الموضوع: رواية كنت شهد وصرت فهدبقلم da'23

.
.
.
.

البـــ[1]ــارت
صحيت من النوم على صوت المنبه الساعه 6:30 [ اففففف وش ذا الازعاج ياربي ]
ام صالح : يلا يا بنتي قومي ماتصحي الا على هلأزعاج صار لي نص ساعه وانا اقعدك ولا تقومي
شهد : يووووووه يعني لاززم مدرسه مدرسه والله طفش ياخي هذولي واقفين لي هنا هنا [ أأشر على حلقي ] شوفي وييين ام صلييح هنا في حلقتي هاذي شفتيها
ام صالح : اي حلقه هلحزه يابنت
شهد : شوووف انتي الثانيه بعد [ يااارب ساعدني ] والله ماني فاضيه لك يا ام صليح
ام صالح : وينه المصلح خليه يجي يصلح لي التلفزيون والله خربان من اول امس
[ ياااااااااااا الله علييك انتي بعد قمت من مكاني وام صالح رايحه تتحلطم علي خذيت شاور ع السريع لبست ملابس المدرسه بـ عدم اههتمام وطلعت لصالح شفته واقف ينتظرني في السياره فتحت الباب بـقووه ومانفتح رفست الباب من العصبييه ]
صالح : هيييي انتي سيارتي و وجع انشالله
شهد [ صررخت ] : افتحهاا الله يلعن هلسياره
[ مد ايده ل باب السياره يحاول يفتحه وما انفتح ]
شهد : شفففت ان سيارتك حقت هذولي اللي يشتغلون ف البواليع
[ نزل صالح من السياره ] : يلا يلا تعالي من صوبي واركبي
[ ركبت من باب السايق وقفزت للسيت اللي جنبه ]
شهد : اقوول صليح [ ابتسامه عريضه على وجهي ب تنكر ]
صالح : [ يناظرني بطرف عينه ] وش تبين شكلك ناويه على شر يا بليس انتي
شهد [ بكل برائة وطفوله ] : ممكن بس تدوور فيني هنا ولا هنا يعني كذا بمعنى اتأخر ع المدرسه
صالح : اقوول اكلي تبن انتي و لبسك هاذه تقول عامل نظافه
شهد : اففففففففففففف اسكت بس
[ ومشيينا للمدرسه . *
{ ناخذ فاصل شو ي نتعرف على الشخصيات }
ام صالح : عمرها حوالي 78 سنه هي كذا فيها تخريف شوي على قليل ومع الاحداث راح تعرفون وش قصتها
صالح : ولد ام صالح طبعاً 31 سنة لكنه مو متزوج
حالتهم المادية تعيسه جداً ف صالح مايقدر يجمع مهر ولا شي كافي يصرف على ام صالح وشهد نرجع للقصه ،،
[ وصلت للمدرسه حوالي 7:15 دقيقه يعني متأخره ,,
دخلت الا اشوف في وجهي المشرفه [ يااالله صباح خير وين الخير وانا مصبحه بوجهك يا نحس يااارب ساعدني يارررب ] [ ابتسمت بمكر ]
شهد : هلا والله هلا وغلا هلا بالزييييين كله انتي يا عسل والله
المشرفه [ ابتسامه خفيفه ] : بلا خفة دم وامشي قدامي يلا على صفك لازم تتأخري انتي وهاذي اخر مره لك سمعتي
شهد : افاا ماهقيتها منك ياقمر
المشرفه [ بانت على ملامحها العصبيه ]
شهد :: ههههه يلا ههه بـ ااي [ ركضت بسرعه قبل لايجيني كم طراق على وجهي وقفت عند الدرج اتلاقط انفاسي : يمه منك انتي يا نحيسه مالت عليك
ساره : اوووب اوووب مين اتكلمين يا خبله
شهد : هاذي بنت الدوقز [ بمعنات كلب ]
ساره : اووصص فضحتينا يلا امشي معي بووريك شي ولااا اروع [ وهي تسوي حركات بأيدها ]
شهد [ بكل حماس ] : يلا مشينا
[ هي تمشي وتسحبني من ايدي وراها ,, لي ما وصلنا للمكتبه العامه ]
شهد : خير ليش جايبتني هنا قالو لك المختاره فوزيه انا ولا شو
ساره [ بكل غباء وتساؤل ] : هااه من ذي !
