السلام عليكم

ساعدوني يا اهل الرااااااااااااااااي

انا بمشكله ومحتاااره كيف احلهاااا

انا متزوجه من سنه واربع شهوووور وعندي بنت عمرها شهرين ونصف

زوجي اكبر مني بسنه ونصف واخلاقه وتعامله معااي ممتازه جداا
وكريم معااي كثيررررررر
الا طبعا من الرومنسيه والكلام الحلو واعتقد هذا حال السعوديين الا ماقال

هو طبعا موظف بالحجاز وحنا من الرياض
واهلي بعيدين عني واعيش بغربه خاصه اني اغلب اوقاتي وحيده

لكن كل هذا ما همني

مشكلتي اني لما حملت بعد خمس شهور من الزواج وتعبت بالوحام
اضطريت اجي وابقى عند اهلي تقريبا شهر ونصف
وكان زوجي رااضي كل الرضااا
ولما رجعت
اكتشفت ان زوجي يررسال بقناة اسمها العفاف ويدور على ززواج مسيار
انا اكتشفت الموضوع بدون مايدري وتعبت ودخلت المستشفى وصادف ان اخوي كان جاي يزورني

صارحت اخوي باللي عرفته وقالي مستحيل يكون يبغى يتزوج لانه
لو يبي ما راح يروح يتزوج بهالطريقه لانه مايضمن اللي يكلمها

ونصحني اسكت وقالي انه بس يتسلى

بعدها رحت انا سجلت بالقناة وراسلت زوجي لكنه كان منقطع عن القناة
وكل فتره لما ارسل يطلع لي حالته مشغول

لكن بعد ما ولدت وجيت عند اهلي كان هو يداوم وبعدها اخذ اجازه شهر ونصف
وجاء يزورني قبل اسبوع ولاحظته محافظه على جواله وكانه خايف افتحه

رحت راسلته عن طريق القناه طلعت لي متفرغ
وارسل لي يبغى يتعرف
وصار يراسلني بدون مايدري انها انا

وسالته ليه يبغى يتزوج قال لان زوجتي تروح كل فتره عند اهلها
وانا طبيعه عملي بعيد
((والحقيقه اني ما رحت الا لما تعبت اما باقي الايام كان نجي نزور وارجع معااه))

وحتى لما جيت اولد ما داوم الا يمكن ثلاث اسابيع وبعدها اخذ اجازه

وسالته اذا زوجتك فيها اي عيب
قال لا بالعكس مافيه حاجه

وسالته اذا فيه حب

قال فيه

وقال ابغى اتزوج مسيار لاني ابغى اعيش حياتي
بدون حرام ولا ابغى اكسر بخاطر زوجتي

وطبعا سالته عن معلومات عنه
قالي كل شيء صدق الا اسمه قالي اسم ثاني

وبعدها قالي اذا عندي شروط

فا بديت اطلب مهر 30 الف وشقه وسفر
وهو يوافقني ويقول ابشري
غالي والطلب رخيص

وفي الاصل هو عليه قرض ومن كم شهر قالي ابغى ادخل جمعيه
علشان اقدر اسدد القرض ويطلع لي الراتب كامل
وافقته وبديت اقتصد بشياء كثيرره

منها ملابس المولود اخذت نصفها من اختي
وانا صار لي 3 شهور عند اهلي ولا اخذت منه اي مصروف لي او لبنتي

وانصدمت لاني صابره على اشيااء كثيرره ومتنازله علشاانه

مع اني بنت متعوده اصرف واشتري
وما عمري اضطريت اني اترك اااي شيء ابغااه
اهلي مرتاحين مادياا بالمرره

وسيارته قديمه وكل ما اقول خلي نغيرهاا وخطر علينا الطريق
يقولي بعدين والسنه الجاايه

المهممممممم اني صاابره علشان اقدر اوفر لي ولبنتي وشيء علشااني

مو علشاان يروح يلعب فيها ويتزوج علي

واللي خايفه منه انه راح ياخذ الجمعيه بشهر 3

ومو عارفه كيف اتصررف


وانا حااسه اني مو مقصره معاه
احترمه واقدر رااايه

وهو طبيتعه كثير يتكلم ويحب يتفلسف واسمعه داايم
وادلله بشيااء كثيره

وكل فتره اساله اذا انا مقصره بشيء او اذا زعلان بشي
ومن بدايه الزواج كنت اقول له اذا شفت علي اي غلط نبهني
والعكس


بصراحه ما ابغى اواجهه لاني بحط بيني وبينه حااجز وبكسر الثقه

والشيء الثااني خاايفه بدال ماتكون مسيار تكوون زوجه ثانيه

وبنفس الوقت ما اقبل انه يتزوج علي

انا للحين حاسه اني عرووس

واخاف اتركه يتزوج مسيار وبعدهاا يخليها رسميه


والحين عاايشه ضغط نفسي فضيع

لاني ارسل له رسايل وطبعا ما يرد علي
واذا ارسلت على القناه على اساس اني وحده ثانيه على طول يرد علي

حااسه بجرح كبيررررررر

وخاااااااااايفه


ساااااااااااااااعدوووني ارجوووكم

جزااااك الله خيررر اختي

كان الله بعونك أم محمد

ما قدامك إلا الصبر والدعاء انه الله يهديه لكِ

تحياتي لكِ..

