الموضوع: كلام الاشواق والاشواك (قصة رومانسية)

الاشواق, رومانسية, قصة, كلام

هذي اول مشاركة لي وهاذي اول قصة لكم
اذا عجبتكم راح اكملها
اسيبكم مع القصة


لااااااااااااا مستحيل .الكل طالع على ندى وهي تصرخ .الأبلة:ندى خير ليه الصريخ؟
ندى:لا ولاشي ياابلة بس شوفت حشرة على مريولي
الأبلة كل هذا الصريخ علشان حشرة
ندى:اسفة يا ابلة
ندى بصوت منخفض تكلم صديقتها:قولي انك تمزحي معي بجد ماني مصدقة
سمية:هذا اللي صار
ندى:ومتى هذا الكلام
سمية :بابا صار له أسبوع قايلنا على الخبر
ندى وهي مصدومة:مابي أصدق لاا,ومتى رايحين؟
سمية:اخر الشهر,يعني نخلص إختبارات ونسافر
يقطع حديثهم صوت جرس الفسحة والكل خرج من الفصل بإستثناء ندى وسمية اللي جلسواا يتكلموا وندى مصدومة من الكلام اللي سمعته من سمية ,سمية صديقة الطفولة والمراهقة لندى وهذي اخر سنة لهم بالمتوسط مع بعض
ندى وهي تبكي :انا مو مصدقة انك راح تسيبيني وتنقلي من هنا أنا اش اسوي من بعدك
سمية تطيب خاطر صديقتها:ندى الله يخليك لا تبكي وتحسسيني بالذنب ابوي ترقى ونقلوه الرياض ومو معقول إن يسيبنا هنا ويروح لحاله لازم كلنا نروح معاه,وصدقيني انا مابي اسافر ولا حتىماما ولاسمر كمان بس لازم نروح يعني غصب عننا وبدات تبكي سمية وتقولها اهلنا وناسنا وصحباتنا وكل شي هنا بالمدينة وفرقانا لها صعب واصعب شي علي فرقاكي ياغالية ,أوعدك كل يوم اكلمك وكل يوم اشوفك على النت . وضمت صحبتها وقاموا يبكوا سوا.

*بيت أبو محمد*
الرياض
في الصباح محمد رجع من المسجد بعد ما صلى الفجر
محمد:صباح الخير يمه
محمد اكبر عيال ابو محمد وهو الولد الوحيد يشتغل في شركة ابوه وعمه وهو متخرج من قسم علوم ادارية وهو اللي يوصل أهله لكل مشاويرهم لانه مايحب السواقين وابوه يسافركثيير
ام محمد:صباح النور والسرور هلا بحمود
محمد:يمه لا تناديني بهالاسم ,خلاص تراني كبرت ومااحب احد يناديني بهالاسم
ام محمد:ماراح تكبر على امك ياولد
محمد:يمه واللي يسلمك .,اقول يمة البنات صلوا وجهزوا للمدرسة
ام محمد: ايه بس يفطرون الحين وبعدين وصلهم لمدارسهم
محمد: بس هالشيطونة سارة تعبتني كل يوم تبكي في السيارة ماتبي تدرس تقول تعبت من الدراسة اللي يسمعها يقول سنة ثالث ثانوي
ام محمد:الله يهديها كل يوم تصيح بالفجر وتقول تعبانة ما تبي تروح ,بس ما يخالف يا وليدي هذي اول سنة لها وتكون صعبة عليها شوي لانها ما تعودت تتركني من صباح الله إلى ظهره راح تتعود
نجلاء :خلصنا فطور يالله وديني المدرسة ابي اروح بدري اليوم اول حصة عندي رياضيات درس مهم وصعب
سارة:يالله مرة مستعجلة خلينا شوي جنب ميمتي
نجلاء :اقول بلا ثقالة دم يالكسلانة
محمد:خلاص يالله بنزل السيارة انتظركم لا تتاخروا علي اوكي
نجلاء:نازلة معاك سارة يالله قدامي اعرف سوالفك البايخة كل يوم تاخريني,, بسرعة قدامي
سارة:اوف منك كل يوم نروح بدري علشانك , مع السلامة يمة راح توحشيني
نجلاء:اللي يسمعك يقول الاخت مسافرة يالله عاد
ونزلوا السيارة ووصلهم محمد ورجع البيت حتى يوصل جواهر لجامعتها

جواهر: صباح الخير يمة صباح الخير حمود
محمد:لاتناديني حمود اصغر عيالك انا
ام محمد :خلاص لاتتهاوشون ,جهزتي يا بنيتي
جواهر:ايه جهزت واليوم بروح بدري شوي علشان المحاضرة مهمة بالنسبالي
ام محمد:الله يوفقك يابنتي

محمد يناظر اخته:حمد وشكر كل هالكشخة علشان رايحة الجامعة لا والله رايحة عرس
جواهر:انت ما يخصك فيني اكشخ ولا مااكشخ كيفي يالله ودني الجامعة نص ساعة وتبدا المحاضرة لا تاخرني

كانت جواهر حاطة مكياج صبحي هاديء بالنسبه لها شدوا زهري وايلاينر بني عليه برسمه مفتوحة وحاطة الماسكرا المكثفة للرموش وجلوس بلون الزهروبلاشر برونز
جواهر اكبر خوات محمد اهم شيء في حياتها الكشخة واللبس والشياكة تحب تظهر دايما بشكل جميل وجذاب تتابع الموضة وتقلدها تدرس في الجامعة قسم تصميم وازياء وهاذي ثاني سنة لها

جواهر:يالله مع السلامة يمه تامرين على شي يالغالية
ام محمد:ما يامر عليك عدو يابنيتي ,ماتبين تفطري
جواهر:لايمة عاملة ريجيم وش فيكي نسيتي
ام محمد:يابنيتي خلي عنك هالرجيم وهالخرابيط انتي كذا زينة وماعليكي قصور
جواهر:ابي اسير رشيقة جدا يمة
محمد:اقول تعبت من هالكلام اللي اسمعه كل يوم يالله مشينا لا تتاخري
في السيارة جواهر :لحظة لا تمشي
محمد:خير نسيتي العطر بالبيت
جواهر:بلا سخافة ,بس مها جايه معانا اليوم
محمد بدهشة:وين تجي
جواهر:اقصد ابيك توصلها على طريقنا يعني ماراح تعطلك
محمد:ليه ما قلتي من الصبح؟ووين اهلها؟
جواهر:بلا قلة ادب هذي اول مرة البنت تطلب مني طلب واردها , اخوها سيارته عطلت وابوها مسافر.وليه حظرتك عندك مواعيد!
محمد:لا بس يعني اعمل حسابي
جواهر:اقول خلاص البنت جات
مها فتحت باب السيارة ودخلت السلام عليكم
جواهر ومحمد:وعليكم السلام
جواهر :كيفك مها؟
مها بادب وصوت واطي:الحمد الله
جواهر:اخبارك واخبار الاهل
مها:بخير
حست جواهر إن مها مستحية وما تبي تتكلم بوجود محمد فاكتفت جواهر من الاسالة لها وسكتت
جواهر ومها جيران وصحبات بس مها تاخرت سنة يعني رسبت بسبب ظروف وتاخرت عن جواهروهي داخلة قسم لغة عربية

*عائلة بو نايف*
الرياض
بندر:يعني مها دبرت نفسها وراحت المدرسة انا كيف اروح اظن مافي حل الا اني اغيب
ام نايف:تبيها من ربنا وماتروح
بندر:طيب ويش اسوي يمه دبريني
ام نايف:روح برجلك المدرسة قريبه ما هي بعيدة
بندر:يمة حرام عليك تعب وما تعودت امشي ولا تبيني امشي هالمشوار كله
ام نايف:اللي يسمعك يقول مدرستك في العليا كلها شارعين وتوصل لمدرستك ,يالله بلا دلع لا تتاخر روح يالله
بندر:مافي امل في الغياب مع الوالدة اروح وامري على الله

نايف يحب راس امه :هلا يمة اشلونك اليوم؟
ام نايف :بخير جعلك بخير يارب .طمني اش طلع بالسيارة
نايف:لا ولاشي يمة بس عطل بسيط اليوم إن شاء الله اجيبها
بندر وهو طالع من البيت:عطل بسيط وراك متعبها بالمغازل والتفحيط
نايف يصرخ:بندرررررررر
بندر:طلع بسرعة وقفل الباب وراه
نايف موظف حكومي راتبه كله يصرفه على البيت والباقي على جواله وسيارته والمقاهي مع اخوياه وهو الكبير في البيت وهو يشتغل بشركة الاتصالات وعنده اشغال جانبية خاصة فيه


*عائلة بو ياسر*
المدينة
بو ياسر:اقول نوف ايش فيها ندى امس ماعجبتني !
نوف:لا يا بابا مافيها شي
بو ياسر:امس من يوم رجعت من المدرسة ماكانت طيبة وشكلها احد مزعلها
نوف:يا بابا ندى مكبرة الهرجة كل الموضوع صحبتها سمية راح تنقل الرياض وهي زعلانة من هذا الموضوع ومتنكدة
بو ياسر:سمية بنت هيثم
نوف:ايوة عرفتها صح ,اصلا في احد في بيتنا ما يعرف سمية صحبة ندى
بو ياسر:لازم تشوفي اختك وتخفف عنها ترى الفراق صعب
نوف:المفروض إنت أكثر واحد تفرح يا بابا
بو ياسر:افرح إن بنتي زعلانة ومتنكدة
نوف:لا مو قصدي كذا ,اقصد فاتورة التلفون والطلعات راح تخف عليكي
بو ياسر:لا والله ماحسبتيها يانوف الا قولي الفواتير راح تشتغل علي اول نفس المنطقة ودحين خارج المنطقة
نوف:والله تصدق فاتتني وضحكت ههههههه
بو ياسر:ههههههههههه
حنين وشوق: ياباسط ماشاء الله ضحكونا معاكم
نوف:وحدة وابوها يضحكوا انتوا ايش عليكم يا اغنية عامر منيب
شوق وحنين :ياسلام يعني نحنا بنات الجيران
بوياسر:ومين يقدر عليكم انتوا قلبي
حنين وشوق بصوت واحد :الحمدالله لسة معترفين فينا
بو ياسر: اقول فين ندى؟
حنين :في غرفتها لا اقصد في غرفتنا تقول تبغى تغيب اليوم
بو ياسربتعجب :تغيب
وراح غرفة ندى وطق الباب بس مافي رد طق ثاني مرة وقال:ممكن ادخل يا ندى انا ادري انك ما نمتي
ندى قامت من فراشها وفتحت الباب لابوها ودخل عندها الغرفة
بو ياسر:ويش فيها الحلوة زعلانة؟
ندى:مافي شي
بو ياسر:هذا كله علشان سمية بتسافر
ندى:أكيد نوف قالت لك هذي ما تخبي شي
بو ياسر:تخبي علي انا ابوكي
ندى:مو قصدي بس طفشانة ومقهورة منها كيف راح اقضي الوقت بدونها
بو ياسر:يعني هو بكيفها ظروفها اجبرتها ولا الفراق صعب ومااحد يبغاه
ندى:عارفة بس هي ما قالت لي الا امس
بو ياسر:خلاص يا بنتي اش تبغيها تسوي لك هي مجبرة ولازم تسمع كلام ابوها ولا غلط كلامي
ندى:لا مو غلط
بو ياسر:يالله قومي البسي علشان اوديكي المدرسة
ندى :اليوم لا ما ابغى اروح بكرة يسير خير
بو ياسر:اليوم وبس وترى غيابك ماراح يغير سفر سمية يالله بروح اوصل اخواتك لمدارسهم تبغي شي؟
ندى:لا شكرا يا بابا
وخرج من عندها وهي تفكر ليه غابت اليوم كان المفروض تروح علشان تشوف سمية وما تضيع وقت لانها اخر سنة لهم بالمتوسط

