عندما نجد مانبحث عنه!!!

إبتسم ..
في وجودك كل هالدنيا ربيع
والزهر والورد بأنفاسك يضيع
والغيم رذاذه عطر..مدري ضحكاته مطر
والليل غارق بالقصيد
ويش الجديد؟!.. مابه جديد!!
أحلى من الورد العـبير
هَبْ النسيم ولُه مع الورد قصّه
بسأله!! وليا رفض أو جاه غصّه
بعيد أكرر وأسأله
ويش يعني الياسمين؟ وعطره الخالد على مَرْ السنين
والبنفسج ويش يعني للحزين؟
وويش تعنيْ لي أنا؟!
من عرفتك وانا أدوّر عليك
لو غدا دربك صعب..لو تزايد بي التعب
والله إنّي يابعد كلي لـ آجيك
لـ أمتطي صهوة شجوني وأعشقك حد الجنون
ياغناتي لا توديك الظنون
عاشقك قلبه أشفّْ من العيون
فالجنون اللي يوصلني لقلبك بــ أتبعه
لـ أتبعه لـ أتبعه... قمّة العقل الجنون!!

شفت ها...........؟
شفته ما اطوله
منقسم نصفين !!
وشفت ذاك اللي بوسطه يبتسم
ذاك أنا.. إيه أنا .. والله هذا موقعي
آخر نهايات الجنون...أوّل بدايات العقل..
ياورد مدري ياعبيره
عاشقك ويشهو مصيره؟
والا اقول..لاتزيد ولا تعيد
صرت انا والله أسيره
منين آجيك ؟ ومنين أشمّك؟
ياعبير كيف وكيف ألمّك؟
لا غدا ذا الورد وردك من يضمّك؟
غير غصن وقطرتين ٍ من ندى في خد ورده
مدري هي في وسط فمّك!
من زمان ... الورود تغار من بعض وتغلّى
هذي ورده قالت : أنا أحلى الورود
ردت الأخرى بغرابه.. إنتي حلوه بس أنا ياورده أحلى
وكل ورده صارت تقول بتحدي
إفهمي ياورود انا أحلى.. والله أحلاكم جميع
ورغم هذا فالورود بهمس واضح
كلها وبصوت واحد.. ويالله نردد معاها..
صدقونا ... أحلى من الورد العبير!!