الموضوع: لا يلوي ذراعـك دخيلً ومكّـار

قـم يانديبـي لاتنـام وتقِرّا
برسلك للي يشتكي ضيم الاقدار

شكواهـ ماهي من حبيبً تورّا
ولاهي رثى للي لهم بالحشا دار

قـم له عسى عينه تقرّ وتسرّا
من عقب ماجتها صواديف واكدار

تبكي على ما شافته من مظرّا
ترثي وتندب حالها شرب الامرار

قلّه ترى ان اليسر عقب عسرا
وعقب الصبر لابد ماتطفي النار

وان الفرج ياتي والاسقام تبرا
وان العمر يفنى والايام تندار

ياصاحبي هونك على ما تحرّا
حَلّ العقد يبغى تروّي وتكرار

وهذي نصيحه والنصيحات تشرا
وافهم كلامً كاتبه بين الاشطار

جور الزمن بحرً به الموج غدرا
ايامك امواج البحر وانت بحار

آهـوال تلطم بك وموجً يكرّا
كنّك غريمً له وهو ياخذ الثار

لاكـن بغبّـات البحر فيه دُرّا
صبرك وتلقى درتك وسط محار

ولـ احترت بين اثنين من دون ذكرا
لا يلوي ذراعـك دخيلً ومكّـار

السوس ينخر بالنخل وانت ادرى
حتى يهـدّ اجذوعها ثمّ تنهـار

حذراك تهمل بعد ما شدت قصرا
لاينهدم من صوت رماعة الطار

واليا ظهر في صحوة الجو غبرا
امطر سحابك خير في كل الاقطار

تلقى نبات الزرع بيصير زهرا
حتى القفار الجرد تزهى بنوّار

وان جار بك وقتك بربك تذرّا
ياقيك من شر المصايب والاخطار

يالله جودك وانت للحزن تدرا
ويالله ثباتك في ملمات الاقدار

---

gh dg,d `vhuJ; ]odgW ,l;~Jhv