الموضوع: شبابنا والشات والعشق النصراوي

النصراوي, شبابنا

السلام عليكم و رحمة الله و بركاته ,,

هلا بالشباب ,, و يا هلا و مرحبا بالشابات تو ما نور الموضوع ,,
صحيح انه كان منور بوجودي ,,
و كان منور بلمبات صفراء ,,
تدرون وشي ؟ هذا بعد انعكاس بريق سنوني لا ضحكت !!<<----- انت و خشك قاعد تضحك و انت لحالك بالموضوع ؟ انتبه لا تصيح و انت بمسرحيه لعادل امام !!

<<------ بدينا مصاله !!

تصدقون شباب عفوا شابات اني الى الان منب داري اكتب عن وشو !!
كذا طنت براسي اكتب موضوع قلت يا رجال لا يردك الا الكيبورد ,,

[[ عاد انا علي طنات راس مدري وش تبي ,, و المشكله اكب العشاء بالاخير ,, تصدقون مره باليوم الوطني كل واحد يعبر عن الملك فهد بعد ما مات و انا اللي اتهور اشارك ,, جيتك متحمس و قلت فهد احببناك كثيرا عملت كثيرا لاجل البلاد و وقفت في وجه الاعداء انت اسدًا يضرب فيه المثل و انت رجل(ن) من قله الرجال المدرسين تحمسوا و بدوا يناظرون فيني و بعيونهم ملامح الاعجاب و اجيك انا اللي اصدق نفسي و اتحمس و اجيك و اخربها و اقول حفظك الله يا فهد حفظك الله يا فهد حفظك الله يا فهد ]]

و غير هذا من الطنات اللي تجيني ,, احب اكتب بالكيبورد و انا اناظر الجدار !!
تصدقون التايب يغار مني لا شافني مسوي هالحركه تدرون ليش ؟ يقول ليش تسرق حركه الباص عيون مني ؟

قلت اييييييه ,, انت تناظر حكم الرايه و تناول للقحطاني بالمقاس ,, و انا اناظر الجدار و اشيل شاشه اللاب توب بالغلط !! عاد انا ما امزح علي اظافر طول قريح اول ما تلمس الشاشه الرقيقه تحوله شرايح جبن !! و انا لي مع الاظافير قصه عشق ,, اتذكر يوم انا صغير كانت الماما تقصقص لي اظافيري هع

المهم كنت اقولها الظفر حق اصبع السبابه ايانا و اياتس تقصينه ,,
تقولي ليش !! اقول انا بكل عفويه // الحين اذا قصيته وش لون ابحفر بخشمي ؟ هذا زي الدركتر هو اللي يقوم بعمليات الحفر كلها !!

طبعا الوالده تقول وجع يا مال المضراب يالتسلب يالوصخ ,,
انا اقول وشهو هاللي تحت الكنب !!

##########

شباب وجع وراكم شايفينن نسيت نفسي و قعدت اقرق و لا نبهتون ؟ ترا لو ما ابوي صرخ و قال يانواف يا تسلب وشهو هاللي تحت الكنب كان ما انتبهت

بس الله يهديه ابوي عليه صرخه تخلي الواحد ينقز و يصقع راسه بالسقف و يرجع لمكانه !!
انا يوم سمعت الصرخه انفجعت قعدت ارتجف من الخوف صرت تقل دريشه المحادثه لا ارسلك واحد غثه اشاره تنبيه

ملاحظة //

[[ لحد يصدق هالحركات اللي اقولها لكم تراني تركتها لاخوي الصغير ,, خليفتي في الملاعب ]]

المهم الان ندخل بموضوعي الاصلي و هو بعنوان //

الشباب و البنات و الانترنت الى اين ؟!!

و اذا نسيت نفسي و قعدت اتكلم عن البطاله بالسعوديه نبهوني

#########

بسم الله الرحمن الرحيم و الصلاه و السلام على اشرف الانبياء و المرسلين , نبينا محمد عليه افضل الصلاه و اتم التسليم , من يهده الله فلا مضل له و من يضلل فلا هادي له , اخوتي بالله اتعرفون قصه نوح ؟ نعم !! اجل اقم الصلاه



<<----- يا مصلك لا تكون اكل(ن) فول قبل لا تكتب الموضوع !! لا و الفول محطوط عليه زيت بطاريات يعني انواع التسطيل و الهداره

خلاص اوعدكم ابدخل بالموضوع ,,

قمت الصبح ابروح للمدرسه ,,
نحرت الحمام <<---- وش دعوه تنحره خروف هو ؟

نحرت الحمام و ناظرت وجهي بالمرايه حسيت ان المرايه تبي تطيح بالارض من خشتي !!
الشعر انواع المخالفات ,, شعر رايح يمين و شعر رايح يسار و شعر طالع فوق و شعر نازل تحت و شعر عاكس الطريق و قاطع اشاره صراحه حسيت نفسي بيكهام !!

رتبت الكتب ,, و مشيت للمدرسه و انا كلي شوق له !!

انا اشهد اني مشتاق له ,,
اجل سياره السواق الخرده اللي لو تمشي بجمب سلحفاه كان رفعت معنويات السلحفاه لانه تبي تلقى احد ابطىء منه ,,
صرت احسه سياره مايكل شوماخر و هي رايحه المدرسه ,,
سبحان الله ما كأن امس خربان فيها الرديتر و المكينه و و و و يكفي كذب


المهممممم ,,

نزلنا الحصه الثانيه رياضه ,,
و قعدت اسولف انا و خويي عن الشات ,,

قلت له ياخي شبابنا مخفات ,,
اذا دخلت باسم بنت الشاشه تقلب نصراويه متعصبه تذكرن بعبد الرحمن بن سعود الله يرحمه !!

و تلقى الواحد يقول هاي
ممكن نتــعرف ؟ اذا ازعجتك اسف اسف اسف

و تلقاه انواع الزخرفه بكلامه يذكرني بجدار بوسط الحرم من كثر الزخرفه !!
لا و المشكله تحسه نظيف و منهدم و لو تناظر وجهه من ورا الشاشه كان تلقاه يقلب عيونه



حسبي الله على اللي علمك الرومانصيه يالعنز يالشين قال ايش قال رومانصيه
يا عمير طير انت لو تقول لعماره من ذهب يا حلوه كان صارت كلها جدران طين و ما فيها سقف و من النحس جاهم سيل !! <<

و المشكله البنات مستغلين الشباب ,,
اشحن سوا نطلع سوا ,,

و الرابح الاكبر منصور البلوي !!
هالدب تراه حق شركه سوا ,,

انت تشحنون لهالبنيات مدري هالتماسيح بنك نيم بنيه و هو يجيب فيجو و صامويل ايتو و ياخذ معهم فوتوغرافات ,,

السؤال الان ,,
لمتى هالاستخدام السيء لهالنعمه ؟!<<<لا ما شاء الله عليك ما تسويها

انا ابشوف رايكم بالموضوع ,,
و صراحه مالي خلق اكمل قضا بنزيني !! <<=== قايلك لا تعبي بنزين 91

السلام عليكم و رحمة الله و بركاته ,,

---

afhfkh ,hgahj ,hguar hgkwvh,d