الموضوع: مووووضة ام فوووووضة

المشاركة الأصلية كتبت بواسطة راسـ مالي عزتـي

السلام عليكم ورحمة الله بركاته

موضوعي اليوم أتحدث فيه عن ظاهره تنامت
بسرعه كبيره في الآونه الأخيره في السعودية وهذه الظاهرة هم شباب الكول .
من هم شباب الكول :-هم اللي عرفوا نفسهم بنفسهم هم اللي على الموضه في لبسهم وقصاتهم هم اللي كلامهم كول هم اللي تصرفاتهم كول وكل شي فيهم كول.
أنا أعرفهم لكم من وجهة نظري أنهم شباب إمعات لاهم رجال ولابنات وتنطبق عليهم مقولة علي بن أبي طالب رضي الله عنه"أشباه الرجال وماهم برجال حلوم أطفال وعقول ربات حجال".
طريقة لبسهم:- يلبسون الجنزات مو مثل الناس يلبسونها تحت الحوض وفوق العانه ويسمون هذا البنطلون "طيحني"
والآن ظهر بنطلون جديد لهم ويسمى "سامحني"وهو له سحابان من الأمام والخلف.
يعني في البدايه أظهروا عوراتهم والأن يسمحون بإنتهاكها
أجارنا الله وإياكم وجميع المسلمين.
وعندهم قصه شعر موحده وهي "الكدش"
وناعمين في كلامهم ومشيتهم.
هل هذه من عاداتنا وتقاليدنا؟ هل هذه هي سمات الرجوله؟
هل هذا هو التطور والحضارة التي يتحدثون عنها ؟
هل هذه هي الموضه في بيع أنفسهم للذئاب الجائعه؟
وعندماتسألهم لماذا تفعلون كل هذا يقولون لك لجذب البنات هل تجذب البنات بإظهار عورتك وهذا سؤال موجه للبنات
هل تعجبون بالشاب الذي فيه صفات الميوعه أم صفات الرجوله والخشونه؟





بانتـــــــــــــــظار آرائــــكم ،،

و الله شوفي

بالنسبة لي ارى نمط الحياة اللي عايشين عليه الاخوان اللي تكلمتي عنهم نمط متخلف و بين قوسين مقرف يعني اوكي البس جينز تيشرت بس ليه يصير الخصر نازل بشكل قبيح خلينا نجيبها من البداية . الشعر زي ما قلتي كدش يجيك شعره لا هو ناعم و مرتب ولا هو خشن و قصير و مرتب لا . خشن و طويل و غير مرتب اطلاقا منظر مقرف , و المشكلة انه ما يهتم بتصفيفه او حتى نظافته !!
التيشرت ما يلبس اي تي شرت لا لازم يكون لافت للانظار بأي طريقه سواء بالرسومات اللي عليه او حتى بالكلام اوكي إلفت النظر بس بشكل اجمل من كذا . و الجينز زي ما تفضلتي ما يختارون الا النوعيات اللي يخجل الواحد انه يناظر لأشكالهم و هم لابسينها

وش فيه لمن تلبس كاج ؟ تي شرت بسيط و غير لافت للنظر و لكن من ماركه معروفه و جينز مرتب و موديله حلو و برضه من ماركه معروفه و الجزمه كذلك كرمك الله

المشكلة ان القاعده انقلبت و صار اللي مو زي الاخوان اللي تكلمتي عنهم هو الشاذ عن القاعده !!

احب شكل الرجل لمن يصير مرتب و معتني بنفسه و نظافته و ريحته (( تراني رجال على فكرة :d )) و الاهم طريقة تعامله يا اختي يكفي الابتسامه على وجهه

لاحظي اخلاق و تصرفات الاخوان اللي تكلمتي عنهم و بتعرفين ان اللي يسوونه غلط بدءا من اللبس و انتهاءا بالعقليه :)


شكرا :)