يابليس جاوبني وأنا أوقول يابليس = وعطني من علوم ٍ جديدات بالقاف
وعطني من علوم البشر والنواجيس = علم ٍ صحيح ولا تخالط به أحلاف

لبيه يالداعي على الصوت والكيــس = وأهلا وسهلا بالقصايد والأعراف
وإبشر أبي أعطيك قول ٍ بلا قيس = من دون كذب ودون ماضي للأسلاف

أشوف خلق الله غدو دون تدريس = ولا همهم شاعر ولا همهم طاف
ولا قدرو للخلق والناس يابليس = عطني مزيد وصنــّف القول بأصناف

الكيس شاهد وأنشد الشيخ والهيس = يعطيك علم ٍ بالبشر وأنت تنضاف
فيكم ردى فيكم عقوق ومناكيس =وفيكم بدون إبليس خفيات تنشاف

صادق ورب البيت من دون ماقيس = والناس أردى ويلزم فليت بف باف
والحال شاهد شفني أشكي من الخيس = هم خيسيوني ولا يجي بظنك إخلاف

عادي وباقي بالبشر منه تنفيس = أكبر من الواقع على هامس الكاف
ناس ٍ بلاهم هم وإبليس تنكيس = من دوني أفعال ٍ ترى تجلب أتلاف

زاد الكلام وزودها بتنفيس = مفلس تراني يوم أشاكيك بالقاف
لردى مخاليق والبشر هم نواجيس= والشاهد أبياتي قديمات تنعاف

أيــه أتركوها ولا يقولون لك ميس = وأصبحت أنا وياك على جال الأطراف
وصرنا صداقه والعوض فيك عن هيس = وعن البقيــّه لو يقولون لك خاف

ألأّ على ذاك البعيد المداريس = هم قدروني يوم عذربت بشغاف
يومني أكثرت الخطا وأنت تطعيس = يومني خبل ٍ وأحسب الناس أشراف

لا واللذي كون عيونك بلا سيس = خولك كنك بلا مواريد وأكتاف
وأصبحت بين الناس منضاق عتريس = تشكي رداهم والردى فيك ماطاف

يعني حصليتهم سوات النقاريس = ضاع التعب فيهم وضعنا بلا أنصاف
وأصبحت أخابط خمس والأوفت يابليس = بليا حصاد الزرع وصارو للأجياف

ذولا هم أردى الناس ولا تعم لنويس = في غيرهم صاحين للــه ياجاف
وخلك خبير فيهم على هامس العيس = وعلم عيالك من دروسك بالاعراف

تسلم ومني في وداعي تحاويس = بحوسهم وأثقل عليهم بالأوقاف
وأفصل الأجناس غادي وذا خيس = وهذا كذوب وذاك خبل ٍ وخراف

تسلم فمان الله وإبليس لأبليس = وقلها على لساني إبليس طوّاف
وأيضا لربه راكع وساجد إبليس = ويعرف مواجيبه مع الله سيــّاف

لعيون إبليسا أبكتب لغز = وأخطها عند خطاطي
وللناس يوم البشر تنهز = أبرفع إبليس عن واطي
وأبنشده كانها تنعز= قصيدة ٍ بأول الشاطي
ياويش رجل ٍ غدى منغز= يغيب عنا بمقراطي
معانا باوقات له تنلز = وفعله يخليك تحتاطي
رجل ٍ من أمك يبو معتز= ولا يجحده غير خراطي