الموضوع: للعابرين بذاكرة صوتي صدى - sms - mms

للعابرين بذاكرة صوتي صدى - sms - mms

ماهو مهم ،
تشعر بحزني هالـ مدن
بس المُهم ما أحسّ بـ عيون البشر :
تهمس بنظرتها حكي
مسكينة دمعتها كفن !







ياملامحنا الـ حزينة :
مابقى للـ ضحك ‘ فينا / غير مينا للـ سكوت ،
إن تصادقنا نموت !
وإن تعادينا تفوت !







تخيّل بس ؟!
افـ صوتي أشوفك ليل ،
تتناغم مع الـ نبرات ،
مع الـ كلمات ،
واحسّك وسط حنجرتي :


أسامي كثير !
أغاني كثير !
و
همّ ثقيل : تِشكّل قيد لِـ سكوتي ،
رسم بحّتك وأنفاسك
على صدر الـ صدى وجابك
وهم قادر بـ لحظة
طيش
يبررلي : خطا غيابك !


تخيّل بس ؟!







يبه : تدري أنا لي كم سنة وأكثر
أظن ؛ أظن من صغري ،
عجزت أضحك | عجزت أبكي !
أواعد هالـ فرح بكره ،
يجي بكره بِلا بُكره
وأظل أحوس بالـ حجرة أدوّر في دواليبي ،
على فستان يضم بـ داخله بسمة
ولا ألقى إلّا حزن مقسوم مـ الفطرة !
يبه : طِفلتك ماكِبرت
ولا عدّت على الـ عشرين من فترة
يبه : طِفلتك ماشابت !
ولا زالت تدسّ ألعابها بالـ درج تخاف من الزمن يهديها للـ غبرة
يبه : طِفلتك كم ذابت ؟
سوالفها من الـ حسرة
يبه : حتى شعر راسي غزاه الشيب واحتكره !







أدورني فـ منافيهم !
و أدورني أنا : فيهم
غريبة كيف ماحسّيت ،
وش فيهم ؟!
على شكل أمنيّة مرّوا
رمتني بين أياديهم !








تدري شـ أصعب شي يجيك ؟
لو يفجر صمتك المردوم صوت
فيك حزن أكبر من حدود التنهد والسكوت
فيك نايٍ كلما يمتد همسه يشتعل صدرك أغاني
فيك لـ الغربه أماني
فيك موت وماتموت !







مثل فيّروز عمّ أُنطر ,
تجيني كل شتا ويدّي :
عمّ تُحضن شمسيّه,
وأستنّاك
ولا ألمحك فـ وجيه الـ شوارع
حتّى في زحام الناس ,
ماألقاك !!







تصدّق عاد !
أنا وإنت غدينا : بعاد
ماكنّا فـ يوم حبينا
ولا تواعدنا ونسينا :
ياربّي اشقد تأذينا )‘: !!


سؤال صغير : من هو اللي غدر فينا ؟
يجوز إنتَ يجوز أنا
ويجوز الـ وقت ملّ منا
وقال أحسن يكونوا بعاد
و تصدّق عاد !






شفني أفضفض ضيقتي لـ الشبابيك :
وأتقاسم الأحزان / ويّا الشّوارع !







ذبْلَت مواعيد اللقا من بدا ,, الصيف
وصحّى الشتا بك
موعدٍ كان غافي !!
جيت : وملت ريحة شتا / هالسواليف
صُب الغنا
مادام لك صوت دافي!







قد السنين اللي مضت
إحتجت أشوفك :
فـ الشتا
فـ الروح
فـ الحي القديم
فـ الشارع الضيّق
فـ الشاغر اللي داخلي يكتب شعر
في وجية ناسٍ يشبهونك
فـ العتيم
إحتجت لك والله العظيم !







هذا الـ سّهر / جِدّاٍ حزين !!
يشبه مَلامح : ضيقتي !







وأغنّي له
و اشوف الليل
يصغي لي ويُومِي له
يمر الوقت
وتبلّ الأغاني من طَعَم جرْحِي مواويله


وأغنّي له
وترجع مع صدى صوتي
عذاباته / تراتيله !
وأغنّي له :


كنت أحبّك إيه
لكن كنت أخاف !
كنت أعيشك إيه / لكن كنت أموت َ َ








ياويلي !
إذا عاث السهر فيني
أنا مدري ؟
أغني لك من آهاتي
أو أن الأمنيات : الناي
أغني لي
أنا ماعدت ذاك الطفل
في عينك وعين الكل
إذا قالوا هلك نرحل ؟
أروح أذبل !
ولا يسأل علي غير الألم والليل والمأساه
وأجيبك في خيالي شي قاسي
يمكن أني أكرهك وأروح متناسي !
صغيّر ياااااااهـ
صغيّر تضلمينه ليه
يـ الله !!

---

gguhfvdk f`h;vm w,jd w]n - sms - mms