الموضوع: حنا سعوديين ياكل من كان

حنا سعوديين ياكل من كان= حب الوطن والله فينا طبيعة

حنا سعوديين حضرٍ وبدوان= بالموت نفرح والوطن ما نبيعه

حنا سعوديين للجود عنوان=مانطلب المحتاج رد الصنيعة

نهنا بخير بلادنا كلنا اخوان= حنا سعوديين سنة وشيعة

ما همنا مرجف ولا هز الأركان=تنبح كلاب وقافلتنا سريعة

ياما تعايشنا على مر الأزمان=ما يعرف الحاسد علينا ذريعة

هذا وطنا كافل حقوق الأنسان=دستوره القرآن شرع وشريعة

هذا وطنا له من الله سلطان=في وجه عدوانه تضيق الوسيعة

بقيادة ال سعود ذربين الأيمان=دايم نشوف بلادنا في الطليعة

يأمر ابو متعب ونايف وسلمان=الأمر منهم والمواطن يطيعه

بقلم اخوكم:عبدالله ابن تويم الطويرقي