الساعة صارت 10 ونص وجرس الباب يدق ندى خافت مين راح يجي بهالوقت وهي لحالها بالبيت راحت تشوف مين عند الباب وتطالع بدهشة ميييييييييين.؟



&شقة الانس&
المدينة
يوسف اذا خلص من محاضراته جاء الشقة ويا ا اخوياه يجلسون يلعبون ويضيعون وقت يوسف:الساعة 11 اوف كنت راح انسى
عبدالله:ويش تنسى؟!؟
يوسف:الموعد ياحبيبي
وقام يوسف يفتح الكمبيوترويفتح الايميل اللي متعود عليه كل يوم غراميات ومواعيد
عبدالله:متى راح تعقل من هالخرابيط
يوسف:خرابيط الا هاذي احلى تسلية بالعالم كله ,هاذي هي دخلت شكلي تاخرت عليها
عبدالله بمسخرة:يالله مسكينة ما تستاهل تاخرت عليها
يوسف ناظره بنظرة
عبدالله:خلاص مالي خص فيك خليك مع الجو يا روميو
يوسف يكتب ويتكلم في الايميل وبنفس الوقت يرد على صاحبه:قال روميو والله ولا تحرك شعرة فيني بس احب استهزء واتسلى بس غير كذا لا تحلم مب انا اللي اوقع
عبدالله:قالوها قبلك كثيييير وياما تعلقوا بالبنات ووقعوا عدل
يوسف:ماجابتها امها اللي توقع يوسف مبارك يالحبيب
سلطان:اقول بلا جدال عميق تعال وساعدني في هالمسالة اللي مب راضية تنحل من الصبح وانا احاول فيها ومحاضرتي بعد شوي تبدا
يوسف:احلى ياللي مهتم
سلطان :ماراح ينفعني غير دراستي
يوسف:اقول ما تبي النت شوي
سلطان بمكر:ههههههه طبعا نبيه نقدر نستغنى عنه ولا عن الحبايب بس كل شي بوقته
عبدالله:والله انكم تافهين بجد
يوسف:احلى الاخ قام يتكلم مثل ابونا ولا علشان خلاص دخلنا القفص الذهبي
عبدالله:لاقفص ولا شي الا قول القصر الذهبي
يوسف:اوووف اووه كلام كبير يالحبيب
عبدالله:بكرة لما تجرب الحياة الزوجية المستقرة راح تعرف ويش اقصد
يوسف:من جدك تتكلم لا ابد مب انا اللي يورط نفسه ويبتلش ويه وحده تغثه وتحقق معه
عبدالله:اقول انا اروح بيتي اقابل مرتي ولا مقابل وجيهكم
يوسف:يالحبيب خلينا نشوفك لا تقطعنا وانا متاكد انك راح تتملل بكرة وراح ترجع وتقضي ليلك مع نهارك بهالشقة اللي مالنا غناة عنها
عبدالله:اول ممكن بس هالحين مااعتقد ابد سلام
سلطان:عبدالله تغير كثيير
يوسف:بكرة يعقل ويصدقني
سلطان:انت جد متحامل على البنات ليه
يوسف:لانه كلهم من طينة وحدة لا تقول هذي غير وهذي غير كلهم سوا
سلطان:سوا ولا موبايلي هههههههه
يوسف:هههههه بايخة يا بايخ





**الجزء الثاني**
الرياض

في الجامعة البنات يتكلموا:هذي كل يوم لبس ولااااا كل لبس احلى من اللي قبله خاطري اعرف من وين تقضي هالبنت
لبسها رووووعة,تصدقي انا مااجلس هنا كل يوم الا علشان اشوف هالبنت ولبسها لانه كل يوم موضة شكل
الثانية:بالعكس مرة متكلفة ماله داعي كل هالكشخة هي جاية تدرس ولا تستعرض
الاولى:غيرانة
الثانية:لا اغار ولاشي بس تكلف ماله داعي


*بيت بو ياسر*
المدينة
فتحت الباب ندى وقامت تسلم عليها وحشتيني يا لبوة وينك لا تسالي ولا تفكري تدقي حتى
سهى:مشاغل زي ما تعرفي
ندى:مشاغل ولا الحبيب اخذك مننا
سهى:بنت ندى ما اسمحلك
ندى:هي انتي انا مداني اقول شي عليه,بالمناسبة كيف جيتي هنا ومين قلك اني انا بالبيت
سهى: جابني السواق وياذكية بابا ما هنتي عليه تكلمي الجدار قالي روحي لاختك تراها في البيت بروحها
ندى:والله حركات سواق ودنيا يارب اوعدني
سهى:تحسديني عيني عينك
ندى:احسدك مالت عليك من زين اللي اخذتيه عاد ولد عمك لاراح ولاجاه
سهى:ايوة ولد عمي واحبه وهو زوجي وكل حياتي
ندى هي خليلنا شوي من هالحب
سهى:اقول ماطبختي الساعة 12 دحين وبابا يرجع 1 ونص
ندى:انا اطبخ.انا قوليلي تدلعي قوليلي كلي قوليلي نامي مو اطبخي
سهى:ياسلام ومين يطبخ لكم كل يوم ؟
ندى:ومن غيرها اختي الكبرى الله يخليها لنا (نوف)
سهى:وجامعتها!!
ندى:عادي ايام تجي بدري وتطبخ واذا تاخرت بابا يجيب من برى واليوم عندها عملي
سهى:وانتي تدلعي بدال ما تقومي وتقولي عندنا ضيفة لازم اقوم اطبخ لها
ندى تضحك:لا عادي انتي صحبة البيت ادخلي المطبخ اليوم واطبخيلنا على كيفك,يعني غيابك شهر من البيت ما يجردك من حقوقك فيه
سهى:والله هادا اللي كان ناقص انا عروسة ومايسير اطبخ
ندى:تبي تقنعيني انك ما طبخت إلى هادا اليوم
سهى بفرحة ودلع:طبعا لاا
ندى:تبي تقولي لي إن الحبيب ما يخليكي تطبخي!!
سهى:انا إلى الان عروسة واكلي يجي من عند حماتي او من المطعم
ندى:احلى احلى يعني للان ما قمتي بواجبات البيت ؟
سهى:ولا شي في خدامة من عند أهله تجي وتنظفلي البيت كل يوم
ندى:كمان لا بجد ماشاااااااء اللــــــــه تبارك الله عيني عليكي باردة
سهى:بس طبعا حبي لابوي ونوف هالمسكينة الطيبة راح اسويلكم غدى بس خفيف علشان ما ابي الريحة تمسك في ثيابي الجديدة
ندى:لا الله يخليكي اثرتي فيه مرررررررة ,والله لو تنطبق السما على الارض ماراح اطبخ والمطبخ قدامك يا عروسة
سهى دخلت المطبخ وقامت تسوي غدا خفيف على قولتها

المدينة
في السيارة سمية واختهاسمر يتكلموا
سمية:اش فيها ندى غابت اليوم اكيد زعلانة مني الله يهديهم ما لقيوا الا هالوقت علشان ينقلوا بابا من شغله لسه ما حضرنا افتتاح الحسن موول اصلا ما صدقنا فتحوا لنا موول حلو بالمدينة علشان نتسلى ونروح له انا وندى خسااارة
سمر:بلا غباء الرياض مليانة موولات تجنن الكل يتكلم عنها صحيح انا زعلانه اني راح انقل من المدينة بس في نفس الوقت فرحانة لان النقلة جات في وقتها
سمية:ايش قصدك في وقتها؟
سمر:علشان اخلص هالسنة الثانوي واقدم في جامعة الرياض يقولوا فيها اقسام حلوة مو زي هنا
سمية:بدانا مقارنات نحنا لسه ما سافرنا وانتي قلبتي هالقلبة بكرة اش حتسوي
سمر:الله يجيبوا على خير
سمية:من هو؟
سمر:بكرة طبعا ههههههه
سمية:هه هه راح يكون طفش


في سيارة بو ياسر
المدينة
بو ياسر: انتوا متى راح تعقلوا
حنين وشوق:لما تحج البقرة على قرونها هههه
نوف:اوف انا ماني مصدقة إن هدولا اخواتي تخيل يا بابا جننوني اليوم بالمدرسة انا وزميلاتي كلنا نشتكي منهم
بو ياسر:اش سوا؟
نوف:قاموا يضحكوا على صحبتي ابلة امل هذي تدخل الفصل وهاذي تخرج ويعملوا انهم شخص واحد
بو ياسر:ليه صحبتك ما تدري انهم توام؟
نوف:لا ما حصلها القرف,اصلا انا ما قلت لاحد إن هادول اخواتي علشان لا يكسفوني
حنين وشوق:اصلا كلكم طالبات الكلية تضحكوا
نوف:ليه اراجووزات
حنين :ههه حلوة
شوق:بس بصراحة يابابا نوف شخصيتها شي بالمدرسة كل صحباتنا يتكلموا عليها
نوف بابتسامة:ايش قالوا؟
حنين:قالوا هادي البنت فلة تحسي انها قوية ومجتهدة ودلوعة وحماااااااااااس
نوف:تقولي صفة وعكسها كيف تجي!!!؟
شوق:بصراحة البنات احتاروا في شخصيتك وكان نفسنا نقول انك اختنا
نوف:ترى امزح انا مفتخرة فيكم وقلت لصحباتي انكم اخواتي الصغار
حنين وشوق:اييييييييه صغار,نحنا دحين سنة ثانية ثانوي وتقولي صغاااااااار
بوياسر:طبعا صغار وحركاتكم تدل على كدة
حنين لشوق وبصوت واطي :بصراحة قوية في حقنا قال صغار والله لو اوريهم البزرنة كلها
دخلوا البيت وهمو يضحكوا ويتكلموا وحنين وشوق على المطبخ عدل جوعانين ومالقى الا.

*الشقة*
المدينة
يوسف:يالله حبيبتي صار لازم اقفل النت اكلمك بوقت ثاني
لينا:بكير كتييير لسة ما حلك تزهق مني ولو
يوسف:لا بجد انا لازم اروح البيت تلاقي الاهل احتروني الحين
لينا:يحتروك يعني شو!
يوسف يضحك :هذي ما تعرف حتى كلامي والله حتى لو سبيتها مب دارية
ويكمل معاها:انتي الله يهداك لو تعطيني رقمك افضل اكلمك عليه واعلمك كل كلمة ومعناها بعد
لينا:انا عادي عندي ممكن اعطيك رقمي بس بخاف توزعه او.قاطعها يوسف:وتهقين اني اسوي هالسوات
لينا:وشو اللي بمنعك الكل عم بتسلى ونحن كمان بنتسلى
لينا:ماراح اتكلم اكثر ماكان بدك تطلع وتتركني يالله باي يوسف:لحظة طلعت والله عجيب انا بنية تخليني على الخط وتطلع طيب يا لينا اذا ما خليتك تترجيني تتحايلين علي علشان تعطيني رقمك مااكون انا يوسف ولد مبارك





***الجزءالثالث***
المدينة
انتي هنا من متى على صوت واحد كالعادة :التوام المشاكس
سهى:اهلين كيفكم وحشتوني
قاموا يسلموا على اختهم وبالاحضان طبعا والكلام والاصوات اللي علة نوف في غرفتها نزلت العباية وقامت تغير ملابسها الا وتقول في نفسها:اش هادي الاصوات كلها
دخلت المطبخة وتشوف اختها سهى:لا مو معقول البيت منور اليوم اقول وخروا عن طريقي
شوق وحنين:نحنا سبقناكي
سهى:لا اكون لعبة عندكم وانا ماادري
نوف:اقول روحوا غيروا ملابسكم الخامة وتوضوا وصلوا يالله انقلعوا
وطلعوا غرفتهم بعد ماانتبهوا إن كلام اختهم صحيح المراييييييل ما يحتاج اوصف الحال
نوف:وحشتيني ياالبايخة ,مقاطعتنا
سهى:حرام عليك والله اشتقت لكم كلكم
نوف:اها مين شاف احبابه نسي اصحابه
سهى:بسك عتاب
بوياسر:وين ندى عنك؟
سهى:ندى على الكمبيوتر عندها شغلة غيره
بوياسر:شوفي البنت خلتك تطبخي لنا وهي جالسة على الجهاز والله انها ما تستحي
سهى:وانا غريبة يابابا ولا خلاص البيت مو بيتي
بو ياسر:لا والله يابنتي بس عيبة في حقنا انتي لسة عروسة
سهى:خلاص يابابا اللي يسمعك يقول طبختلكم ايش
نوف:صحيح اش طبختي
سهى تضحك:سويت لكم معكرونة هههههه سلقتها بس
بو ياسربتريقة:ياشيخة ليه تعبتي نفسك كل هالتعب!!
نوف: بابا بدال ما تقولها ماقصرتي يعطيكي العافية
سهى:الحق علي انا كان خليتكم تجيبوا غدا من برى
بوياسر:امزح معاكي.خلاص يا ستي يعطيكي العافية كذا احسن
سهى:كان من البداية هههههه
والكل قام يضحك

في بيت ابو محمد*
الرياض
الكل يتغدى محمد وميمته وسارةونجلاء
ام محمد تنادي:جواااااااااااااااهر يابنيتي تعالي تغدي معانا
جواهر توها ردت من الجامعة وكالعادة تكلم مها بالتليفون
جواهر:إن شاء الله ,اقول مها امي تناديني الحين اكلمك بعدين باي
جواهر:نعم يمة في شي؟
ام محمد:الغدا يابنيتي
جواهر:لا يمة اليوم انا غدايا خضار مسلوقة
ام محمد:الحين تخلي هالخيروالنعمة وتتغدي باكل المستشفيات
محمد:خليها يمة توفر
سارة:اصلا جواهرخايفة الفستان ما يجي عليها حق العرس الجاي
محمد:عرس منو؟
جواهر:طول عمرك ملقوفة .انتي من علمك على العرس
سارة تضحك بخبث:سمعتك تكلمين مها بالتليفون عنه
جواهر:اه ياقليلة الادب تتصنتين علي والله لاراويك يا سوير
سارة:يمة اسمعي جواهر وش تقول
محمد:هيييييييي انتي وهي أي عرس هذا؟
ام محمد :عرس صديقتهم بنت ال.
محمد:تكفين تعرفين هالعائلة يا جواهر؟
جواهر:طبعا واعرف اكثر بعد
محمد:والله انك مب هينة
جواهر:ترى عاملين عرسهم بالقاعة اللي بالفيصلية
محمد:ماشاء الله .متى عرسهم؟
ام محمد:الاسبوع الجاي
نجلاء:يمة خاطري اشوف القاعة صديقاتي دوم يتكلموا عنها
جواهر:شوفيها باحلامك .صديقتي ارسلت بطاقتين دخول بس يعني بالمختصر المفيد انا وامي وبس
نجلاء:يمممممممممه
ام محمد:إن شاء الله مرة ثانية يابنيتي
نجلاء:اصلا مافي مرة جاية ,مافي احد عزمنا في هالقاعة من قبل
محمد:خلااااااااااص صجيتونا نبي نتغدى زين


عائلة بو نايف
بندر:اموت وعرف انتي وجواهر ما تملون من السوالف؟في الجامعة وبالتلفون ودوم مطيحة عندهم وهي مطيحة عندنا
مها:وانت ويش خصك يا ملقوف!!
نايف:سواليف مالها معنى وحكي فاضي
مها:يمة ناظري عيالك اتفقوا علي
الوالدة:ويش عليكم منهم هذولا مثل الخوات وأكثر الله لا يحرمهم من بعض
مها:هذا الكلام الزين.يمة اسمحيلي اليوم المغرب بروح عند جواهر تبيني اشوف فستانها الجديد حق العرس
بندر:انتي ما يحتاج تستاذني,فتحي الباب وروحي عند جواهر
مها:انا استاذن من الوالدة مب منك
الوالدة:خلاص روحي يابنيتي
مهاحبت راس امها: تسلمين ياالغالية. انا الحين برتاح يمة وبنام لااحد يزعجني,وصحيني على اذان العصر يمة
الوالدة:إن شاء الله
نايف:أي اوامر ثانية
مها:ايه ابيك تاخذنا ع السوق بكرة علشان الفستان
نايف:ماصدقت _طلبات علطول
مها:طبعا الفرصة ما تتعوض
وراحت مها غرفتها ونامت

بيت بو ياسر
المدينة
بعد مااتغدوا شوق وحنين دخلوا يريحوا وياخذولهم قيلولة والاخت ندى عالكمبيوتر من موقع لموقع ونوف وسهى يتكلموا مع بعض وابوهم وياهم
سهى:بابا ممكن طلب
بوياسر:بس طلب الاقولي طلباااااااااات!
سهى:ماتقصر يعطيك العافية ,بس ابغى اخذ نوف معايا اليوم
بوياسر:فين؟
سهى:بيتنا طبعا نوف وحشتني ووحشني هرجها وابغاها في شوي شغلات كمان
بو ياسر:زي ما تبغي اختك وانت حرة
نوف:يعني اروح يا بابا
بوياسر:انتي بالذات من بناتي ما يحتاج تستاذني
نوف:الله يخليك ليه يا بابا
بوياسر:يالله انا بدخل انام لاتنسي نوف صحيني العصر بدري طيب
نوف:إن شاء الله
كان البيت هاديء الكل نايم ما عدا سهى ونوف وفجأة رن التليفون
سهى:خير إن شاء الله مين يدق هادالوقت
نوف:لاعادي تلاقيها سمية من يوم قرروا يسافروا ووقت دقها اتغير
نوف:الو,وعليكم السلام والرحمة, الحمدالله بخير كيفك انتي وكيف اهلك كلهم.الحمدالله .طيب لحظة اناديها بس الله يعينك عليها تراها زعلاااااااانة منك ههه.طيب شوي
نوف راحت لندى غرفة المكتب اللي فيها الكمبيوتر
نوف:ندى كلمي تلفون
ندى بثقل وهي عارفة انها سمية:ميـــــــــن؟
نوف:صحبتك سمية
ندى:قوليلها نايمة
نوف:انا مااكذب قومي كلميها البنت عالخط
ندى:يـوه صرفيها
نوف:طيب يا ندى انا راح اتصرف
نوف:الو سمية ترى ندى ما تبغى تكلمك وكملت بهمس تبغي تكلميها ادخلي عالايميل هي فاتحته دحين اوكي باي
سهى:ماشاءالله عليكي تصرفتي بحكمة فعلا الاخت الكبرى غييييير
نوف بثقل:طبعاااااا

Sing in (حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب)
ندى :مين هادي اللي دخلت على الايميل
(حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب):
: وحشتييييييييييييييييني
(بسالك ليه الهوى منك وفيك):
:خير
حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب)
:المدرسة اليوم ظلمة ومالها داعي بغيابك
(بسالك ليه الهوى منك وفيك):ليه ما فتحتوا الانوار
(حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب):
:نورك يكفيني ويغنيني عن كل الانوار,اخبارك ياقلبي انا ما وحشتك
(بسالك ليه الهوى منك وفيك)
:قلت لنفسي لازم اعود نفسي على غيابك
(حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب)
:كيف تقولي شي زي كذا,انتي عارفة اني مااقدر على بعدك واني اكثر وحدة في بيتنا متاثرة من هالنقلة واني راح اسير زي السمكة اللي يخرجوها من مويتها
وتموت
(بسالك ليه الهوى منك وفيك)
:لا تقولي كذا فال الله ولا فالك
(حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب):
:تخافي علي
(بسالك ليه الهوى منك وفيك)
:اظن مايبغالها كلام
(حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب):
:اذا ما يبغالها كلام كان المفروض تجي المدرسة اليوم وتتطمني علي وتقضي معاي الوقت اللي بقي كلها هدا الشهر واللي بعده بنختبر وبعدها بنسافر
(بسالك ليه الهوى منك وفيك)
:ماني متصورة سفرك وبعدك عني
(حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب):
:خلاص قدر ومكتوب,اقول درس الرياضيات كان صعب اش رايك اجي اشرحوا ليكي
(بسالك ليه الهوى منك وفيك)
:وهادي يبغالها كلام طبعا تعالي اشرحي لي الاختبارات قربت
(حبك بقلبي تجلى والقدر هذا اللي مكتوب مهما تصد وتتغلى عن هواك مااقدر اتوب):
:إن شاء الله المغرب انا عندك إن شاءالله يالله سلام بروح انام باي
وجاء وقت المغرب وجاتها سمية ولا كأن شي صار وقضوا وقتهم وناسة وكلام بس سمية كانت جادة شوي وشرحت الدرس وكانت بنت رزينة وعاقلة الكل كان مندهش كيف هالبنت صحبة ندى اللي عكسها تماما في كل شي




