معكرونة لذيذة بالصور تنفع بهالبرد حياكم

**وردة غلا** · 03-Feb-2008,05:54 PM

معكرونة, بالصور, بهالبرد, تنفع, حياكم

معكرونة لذيذة بالصور تنفع بهالبرد get-fy47tr25.gif

السلام عليكم ورحمة الله وبركاته

كيفكم حبيباتي بنات المياسة

بحطلكم طريقة معكرونة لذيذة من أيام مسوينها للغدا

وبصراحة تذكرتكم وأنا آكلها لأنها فعلا تنفع بهالبرد وسرها بتعرفونه بعدين بس تابعوا الطريقة

معكرونة لذيذة بالصور تنفع بهالبرد get-af17a3ih.gif

معكرونة لذيذة بالصور تنفع بهالبرد get-af17a3ih.gif

المقادير:

دجاجة مقطعة 8 أجزاء
معكرونة قواقع أو أي شكل حسب الرغبة
بصل مفروم
ثوم مدقوق
خضار مشكلة اي نوع مفضل هنيه بس ضايفين ( جزر مقطع حلقات + طماطم مقطع )
صلصة طماطم
فلفل أخضر حار علوب بدون تقطيع ( اللي يحب الحار ممكن يقطع واحد )
ليمون أسود كامل
ماجي
بهارات مطحونة وملح
بهارات مطحونة ( عود دارسين + 3 حبات هيل )

معكرونة لذيذة بالصور تنفع بهالبرد get-af17a3ih.gif

الطريقة:

1- نحمس البصل ثم نضع عليه البهارات والثوم والفلفل العلوب.
2- نضع قطع الدجاج ( بعد غسلها بالماء والملح واليمون ) ونتركهم يتحمرون.
3- نضع الخضار ثم صلصلة الطماطم والليمون الأسود والماجي والماء – يعني باختصار كأنه تعملون مرقة دجاج بس تكون غليظة نوعا ما.
4- بالنهاية نضيف المعكرونة الغير مسلوقة ونخليها تنسلق بالمرقة لحد النضج وهنيه يكمن سرها اللذيذ. يمكن بعضكم يعرف هالطريقة وبتطلع معاكم غليظة ومتماسكة غير عن الطريقة اللي نسويها بالصلصة وتكون متناثرة.

ونغرفها بألف هني وعافية جربوها أكيد بتعجبكم ان شاءالله

معكرونة لذيذة بالصور تنفع بهالبرد get-dyulqty3.jpg