[ ((( تحدي تعجيزي لجميع الشعراء بهذا الكون الفسيح )))] حرف الثــاء

ياخالق الامطار ومرسل لنا الغيـث=ومحيي صحارينا بنبـت الخزامـا
بوسط الحماد وبوسط خرمه وتثليث=جاها الربيـع وزارهـا بأحترامـا
وربّعبها الخلان وخيّم بهـا ليـث=وراعي الغنم مرتاح وعاش بسلاما
الله يديم الخير مـن دون تنكيـث=بربـوع ديرتنـا تعيـده دوامــا
لانك كريم ونترجـاك مـن حيـث=خيرك علينـا تـارك لـه علامـا
والطاعه فينا في ربايـه وتوريـث=حتى الطفل لباك وصلـى وصامـا
مانعاشر العاصي ولا خبيث وغثيث=على لسانـي ذكـر ربـي لزامـا
ونكتب قصيد وننظمه دون تحديث=مبداه باسمك وفي صلاتـي ختامـا
على نبي جاب صـدق الاحاديـث=دينه صحيح وفيـه عـز اليتامـا

لا نصوم الليل ونفطـر بالنهـار=لا ياعيونـي لا هـذي كـارثـه
الياس يلعبي على صالـي النـار=والناس مع همي علي متوارثـه
ماعاد ينفع فيه صبـر وأنتظـار=صارت حياتي ياعـرب متثالثـه
والقلب راح القلب يشكي بحتضار=بين الحياه والموت ضيمه حارثه
تحدني دنياك وتنخـى بختصـار=وتعـد أولهـا بثانـي وثالـثـه
يارب عدل حـظ مايـل بنكسـار=ولملم حياتي أًصبحـت متناعثـه
الوقت اصبح وقت اوصافه دمار=ومدري متى الاقدار تمشي غايثه
أضرار لا قينـا بيـوم الاختبـار=لا ماسلمنا وسط ذيـك الحادثـه
علومي غدتبي وأنحرفنا بالمسار=وأصبحت اجمع عزبة ٍ متناكثـه
وضيعت أنا الوجهه يمنا مع يسار=ويعينه اللي من قبر هـو باعثـه
وصلاة ربي عداد نجم ٍ في مسار=على نبي الديـن ماهـو وارثـه