الموضوع: قصيدة الغضب

قصيدة الغضب





ابديت بك وادعوك ياجيد وغيرك مايـجـــود
ياحي ياقيوم يامطلق من الساق القيــــــود
اسالك غفرانك إذا بيتت وحدي في اللحــــود
قال القعيطي طول ليلي ماتـهنيت الرقـــــود
لا هم من دنيا ولا من عشق منسوع الـجــعـود
شيبه في التسعين متوجه الى دار الـخـــــلـود
عسى يقع مسكني في الجنة ووعالـحوض الـــورود
ولا علي قاصـر ولا السلطان يطلــبني نـــقود
ساكن في الدكن بلد عثمان سلطان الـهـــنـود
سلطان بن سلطان بن سلطان عالــــعزة يـذود
لكنني تأثرت من خفض الشرف بعــد الصـعـود
أخبار بلغت ماتسر القلب من ارض النـــجــود
راحت جهة لـحقاف لحمة فاس سرحت بالبــرود
راحت مع الصاحب بلا قيمة ولاعسكر يقــــود
وشيدوا فيها الكنائس والبراكس للجـــــنود
آه على الاوطان ياغبني على مثوى الجـــــدود
كم صحت كم ناديت قد بينت به قبل الوجـــود
لكننا معذور واحد عود مامني وقــــــــود
اين الدول اين آل عبدالله وهمــدان الأسود
وأين ابن مطلق وين ربعه وين بن سالم عـــبو د
اين القعيطي اين يافع لي تطرح في الربـــــود
ذي يرعضون السيل محرى يطلعونه في سنــــود
اللي لهم عادات بالجودات من عاد او ثـمـــود
وين التميمي والمناهيل وين بن عبدالـــــودود
اين الشنافر اين نـهد اللي يزرون الشــــدود
اين الجعيدي اين كندة لي تعزوا ( بن كنــــود)
والعبوثاني هم وياسيبان شــرحان الحــــدود
واين باصرة وبن صالح محمد بو عمــــــود
اين الذي قالوا حمــيناها بأسرار الجــــدود
هم حضروا البيعة وهم كانوا على البيعة شـهــود
وبايعادون المدارس والمساجد والســــــجود
والخمر في لسواق باتبسط به افراخ اليـــهــود
وتبرجت حرات في لسواق حلوات الخـــــدود
ياحر جوفي ياحياة الذل يامــر الكــــــبود
قده احسـن المسراح والمسكن يقع بأرض الزيــود
والا الى مكة ونترعوي لفيصل بن ســعــــود
ابن الأمام العادل المنصف على رغم الحســــود
وجاور الكعبة وزور المصطفى فخـر الـوجــود
عليه صلى الله دائم عد حــنات الرعــــود

---

rwd]m hgyqf