~[ فخـــر الاجيــال .. فخـــر الامــارات .. فخـــر القصــيد .. ]~

على وصف الرجـال اللـي تسمّـى بالفعـال رجـال=لفـت بيـض العلـوم وبـيّـض الله وجــه راعيـهـا
لفـت مـا كنّهـا الاّ سبّـق الخيـل ان بــدت تخـتـال=نواصيـهـا النـعـوت وفــي مناكبـهـا.. قوافـيـهـا
قصـايـد والقصـايـد مــا نساومـهـا بـجـاه وْمـــال=نـعـبّ بحـورهـا وان هـــاج مزمـلـهـا نرسّـيـهـا
إذا امتـدّ الفـكـر وامـتـدّ ليـلـي والقصـيـد وطــال=توشّـحـت الـشـوارد ولبـسـت الاشـعـار غالـيـهـا
كذب مـن قـال ساعَفنـي عليهـا الجـن يـوم تقـال=أنـا الـبـس جنّـهـا واصــدر مـواردهـا واروّيـهـا
أنـا وْلا فخـر نجـل الشامـخ المتـمـرّس الريـبـال=علـى وصفـه تجارينـي القصـايـد قـبـل اجاريـهـا
على (محمد إبن راشـد إبـن مكتـوم) طـاب الفـال=وطابـت لــي قـبـل لا الــزم قوافيـهـا.. معانيـهـا
متى قالوا صواريها المعانـي.. مـا هنـاك اشكـال=حــرام انّــي لـمـدّ شراعـهـا لأكـبــر صـواريـهـا
على اكبر منبر ارميها ثنا وْعـز وْفخـر واجـلال=ما دام ان الثنا لأهله.. علـى اكبـر منبـر ارميهـا
لاجل قـرمٍ غـرس حلمـه لشعبـه واثمـرت الآمـال=حـقـايـق نـبـصـر اوّلـهــا.. ونتـبـاشـر بتالـيـهـا
حقايق واضحه من دون ابو راشد صعـب تنطـال=تبـاركـهـا الـقـلـوب وتـبـهـر الـنـاظـر مغانـيـهـا
مغانيهـا تـراود كــل عـطـرٍ مــا خـطـر ع الـبـال=واراضيـهـا يــراود كــل عـاشـق فــوع نـاديـهـا
أراضيهـا الخـزامـا والنـفـل والبخـتـري والـهـال=ومـا يخطـر علـى بـال العطـر يزخـر باراضيـهـا
ولي فيها محب أسرف علـى قلبـي وحـط وشـال=طلـب روحـي وروحـي منـه فيهـا اللـي يكفّيـهـا
مـن اوّل مـا عرفتـه والضلـوع تـجـرّ لــه مــوّال=ولا ادري نيّتـه بضـلـوع صــدري وش تواليـهـا
أنـا محـتـار مــا بيـنـه وبـيـن (دبــي) بالمثـقـال=يـا أمّـا (دبــي) لــه تـحـلا أو انّــه لــي محلّيـهـا
أو انّ (دبـي) تحـلا لان أبــو راشــد لـهـا خـيّـال=نـعـم والله وتسـبـق خيلـهـا مــن سـبـق واليـهـا
دبـي الـعِـز مــن طـيـب النسـايـم عـودهـا مـيّـال=تمسّـي صاحـب الـقـدر ونـحـن باسـمـه نمسّيـهـا
صدى داره بشرق وغرب وجنوب التقـى وشمـال=قبـض الاربــع جـهـات يلـيـن داره ذاع طاريـهـا
طغى عزمه على وعر الدروب وله غـدت مسيـال=تسـيـل الأرض لاقـدامـه وتفـخـر مــن مواطيـهـا
غريبـه كيـف جـادت بـه سنينـه والسنيـن بخـال=والاغرب كيـف تضمـا لـه وهـو بالجـود يسقيهـا
لو ان المجد سهـل ان كـان كـلٍ طـال منـه وْنـال=دروب المـجـد ودروب الـعــلا صـعـبـه مراقـيـهـا
طويل العمر ما جيت اعتزي في وصفـك الأمثـال=ولـكــن المـثـايـل تعـتـزيـنـي بــــك.. والـبّـيـهـا
يابوي ابشر ترى شبلك توارت عن مـداه اشبـال=وثـب فـوق الـدروب وسابقـت رجـلـه خطاويـهـا
ورث عزمك وحزمك والخصال تجرّ طيب خصال=مواثيـقـه عـلـى طــرق المـكـارم بـــك يجـدّيـهـا
إذا شـدّ الفخـر لاجلـك رحالـه قمـت اشــدّ رحــال=على نهجك.. عشان افرد رحاله وارجـع اطويهـا
واذا قالوا: من ادرى بالحصابـي والـوزون ثقـال=عرفت ان الـوزون ثقـال وانـت ادرى بْحصابيهـا
علـى الدنيـا جـدال الاّ انـت والله مـا عليـك جـدال=مـع ان إيــدك يـجـادل كــل وادي سـيـل واديـهـا
لو ان السحب تنشا من كفوف امست عليك ظلال=وخـرّت ساجـده لاهـل الثـرى مـن جـود منشيـهـا
مكارمـك المكـارم والعطايـا مــن بـحـرك جــزال=لو ان السفـن تجـري فـي يمينـك ضـاع شاطيهـا
يمينـك كـم لاحـت وابرقـت وابطـت وهـي تنهـال=ولا والله تــدري عــن يـســارك كـــم معاطـيـهـا
وكم رجـلٍ بصـدره حاجـه وجـاك وقبـل لا يسـال=عطيتـه.. كـنّـك ادرى بالـصـدور وْســرّ خافيـهـا
وكم حلمٍ سبقته.. كـان فـي عيـن الزمـان محـال=تقـول المقبـلات افـضـل علـيـك اســرار باريـهـا
يقولون اختصرت اجيال واقول انته فخر الاجيال=إذا الأجيـال بـك مـا تفتخـر.. مـن يفتـخـر فيـهـا

أختــي الغاليــة / مــزون ..




أشكــركـ علــى هــذا التشــريف ..




ويسعــدنــي أن تكــوني أول متصفحــاً لموضــوعي



تحيـــاتي



سهــ s-ho0o0om ــوم