****الجزء الرابع****
في المدينة
ويش ذي الزحمة هاذا كله علشان المكان جديد هو صحيح هايبربندة دايم زحمة عندنا بالرياض بس هاذي الزحمة غير بس على مين على خالد والله لا ادخل وانا ولد مبارك واشتري العصير المفضل عندي . كان كشخة وثوبه لونه سكري ولابس الغترة السكري وكان طويل وجسمه رياضي وطالع الثوب عليه جنان وهوكان جدا وسيم طالع يشبه امه الله يرحمها
:وين وين وين ثلاجة العصيرات اكيد من هنا ومشى ومشى الين لقى ثلاجة العصيرات اخيرا لقيتك هاذا هو عصيري المفضل بيرة بالشعير يوم مد ايده ياخذ البيرة اللي لامست ايد بنية كانت تبي البيرة نفسها اول ماانتبه لايده عليها رفعها عنها بسرعة وقال لها:اسف يالاختـــ.وقبل مايكمل الكلمة و جات عينه على البنية تسمر بمكانه وفتح عيونه بصدمة كبيرة وطاحت من ايده زجاجة البيرة البنت اللي شافها كانت طويلة ورشيقة والعباية مظبوطة عليها يعني كانت محترمة وكانت عاملة اللثمة اللي مبينة عيونها وشوي من جبينها بس كانت عيونها حلوة وجذابة ومن غير مكياج
جاء عبدالله:خير في شي!!!؟
خالد متصلب وفاتح عينه وماانتبه لعبدالله اللي يكلمه
عبدالله شاف نظرات خالد على البنت واستغرب وقال والله قلة ادب
عبدالله:يالاخ في شي!!!؟
خالد:مارد عليه
عبدالله:فيكي شي؟
البنت وكانت مذهولة اكثر من خالد:لا ما في شي بس البيرة انكسرت
عبدالله: يالله خدي غيرها و خلينا نمشي من هنا
البنت ردت بارتباك بعد سرحان : ها طيب يالله ومشيت قبله على جهة الباب
عبدالله:اش بك ما اخدتي البيرة
رجعت طالعت فيه وردت:بطلت ماابغاها .اقولك انا رايحة السيارة يالله ابي اطلع من هنا بسرعة
خالد:انتبه لعبدالله بعد لحظات الذهول اللي كانت على وجهه واستحى شوي وبعد عنهم وصار يمشي بلا حس
عرف إن هالبنت جاية مع هالشخص
وخرج على طول من السوبر ماركت وركب سيارته الكشخة الي كانت موديل 2007 وقام يكلم نفسه معقول تكون هي لا لا مب معقول ومين اللي كان معاها لا يكونهو زوجها لااااااامستحيل .بس هو نفسه العريس اللي شفته يوم زواجها لا.وكان خالد يبي يطرد هالكلمة من راسه ومب راضي يصدق الكلام شغل السيارة واتجه لبيته وكان مشوش ومكتئب ومعصب .دق على اخوه وكان الجوال مغلق
خالد:هذا وقته يايوسف تقفل الجوال
وظل يدق إلى إن وصل بيته وكانت فلة مستاجرة بس كانت روعة وكبيرة وكلها ذوق وفخامة دخل الفلة وهو يحاول يدق على يوسف وطلع غرفته ورمى غترته على السرير وكمل
قهره ورمى الجوال على السرير كمان وخلاص مب شايف شي قدامه وجلس على كرسي جنب سريره واسند ظهره عليه وهو يتنهد وقام يسترجع كل ذكرياته
في هاللحظة دخل عليه يوسف غرفته وكالعادة مبسوط ومستانس
يوسف:يابو الشباب ويش فيك
خالد:مب معاه ابد وداخل جو
يوسف انتبه لاخوه وبجدية تكلم :يابوخلود خير إن شاء الله
خالد:يوسف انت هنا من متى؟
يوسف يكذب:من يوم جيت وانا هنا بس انت اللي مب هنا
خالد بعصبية:ليه جوالك مقفل من اليوم وانا ادق عليك
يوسف:ناس ازعجوني وقفلته
خير يااخوي فيك شي
خالد:آآآآآآآآآآآآه يا يوسف
يوسف حس إن الآآآه هذي وراها حكاية
ناظر عيون اخوه :خالد ويش السالفة قلقتني
خالد:يوسف شفتها
يوسف :مين تقصد بكلامكلاتقول
خالد:ايه هي ما غيرها
يوسف:كيف عرفتها؟
خالد:لو انها بين مليون بنت راح اعرفها ماتصدق يااخوي إني فرحت يوم شفتها احس كل اللي مضى وفات رجعلي
يوسف:خالد خلك واقعي وانسى هالبنت
خالد:ماقدرت حاولت كثييييييير طول الفترة اللي فاتت ما غابت عن بالي لحظة خمس سنين وانا افكر فيها اصلا انا مافكرت انقل الرياض الا علشان انساها بس ماقدرت
يوسف:خالد لا تنسى انك هالسنة جاي عمل بالمدينة وانا ما حبيت اخليك وحدك وجيت معك ووسجلت بالجامعة هني بس لخاطرك وبعد كذا راح نرجع للرياض
خالد:ما تخيلت اني راح اشوفها
يوسف بعصبية:خالد اصحى من اللي انت فيه البنت مب لك خلاص ومايسير حتى تذكرها وهي على.قاطعه خالد :ارجوك يوسف لا تقولها كل ما سمعت هالكلمة او تذكرتها احس سكاكين تنغرز في قلبي لا تقولها لا
يوسف بنبرة حزن وشفقة:انا مابي اجرحك ياخوي بس ابيك تصحى من اوهامك هذي وتفكر في مستقبلك
خالد:مستقبل !! وين هالمستقبل وهي بعيدة عني
وجلس على الكرسي عدل وحط ايده على راسه بقوة وخفض راسه ومرر اصابعه على شعره الاسود بخصله الناعمة ومابقى الا تنزل دمعته بس حاول يتمالك نفسه قدام اخوه الصغير .يوسف حاسس باخوه المنهار قدامه وجلس على ركبه على الارض وسار موازي لاخوه وحط ايديه على ايد اخوه ونزلها من على راسه لحظتها خالد ناظر باخوه وعيونه ملانه بالدموع
يوسف:خالدالله يخليك لا تسوي في نفسك كذا
ومسك يد اخوه وحبها وقام يوسف يبكي على حضن اخوه كان مشهد مؤثر بجد

في السيارة
سهى:اش بك نوف؟
نوف:مافي شي بس راسي يوجعني شوي
عبدالله:سلامات ما تشوفي شر
نوف:تسلم عبدالله
عبدالله:نروح البيت
سهى:ايوة بيتنا
قاطعتها نوف :لا ابغى بيت خالي عبدالرحمن
سهى:بس انا قلت لبابا انك بتجي معايا البيت
نوف:لا خلاص انا بدق عليه وبقوله إني رحت عند ماما
سهى:طيب زي ماتبغي
عبدالله:طيب طيب
ومشى لبيت خالهمم
عبدالله:وصلنا
نوف:معليش ازعجتكم اليوم وتعبتكم معايا
عبدالله:لاابدا
نوف:ماتقصروا يالله مع السلامة تصبحوا على خير
وطلعت نوف شقة خالها ودقت الباب فتح خالها عبدالرحمن وقالها:مو معقول نوف اخيرا تنازلتي وجيتينا
نوف ضحكة خفيفة وحزينة:مفاجأة صح
عبدالرحمن:واحلى مفاجأة كمان
يا هند تعالي شوفي مين جانا
هند:مين يا عبدالرحمن؟
نوف راحت عند امها وطالعتها:انا يا ماما
هند:مين نوف بنتي تعالي
نوف تجري على حضن امها وتسلم عليها بحرارة وتبوسها
نوف:وحشتيني يا ماما وحشتينيييييي
هند:وانتي يابنتي وحشتيني موت .ان شاء الله انتوا بخير
نوف:الحمدالله مو ناقصنا الا شوفتك وحضنك يا ماما
هند تبكي:واخواتك كيف حالهم؟
نوف:كلهم بخير ولو يدروا إن جاية عندك كان كلهم جوا معايا
هند:ياريت جوا معاكي
نوف:يعني انا ما املي العين
هند:انتي تملي عيني وقلبي كمان


*بيت صادق*
المدينة

عبدالله:اليوم نوف ما عجبتني
سهى:انا كمان حسيت فيها شي
عبدالله:قلنا بنمشيها البنت جبنالها الصداع
سهى:مشكلة هالبنت اذا اتضايقت ما تشكي لاحد ولا تتكلم دايما تخلي في نفسها .الله يهديها يارب
عبدالله:امكن اختك اشتاقت لامك مرررة
سهى:مسكينة نوف كل البيت على راسها قايمة بدور امي وبدور اختنا الكبيرة في نفس الوقت الله يعينها
عبدالله:اقول اليوم ايش سويتي في بيت ابوكي؟
سهى:انا ما قلت لك اليوم طبخت لهم الغدا
عبدالله:ماشاءالله هنا تدلعي علي وهناك تطبخيلهم
سهى:ياسلام اذا انا ما طبخت لبابا مين يطبخلوا
عبدالله:وانا المسكين ما فكرتي فيه دايما اكل من برة ولا من فوق متى راح ادوق طبخك
سهى:لا تستعجل قريب إن شاء الله
عبدالله:يعني سووووووون
سهى:هههه ايوة soon
عبدالله:احد يدق الباب .راح اشوف مين
ماري الخادمة:بابا صادق وماما بهيجة قول عشاء
عبدالله:لا نحنا اتعشينا برى قولي لماما وبابا اوكي
ماري:اوكي
ماري راحت لبابا صادق وماما بهيجة في الدور الثاني من الفلة
ماري:ماما يقول هو في عشاء برى
بهيجة:الله يسعدهم يارب شوف ولدك زوق وداها برى تتعشى
صادق:طيب روحي يا ماري خلاص
بهيجة:لا اصبري ودي العشا لغرفة هديل طيب
ماري:طيب ماما
منى:الحمدالله انا شبعت بطلع غرفتي تصبحوا على خير
صادق وبهيجة:وانتي من أهله حبيبتي
صادق:هدا الولد متى برجع الشغل
بهيجة:خلي شوي كمان الولد عريس
صادق:وحيفضل عريس إلى متى ؟كيف راح يصرف على بيته بكرة
بهيجة:الولد يدوب كمل شهر اصبر عليه شوي كمان
صادق:اخر هالشهر وبخليه يرجع شغله لاحق على زوجته
يالله انا قايم انام تصبحي على خير
بهيجة:وانت من أهله .انا جاية وراك على طول


*بين بو نايف*
الرياض
مها:الله يا يمة ليتك تشوفين فستان جواهر كشششششششخة
بجد عجبني
ام نايف:انشاء الله لبس العافية عليها
مها:إن شاء الله.انا قلت لها تجي معانا السوق بكرة علشان تروايني من أي محل شرته .اذا ما كان عندك مانع
ام نايف :لا يمة روحي معها ومع ام محمد انا ما فيه شدة على السوق يابنيتي
مها:بكرة الخميس إن شاء الله اروح واشتري الفستان حق العرس
ام نايف:قولي إن شاء الله
مها:إن شاءالله


نرجع حق خالد واخوه
خالد طلع للحديقة يشم هواء واخوه يوسف ما فارقه ولا لحظة خرج معاه الحديقة وجات نسمة هواء تلعب بشعر خالد يمين ويسار ويوسف يناظر اخوه الولهان بشفقة وحب
يوسف:خالد انت تحبها؟!!!!!؟
خالد:الله يا يوسف كلمة حب شوي عليهاالا قول احب التراب اللي تمشي عليها وتتوطاها
يوسف:معقول لهالدرجة
خالد:وأكثر يا يوسف .بلاك ما جربت الحب ولوعته
يوسف:لاااه ولا ابي اجربه .اصلا انا مااظن الاقي وحدة تستاهلني ولا اظن اني راح احب ابد
خالد:ليه تقول كذا ترى الحب شي حلو وحلو يوم يكون الحب حب متبادل من الطرفين و شريف
يوسف:لا عمرولا شريف
خالد:ههههههههه حلوة منك بس راح يجي لك يوم وتوقع في الحب اسال مجرب
يوسف ياشر على قلبه:انا ماراح اسمح له يحب
خالد:هو بكيفك الحب يوم يتخللك ما تقدر تقوله لا
الحب يجي يجيك فجأة ويبقى للابد
يوسف:مااحسب انك رومانسي لهالدرجة .
خالد:راح تسير رومانسي وراح تقول اشعار وتغني ويجيك احساس غريب ونفسك تصرخ باعلى صوت وتقوووووووول
أحبـــــــــــــــــــــــــــــــهااااااااااااااا اااااااااااااا ياناس وفي هاللحظة صرخ فيها خالد وقالها
يوسف يناظر بدهشة:من جدك تتكلم
خالد:ايه طبعا وايش هي حالتي دون خلاني
يوسف:سبحان الله
يوسف يحب اخوه خالد ويحترمه كثير وما يقدر يشوفه متنكد ولا زعلان ابد. هو يدري إن خالد حسااس جدا بس ما توصل لهالدرجة يوسف في نفسه(سبحان الله ويش سوت فيه هالبنت)

*بيت عبدالرحمن*
المدينة
نوف:خديني في حضنك ماما احس اني بردانة
هند:نوف اش بك يا حبيتي فيكي شي؟
نوف تنزل دموعها غصب عنها:لا يا ماما
هند حست إن بنتها فيها شي اخدتها في حضنها وضمتها بقوة وقامت تتامل ملامح نوف الطفولية وقامت تلعب بشعربنتها المنسدل على جبينها الصغير وقرات عليها ايات من القران الكريم حتى هديت اعصابها ونامت وتركتها على السرير وخرجت

عبدالرحمن:هند اش بها نوف؟
هند:مافيها شيء
عبدالرحمن:إن شاء الله خير
هند:نوف تعبت من مسؤليات البيت كل شيء عليها ابوها واخواتها وجامعتها وغير كذا.وسكتت
عبدالرحمن:اش فيه؟!!!!!!!
هند:لا ولاشي ياخوي تبغى شي مني قبل ماانام
عبدالرحمن:لا يعطيكي العافية تصبحي على خير
هند:الله يعافيك


*في بيت ابو محمد*
جواهر ومها يخططوا لخرجة السوق مع بعض
مها:خالتي الله يخليك قومي معانا السوق الوالدة قالت لي اروح معاكم
ام محمد:يامها يا حبيبتي اليوم مااقدر
مها:ليه؟
ام محمد:مواعدة ناس وبروح المغرب عندهم
مها:يعني ما في سوق!!
ام محمد:ليه انتي وجواهر وش قاصركم روحوا لحالكم
جواهرفرحت بالخبر:من جد يمة اروح مع مها بروحنا
ام محمد:ايه وخذي معاكي نجلاءوسارة
سارة:هيء هيء وناسة راح اروح السوق
جواهر:لا نجلاء ولا سارة يروحون معنا
نجلاء :ليه لاء ليه إن شاء الله
جواهر:يمة نجلاء وسارة بزعجونا وحنا نبي نجيب الفستان ونجي يعني ماراح ناخذ وقت
سارة:ابي اروح العب بالملاهي اللي في السوق ابي اروح مالي خص بروح
ام محمد:طيب سارة بتزعجك لانها صغيرة ونجلاء
جواهر:!!!!؟
مها:لا عادي نجلاء عاقلة بناخذها معانا
جواهر فتحت عينها على مها ,ودقتها
ام محمد:خلاص سارة باخذها وياي
سارة:لالأ بروح معاهم
ام محمد:انا باخذك اليوم عند الناس وبكرة الجمعة بطلعك واوديكي ملاهي خلاص
سارة بقهر:طيـــــيب
راحت ام محمد غرفتها تجهز نفسها عالطلعة ولحقتها سارة
ونجلاء راحت تجهز عباتها وهي فرحانة اخيرا بتطلع مع الكبار
جواهر :ليه قيلتي للوالدة "مب مشكلة نجلاء كبيرة"
وكانت جواهر تقلد صوت مها باستخفاف
مها:يالذكية تبي امك تشك فيكي اللي يسمعك بكلامك واصرارك على طلعتنا بروحنا يقول عندها شي
جواهر:بس انتي تعرفي إن ما عندي شي من هالخرابيط
مها:ايه بس امهاتنا يشكون احيانا
جواهر:تصدقي راحت عن بالي .والله طلعتي مب هينه يا مها واللي يشوفك يقول يحليلها هالبريئة
مها:ههههههههههه اقول جهزي يالله علشان نروح
جواهر:مين راح يوصلنا محمد بياخذ امي وسارة وحنا
مها:افا تسبيني يا جواهر وقدامي. سواقنا موجود
جواهر:من متى جبتوا سواق.وليه ماقلتيلي؟
مها:من زماااااااااااان وسيارته كانت بالورشة والحين اصلحت
جواهر:اه منك اليوم بانت حقيقتك قصدك نايف اخوك
مها:طبعا وعندنا غيره
جواهر:ههههههه اقول بروح البس عباتي
مها:زين انا بسبقك عالسيارة اوكي
جواهر:اوكي

نايف ومحمد عند سياراتهم يتكلموا
محمد:اشلون الوالدة إن شاء الله بخير
نايف:مثل مانت خابرمافي أي تحسن بس ربك كريم
.لا واليوم الاهل يبون السوق وانا انتظرهم لانهم بروحوا مع والدتك
محمد:والدتي؟!!!!!!!!!
نايف:اش فيك
محمد:انا منتظر الوالدة بوديها عند ناس
نايف:والسوق!!!!!!!!
محمد:لحظة بطلع الحين وبتاكد لايكون يحسبون بروحوا من غير الوالدة
دخل محمد البيت يجري وفي الدرج صدم صدمة جامدة في البنت اللي قدامه وطاحت على الارض
مها:اخ
محمد بربكة وجلس يناظر الصوب الثاني بس بعد ايه بعد ما طاحت شيلتها عن وجهها وشافها بس بنظرة خاطفة :اااسف ياااااا والله مب قصدي كنت مستعععجل وووـوالمهم عسى ما ما شر عسى ماتعورتي
مها انحرجت من الموقف اللي انحطت فيه وقامت تصلح الغطا وهي اصلا من طبعها خجولة وهادئة ما ردت عليه ولا ناظرته حتى ومشت كملت طريقها وهي مكسوفة وصلت السيارة ودخلت بكل هدوء كالعادة بس هالمرة غيرشوي
نايف:خير اشوفك لحالك !
مها:ها الحين بنزلون البنات
نايف :مين بنات؟!!؟
مها:الخالة ام محمد عندها مشوار عندقاطع كلامها وقالها:ادري توه محمد خبرني
مها يوم جات سيرة محمد ارتبكت وبان عليها
نايف:ويش فيك!!!!!!!!؟
مها تعرف تتصرف في كثير من المواقف
مها:لا تقول ماراح توديني السوق الفستان ضروري اشتريه اليوم ماعندي فرصة الا اليوم
نايف:بوديك بس بشرط اروح معاكم السوق
مها:اييييييييه!!!!!!!!
نايف:اللي سمعتيه
مها:انت داري إن بنات الجيران جايين معي وفي احراج اذا مشيت ويانافهمت الحين
نايف:عادي امشي معاكم بس من بعيد لبعيد
مها:ماادري
محمد دخل البيت وكان مرتبك عالاخر
محمد يصارخ:يمة وينك؟
جواهر لبست عباتها اللي على راسها بس كانت جدا رائعة عليها وكانت محتشمة جدا والنقاب اللي مبين عيونها اللوزية
جواهر:خير ليه تصارخ
محمد:على وين إن شاء الله؟
جواهر:ع السوق
محمد:مع مين إن شاء الله؟
جواهر:مع مها ونجلاء
محمد:ماشاءالله لحالكم
جواهر:امي قالت لي اروح معاها واخذ نجلاء معي
ام محمد:خير وش فيك تصارخ ؟
محمد:يمة بناتك بروحوا السوق لحالهم
ام محمد:ويش فيها يمة كل البنات يروحون السوق لحالهم خواتك كبروا ويعرفوا الصح من الغلط
جواهر:قوليله يمة علميه زين
محمد:بس يمــــــه
ام محمد:محمد انت تشكك في تربيتي لاخواتك
محمد:حاشاك يمة ابد بس انتي عارفة الحين الناس تغيرت مب مثل قبل والشباب تغيروا عن قبل يعني لا في نخوة ولا شهامة
ام محمد:يمة هم بروحوا مع نايف اخو مها يعني لا تخاف معاهم رجال
محمد:خلاص يمة بس لا يتاخروا
ام محمد:سمعتي يا جواهر
جواهر :إن شاء الله يمة تامرين امر
نجلاء:يالله البنت تنتظر في السيارة
جواهر:طيب يالله مع السلامة يمة
ونزلوا ثنتينهم وركبوا السيارة وجلست نجلاء بالمقعد اللي خلف نايف .نجلاء من صغرها تعرف نايف والحين هي اولى متوسط وكانت لابسة عبايه على الكتف عادية وحاطة الشيلة على رقبتها
نجلاء:السلام عليكم
نايف ومها:وعليكم
نجلاء:اش اخبارك نايف علومك؟
نايف:بخير الحمدالله اخبارك انتي؟
نجلاء:بخير,اشلون وظيفتك الجديدة؟
وتجيها دقة من جواهر على رجلها
نجلاء:اخ عورتيني وش فيكي
جواهربصوت واطي تكلم اختها:دقتيها سوالف انطمي
نايف يضحك على جواهر وعلى حركتها بس عجبته نجلاء يوم تتكلم معاه
نايف:اخبار الدراسة يقولوا ماشاءالله كبرتي ودخلتي المتوسط
نجلاء تناظر صوب اختها جواهر وخافت تتكلم منها
نايف انتبه لنجلاء وخوفها من جواهر
نايف:ما عليكي من جواهر يا نجولة تكلمي
مها :تناظر على اخوها مستغربة وقاحته
مها :نايف وش فيك!!!!!!!!
نايف:ابد اتكلم مع نجولة فيها شي
نجلاء:ههه حلوة نجولة ذي
وساروا يسولفوا نايف ونجلاء وجواهر ودها تدي اختها طراقات علشان تادبها ,جواهر ما تعجبها حركات نايف لانها تحسه جريء وعربجي شوي مع انها تعجبها معاملته لامه المريضة اللي دايم هو جنبها .بس ماكانت تحب تتكلم عنه او معه
ــــــــــــــــــــــــــــــــــــــــــــــــــ ــ
في شقة الانس

