يستأهل آلي حب في الحب ماجاه = لا يشتكي نار البعد أو لهبها
من شاف جمرٍ في الدرب ليه يا طاه= ويصيح يوم القلب أصبح حطبها
يرجيك في الأول وتاليه ترجاه= يومه ملك روحك ونفسك سلبها
تسهر تناجي النجم والنوم يهناه= متنام عين آلي عشق لو غصبها
العقل سارح ينتظر وقت ملفاه= وهو مريح البال يومه حسبها
من حب ما ينسى ولو قال بنساه= قصة حزينة قلبه اللي كتبها
على الأمل عايش حياته معاناة= يمسح دموع أشواقه اللي سكبها
ماجاك منه خير وشهي هداياه= كل الهدايا أجروحها أو عتبها
ما تنفع الشكوى ولا زفرة ألاه= والدمع جَرّح مقلتك مع هدبها
اللي يبي فرقاك عجل بفرقاه= ما كل نخله طيبة في رطبها
اشطب على ماضي المحبة وذكراه= تعيش في راحة وتنسى نصبها
ما شفت للحظة هانيه آنت وياه= اترك سحابة صيف عدت دربها