الموضوع: مستانسين

مستانسين

8
8



اهم شي انكم مستانسين ههههههههههههههههههههههههه

مقدمه الموضوع

هذا الموضوع اهداء لى احلى فراوله واخوناا كحيلان فاقد حنان على الشرف في قسسم لاالطفشش واحب القول لكم تراني .مقصـر ياخواني بكتابه المواضيع والضروف لانشغالي وعدم وجود الوقت للكتـابه هل تعلمون اني من الساعه 5 فجراَ صاحي وحتـى الساعه 2 اطلع من الدوام ولا اخذ لي قيلوله لاني اذا قيلت بروح للدوام مواصل لذالك اصبر نفسي للساعه 12 صباحاَ وسحبها نومه مره واحـده

الموضوع

ياربي متـى اطلع حلـو ياناس بنهبـل ماقدر استحمل نظرات العالم لي مدري متـى احد يناظرني ويقولي وش هالزين ماعمره احد قالي كلام حلو الا خدامه الجيران يوم شافتني وترفع يدينها للسماء وتدعي مدري هي تدعي لي ولا تتحمد الله على شكلي حتى الخدم مستحقراتي تؤمنون بالله ماعرف اقول كلام حلـو لاني تعذبت ونا بريعان طفولتي تصدقون ان ابوي مانع منعاَ باتاَ اني الـعب مع اي طفلـه بنفس عمري ونا بالثامنه ربيعاَ وهذا ماسبب النفور من الجنس الطيـف لي حتى الوقت الراهـن وكبرت وكبـرت ولا احد طق لي خبـر قلت مالي الا خدامتنا ميري اتغزل فيها فمالي حل الا السيـب وطق عليها دريشتها وتغزل فيها وعطيه كم كيسه اندومي متعدده النكهات لاكن المشكله ان العايله الكريمـه متشدده مره خايفين علي من الايدز <--- الا خايفين على الخدامـه تموت بتشنج والسبب انت وشنبـاتك الي كنها شنبات جرار بس جاك الموت ياتارك الصلاه من طاح علي بالسيـب اخـوي الشيخ مغاوري حسبي الله عليـه تعرفون الي الاحمـر الي يضربون فيه المدرسين قبل راح اخوي يجيبه من العماره الي تبنا بجنب بيتنا وليني تليـن بالي وعطاني وضع الامتـداد ومن وين تونس وقوله هنا ويعطيني صدقوني بعد هالطق على المؤخره ماعاد قدرت اجلس حتـى بالمدرسه ماقدرت اجلس على الكرسي الا اجمـع سجادات الشباب وحطها فوق بعض وجلس عليها غيـر كذا رحت اراجع الطبيـب لاني من بعد هذا الطق ماعاد يخرج مني شـي حتـى ان امي تحسب ان الخدامه ساحرتني قامت توديني لمطاوعه وتدهني من الزيت الزيتوني المقري عليـه << بسم الله على ولدس من الزين ولا من الدراهم الي عنده تسحره المـهم ياحلوين اني عانيـت معاناه كانها معانات فاقــد حنان وهو يتزحر لاخراج البراز لان فاقد حنان يعاني لما يفرز اي شي بجسمـه حتى العرق اذا عرق يقعد يتمغط الله يشفيه ياناس وش اسوي بحياتي وربي ودي اطلع حلو حتى اني اخذت قرض من بنك الاهلي تسعين الف ناوي اروح اسوي عمليه تجميل بلبنان بس حسبي الله على نصر الله مايخلي الاوضاع تركد بلبنان لولا الاوضاع ولا طلعت حلو وبالاخيـر رحت اساهم بهالدراهم بالاسهم ومن بعد ماحطيت فلوسي بخمس دقائق الا الاسهم نازله قلت لبوي انا حظي زفت اول ماحطيت فلوس بالاسهم وهي تنزل قالي ابوي انت اول ماطلعت من بطن امك والديره يجيها عجاج وجفاف ومات القطيع من ابل وماعز لجماعت الربع وماعاش احد بالديره الا عمك الي الحين فيها ولا الباقين هجو للرياض ونا معهم ونا ابوك قلت له اجل انا طالع من بطن امي ونا يوم اسئل امي ماتبي تجرح مشاعري قالت لي طالع من اصبع رجلي الدبا حتى بولادتي اهانه ماعرف من وين طالع ولا من وين جاي بس عايشين تفلت الدنيا علينا ولاتفلنا عليه واباَ من اباَ بطلع حلو غصبن عن الي مايرضى وكل واحد شافني وتحمد الله على شكلي عليه انه يدري اني اجاهد بنفسي وحاوول اني ماشوه عيونه بمنظري يعني المفروض تشكروني على نشاطي لتحسين شكلي خوفاَ عليكم من المنظر الي بتشوفونه (( ترى الدعوه كلها شخبطات لاني ماني فاضي لكم تبون تعتبرونه موضوع اعتبروه موضوع ماتبون تعتبرونه مووضوع على راحتكم الدعوه ماخذت معي الا نصف ساعه من الخنبقه )) بس ان في راسي ابارك لى فاقد حنان قلت خلني اسولف على نفسي وشتت مع نفسي يمكن يطلع موضوع ويمكن يطلع شات ارجو من كل من دخل على الموضوع يجاوب على هذه الاسئله :-



س/ هل انت حلو ؟ وهل سمعت كلام حلو من والدينـك ولا مثلي محد معبرك .؟

س/ وش تقترح علي على شان اطلع حلو مع اني اشك بالشي هذا بس على الاقل احسن من منظري البشـع شوي .؟

س/ هل عشت قصه حـب او تعايشت مع القصـه .؟ وهل يمكن لنا ان تكتب قصه الحب التي تعايشت معها .؟


ومضه

ماكل من يتمناه المرء يدركه وتجري الرياح بما لاتشتهي السفن

---

lsjhksdk