(( قــالو علامك يافتى تشكي الناس )) جديد إلى من يهمه الأمر

قالو علامك يافتى تشكي الناس = قلت البلا بالناس وأنشد حكيمي
قالو من الوسواس قلت البلا حاس = وأصلا ً له أجناس وتناويع نيمي
ياجاهل الوسواس .أرداه خنــّاس = والدين واضح بالسور يافهيمي
مير البلا أطباع وأشكال وأجناس = يامفصل العالم بعلم ٍ عليمي
عندي بشر عندي مواويل وأدناس = عيــّت خريطة عالمي تستقيمي
ناس ٍ على الشينان تمشي بنوماس =وفيهم تنافس فاق قول السقيمي
مدري جهل فيهم أو هو من الساس = والتربيه مضمون حصــاد الغشيمي
من خلقت الدنيا على الخير تنقاس = ولأّ السليم يقال جده سليمي
والغادي للغادين على صفته ناس = والعاكسه للعكس بطيب الحشيمي
والحايسه للحوس على لو س لولاس = وكل ٍ يلاقي مطلبه يانديمي
قلته بعد ماهي على الباس لا باس = ولا ّ القضيّه واضحه سين جيمي
مرسولنا كمّل لنا الدرب ياناس = المصطفى اللي عاش عمره يتيمي
وجاب القضايا ماتخالطها الادناس= واضح وضوح الشمس بليــّا ظليمي
له الصلاه نعيدهـــا ونطـــــلق أحســـــــاس = بصلاه مع تسليم فيها نهيمي

بنشدك عن رجال ولا هو برجال = والمفرده للجمع مؤنث مذكر
رجال في فعله على طول لا زال = ولحد ٍ من أهل الناس على الفعل يقدر
لأنه جماد ويخدم ولا به أشكال = وحنّــا بلا تقدير ياناس وأكثر
وطوله تعدى جبال وهضاب وتلال = وموجود في صبحه ومع الليل يسهر
وتوضيح فعله شامل الخير لابطال = ولحد ٍ بخيره يحجد الفعل ينكر