عبدالله:يوسف انت ماتبغى تبطل هالحركات الماسخة
يوسف:ابد مااقدر يالحبيب في احد يتخلى عن هوايته المفضلة
عبدالله:ياكبرها صار النت ومغازل البنات هواية مفضلة
سلطان:بصراحة انت يا عبدالله تغيرت كثيير بعد زواجك اش السبب يا ترى
يوسف:المره عقلته هههههه
سلطان:لا بجد انت خليتني افكر في الزواج
يوسف:ياهووووو الشباب عقلوا ويبون يكملون نص دينهم
سلطان:بلا مسخرة. ترى الزواج شر لا بد منه
عبدالله:ليه تقول شر الا الخير كله
يوسف:الله الله يابو الشباب شوي وبتغنيلنى لهالدرجة انت مبسوط
عبدالله:الله وكبر عليك قول ماشاءالله لا اروح البيت واتضارب مع نصفي الثاني
كان سلطان متاثر من عبدالله وزواجه والتغيير اللي باين عليه وخلاه يفكر في الموضوع بجدية .لانه سلطان مو ناقصه شي هو صحيح يدرس بالجامعة بس هو يشتغل مع ابوه وعنده شقة في عمارة أهله يعني مو ناقصوا الا العروسة
سلطان:يعني تنصحني بالزواج يا عبدالله
عبدالله:ايوة انصحك انت مو ناقصك شي
سلطان:خلاص اليوم بكلم اهلي
يوسف صوته تغير وتكلم بجدية :سلطان تتكلم بجد؟
سلطان:ايوة هادي المواضيع ما فيها تريقة
يوسف تفاجا من سلطان لانه ما توقع انه يقبل ع الزواج بهالسرعة .سلطان طلع من الشقة للبيت عدل

*بيت فؤاد ابو سلطان*
المدينة
سلطان دخل البيت بسرعة وقام يصرخ وينادي اخته
سلطان:ديييييييييييييمة فينك؟
ديمة انفجعت من صريخه:خير إن شاء الله فيك شي صار شي
سلطان:الا قولي صار كل شي
ديمة:اش هو
سلطان:اخوكي اللي واقف قدامك قرر يتزوج
ديمة حست بشي غريب شعرت بفرحة لاخوها الصغير وحسرة على نفسها
ديمة:وهذا القرار يجي فجاة كدا ما في مقدمات مافي تفكير ولا تخطيط ولا تسال اهلك اللي هموا نحنا
سلطان:علشان كدا انا اكلمك واخد رايك قبل مااقول للوالد
ديمة:والله ماادري انت فاجاتني بالموضوع!!
سلطان:الله يخليكي وافقي وساعديني في موضوعي
ديمة:طيب في احد معين في بالك ولا تبغاني ادور وابدا خطة البحث؟
سلطان:بصراحة.!!مافي وحدة في بالي .انتي شوفيلي وحدة تناسبني
ديمة:يعني معتمد عليا
سلطان:إذا مااعتمدت على اختي الكبــــ!!
وكأنه جاته موية باردة عليه وماقدر يكملها في وجه اخته
لانه ديمة اخته الكبيرة وبمقام امه اللي ربته بعد ما توفت والدتهم في حادث سيارة نجا من الحادث ابوهم فؤاد
ودحين هي موجهة كبيرة في مدرسة ثانوية وما جاها نصيبها إلى الان وهي عدت ال29 من عمرها
ديمة كملت عنه:وانا اختك الكبيرة وفي مقام امك يعني اخترلك اللي تعجبني انا وانت تسمع كلامي وتمشي على اختياري سامع وكانت تتكلم بتريقة وضحك مع اخوها
سلطان حس في نفسه إن يتزوج قبلها بس هذا المكتوب
ابوهم دخل البيت وشافهم يتكلموا في الصالة ويضحكوا
فؤاد:السلام عليكم
ردوا عليه السلام
فؤاد:خير إن شاء الله ضحكوني معاكم
سلطان استحى واستاذن وراح غرفته
ديمة:خير إن شاء الله يابابا ولا شي بس تعرف سلطان وحركاته
فؤاد:طيب يابنتي الله يسعدك حطي لي الغدا
ديمة:إن شاء الله يا بابا
وراحت ديمة المطبخ تحضر الغدا لابوها كالعادة لانها هي ست البيت والمسؤولة عنهم



*نرجع للبنات والسوق بالرياض*

وصلواالسوق البنات وراحوا محل الفساتين وكان نايف بعيد عنهم بس عيونوا ما نزلت من عالبنات خوفا عليهم طبعا وكانوا البنات يدخلوا محل ويخرجوا ويدخلوا المحل اللي جنبه إلى إن دخلو محل كان عارض فستان في البترينا كان قمة الاناقة والروعة والنعومة جذب مها كثيير لانها كانت تحب النعومة في كل شي والبساطة.
مها:جواهر هالفستان يجنن
جواهر:عجبك يا مها
مها:كثييييييييير
نجلاء:حتى انا عجبني
جواهر:ماسالتك رايك يا ملقوفة
مها:جوااااهر خليي البنت تقول رايها
جواهر:اقول خلينا ندخل ونشوف الوانه ومقاساته
مها:ولا تنسي سعره
مها كان يهمها السعر كثييييير لانه دخلهم محدود والله يعين نايف لانه هو اللي متكفل ببيتهم بعد ما تركهم ابوهم وتزوج على امهم لانها مريضة هالمسكينة .وخلى الحمل على نايف
جواهر:مايهمك يالله دخلنا
وقامت تسال جواهر البائع على الالون والمقاسات وكان كل لون ولون احلى من الثاني بس مها اختارت فستان حرير ملون بمزيج من الالوان الفاتحة وكانت مدموجة بحركة حلوة كثيير اختارت اللون الاخضر اللي متخلله السماوي وشوي ابيض وخطوط بطريقة رائعة باللون النيلي وكان ممسوك من فوق ومن غير اكمام بحركة الدرابيه وكل ما نزلتي لتحت كان الدرابيه يلتف من عدة جهات وعلى الورك بروش كبير مزين الفستان باللون الفضي وكان لامع واختارت معاه شال لونه واحد يعني سادة بلون الابيض وكان فعلا ناااااااعم

مها:هذا اللي عجبني ياجواهر
وكانت مها تتكلم بصوت منخفض بحكم هدوؤها وخجلها وكانت توقف ورى جواهر مباشرة وكانها امهاجواهر كانت تتكلم مع البائع بكل ثقة وتفاصل واختارتلها الفستان اللي تبغاه مها
مها:جواهر اساليه على السعر
جواهر: لحظة شوي.لوسمحت عطني مقاس 1لانه حجم مها صغير جدا وممكن نقيسه واذا ماناسب رجعناه
وكان جواهر تبين للبائع إن الفستان مب عاجبهم مرة بس بمشوا نفسهم فيه ومها مصدومة من جواهر هي بتتجنن على الفستان المهم جواهر سالته:كم قيمته
البائع:2500
مها شرقت من السعر وجواهر كان عادي عندها مرة لانها متعودة على هالاسعار وفستانها اللي شرته كانت قيمته 4500 بس هي عارفة مها ووضعهم
جواهر:لا كثيير على الفستان الفستان مايسوى
البائع:الفستان ناعم وجديد
جواهر:انا لي شهرين شايفته على الباترينا وماتوقعت احد يشتريه بهالقيمة
طبعا المفاصلة دايما تطول مع البائع لانه يصر يحسس المشترية انه خسران وان المفروض القيمة تكون اكثر من كذا
جواهر فاصلة معا ووصلت السعر1800 ريال وهو مب راضي فعملت نفسها خارجة وماتبي الفستان ومها بتتقطع من جواتها على الفستان اللي عجبها
البائع:خلاص يالطيبة خذيه 1900 ريال والله ماابيعه بالهالسعر بس اليوم علشانك ونبي نستفتح بيكي
جواهر رجعت للمحل بعد ماكانت خارجة ودفعت له وخذوا الفستان
مها:كنتي جنان بس وقعتي قلبي
جواهر:هم كذا اصحاب المحلات لما يبيعون
مها:جواهر كل اللي معي 1500
جواهر:مابينناا حساب
مها:بس كذا تحرجيني واخاف من نايف يهاوشني
جواهر:ونايف كيف راح يدري
مها:بس.!!
جواهر:ولا كلمة زيادة فهمتي حنا خوات ولا عندك كلام ثاني
مها:لا ابدا والله اني اعتبرك مثل اختي اللي ماجابتها امي

قاطعتهم نجلاء:اقول ابي اشرب كوفي هني
جواهر:والله هذا اللي قاصر انتي حدك ايس شوكلة
وعزمتهم جواهرعلى الكوفي ونايف كان ينتظرهم بالسيارة مثل السواق ورجعهم البيت وكانت مها مبسوطة من الفستان ومن جواهر وكانت في البيت بس تتكلم على جواهر والحركة اللي عملتها كان نايف وبندر يستمعون لها زين وامها بعد وامها كانت تحب جواهر وتشكر فيها وفي اهلها


*بيت عبدالرحمن*
نوف:صباح الخير ماما
هند:صباح النور والسرور حبيبتي تعالي بوسي ماما
ركضت لامها نوف تعيد ايام الطفولة وباست ايد امها وراسها وحضنتها وما تبي تفكها
عبدالرحمن:خلاص انتوا الاثنين افلام هندية
هند:اش عليك غرت من بنتي
عبدالرحمن:انا اغار ليه إن شاء
نوف:خالي انت ليه ما تتزوج
عبدالرحمن وكانها سالت سؤال غريب :اتزوجأنا
نوف:ايوة اش فيها
عبدالرحمن:انا ماابغى اتزوج ولا ابغى اتنيل على عيني
وخرج من الغرفة بسرعة وكانه خاف لا تساله سؤال ثاني
هند:خلي خالك على راحته,كيف نمتي امس؟إن شاءالله ارتحتي بالنومة عندنا!
نوف:الا قولي كاني اول مرة انام في حياتيكانت احلى نومة
هند:ماتبغي تفطري
نوف:والله شوفتك يا ماما تكفيني
هند:ههه الله يخليكي لي
نوف:ويخليكي لي ياااااااااااارب
هند:قومي يالله نفطربسرعة ونتجهز علشان بنطلع
نوف:فين ياماما؟
هند:راح نروح الحرم نصلي صلاة الجمعة ونقرا سورة الكهف هناك ونصلي العصر كمان .اش رايك؟
نوف:طبعا موافقه في احد يضيع فرصة زي هذي دحين اجهز الفطور هوااااااا

