الموضوع: ديوان كلمات الأغاني .

يامتــــعبني


يا متعبني وأنا ما حب غيرك غيرتك من غيرك تخرب عليك

يوم شرك في النوايا عمى خيرك في عيونك بايعك ومشتريك

أحكم بعقلك قبل يحكم ضميرك قلت أبيك وتسمع الكلمة ما أبيك

يا قساك ولينك غطى كثيرك دوم مشغلني وأنا ما رخصت فيك

أرفق بمنهو على شانك سهيرك والي يرحم يا عيوني والدينك

يا قرب لحظه على إني أستثيرك وازعلك وأرضيك وأبدا وانتهي بك

يجهلك غيري وأنا ساكن هجيرك يعني عطشانك وقلبي مرتويبك

يا متعبني وأنا ما حب غيرك لا تخرب علي تخرب عليك

يـــــــا هــــــــل الهـــــــــــوى


يا هل الهوى يا شين يوم الوداع يوم على العاشق تكثر همومه

لا صار ميت خطه الحب واعي تضيع في ليل تخفت نجومه

الحب ما هو با لمتى جري يباع مشاعر بين النفوس محكومه

مالي الزعل ومعاند النفس داعي محدن على كيفه يحقق حلومه

با لهون يا راعي العيون الوساع لا تجرح العاشق وعقب تلومه

خذ القمر من نور خدك شعاعيا ورده فيها طرا ونعومه

الحب يلدغ مثل لدغ الأفاعي لا منه هجم ما حدن يقاوم هجومه

راعي الهوى لو راح عمره ضياع قيس ملوح جاه في الحب يومه

يخـــلق الله


يخلق الله من الشبه قالوا أربعين إلا مثلك ما خلق ربي شبه

في حلاك أحلف وأنا صادق يمين كل من ناظر جمالك يعجبه


شي طبيعي في حياتك معجبين بس يا حظ إلي قلبك توهبه

الهوى في القلب ما هوى في اليدين ولا كلن حقق إلي يطلبه



أنا حبيتك قبل لا تعشقين كني كنت أعرفك ولا مشتبه

عيدنا ما هو يوم صافحنا اليدين والهوى جانا قبل لا نغصبه


جيت الهام القصايد والحنين لو هو قربك سم والله لشربه

قلت لو شبهك خلق ربي أربعين أعلن العالم حروب المطلبه

وش ملـــــحه


وش ملحه إلي ينثر الحسن من زوده

وش عاد خلى للمماليح من بعده

الله عليه أن فتح الورد بخدوده

الناعم الي خفت لا تجرحه ورده

الناعس إلي ريع الكحل في زوده

ودي يعلمني هوى البال وش وده

هو بسمه أيام العمر وأجمل وعوده

يفداه قلبي لو خذ القلب في يده

دامه معي موجود فالروح موجودة

والله مال الروح عن عالمه صده

راضي بتجريحه وعيبه ومنقودة

راضي بناره نور عيني دفى برده

أهم شي أنه معي كصديق عهوده

مدام أنا قلبي معه صادق وده

يا ملحه إلي ينثر الحسن من زوده

وش عاد بقى للمماليح من بعده

نـــــــفــرح



خلونا نفرح ونسهر الليلة وكل ليلة

نتفاءل أكثر وأكثر الدنيا حلوة جميلة

ويا محلى الفرحة والجمعة ويا محلى الحب إلي فينا

وعسى الله لا يفرقنا ويحلي كل ليالينا

ونتواصل لو تباعدنا ونتراضى لو تزاعلنا

ما في شي في الدنيا يسوى لولاكم يا حبايبنا

نعـــم نعـــم


وش هل الجمال إلي بدا زينك أبد ماله مدى

جمالك أجبرني أقول نعم نعم أنتي كذى

أبي أسألك وش هل الجنون وش هل الدلع يا ذا الحنون

بالله قلي من تكون يا ورد ويا عطر وشذى


الكل يشوف ينضرون بعيونك إلي يقتلون

إلا أنا قلبي معاك من يوم شفتك ما هدى

نحـــــــبك


نحبك وش عليك منا إذا ما ودك أنسانا

حنا لو دربنا منا مصيرك يوم تلقانا

تعيش سنين من عمرك ولا مثلي أحد عاشق

ما غير أحنا نقول أمرك أنا وإحساسي الصادق

تعال وجرب الدنيا تعال نرسى إلي نبينا

خلي الحب يجمعنا وينسينا أسامينا

وروح وغيب ومهما تغيب وجرب في الهوى تغريب

تلقاني على عهدي تلقاني يا أغلى حبيب

مـــن هوانـــي


من هواني هويته و من نساني نسيت *** الجفا بالتجافي والوصل بالوصال

من رخصني رخصته من فداني فديت *** أسمح حالي إني ألقى مثل حبك محل

وحدك بسوق قلبي فيه بعت وشريت *** محد زاد عنك في البداء والدلال

كل شي ما رضيته منك والله رضيت *** ذقت أنا المر منك يا حبيبي زلال

صعب تلقى بدالي عني لو رحت وجيت *** البدر ما يبدل طلته في الهلال

ما يفيد الأماني دوم كلمه يا ليت *** مثل من كان يبني غايته في الرمال

كاس حبك شربته ولا منه ارتويت *** كل ما غبت عنك قال حبك تعال

عزت النفس دايم غايتي من حييت *** عمري ما رخصت قلبي مهما في الحب مال

مقصــر في سؤالـك


مقصر في سؤالك وأنت غالي *** لو ما ني أحبك ما أبالي

عسر ما شر في غيباك علينا *** زعل ولامع النسيان سالي

توقعتك على بعدي تشوق *** مثل مشتاق لك قلبي وبالي

ظروفك الوقت مهما شاغلتنا *** ترى المفروض ما ننسى الوصالي

ترى بعض التغلي فيه قسوة *** على قلب بحبه لك مثالي

مقصر يا حبيبي يوم شفتك *** نسيت أن الفرح حلم الليالي

ترى قلوب الحبايب ما تغير *** ولو فيها الزعل أكثر وطالي

أنا ما يوم قصرت بسؤالك *** ولكنك مقصر في سؤالي