طلعتم وش صار اخلص علينا
طبعا مثل منتم عارفين المطيري توه متوظف ومعه راتب لازم نحقق له جميع رغباته
قلت سم يابعد قلبي وين تبينا نرووح << لازم هالكلام تعرفوون انا مفلس مامعي الريال كل شي عليه
قال بصوت مدري وشلوون طالع مثل الثنين الصلعان اللي في طاش حقين الحاره
هههههههههههههههههههههههه
قال: وش رايك نرووح لبنده <<< طبعا بنده توهم فاتحينه بحايل << تعال شوف البدوو وشلوون عليه تقول جمعيه خيريه
ههههههههههههههههههههههه
المهم
قلت يالله ماعندي اي مشكله << هو من قيبي حاقه لا سمح الله هههههه<< اشك ان الولد ينحدر من اصول مصريه
ههههههههههههههههههههههههههه
عاد انا لابس ثوبن قالب لونه صاير رمادي شي زي كذا<< طبعا هو ثوب واحد للصناعيه والحدايق والبر
وهو ماشالله عليه موظف لابس ثووب نظيييييييف ومشخص بالشماغ << الكوبرا هع هع هع حركات الولد
اهم شي وصلنا عند الباب كان الباب يفتح تماتيك
بلشنا هو يقوول لي ادخل وانا اقوول والله لتدخل انت اول <<< المسأله ماهي احترام
قاعدين نشووف الباب يصك ويفتح من حاله << كل واحد منا خايف انه يصك عليه وينشب << بدوو الله لا يبلانا
هههههههههههههههههههههههههههههههههههه
المهم جا واحد من الهاي هاي اللي يعرفوون هالحركات ويدخل وحنا نجي حاطين رجوولنا وندخل وراه
هههههههههههههههههههههههههه
يوم دخلنا وسط السووق الا العالم والناس ماعاد ندري وين نرووح
قال المطيري تعال نرووح نجلس عند الكوفي اللي هناك
قلت يالله مشينا
جانا العامل قال طلباتكم يابشوات << مصري هو
وانا والمطيري نتلفت ورانا ندوور البشوات وين ههههههههههه <<< ما تعودو على الفخامه والاتيكيت
طوول عمرنا محد ينادينا الا يافلااان قم قامة عليك القيامه
المهم دبرنا وضعنا وطلبنا شاهي << عيال فقر وش عرفهم الكبتشينو والحركات والموكا
لا ونشووف الناس يشربوون الكبتشينووو نقوول الله يقطعهم ويقطع الخمر اللي يشربووونه ما شافتهم الهيئه والا يورونهم الشغل
ههههههههههههههههههههههههههههههههههههههههه
وبعد ذلك <<< امشششششششششششش تشووفون كلمة ذلك كيف طالعه تجنن سمالله عليها
هههههههههههههههههههههههه
المهم
قال المطيري خلنا نلف لف بالسوق قلت قم يالله مشينا
وجات وحده لابسه غير شكل
اللثمه اللي وش تقوول فيها والعيون الله يستر علينا بس يالعزابيه
ههههههههههههههههههه
وريحة العطر اللي تخلي الواحد يتمدد على بلاط السوق من الرومنسيه
هههههههههههههههههههههههه
اخذ المطيري كيس الرز اللي كان جنبنا قال : يابنت
التفتت البنت قال هذا بكم << يستخف دمه
هههههههههههههههههههههه
قالت قرب شوي بالله بقوول لك سعره
عاد المطيري انبسط وقاعد يأشر لي
انقلع انقلع شبكتها
هههههههههههههههههههه
ويوم حط راسه يبي يسمع وش تقوول له
مادرى غير الشنطه اللي نصها سلاسل جايته تمشي ميتين
ههههههههههههههههههههههه
ويتجمعووون الناس
والمطيري بيعيييييييييييييييييييييط
ويجي حراس الامن
والمطيييييري بيعييييييييييييييييييييط
ويجوون حقين الكاشير
والمطيري بيعييييييييييييييييييط
وتجي الشرطه والدفاع المدني والهلال الاحمر
والمطيري بيعييييييييييييييييييييييط
ههههههههههههههههههههههههه
طلعنا شوي برى السوووق
وهديت الولد شوي
قلت اركب السياره مشينا الله يقلعك انت وراتبك هههههههههههههههههه
قال خلنا نرووح نتعشا
قلت يالله مشينا<< عاد انا اقووول في نفسي ما تعشيت قبل شوي هههههههه اقصد ضرب
ههههههههههههههههههههه
قال خلنا نرووح ماكدونالدز
قلت يالله
المهم
وصلنا ودخلنا المطعم وجينا الكاشير نبي نطلب
قال المطيري : يامحمد ياصديق هيه << لابوك لابو اسلوبن تعرفه ياخي هد شوي توول داخلن حراج غنم
هههههههههههههههههههههههههههههههه
قال العامل :نعم تفضل اي خدمه
قال خويي: عطنا حبه على الشوايه وقول له يكثر الشطه اللي تجي في علبه بيضا
ههههههههههههههههههههههههه
الهندي يراعي له ماهو مصدق هالادمي من وين جاي
هههههههههههههههههههه
المطيري: اقووول وراك تنظر كذا لايكوون معجب الاخ << الحين وش اسوي به انا
ههههههههههههههههههههه
الهندي: صديق مافيه دجاج
المطيري : اقوول اعقب يالهندي والله لتسوي دجاج ورجلك فوق رقبتك ياللعين
ههههههههههههههههههههه
المهم سحبته بالقووووووه وطلعته من المطعم
قلت اركب ركبتك الجنووونه << متعلم هالدعووه من جدته
هههههههههههههه
ركب ورحنا لمطعم بخاري << هذا اللي ينفع والا
تعشينا لين ملينا بطوننا
جات المشكله الاكبر
الولد مامعه الا الميه الجديده
ويقووول والله ما اصرفها بوريها العيال فالديره
ههههههههههههههههههههههههههههه
وفي النهايه
دفعت انا الخمسه والعشرين اللي كانت معي
وحرمت اخذه معي لو برووح للبر << هالادمي متوقع يجيب لي مصيبه لو في الربع الخالي انا وياه بس
هههههههههههههههههههههه
بعد خمس سنوات
لا يزال المطيري محتفظ بالميه الجديده
وما اخذته معي ولا مشوار بعدها
ولازال المطيري يتصل على ماكدونالدز يطلب حبه على الشوايه
ههههههههههههههههههههه
واعذرووني على الاطاله الدعووه شوالف وخرابيط اخر الليل على قولته
ههههههههههههههههههه
| | |
|
آخر 10 مشاركات
