شريط الذكريات

في 22-Jul-2008 الساعة : 12:44 PM

(( شريط الذكريات ))

بينما كنت جالساَ بالصله لوحدي بعد ماتيت من العمل الشاق والمرهق لبست سروالي القطن

المقوصر الي من ورى كله سواد لاني ماغيرته من ثلاث سنوات ولا عمري غسلته يازين ريحته ولبست فنيلتي العلاقيه ورشيتها مويه ببرد على عمري لاني بصراحه كسلان اتروش والماء مقطوع ولازم احد يطلع برى في الشمس يولع الدينمو وخدامتنا سافرت الله يذكرها بالخير ومافيه الا انا يتيم بالبيت عند امي وابوي لان اخواني ساحبين السيفون على امي وابوي وتاركين المسؤليه على رقبتي الله يلعن من جابهم وبيني وبينكم انا مزلب امي وابوي ولا طقيت لهم خبر .. ووجودي مثل عدمه ماتلاحظون اني قمت افضفض لكم وقولكم قصه حياتي الله يقلع هالوجيه البايزه وفي مقدمتكم المطيري الحقير الملقب بممحون الشاتات ماغير يفتح من المواضيع شات .. شات .. شات ..الله ياخذ هالوجه ماعمره شاف نعمه وشغلنا بالشاتات المهم كنت جالساَ بالصاله ماغير انقل اصبعي من فتحه خشمي اليمين لليسار ومن اليسار لليمين وقاعد انقب وكرر انتاجي من المخاط وبعد عمليه التكرير رحت اجرب حاسه الشم هل كررت خشمي صح ولا شغلي مو مضبوط واسوي تصفيه اصرف لي ونا استلقي على ظهري ورفع ركبتيني فوق ولازلت مستلقي ونا ارفع راسي واوجه راسي بين فخوذي بكل سلاسه ودقه متناهيه وقرب راسي لفخوذي اكثر واكثر حتى اشم ريحه سروالي القطن

واذا بالريحه الخايسه الي تخلي الكافر يسلم والمسلم يرتد والعياذ بالله بتقولون ليش يرتد والله ليكره الاسلام مادام راعي السروال هذا مسلم اخذت لي شمه ثانيه للسروال واذا بي اصدع ادمان هالسروال وربي الله لايبلاكم واخذ لي شمه ثالثه واذا بي افل السبحه وابدا اعيد شريط ذكرياتي بيني وبين نفسي <---وش تحس فيه انت

(( الوجه الاول من الشريط))

فيه هذا الوجه من الشريط تذكرت خادمتنا اندنوسيه الاصل ميري الي راحت بعد اربع طعش سنه ونصف السنه خدمه واخلاص وتفاني بالعمل .. لن ابالغ اذا قلت لكم يوم سافرت بكيت وشغلت على اغنيه راشد الماجد هلي لايحرموني منه من جد فقيده هالميري ياما هربت لها اندومي من ورى السور وفي عتمه الليل كنت اختخت للسيب في اخر الليل وطق دريشتها وهديها كذا اندومي متعدده النكهات والمذاقات كانت تفهمني وافهمها يمكن لتقارب العمر دور لذالك التفاهم ..تصدقون انها صابره على غثاي ياميري اكوي شماغي يامري جيبي انعالي ياميري جيبي كاس ماء وشرب الماء وحط الكاس قدامي وقول ياميري تعالي اخذي الكاس حتى اتمعن بالمناظر الخلابه << اوصخ من ذنب الكـلب المهم ان ميري كانت تبي تزوجني لاتقولون كيف وليش .. هي وحده من الثنتين ياتبي الفكه مني وتصير هي الكل بالكل بالبيت ويصفى لها الجو مع الشايب ولا تبي تكسب اجر فيني جتني هاك اليوم مبتسمه ونا بالحوش كنت ناوي اطلع من هالبيت الكئيب وتجي ميري وتحط يدينها على كتفي (( واحد من الاعيال ميري ذي مو خدامه

))وتقولي يابابا ياهلوسة ليش انتا مافيه زواج لسه قلت ياميري انتي عارفه انه اذا بغيت اتزوج بيزوجوني من بنات عمي وبنات عمي وحده تشبه لي والثنتين الباقيات انا احلا منهم يعني صعب اتزوجهن ياميري وماراح افكر بالزواج مادام شريكه الحياه وحده من هالبقرات الثلاث الي ناشبات في حلق عمي ويبي الفكه منهن على حسابي وحساب حياتي ومالي ولقمه عيشي ونا بيني وبينك ياميري اكره عمي مادانيه في عيشه الله وبخليهن ينشبن بحلقه طول عمره وكل ماشاف وحده منهن يقعد يدعي علي ومافيه امل ياميري اعيش مع وحده من هالبقر على حسابي وحتى لويعطني عمي وحده منهن مجاناَماخذتها ومو انا الي يهدم عشته الزوجيه قبل ماتبدا استانست ميري من كلامي وبانت على خشتها الابتسامه وقالت لي يامجنون وش رايك بساره ..قلت منهي ساره ..؟؟ قالت هاذي ساره بنت ام ساره هذا ام ساره صديقه مال مامه انتا قلت هي حلوه قالت اووووه حلوه كتير كتير كتير ابيض مره سمسم نجفه شعر طويل مره لون اسود كحلي <-- كيف تجي اسود كحلي ماعلينا اهم شي ان شعرها طويل وحلوه قلت طيب ياميري انتي وين شفتيها قالت شفتها بزواج اخوك خالد وعجبتني بجمالها واخلاقها وحبيت انها تكون من نصيبك قلت لها خلاص ياميري الله يجزاك خير وفيتي وكفيتي ورايتك بيضاء وانا بفاتح المامه يامير بهالموضوع وفي اليوم التالي كلمت امي وقلت لها ابي اتزوج ساره بنت ام ساره صديقتك قالت من وين تعرفها قلت ميري كلمتني عنها وعن اخلاقها وجمالها وافقت امي على طول وقالت والله انها موب بسيطه هالميري والله الي كسبت فيك اجر ..

