قصائد رومنسية قصيرة

**فارسة جوادها** · 22-May-2010, 03:54 AM

بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك

بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي

يا سائلة عني من القلب لبييييييه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك

صعب جدا تلاقيني
أنا جوهر بحر مكنون
أنا لوتقلب الدنيا
صعب جدا تلاقيني
جمالي من حلا روحي
وكل الزين من زيني
تصدق عاد يا خلي
أنا كلي
بكل وصفي
بكل زيني
عجزت أوصل
ربع زينك

أبكي قصيدة وأشبك البيت بالبيت
وأشكي قوافي الليل من كل ضيقه
وأدخل بحور الشعر لا من تجليت
وأغوص في وسط البحور العميقة
في حبكم لاني بحي ولا ميت
كني كسير الطير ماله طريقه

ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري فيك روحي والمصير
فيك كل أيام عمري والسلام

:s-30
أنادي من سكن بأقصى فؤداي
على من هو نفس روحي وزادي
على من هو حرم عيني رقادي
أنا أهــواه
يزور العين طيفه ثم أضمه
وأحس أن الهوى عطره وأشمه

تدري إني موت أحبك
وان مالي غير حبك.
واللي ينبض في ضلوعي
ما هو قلبي هذا قلبك
تدري يا فرحي وهمي
من كثر مانت في دمي
كل ما تنظرك عيني
عيني من عيني تسمي

الغلا يا حبيبي أنت والوله يا قلبي
والألم يا عمري أنت
أنت كل إحساس فيني
أنت كل أحلام عمري
وروعة الدنيا بعيني
خذ غلا عمري وجرحي
خذ عناي وخذ هناي
بس لي عندك رجاء :
الطف بقلب يحبك ويموت فيك !

حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه

في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب

ناج الحبيب اللي توده وتغليه
ما دمت حي ودام عينك تشوفه
لو صد يشفع له معك حلو ما ضيه
وحقه عليك أنك تقدر ظروفه
بأخــتــصــار
شخص عطاني وده ما نيب ناسيه
ومن شرى ودي أنا دايم الدوم شاريه!

لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

تفضل هنا لتشاهد المزيد من المواضيع عن : محبرة شاعر - شعر - قصائد - poems

أوهــــــامَ · 22-May-2010, 02:36 PM

تدري إني موت أحبك
وان مالي غير حبك.
واللي ينبض في ضلوعي
ما هو قلبي هذا قلبك
تدري يا فرحي وهمي
من كثر مانت في دمي
كل ما تنظرك عيني
عيني من عيني تسمي

كلمات روعه كروعتك ياقلبي
صح لسانك ولسان شاعرها
سلمتي على أختيارك الراقي
دمتي ودام أبداعك
وديًَ
.

**يوسف فواز** · 22-May-2010, 08:08 PM

شكرا على النقل الله يعطيكي العافية

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
رومنسية الفئران	غريقة بوحدتي	صور × صور 2013 و خلفيات مصوره	11	22-Sep-2008 02:05 PM
قصة رومنسية رووووووووووووووعه	Prince Of The Love	نكت مضحكة 2013 - طرائف - الغاز - Joke	0	25-Dec-2007 03:02 AM
قصة رومنسية جريئة	روح مابعدك روح	الارشيف	4	07-Sep-2007 08:12 PM
شموع رومنسية	™ إبراهيم (007) ™	صور × صور 2013 و خلفيات مصوره	26	11-Jun-2007 05:40 PM
قصة رومنسية من بلد معروف	مملكة الزهور	روايات - قصص - حكايات	5	27-Mar-2006 09:58 PM

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري