~[ أيــــــآم آلـطـفــولــــة..... ]~

في البداية : اشكرك استاذي سيد الظلام على اخلاقك الاكثر من رائعه

وعلى تواصلك الدائم معنا . ونتمنى من الله عز وجل ان تعود إلى الاهل سالم غانم وفي قلبك الكثير من الحكاوي والعلم


1ـ شنهو اهوه مسلسلك الكرتوني المفضل <== ايام الطفوله ؟؟

بصراحه ... سانشيرو < وإلى الحين اتذكرة وبالدرجه الثانيه بعده الرجل الحديدي

2ـ اسم الشخصية الي تجذبك بهذا الكرتون ؟؟

سانيشيرو في مسلسل سانشيرو .. ولميس في الرجل الحديدي

3ـ شنهو رأيك بمسلسلات الكرتونيه الحاليه وما هو اثرها على الاطفال ؟؟

بصراحه ماعرف ولا اتابعها لكن من اللي اسمعه من الصغار .. استنتجت انها مفسده لدرجة فوق مانتصور

4ـ شنهو كان ودك وانت صغير تصير في المستقبل ؟؟

سكيورتي في مجال الحاسب الالي < من حبي له

5 ـ موقف صارلك وانت صغير ومو قادر تنساه ؟؟

المواقف كثيره ولاتذكرها من كثرتها .. ولكن الذي اذكره حتى الان مره على ايام كمبيوتر الاتاري . كان الكمبيوتر شوي تعبان ومغبر وجيت ابي انظفه ... قمت غسلته بالمويه هههههههههه


6ـ اكثر شي كنت تخاف منه وانت صغير ؟؟

الحمد لله ما اخاف من شي والله

7ـ يوم دخلت اول يوم بالدراسة بالروضة او الابتدائية مو شرط يعني اول يوم دراسة لك بعيد عن الاهل (( بكـــــــــــــــــيت )) ؟؟؟

لا ما بكيت بس كنت ارتبك لا سألني الاستاذ

8 ـ اكثر مدرس او مدرسة كنتوا تحبونه وللحين تتذكرنه مو شرط تقولون الاسم قولوا اسم المادة ؟؟؟
مدرس الرياضيات والعلوم واسمه مرعي القحطاني .. في رابع ابتدائي وهو اللي شجعني بكل شي الله يذكره بالخير ولو هو موجود حبيت راسه والله

9ـ لو يقولون لك ترجع لايام الطفويه تغير شغله وحده بس شنهو كنت راح تغير ؟؟

اكمل دراستي


10 ـ (( كلمة اخيره شنهو تعني لك الطفوله حاليا وقبل )) وشنهو الفرق بينهم ؟؟؟

حاليا الاحظ انه الاطفال ... صارو فاهمين كل شي عكس اول . بل انه الان نجد اطفال بأعمار الـ 12 و 13 يستعملون الدخان .. وفي زماننا الشخص المدخن كان غير مرغوب فيه .. فكيف بهذا الامر


اخيرا يعطيك العافيه اخوي وليد

على الموضوع


ولك الف تحيه