الموضوع: لاضاق صدرك وابتدا داخلك هم

لاضـاق صــدرك وابـتـدا داخـلـك هــم
وشح الزمان وصرت بالحيـل مرتـاب




وصـار الملـل فـي داخـلـك كـنـه الـيـمً
حتـى عيونـك للنظـر صـارت اغــراب



ارفــع يـديـك لكـاشـف الـضـر والـغـمً
ماخـاب مـن وجًـه لــه ايـديـه طــلاب



الــواحــد الــلــي بالمـخـالـيـق يـعـلــمً
هـو الـذي لاضقـت يفتـح لــك ابــواب



لامـن عطـا مـن غـيـر كـيـف ٍ ولاكــمً
ماشحًـت ايديـنـه عـلـى مـذنـب ٍ تــاب




يـغـفـر ذنـــوب الـعـبـد لـوهــي تـــردمً
ويستر خفا ذنب ٍ علـى صاحبـه عـاب



والـنـفـس لـلانـسـان تسـقـيـه عـلـقـمً
ومن لانهى نفسه عن الشر ماصـاب




كـــم واحـــد ٍ بـاسـبـاب نـفـسـه تـنــدمً
ماينفعـه دمـع ٍ عـلـى العـيـن سـكـاب




يـاقـارئ الابـيـات تكـفـى !! وقــل تـــمً
خالف هوى نفسك ترى قدمك حساب




مـــن قـبــل لاتـرحــل ل/قـبــر ٍ مظـلّــمً
تبـقـى وحـيـد ٍ ملـتـوي فـوقـك الــداب



داب ٍ اذا ضــمــك ظـلـوعــك تـحــطــمً
ضمه ماهي ضمة قريبين واصحاب




فـي ساعـة ٍ فيـهـا القـبـر كـلـه اعـتـمً
شي ٍ مخيف وكل مـن حولـك اغـراب




يـالادمـي بــادر عـلـى الخـيـر واغـنـمً
اغـنـم حيـاتـك قـبـل تفـريـق الاحـبـاب



تـرى الحيـاة اللـي بهـا مــوت ٍ وغــمً
واجـل ٍ بهـا لـو طــال مـحـدود بكـتـاب


والـلــي خـلــق يـانــاس بعـروقـنـا دمً
هــذي حـيـاة ٍ مابـهـا غـيــر الاتـعـاب

للشاعر: محمد بن فهاد القحطاني .

---

ghqhr w]v; ,hfj]h ]hog; il