شوفي يالغلا
اولا اسال الله يفرج همك
ثانيا اختي الغالية ثقي في ان حصل فهو قضاء الله وقدره
حبيبتي وغاليتي
ان الله خلقنا وهو اعلم بنا سبحانه ولعلمه عز وجل بطبيعه الرجل وانه غالبا لا يقنع بامراة واحدة في حياته فانه شرع له الزواج باثنين و3 واحيانا بعضهم يصل لاربع
هذا لا يعني ابدا نقص بك او بمن تزوج عليها زوجها على النقيض على النقيض هو ترجمة لطبيعة الرجل

فقط اقول هذا الكلام لتقر عينك قليلا

ثانيا

انتي الان لو اشبه لك حالتك ( تأكلين نفسك ) تعيشين الهم وحدك
اخبريني فقط كيف عرفتي انه يراسل القناة ؟
هالمعلومة مهمة لاني اخشى ما اخشاه انك بالخطا انتي من فتحتي عينيه لذلك هذه واحدة انتظر منك اجابتها

ثالثا :
اقرئي سورة البقرة في بيتك يوميا فجرا ومساء فهي تبعد الشياطين الي توسوس لزوجك وتزين له الحرام

رابعا
بما انك عرفتي من طبيعة زوجك انه لا يصبر عن ابتعاد زوجته عنه وفكر بالمسيار مباشرة بربك عودي لبيتك مسرعة
لم انتي في بيت اهلك 3 اشهر يحق له ان يفكر بالزواج اونتي تتركينه كل هذه الفترة ان فكرتي بعقلك ستجيني محقة

خامسا
انتي تقتصدين في المصرف
لم ؟
عوديه ان يتحمل مسؤولية الاولاد والمصروف لم تاخذين بعض ملابس ابن اختك اخطأت انتي تقتصدين وهو يوفر ليتزوج باخرى
اصبح الطريق ممهد امامه
لا تعوديه على عدم الصرف او انك قد تقترين على نفسك سيفكر ان اامامه فسحة من المال ممكن يفتح بها بيت اخر
وان كنت ابصم ان الرجل لو قرر يتزوج ختى وان كان على الحصيرة سيفعلها

لذا ليس امامك الا مصارحته بانك علمتي بطريقة ما انه يرغب بالتزوج بالمسيار وانك ترفضين الوضع وناقشيه بهدوء

لن تحصدي شيء وانتي تتجسسين عليه برسائلك ثقي قد يكتشف ذلك وينقلب الامر عوضا ان يكون بصفك يصبح ضدك

مثلا
افتحي القناة اثناء وجوده مثلا
صارحية باي طريقة ستظلين تنهشين في نفسك وتقترفين الاخطاء الواحد تلو الاخر وهو يستمتع بالتفكير والتخطيط للزواج باخرى
اقلبي حياته راسا على عقب اشغليه اقلبي حياته رومانسية لا تنتظري ان يكون رومانسي معك انتي فاجئيه برومانسيتك لا تنتظري ممنه ان يكون مبادر بهالنقطة الناس تختلف طبائعهم اجعليه يراكي تلك العروس مرة ثانية غيري مباشرة من مظهرك

لوكن الاهم توقفي عما تفعلين ثقي لو علم بالامر عوضا ان يكون الامر بصفك سينقلب على راسك

غاليت ي
الدعاء ثم الدعاء ثم الدعاء
واخيرا ان حصل فاعلمي انه قدر الله وانه كتب عليكي قبل ان يخلق الله السماوات والارض بخمسين الف سنة فلا تحزني على امر قدر قبل ان تخلقي لكن احزني ان لم تبذلي الاسباب او احزني ان اقترفتي الاخطاء

الاهم
عودي لمنزلك سريعا وكفي عن كثير السفر

وغيري مظهرك وكفي عن ملاحقته بالرسائل لن تحصدي الا الهم

يا حول الله يارب والله ما بعرف شو أقول لكى الله يصبرك حبيبتى يارب

ما بعرف ليش الرجال غدار مهما الست تعمل برضو غــدار

حبيبتي اولا احيكي غاليتي على تصرفك وهو ينم عن تربية صالحة كونك تراعين ظروف زوجك حبيبتي ان الله لا يضيع عمل عامل منكم من ذكر او انثى
لذا اقتصدي ولكن ليس لحد ان تجعلي عنده فسحة كبيرة ممكن يتزوج بها باخرى
ان كان كذلك قولي له فين ماتشتغل او باي بلد انا معك ولا تظهري له ابدا انه من باب التضييق عليه على العكس اظهري انه من باب عدم قدرتك عن الابتعاد عنه اكثر ( وطبعا هي حقيقة ولا شك )


