وين القلم هاتوه انـا رايـق البـال
جني بنات الفكـر ياعيـن ياليـل
والكل منهن ياملا سمـح الاقبـال
وانا لهن مشتاق بالحيـل بالحيـل
يزداد شوقـي بالمواقـف للامثـال
وقبلتهن وقـت المواقيـف تقبيـل
شعر المواقف لجله الهجس يجتـال
دعيتهـن جنـي جهدهـن مقابيـل
قالن حظرنا قلت بالحـال بالحـال
طاعن وانا عسافهن عسفت الخيـل
علمتهن يمشن لـو بشهـب الـلال
في النظم والا في لحون المواويـل
ولاني من اللي يسرق الشعر لاقال
ويرز عنقه كن عنـده محاصيـل
من شك في نفسه عليه الدهر مـال
والواثق اللي فاللقاء يصهل صهيـل
ياحبنـي للعـال ومـدور العـال
اللي منازلهم كما الجـدي وسهيـل
واليا كرهت اكره منافـق ودجـال
اللي مقامه كنه النجـم ابـو ذيـل
واشوف ناس(ن) كلها اخبال واهبال
ومثلي تميزهـم عقـول الرياجيـل
ياللي هدب عينك على خدك اظلال
لاتصدقين اعوير واصوير واحويل
امقلديـن الصـوت مافيهـم امـال
ماباقـي الا يلبسـون الخلاخـيـل
من حط نكه بنت ماهـوب رجـال
مسكين عرض نفسه القال والقيـل
نضحك على شرواه بقفاي واقبـال
كل(ن ) يقول انه مسيكين واخبيـل
وانا اعرف انه شين لو يلبس الشال
راسه كما الجني وخشمه خشم فيل
اللي سواته ياعسى مالـه اعيـال
مهبول واعيالـه بتطلـع مهابيـل
يالله عساهم في البشر مالهـم تـال
والا عليهم ترسل اطيـور ابابيـل
والله مسوقلهم مع النـاس فنجـال
ينسـاق والله للقـروم المشاكـيـل


اعجبتني وحبيت انقلهاا لكم

تحياتي

تسلمين يا الغلا ع الابيات


دمتي بود

تسلمي حبيبتى عالكلمات الروعه


يعطيك العافيه


...............................

...........

/
/

ابياات رائعه

يعطيك العاافيه يالغلا

لاتحرمينااا توااصك العطر

من اروع ما قرأت والله صح لسان قايلها ولفت بحرير انامل نقلتها اهلا بك غاليتي

كلمات رائعه اختي الغاليه مهره

يسلمووووووو على هاالابيات الرائعه

مبدعه معنى الكلمه اتمنى لك التوفيق