~[ شايب يصارح زوجته أنه يبي .............؟! ((شعر )) ]~

الشايب
قلبي شبـاب ولـزوم انـي اعـرس ,,, مـا ابـي العجـوز الـي تتوسـد البـاب
الخير واجد وانا مانـي مفلـس ,,, عنـدي فلـوس تدعـم البنـك فـي الحسـاب
العجوز
ما باقي غير خشمك وهالضرس ,,, تبغي تعـرس وانـت وجهـك شبـه الغـراب
قابل صلاتـك الله يشفيـك مـن المـس ,,, او تـرى بطـب وجهـك بهالتـراب
الشايب
إنتي عجوز وأكلك الروب والخس ,,, امـا انـا مـا باكـل غيـر تكـه و كبـاب
ما فيني سكر غير ضغطي نازل بس ,,, دام الهوى فيني تـرى كـل شـي طـاب
العجوز
لا بارك الله فيك يا الشيبه يا النحس ,,, ما تنفع معاك الرمسـه ولا كـلام العتـاب
قصر لي صوتك ما ابي اسمع ولا حس ,,, عطني طلاقي وانقلـع واقبـض البـاب
الشايب
دومك نحيسه وذا لسانك يبي قـص ,,, ربـي تـرى حلـل لـي اربـع بالكتـاب
هذا خميس الاعمى جارنا كم وحده اعرس ,,, مرتاح في الدنيا بلا هـم واعصـاب
العجوز
بطران وراسك كالصخر يابس وعص ,,, مالـوم طبعـك يـوم ربعـك هالكـلاب
صاير زي الاريـل ودومـك اتحيـس ,,, استـح علـى وجهـك أصلـع ولعّـاب
الشايب
فكيني من وجهك ترى مالي أي نفس ,,, زهقان من شوفتـك وابغـي لـي أحبـاب
وهاذا طلاقك و طالقة بالاربع والخمس ,,, شيلي طلاقك من ضميري بـلا احسـاب
العجوز
مشكور يالشيبه ومن دون أي دس ,,, عنـدي حبيـب مـا ابتعـد لحظـه وغـاب
يشريك ويبيعك تراه ابثمن بخس ,,, ما تسوى ظفره وهـو حلـو اسمـر وجـذاب
الشايب
يالله قبل لا مـوت منـك واقتـص ,,, طلعتـي لـي قـرن وراسـي بعـد شـاب
يا شينه البرقع ترى قدرك اختس ,,, عجـوز ولـك فـي الدنيـا خـلان واحبـاب
العجوز
ترى مثلك وهـذا لـك فـي العمـر درس ,,, لانـي أميـز بيـن شيبـه وشبـاب
او نسيت اني على الموضـه ألبـس ,,, مـا علمـوك انـي بـلا شيلـه وحجـاب

يسلموووووو على الموضوع

والله فاضي يعني شايب مايقدر يمشي فاضي والله