الموضوع: خـــذنــي لـــــســــــمـــــاك

لـــــســــــمـــــاك, خـــذنــي

خذني لسماك




خذني لسماك وسيّر أحلامي نجوم وضمني
لين القمر مني يغار وفيك تختال الشموس


حتى إذا كان الخيال اللي احتريته ذمني
ما ذمتك نفسي ولو طبعك معلّمها العبوس


مرّيتني، كنك هبوبٍ مرّ جنبي وْشمني
حبّست لانفاسي إليما صرت مخنوق الهجوس


مريت والنسمة بقت، عطرك وربّي زمّني
صحّيت بسماتي ومابي غير ترحابٍ و"بوس"


خلك معاي وردّد أبياتي وغنّ ولمّني
لمّ الشتات، وبعثر اوراقي وشخبط لي الطروس


بس حبّني، لو فيك لاموني، أنا ما همّني
وان هم يلومونك عليّ اتذكر اني العيدروس


اسمي بَعَضْ مني، وغيره ألف مثله سمّني
وْسمّني الحرّ الأسير المنكسر حدّ اليبوس


بس ضمني، خذني لسماك، بوسط بحرك ارمني
(اللي تبيه سوّه) ولو حتى على قتل النفوس




الشاعر محمد الهاشمي

---

oJJJ`kJJd gJJJJJsJJJJJJlJJJJJh;