*بيت بوياسر*

ندى:فين نوف وحشتني مرررررررة
حنين:نوف وحشتك ولا وحشك اكلها هههههه
ندى:بايخة طبعا كل شي في نوف وحشني
شوق:مامداكي تشتاقين لها,اختك نوف عند سهى
بوياسر:لا اختكم نوف عند امكم
الكل:!!!!!!!!!!!!!!!!!!!
حنين:ليه ما قالت لنا
بو ياسر:ليه تبغوا تروحواعندها وتسيبوني لحالي
شوق:لا مو قصدها يابابا بس قصدها كان رحنا سهرنا سوا عندها ورجعنا البيت
ندى:طيب نحنا فيها نروح نتغدى عندهم اليوم
حنين:رديتي لحكاية الاكل.انتي ما تشبعي يا دبة
ندى:احترمي نفسك
حنين:هدا اللي ناقصني بزارين ويتكلموا
بوياسر:يعني مالي حشيمة عندكم
ندى:هيه اللي بدات ما شفتها
بوياسر:خلااااااااااص بس
شوق:بابا ايش قلت نروحلهم اليوم؟
بوياسر:بعد المغرب إن شاءالله اوديكم
ندى:وليه مو دحين
بوياسر:لانه امك واختك بروحوا الحرم بصلوا الظهر والعصر وماراح تلاقوهم في البيت الا المغرب خلاص
شوق:كانك معاهم يابابا
طالع عليها ابوها طلة خلتها تنسحب من الغرفة كلها

هند وبنتها نوف راحوا الحرم وصلوا صلاة الجمعة وبعدها صلوا العصر وجلست نوف تدعي ربها يساعدها في محنتها ويوفقها ويوفق اخواتها ويرجع لهم الاستقرار في حياتهم والتم شملهم زي اول يعني ابوها وامها يكونوا معاهم دايما في بيت واحد.وكانت عيونها كلها دموع وهي تناجي ربها .وهند كانت تدعي لبناتها بالتوفيق والسترة والسعادة
وبعدها قراوا سورة الكهف في الحرم ولما انتهوا من القراءة
هند:ها يابنتي خلصتي؟
نوف:ايوة ياامي الحمدالله انا دحين مرتاحة مررررررة
هند:الحمدالله يا بنتي يالله خلينا نخرج وندق على خالك علشان يجينا
نوف:طيب يا ماما يالله
وخرجوا من الحرم وكان نفسها نوف تبقى إلى صلاة العشاء علشان كان نفسها تدخل الروضة الشريفة وتدعي وتقرا قران لان البقعة الشريفة فيها من الراحة والهدوء سبحان الله وقيل انها بقعة من الجنة
وراحوا البيت ودخلوا الا وشوي واذن المغرب .صلوا وشوي دق جرس الباب.
نوف:انا راح افتح ياماما اهلا وسهلا نورتوا البيت
حنين :منور بوجود أهله
شوق:لايكون نسيتي بيتك ياست
وجاها صوت امها هند:مييييين يا نوف؟
نوف:مفاجاءة ياماما لا قصدي مفاجعة هههههه
ندى:اش تقولي علينا
جات هند وشافت بناتها كلهم ماعدا سهى ماجات معاهم فرحة هند بجية بناتها واخدتهم بحضنها وسلمت عليهم وكانت تبوسهم واللي يشوفها يقول سنين ما شا فتهم
ندى:وحشتينا ياماما مررررررررة
هند:وانتوا اكثر حبايبي.فين سهى
ندى:سهى خلاص ماهي فاضية لنا لقيت اللي تنشغل بيه عننا
هند:يابنتي عيب هذا زوجها اللي تتكلمي عنه كدا
نوف:لو سمعتك سهى كان زعلت عليكي
حنين :لا يا ماما كل الحكاية اننا لما درينا إن نووووف عندك (وكانت حنين تمطط الكلام وتتدلع فيه) وكانت مفهمتنا انها بايته عند سهى فقررنا نجي نشوفك ونرجعها البيت معانا
نوف:اصلا ما مداني انفرد بامي الا وطبيتوا علينا يا فريق
شوق:ليه عندك اسرار!!!!!!!
نوف:لا اسرار ولا شي بس ماما وحشتني وجيت اشوفها
هند:خلاص الحمدالله انكم جيتوا والله وحشتوني مررررررة
وعشاكم عندي اليوم
شوق:بس مااظن نقدر ياماما لانه بابا تحت يستنانا عند باب العمارة
لما جات سيرة ابوهم حست هند بشعور غريب وارتباك دايما يجيها اذا جابوا سيرة ابوهم قدامهانوف اشرت لشوق وهي معصبة منها وغمزتلها شوق حست انها غلطة وعضت على شفايفها وقالت:قصدي مرة ثانية ياماما نتعشى عندك
هند وكلها لهفة وحنين على بو ياسر:كيف حال ابوكم
ندى:الحمدالله بخير
نوف:دايما يسال عنك يا ماما
هند:سالت عنه العافية إن شاء الله
في هاللحظة دق جوال نوف وكانت نوف حاطة دعاء بصوت السديس لانها ماكانت تحب الاغاني وهالخرابيط
نوف:الو.ايوة يابابا .طيب طيب دحين ننزل
ماما لازم نروح دحين تعرفي ورانا بكرة مدارس وجامعة
هند:والله ما شبعت من شوفتكم
حنين:إن شاء الاسبوع الجاي نقضي الويك اند عندك
وشوق تكمل هرجة اختها:اليين تقولي لنا طفشت منكم وتطردينا
هند:في ام تطرد بناتها لا والله ابغاكم طول العمر عندي
ونزلوا البنات السيارة ونوف تاخرت عنهم وسلمت على امها اخر وحدة وقالتلها بعد ما اخواتها نزلوا
:ماما متى راح ترجعي معانا
هند:لما ابوكي يوافق على كلامي
نوف:ياماما اللي تطلبيه من بابا صعب جدا ومااظن يقدر عليه
هند:لو ابوكي يحبنا بجد يسمع كلامي
نوف تتكلم بحزن:ياماما والله بابا يحبك ومفتقدك ولانه يحبك ما يقدر يعمل اللي انتي تبغيه
هند رخت راسها تخبي دموعها من بنتها:نوف يالله لا تتاخري على ابوكي كانت تبغاها تنزل علشان تنفرد بنفسها وتنزل دموعها وتبكي براحتها نوف حست بامها وعرفتها فسلمت على ايدها وراسها وودعتها ونزلت لابوها ودخلت السيارة
بوياسر:كان طولتي كمان
نوف بنبرة حزن:معليش يابابا بس كنت اسلم على ماما
هيثم كان يعرف إن نوف اكثر وحدة متعلقة في امها بحكم انها البكر فكانت اكثر وحدة متاثرة ببعاد امها فسكت ومشيوا على البيت


*بيت صادق*

كانت العيلة متجمعة على سفرة الاكل ومعاهم عبدالله وزوجته صادق:ها يا عبدالله متى راح ترجع الشغل
عبدالله انشرق باللقمة اللي كان ياكلها واعطته سهى كاسة الموية وقامت تخبطه على ظهره خبطة خفيفة
صادق:كل هذا علشان الشغل!!!
بهيجة:بسم الله عليك .شوي شوي على الولد
صادق:بكرة السبت ابغاك تداوم في حسابات ابغاك تراجعها وتعمل لنا جرد كامل لانه اخر الشهر ولا انت ناسي إن انا مااعتمد الا عليك
عبدالله بعد ماشرب الموية وبلع ريقه:لا ما نسيت وانا عند ظنك إن شاء الله بكرة اول واحد راح اكون بالشركة
صادق:يعطيك العافية يا ولدي يالله قوم نام علشان تصحى بدري
عبدالله:إن شاء الله
وقام صادق بعد ما خلص عشاه وراح غرفته وكان ماشي في نفس ممر غرفة هديل فكريدخل ويسلم عليها بس رجع في كلامه ودخل غرفته بسرعة
منى:الله يعينك يا عبدالله حترجع للشغل بعد ما كنت راح تنساه
سهى:مافيها شي لازم يرجع لشغله ولازم يرجع بنشاط علشان يعرفوا إن وراء كل رجل عظيم امراءة
وقاموا يضحكوا كلهم
طلعت منى غرفتها علشان بكرة عندها مدرسة ونزلت سهى لغرفتها كمان وبقي عبدالله وامه كالعادة يتكلموا شوي مع بعض لحالهم وهرجة تفتح هرجة الين قال لامه
:تصدقي يا امي إن واحد من اصحابي قرر يتزوج لما شافني تزوجة
بهيجة:طبعا كل شاب راح يفكر يتزوج ويقرر بس حسب الظروف .وهذا صاحبك قرر لما شافك عادي رد فعل طبيعي
عبدالله:اصلا هو مو ناقصه شي ماشاءالله عليه متعلم ويشتغل وعندهم عمارة في حي راقي يعني شقته جاهزة
بهيجة:الله يوفقه ويسعده مين صاحبك ده
عبدالله:هذا سلطان ياامي ولد العم فؤاد
بهيجة:ايوة اتذكرت هذا اللي اخته الموجهة ديمة
عبدالله:ايوة يا امي عليك نور هو بزاته
بهيجة:ماشاء الله عليها يقولوا اخلاق ومال وجمال بس ربك ما لها حظ
عبدالله:كل شي نصيب يا امي اسمحيلي ياامي لازم اقوم انام بكرة عندي شغل واخاف ابويه يزعل تصبحي على خير
بهيجة :وانت من أهله يا حبيبي


