الموضوع: للمتزوجين فقط تبي تصير بنعيم خذ حرمه ثانية

ثانية, تبي, بشير, تنظيم, حرمه

أول شي السلام عليكم ورحمة الله وبركاته
صبحكم | مساكم. الله بالخير ويالله حي العيال والبنات كلهم أنسهم وجانهم بأول موضوع لي
بصراحة اللي دفعني لكاتبة هالموضوع لكثرة اختلاف الأراء عليه وادري ان اكثر هالبنات معارضين للفكرة تماما وكثير من الرجاله مؤدين للمشروع >> صارت دعية وتحريض الرجال على حريمهم

المهم ندخل سيدا عالموضوع >> حسيت اني قاعد اوصف لهندي البقاله

كنا مسافرين يوم الاربعاء انا والربع رايحين نشوف المطر والخيرات على اهل القصيم يا حبيلهم.
المهم يوم وصلنا ركبت انا مع الرجال ومادريت إلا وهو داق على بنية وقاعد يكلمها قلت بنفسي ام قوة الوجه وش البجاحة هذي يوم خلص قلته ما شاء الله خاطب
قال لا بس كنت قاعد اكلم زوجة ابوي الثالثه نبت براسي مليون علامة تعجب .
قعدنا نسولف في هالموضوع وطولنا وعرفت منه ان الوضع عندهم عادي اصلا امه تعامل زوجة ابوه كنها بنتها يعني تحن عليها وتسولف معها وتشوف وش تبي !!!

وجا طاري المواقف والغرايب اللي تصير مع الزوجات . وقلت ننقلها لقهوتنا

تعرف من تعطيها
هذا واحدن تزوج على حرمة وحدتن كبر بنته المهم ومسكنهن ببيت واحد والرجال للامانه عدل معهن فصادفت مرة من المرراريت انهم جلسو كلهن حوله وهو جالس عند الضو ومرت من عندهم (خنفسانه) فأخذها الرجال بالملقاط وعطاها الحرمة الصغيرة وقالها ذبيها برى >> أجل وين تذبها
فزهلت الحرمة الأولى وقالت بعد ما راحت الحرمة ( أيه تعرف من تعطيها )) فرد الزوج على طول ( اللي يشوفني يقول معطيها الماس ))

يبي الفكه
وهذا واحدن ما خذله حرمتنين وبليلة الأولى الي ما يحبها ولا يحب يجلس معها قالت له وبتودد وحنان ( اجلس وسو اللي تبي لو تربطني بهالسرير طول الليل ) هو ماصدق خب رقام ربطها وراح لحرمته الثانية << محد طق يديها وقالها قولي كذا

اص لا ينضولونك
رجال توفت حرمته الأولى وجاء لمجلس جماعته ضايق صدره وجلس بالمكان اللي انتهى به المجلس فقال اللي جنبه ( وش فيك ضايق صدرك) قاله (والله زوجتي الأولى ماتت وابيهم يعزوني ) فرد عليه اللي جالس جنبه ( اسكت بس لا ينضلونك)

اللي ابيه منكم واب اقوله لكم
هل انت|ي من المؤيدين لها المشروع
تتعتقد/ين ان الوضع بيصير عادي لو الولد/ الزوج أخذ حرمة ثانية
سالفة سمعتها قريتها تشاركنا بها بموضعنا ذا

---

gglj.,[dk tr' jfd jwdv fkudl o` pvli ehkdm