الموضوع: الحـــــــــ ( حـــــــــامــد زيـــــــد ــــــــــــــــــــلم

حـــــــــامــد, سيــــــفي

وقت من البطا وبليل تتراقص شياطينه
بعد شفت الضيا ينزع من ثياب المسا الثلثيـــــن
تحايلت المنام اللي مثل بيتك تمرينـــــه
وأنا اللي من تفارقنا وأنا ماغمضتلي عيـــــــن
غريبة كل حلم يمر في رقادي تزورينه
والأغرب كيف احلم الحلم وارجع واحلمه بعدين
قبل يومين شفتك بالمنام وقمت من حينه
ونمت أمس ورجع نفس المنام اللي قبل يوميـــن
إنا اللي قبل أسافر شلت قلبي من شرايينه
تركته في يدك مثل الأمانة واحفظيها زيــــــــــن
ترى حفظ الأمانة دين مجبورة تردينـــــه
اجل مافي احد قد قالك حفظ الامانه ديــــــــــــن
مرد المقفي بيلفي ويستوفي وتوفيــــــــنه
بعد ليله ثلاثة أربعه عشره شهر شهريــــــــــــــن
إذا أنتي ماانتي قد الكلام اللي تقوليـــــــــنه
حرام استأمنك على حاجه وإذا جيت أطلبك تنسين
تخونين وتبين أرضى واحد يرضى تخونينه
أنا لاجيت أخونك مع حبيبه ثانيه ترضـــــــــــــين
من أول مارجعت من السفر ماشفتلك بينه
وأنا اللي كنت أحسبك قبل أدوس ارض المطار تجين
تكونين أنتي أول شخص عيني تحتضن عينه
وكنت أتخيلك من زود فرحة رجعتي تبكيــــن
وأشوف بدمعتك حكيك واعرفه قبل تحكينه
وأجيب أحلى من اللي بتحكينه وارتكك تحكيـــن
تقولين الوطن نور وأقول بنور مضويــــــنه
تقوليلي غديت أحلى وأقول عيونك الحلويـــــــن
كلام نام بشفاهك وخفتي لاتصحينــــــــــــه
ذخرتيه الغرام اللي ينام ويتركك تصحيـــــــــــن
تغانمتي غيابي لين رجحتي موازينــــــــــــه
تعلم من يدك لمس الكفوف وعلمك تجفــــــــين
وليتك لاقيتنه شي فيني ماتلاقينــــــــــــــــــــه
ماهو بغرور لكن خابرك مالك أمل تلقــــــين
تغافلك بغلا ولا الحلا ماهو من زينه تزينه
الصور بس الصحيح ابن الحلال زويـــــــــن
وأنا ماني بناقص عنه يوم انك تبدينــــــــــــه
نصيبي هو نصيبي لو يسدده من الصوبين
قنوع بمظهري والسم مايذبح ثعابينــــــــه
على قول المثل ماني حلو لكن ماني بشين
إذا أهداك الزهر مره فأنا أهديتك بساتيــــنه
وإذا ألهاك بفرح ليله فأنا تهت لبكاك سنين
وإذا استضعفتك أملاكه وشتتك ملايينــــــه
انأ حتى فتات الخبز اقسمها معك نصيــين
طموحي بس أجي واظفر بشي تستحقينـــــه
تدينته تسلفته سرقته مو مهم منيـــــــــــــن
كأني من كثر ماارضى بكل اللي تمنينــــــــه
لو انك تطلبين الله يعنين بقول آميـــــــــــن
أنا مالعب على الحبلين وقت الطيش وسنينه
تبن الحين يوم إني كبرت العب على الحبلين
ترى عند البدو عيب اللي تسوييــــــــــــــــنه
حلاتك لاعشقتيني تعشقيني ليوم الديــــن
غرامك يسكن ضلوع حشيمه من مجانيــــــــنه
جفا يجمع معزتنا ولا عشقن يذل اثنيـــن
كثار اللي تحدوني وقالولي تحبيــــــــــــــــــــنه
أمانه لاتخليني صغير بعينهم تكفيــــــن
لاني كل ماقالوا تخون أقول مسكينـــــــــــــــــــه
عليك الله وأمانه علميهم من هو المسكين
أنا خايف لاطاح الجمل تكثر سكاكيـــــــــــــــــنه
وأنا ماعادت ضلوعي تحمل طعنة السكين
مثل ماقالوا المكتوب واضح من عناوينـــــــــــــه
لو ارحل منك للغربه بسافر من ظلامك وين
كفايه كل حلم يمر في رقادي تزوريــــــــــــــــنه
كفايه من تفارقنا وأنا ماغمضتلي عيــن
قبل يومين شفتك بالمنام وقمت من حينــــــــــــــه
ونمت أمس ورجع نفس المنام اللي قبل يومين

---

hgpJJJJJJJJJ ( pJJJJJJJJJhlJJ] .dJJJJJJJ] JJJJJJJJJJJJJJJJJJJJgl