الموضوع: شعر ليبي باللهجة الليبية. (لاقن زمان)؟

الليبية, زمان؟, شعر

لكي أنتي فقط
مالزت أقول
=========

[align=center]تلاقن زمان

في وطن م لوطان

ربيع وخريف

وكان الربيع زاهي بحنان

وكان الخريف

دافي عفيف



حبو

ماهابوش تعب

عاشو

اجمل قصة حب

واجمل حاجة في قصتهم

انهم كانو

كل حد يدّلل فـ الثانــي

واجمل حاجة في لغتهـم

انهم كانو

ما يحتاجو شرح معاني







ووين صار للمحبه انفاس

جي للربيع وسواس

قال ياربيع :

ما القيت في الكون الوسيع

غير الخريف وناس

انسى امعاه أحلامك

تلقى الشتا قدامك

وتلقى وراك الصيف



جاه الخريف يغني

ويقوله المسكين:

نا ليك وانت مني

رد الربيع، وقال

ونظرة جفا في العين:

امشي ابتعد عني

لا عاد بيك انحير

لا الشوق لك يشغلني

وراه كل شي ايصيـر

إلا حبني بالسيـف





ومن يومها

يشيب الرضيـع

م البرد في عـز الربيـع

وصارت الشمس اتغيب

وين ما حبيب يهون الحبيب

وصار الخريف خريـف

فيه الشجر ايصيـف

والريح ليها زفيـف

وما حّد يعرف ليـش

لا حّد يعرف كيف

تلاقـن زمـان

في وطن م لوطـان

ربيــع وخريـف

=====================

(((ما تغير فيك ظني ولا انقول في سري غير إنك حبيبي وعمري)))

=====================

اللي ما يفهم أي كلمة يقول أتمنى النقاش حتى نفهمه كلنا


والسلام عليكم ورحمة الله وبركاته[/align]

---

auv gdfd fhggi[m hggdfdm> (ghrk .lhk)?