*بيت ابو سمر*

سمر تكلم تلفون:شووور وات يو ثنك دير؟هههه
سمية:ياربي متى راح تعدل لسانها هالبنت تقهرني لما تتكلم بلانجليزي مع صحبتها لا وبقمة الدلع والغنج وانا اسمع ولا افهم زي الاطرش في الزفة .ويجيها صوت سمر
ههههههههههههههههههههه
سمية:خير إن شاء الله يارب هدي اش بها ماتت ضحك لا يكون داقة على الخط الساخن عاد مايحتاج الخط الساخن يقولوا ضحك وغنج وقلة ادب ولازم يطولواااا على الناس الهيتانة علشان ياخده فلوسهم وهدول الناس يدفعوا وهم مبسوطين والله سمعت يوم إن واحد دفع فيها الالافااااااات ولا سمعت ثاني كان يقضي وقت اكثر على هالخط اكثر من الوقت اللي يقضيه مع خطيبته سبحان الله اصحاب العقول في راحة
سمر:اوكي ديير سي يو تو مورو اند تيل هير فورغيت اول ثنغ شي سي يت تو يو
وقفلت السماعة وهي تضحك موووت
سمية:خير إن شاء الله صحبتك تنكت لك على التليفون
سمربدلع وهي تمط الكلام:لاـــ بس جيبتلي عريس
سمية:وكل هالضحك علشان البنت جابت لك عريس
سمر:القصة مو كدا يا ذكية ,,بس كل ما قالت شيء عنه ضحكت غصب عني
سمية:ليه العريس اروجوز
سمر رجعت تضحك ضحكاتها الهستيرية وسارت تدمع عيونها من الضحك وماهي قادرة تسند طولها وتمت على هالحال اللين طاحت على الكنبة وهي تضحك
سمية:بلا مصاخة وقلت ادب اتكلمي عدل
سمرهدات شوي من ضحكها وسار تمسك نفسها وتقول:بس مو انا اللي اتزوج بهالطريقة ومو انا اللي اخد هادا العريس ماينفع مررررررررة
سمية:ليه بنت مين انتيواش صفات فارس الاحلام اللي تبغيه!!؟
سمر:لا انا لو اتكلمت عن هاذا الفارس يبغالي ايام بس علشان اختصر كلامي واوصفه على السريع
سمية تطالع اختها ومندهشة منها :انا ماادري هادي البنت شايف نفسها على ايه اش هادي الثقة ماشاءالله
سمر:على العموم دارلينج انا لازم اروح انام أي هاف سكول تومورو ولازم اجتهد علشان ابغى ادخل قسم حلو مرررة ومميز ماحد دخلوا قبلي في العيلة ويقولوا الرياض فيها اقسام كثيييييييييييرة مو زي هنا جود نايت ناو
سمية لما جابتلها سيرة الرياض والسفر مغصتها بطنها وزعلت وما قدرت تنام وراحت داقة على ندى ودقوها هرج الين الساعة 2ونص الليل


*في المدرسة عند نوف واخواتها*

نوف:اسمعوا امكن هدا اخر يوم عملي عندي ابغاكم تتادبوا وتلزموا الهدوء علشان الموجهة والابلات راح يحضرواالدرس
حنين وشوق:ابشري
نوف في نفسها(والله اني اليوم ماني مستعدة لا ذهنيا ولا جسديا وحاسة نفسي مرتبكة وخايفة مرررة مو علشان الموجهات انا متعودة وواثقه من نفسي بس اللي صار لي يوم الاربعاء قلب كل الموازين عندي الله يستر )
جاءوا الموجهات ومدرساتهاعلى الفصل وكانوا كثييرين وبداوا يراقبوها ويشوفوا طريقة شرحها ومعاملتها للطالبات والطالبات ماشاءالله ماقصروا كانوا يشاركوا وكانوا معاها على الخط صحيح نوف كانت تشرح حلو بس الله يخلي شوق وحنين هيؤولها الجو مع صحباتهم وخلوهم يحضروا ويشاركوا وكان الفصل ماشاءالله كله حماس ونشاط الكل انبسط من نوف وعلى سيطرتها على الفصل وعلى هدوؤها واتزانها ومعاملتها للطالبات ماكن فيها جفاء زي بعض صديقاتها في العملي وانتهى الدرس على خير والابلات اثنوا عليها وشكرو لها اجتهادها وكانت الموجهة ديمة تتامل نوف وتراقب طريقتها وحركاتها
بعد ما خرجوا الموجهات والابلات قامت نوف تشكر الطالبات وودعتهم وقاموا البنات يودعوها وعبارات الوداع والسلام بالاحضان والورود اللي جاتها تقولي نجمة بوليود لانه نوف كانت محبوبة من الكل خرجت نوف من الفصل وقابلة الموجهة ديمة
ديمة:ماشاء الله عليكي يا ابلة نوف كنتي قمة الروعة
نوف:شكرا لكي ولاطرائك ترى ماسويت شي بس البنات كانواوقاطعتها ديمة :لا والله انتي اللي كنتي والطالبات حبوكي واتعاونوا معاكي
نوف:الحمدالله
ديمة:اتمنى لك التوفيق يابنتي مع السلامة
نوف:!!!!!!!!!!!!!!!!!!!بنتي!!!!!!
نوف في نفسها هي مو كبيرة لهالدرجة حتى تقولي بنتي
نوف:مع السلامة
وجا وقت الصرفة وراحوا البيت وكانواالبنات مبسوطين مررررررة لاختهم وكانوا يحكوا لابوهم على نوف والموجهات وبوياسر فرحان بنوف بنته مرررة

*بيت عبدالرحمن*
بعد الظهر دق جرس الباب
عبدالرحمن:مين يجينا دحين
هند:ماادري الله يجعلوا خيرامكن البناتافتح شوف
فتح عبدالرحمن الباب وبدا على وجهه علامات الذهول والاندهاش
هند:مين؟
عبدالرحمن:هلا هلا تفضل تعالي يا هند شوفي ميين جانا اخيرا جينا على باله وعبر اخواله
هند عرفت مين جاها من كلام اخوها
خالد:حرام عليك ياخالي والله دايم عالبال
هند:اهلا وسهلا خالد اتفضل والله نورت البيت
ودخل خالد وكان ذوق جاب معاه هدية لخالته ولخاله وصحن شوكولاته من شوكلاين و سلم على خاله وخالته هند
هند:والله وحشتنا ياولد الغالية ليه هالتعب كله والله من زمان عنكم اش هالقطيعة
خالد: لا تعب ولا شي وحنا ما قطعنا بس زي مانتي خابره مشاغل هالدنيا
عبدالرحمن:جاي زيارة
خالد:لا والله عمل واظن بطول شوي
هند:ياريت علشان نشوفك ونكحل عيننا بيك
خالد:تسلمين خالتي ما تقصري
هند:واخوك يوسف فين
خالد:معاي هنا وحول على جامعة المدينة لاننا ماندري إلى متى راح نتم هني
هند:حياكم ياولدي واذا ماشالتكم الارض شالتكم عيوننا
خالد ارتاح لكلام خالته هند وكان دايما يحب يجلس عندها
لانها كانت تفكروا بالوالدة الله يرحمها
واتغدى مع بعض وشربو الشاي واستاذن عبدالرحمن منهم وقام علشان يرتاح وراه شغل وعذره خالد وتم جالس مع خالته يتكلموا وكان يسال على حالها وحال البنات
خالد:كيف عم بوياسر وكيف البنات
كان يقول كلمة بنات بثقل
هند:الحمدالله كلهم بخيروامس كانوا عندي وسكتت شوي وكملت علشان نوف كانت بايتة عندي يوم الاربعاء
في هاللحظة سكت خاالد وبلع ريقه وتم ساكت شوي إلى إن سالها: بروحها (لحالها )
هند:ايوة جابها عبدالله يوم الربوع وجلست عندي للجمعة وبعدين اخواتها جوا قضوا اليوم معانا وراحوا
خالد يوم جابت سيرة عبدالله حس بضيقة وقهر وتذكر يوم شافه معاها بالسوبرماركت
هند:خالد فيك شي
خالد:لا ابد خالتي بس لازم اروح الحين يوسف يحتريني
هند:سلم لي على يوسف وخليه يجي يشوف خالته
خالد:إن شاءالله خالتي انتي تامرين امر بغيتي شي
هند:لا سلامتك بس كرر هالزيارة
خالد:انشاءالله
وطلع خالد والدنيا تلف فيه وماعرف وين يروح تم يدور بسيارته الين المغرب وجات في باله فكرة إنه يروح ليوسف في شقة الانس ويفاجاه ويرفه عن نفسه شوي راح العمارة ودخل وطق زر المصعد لما فتح المصعد الا خالد فتح فمه وكل علامات التعجب والاندهاش على وجهه.!!!!!!!!!!!!!!!!!!!!!!!!!!!!!!! !!!!!!!!!



*بيت بوصادق*

رجع عبدالله وابوه من الشغل وكل علامات التعب ظاهره على عبدالله ودخل الصالة والكل كان هناك منى وامه وسهى
سهى خافت عليه وراحت جهته:خير إن شاءالله اش بك كدة
عبدالله:تعبااااااااااااااااان
صادق :ولاشي بس زوجك تعود على الكسل والنوم
بهيجة:ياحبيبي ياولدي شكلك تعبته معاك ياصادق!
صادق:دلع ولدك يدلع
سهى سكتت لما سمعت كلام عمها وكانت قلقانة على زوجها مرررررة
بهيجة:يالله غيروا ملابسكم بنحط لكم الغدا
عبدالله:مابغى غدا ابغى انام
صادق:ياولد بلا دلع اتغدى وبعدين نام
عبدالله حس في نفسه ابوه يقولوا ولد قدام زوجته واخته الصغيرة
سهى تنقذ الموقف:خلاص ياعمي دحين عبدالله يغير لبسه ويتغدى معانا
ودخل الغرفة وغير ملابسه ومن غير كلام ولا تعليق بس وجه كان زعلان ومقهور
سهى:اش بك يا حبيبي
عبدالله بقهر:ولاشي
سهى بدلع :علي هدا الكلام انا افهمها وهي طايرة
عبدالله بعصبية:يعني عاجبك حركاته يسبني قدامكم
سهى:الله يهديك اش قالك عمي حتى تزعل كل هالزعل
عبدالله باستخفاف:ماقال شي بس بقي يسمعني مرشح .قاطعته سهى :عبدالله هذا ابوك والمفروض يمون وترى ماصار شي كلها كلمة لاراحت ولا جات خلاص عبدالله خلااااااااااص بدلع
عبدالله ابتسم لزوجته:بس علشانك ياعمري انتي نظرة لكي تطيبني
سهى:والله وانت معصب شكلك مو حلولا تعصب علشاني
عبدالله: بس كدا هدا طلبك إن شاء الله بعد اليوم ماراح اعصب بس علشانك وقاموا يضحكوا مع بعض
طقطق طق جاه صوت دقة الباب وقاطعتهم
ماري:يالله بابا غدا
عبدالله:هدا وقته الغدا الواحد مايشوف زوجته
سهى تضحك عليه وعلى كلامه وخرج مبسوط مع سهى
بهيجة فرحت لما شافت ولدها خارج مبسوط وعرفت انها ماغلطت لما زوجته سهى لانه سهى بنت محترمة وبنت ناس وتحب زوجها وتخاف عليه واتغدوا سوا
وكالعادة غدا خاص يروح لغرفة هديل

---

;ghl hgha,hr ,hgha,h; (rwm v,lhksdm)