قلت اي والله يمه والله ان ذوقها لايعلى عليه موب انتي الي بتزوجيني احدى البقرات الثلاث المهم اني رحت اخطب ساره فرفضو اهلها لانها مخطوبه من ولد عمها .. ونا حرمت اتزوج الا وحده تختارها لنا خدامتنا الجايه من سيرلانكا بعد شهر يمكن ذوقها يطلع نفس ذوق ميري مايستفاد من الشريط الاول .. يابنات اسمعو وعو ضبطو اخلاقكم مع الخدامات ماتدرون لو فارس الاحلام جاكم عن طريق احدى الخادمات .. وداري ان اغلبكن اخلاقها شينه ونفسيتها زفت بس لاوصيكم بالنفاق يعني سولفو مع الخدامات بحفلات الزواج ورزرزن اعماركن عندهن ترى مستقبلكن وحياتكم بيد الخدامات لاتقعدن عانسات وتنشبن بحلوق ابائكم مثل بنات عمي ترى عيال العم مافيهم خير ومايهمهم الا مصلحتهم

( الوجه الثاني من الشريط

))

في هذا الوجه تذكرت ابوي يوم جيت افرحه اني نجحت من المتوسطه جته جلطه دماغيه من الفرحه وغمى عليه (( اكيد بيغمى عليه مادامك الوحيد من سلالته حامل لهاذه الشهاده العليا)) المهم انه بعد خمسه اشهر من الاغماء صحى ابوي بالمستشفى من الغيبوبه وسولف مع اخواني وتقهوى معهم ويوم دخلت بسلم عليه وهو يغمى عليه مره ثانيه من الفرحه للحين مو مصدق هالخسيس ونا مو فاضي كل شوي يغمى عليه ونا اطب عليه بالسرير وجلس على بطنه وقعد اعطيه كفوف ابيه يصحى موب على كيفه مواعدني اذا نجحت يعلمني السواقه بالوانيت المخبط ويعطيني انجاحه خمسين ريال وهو يصحى ويقعد يقولي شعوره بهاذا الخبر قالي انه بيعلمني السواقه وبيجيب لي في الحاره عرضه سامري قلت لا يالحبيب ابي دبكـه ولا رجعت للمدرسه قلت يسقطوني قالي لا لا عطني شهادتك احفظها عندي لاتضيع وعطيته شهادتي وقعد يدقق فيها ويلفها يمين ويسار ويرفعهاوينزلها ويفتح عين ويغمض الثانيه حتى يشوف اذاكانت مزوره ولا اصليه ويعضها بضروسه يحسبها نفس الفلوس هالمخرف الله يلوم الي يلومه ..وقال ابوي لخوي خالد رح غلف الشهاده وحفظها بالتجوري (( اخس يالتجوري هذا الي مافيه الا صك ملكيه البيت ))حتى اخواني موب مصدقين وكانت تسائلاتهم كيف نجحت بالفنيه<-- لانها كانت معقدتهم هالماده لان ابوي مايعطيهم فلوس يشترون كراسه والوان بس انا عرفت اصرف عمري يوم سرقت من احدفصول اول متوسطه لانهم وراعين حتى لو احد يكعفشني منهم بصفقه على وجهه الميهيم ياحباني سرقت كراسه والون في وقت الفسحه لذالك نجحت بالفنيه ومالكم بالطويله سوينا وليمه عشاء بمناسبه قومه ابوي من المستشفى وقعدو الضيوف يباركون لبوي على نجاحي ونا مستحي كاني وحده مخطوبه المهم ان ابوي قال للضيوف انه بيدرسني بجامعه هوفن راديزي ببريطانياونا يطير عقلي من الفرحه اخيراَ بيجي اليوم الي اسافر فيه برى السعوديه وبتحقق امنيه حياتي اني انتحر من برج ايفل وفتك من المجتمع الخايس المجتمع الخبيث المجتمع الي ماهمه الا قيل وقال وكثره البربره وفي اليوم الي تبع هالوليمه الا جماعتنا كلهم واقفين عند باب البيت ومعهم معاريض يقولون لي اذا رحت لبريطانيا عطها توني بلير اربه يحصل لنا شغله شريفه ببريطانيا .. قلت اذا على الشرف مانتم اهلاَ له ومن زين الوجيه تبون تروحون لبريطانيا يجيهم العذاب والطبيعه الي عندهم تصير صحاري والمطر ماعاد يشمون ريحته من قو الحسد والحقد الي عندكم مافتكينا منك فيذا بتروحون لبريطانيا بعدين ياجحلط والله مالها داعي ياجماعه الربع تحرجوني مع ابو بلير وربي احراج يعني من اول يوم بجي ادخل عليه وقدم معاريضكم استحو على وجيهكم خلوها بعد سنه ولا سنتين .. المهم جاني تهزيئ اني رخمه ومانفع جماعتي وقالي ابوي اخذ المعاريض لاتطلع رخمه لاتخلي الرياجيل يشرهون عليك وخذت منهم المعاريض ولازلت احتفظ بها بدولابي ..ولا زال والدي يواعدني لحد الان انه يعلمني السواقه ولا شفت شي من وعوده لانه اكبر نصاب عرفته بحياتي لذالك للحين اذكره بهالمواقف ونا اجزم انه يوم انه دخلني جندي مو حب فيني الا والله على شان ياخذ له الفين ريال كل شهر هالدكتاتوري ياجعلها سم ببطنه الي يسمع بالدكتاتوري ولا يعرفها يجلس مع ابوي ولو لساعه راح يفهم معنى الدكتاتوريه بدون ماييشوف ويتابع وسائل الاعلام لانهم كل يوم مغيرين المعنى على حسب مزاجهم بس عند ابوي بتعرفون معنى الدكتاتوريه بمعناها الصحيح .. ونتهى الشريط وباخذ لي شمـه قووويه لهالسروال يمكن انزل سيدي ذكرياتي ويكون هالسيدي مضغوط بكم هائل من البيانات مع السلامه ونا مستعجل ونا كتبت هالموضوع بعجله على شان سيد الظلام مايزعل علينا ويقول وين الي يوعد ويخلف ونا مومثل ابوي انا عند كلمتي يا سيد الظلام ياولد الهنوف