هالشي سيشغله

وتذكري اصبح عندكما طفل هالامر سوف يشغله كثير وحاولي ان تشركيه دوما في حوار حول تربية الطفل مادام يحب الكلام هالامر سيساعدك كثيرا هو للان ما ذاق طعم الابوة لذا اتركيه يمارس هالسعادة ستشغله كثيرا
لا تتعجلي الحزن باذن الله زوجك ليس بسيء ابدا هي فترة نزوة وباذن الله ستنجلي


ريح الله بالك وخاطرك وهي فترات ممكن يمر بها كثير من الرجال لا تجعليها تفسد الثقة بينكما
لكن الاهم توقفي عن مراسلته لانك بهذه الطريقة ثقي ستخسرين ثقتك حتى بنفسك وزوجك
والاهم ستقلبين حياتك ونفسيتك جحيم
وقبل كل شي توكلي على الله وتذكري دوما ( ان يمسسك الله بضر فلا كاشف له الا هو )
مهما نصحناكي فثقي الفرج بيد الله وحده

اختك

السلام عليكم ورحمة الله وبركاتة

غاليتنا أم محمد

اسعد الله اوقاتك بكل خير

قريت موضوعك كاملا

يالغاليه

والله ياليت تغيري من وضع نفسك شوي

يعني تظهري أهتمامك بزياده

الرجال بطبعه يحب الدلع

لأنه مالقاه من أحد كل أهله حتى أمه ما تدلعه

مثلا لو أسمه محمد ناديه حمودي

هذا شي ,, الشي الثاني

هو يدري أنه كل شي بحياتك بس أضهريله ذا الشي بزياده

يعني مثلا اتصلي عليه وأول ما تقفلي ارجعي أتصلي وأول ما يرد أضحكي وقولي مافي شي بس وحشتني

وريه أنه كل شي بحياتك

أنك من غيره ما تقدري تعيشي

وبنفس الوقت خلي في حد لهالشي

ترا هالأشياء انتوا يالحيم تشوفوها تافهه بس والله انها تسوي أشياء كثير بالرجال

بجد الرجال لأنه رجال يفتقد للحنان للدلع

لكلمة أحبك

غير كذا يالغاليه خليك 24 ساعه معه ولو بالتلفوون

ارجعي له

لا تسيبيه لحاله

بجد نصيحتي لك

أشغلي وقته 24 ساعه

خليه لما يفتح عينه يشوفك ولما يغمضها يستنا متى يفتحها عشان يرجع يشوفك

شوقيه لك

الفتي نظره

ما أدري عندي كلام كثير

بيدك تقدري

تبني بيتك من الصفر وبيدك تنهيه

أنتي اكيد تعرفي وش يحب سوييه

وش يكره أبتعدي عنه

الرضا يرضاه

الرجال لا شاف البنت ما تهتم له أو ماهي معه يبدأ يمل من الوحده

والشيطان يزين مليون شي وشي عشان يا يتعرف او يصير مثل حالتك

يالغاليه

راجعي نفسك ولا تسيبيه مهما صار

الله يوفقك ويهدي زوجك ويثبت قلوبكم يارب

تقبلي مروري ورأيي

الله لا يحرمنا منك يارب

دمتي بكل خير وسعادهـ

تحياتي ,,,,

يا ام محمد

من فتحتو هذا الموضوع وانا نفسي ارد بس مالقيت فرصه

وهذا رد على عجاله ولي رد مطول ان شاء الله هذه الليله

خذيها نصيحه من اخو اكبر منك

تزوج وانجب وطلق وخابز الحياه وعاجنها

اول شيء لاتخلينه يدري انك انتي الي تراسلينه على القناه

لانه ساعتها راح ينقلب السحر على الساحر وراح يتهمك بامور انتي في غنها عنها

ويمكن توصل للطلاق لا سمح الله

وبلاش يعرف انك عرفتي انه ناوي يتزوج عليك عشان لايعند وتصير المساله عادي عنده انك عرفتي ولاصار شيء وراحت اهمية الموضوع

وخذيها نصييييييييييحه من قلب قلبي

حافضي على بيتك وزوجك وطفلك

واقسم بالله لو تطلقتي محد ينفعك

ولتعضين اصابيعك ندم على الطلاق وساعتها تقولين ياليته تزوج ولاطلقني

وترا اول شيء ماهو طيب سويتيه انك نزلتي مشكلتك في منتدى

المفروض الزواج ومشاكله محد يطلع عليها غير الله سبحانه وتعالى ثمن الزوجين وبس

لي رجعه الليله ان شاء الله

واقسم بالله لو تطلقتي لتندمين اشد الندم
واسالي مجرب

انتضري عودتي وردي الاخير الليله