في 22-Jul-2008 الساعة : 12:45 PM

ياشيين الفضاوه على الظهر هههههههههههه

في 22-Jul-2008 الساعة : 01:07 PM

ههههههههههههههههههههههههههههههههههههههههههههه بايخه واييييييد

في 22-Jul-2008 الساعة : 01:28 PM

ياشيخه مدري وكيف وشلون قدرتي تقررين الموضوع بخمس دقايق وترد ين عليه بسرعه كذأ..!! والمشكله تقولين موضوع بايخ واييييد هههههههه.. قسم بالله اقطع يدي اذ روح قرات الموضوع ياشباب

اناا اقدر ارد علييه رد اخلييهاا تعرف ترد ثاني مره زين .. بس علشاني مبطي على هذا القسم والبنت 34 مشاركه ولا تعرف اسلوبي في القسم ابي امشيهاا لهاا لكن المره الثانيه مهب طالع من الموضوع الى واناا راد عليهاا رد يخلييه تصييح ودمعهاا على خدها بس حبيت اقولك ياروح اتحدك تجبين حرف من حروفي ..؟؟

في 22-Jul-2008 الساعة : 10:53 PM

هلوسه يامنتف

موضوعك

مهستر

شكل ماعندك مخ بس ورقه مكتوب فيها مخ ومحطوطهـ في راسك <<<<< جنت على نفسها

ههههههههههههههههههههههههههه ولله قريت الموضوع يا مسطول حلووووووووووووو يامالت عليك

هع هع هع

تحياتوووووووووووو جنوووووووووووو

في 23-Jul-2008 الساعة : 06:16 AM

هههههههههههههههههههههههههه الله يقلع ابليسك يا هلوسي

انا بصراحة اشك انه سروالك هادا لونه اخضر من عفنه

وبعدين ليش مطول الغيبة ؟ من زمان عنك...و عن سواليفك البيض خخخخ

يلا هلوسي بشوفك عا خير تقبل مروري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
بحر الذكريات	طائر الحب	•°•¤ ثنائية الجسد والروح¤•°•	5	10-Jan-2007 10:35 PM
دفتر الذكريات	ضي الأمل	•°•¤ مذكرات روح¤•°•	0	19-Aug-2006 10:49 PM
لعبه الذكريات.........	مشاعل الرياض	ملتقى العــاب ميــاسه	51	09-Jul-2006 11:22 PM
من وحي الذكريات	ash123as	•°•¤ ثنائية الجسد والروح¤•°•	8	02-May-2006 04:39 AM
عودة الذكريات	مهند بن فهد	•°•¤ محبرة شاعر¤•°•	10	14-Jun-2005 01:38 PM

الذين يشاهدون محتوى الموضوع الآن : 1 ( الأعضاء 0 والزوار 1)

شريط الذكريات

•°•¤ لا للطفش¤•°•