شهد : علمي علمك ههههههههه [ وبسرعه عفست وجهي مره ثانيه ] خلصيني وش نسوي هنا احنا يعني
ساره : شوفي يابنت هنا الله يسلمك في كتب صح ؟
شهد : صح !
ساره : بس وش تبين بعد
شهد : اياااااااا بنت الـ دوقـ [ وقاطعتني ]
ساره : هييي هييي لا تخليني العنك هنا الحين
شهد : اتخسين اله انتي [ حطت ايدها على كتوفي ومشينا نضحك ]
وصلنا الصف وانا بكل عفويه وحماس ودي افاجئ البنات كذا واخرعهم رفست الباب والااا تطل في وجهي المديره
بصوت واطي وانا منزله راسي للأرض : ابوك يالحظ
[ المديره واقفه ومتخصره ورافعه حاجبها لي ]
رفعت راسي اشوف وجهها [ اووفففف مايبشر بالخير ]
[ بكل غباء فركت شعري والقيت نظره ع البنات ] : شالسالفه يالربع !
البنات : ههههههههههههههههههههه
المديره [ صرررخت ب صرخة زين ماكسرت القزاز ] : بس جب ولا كلمه وانتي [ تأشر علي انا ] تعالي معي انا اوريك
شهد : ما ادري ان انتي هنا والله
المديره [ تمشي ولا كأنها تسمع شي ]
[ لفيت ع البنات سويت باي ب يدي وانا فرحانه ]
وصلنا لـ مكتب المديره جلست المديره على الكرسي وانا واقفه قدامها
المديره : شهد
شهد : نعم آمري
المديره : اللي صار الحين مايتكرر ثاني فاهمه ؟
شهد : انشالله
المديره : وحركاتك تبع الرجاجيل تركيها عنك
شهد : صحيح كلامك صحيح
المديره : يلا انقلعي
شهد : اي والله صدقتي
المديره : وش اللي صدقت فيه
شهد : صح والله
المديره [ صررخت ] : يلااا برررى
[ لفيت وجهي عنها وانا ابي انفجر ضحك على شكلها ]
فتحت باب الصف لقيت البنات كلهم مجمعين طاولاتهم مع بعض وسوالف وضحك
جنا : هلااا بـ شييخ الشباب يا هلا والله
الجوري : يلاا وينك انتي بس حطي لك فرش ومخدات ونامي عند المديره احسن
[ ضحكت على تعليقاتهم وجلست معهم ]
شهد : والله يا عمراتي انتو انا في بالي كذا خطه تتفتر في راسي
كلهم : وش هي !!!
شهد : عطوني بس كم يوم واضبط كل شي واقول لكم
الجوري : يلاااا شهد بليييز قولي
[ انا احرك راسي بـ لا ]
ساره : شهوود مره ثانيه لتقولي وش بتسوي اجل مالت عليك بس
شهد : خلاص لاتوجعو راسي
مريم : فديت راسك انتا يا قمر
# ومرت الساعات بطيئة وانا اغلب الوقت نوم نهاية الدوام الكل طالع برى انا انتظر صالح ومن بين هلحوسه شفت ساره ركضت ناحيتها
شهد : سويير الحب هنا
ساره [ تطق على سدرها وبكل ثقه ] : اححم طبعاً هاذه انا
شهد [ دفيتها بشويش ] : هنااك هنااك يا حيوانه
ساره : وينه ابوك انتي
شهد : ايش ابوي انتي الثانيه هاذه صاالح صليييح كم مره افهمك
ساره : طيب خلاص سميه يبه
شهد : لااا اسمي واحد ماهو بأبوي يبه انجنيتي انتي !
ساره : بس هم مربينك يعني خلاص
شهد : انا كيفي واريح لي كذا مالك شغل فيني [ هااه كاهو جا اشرت لها بأيدي { باي } وركضت للسياره اللي بدون تكييف وحالتها لـ الله ركبت بسرعه ]
صالح : شفيك انتي شوي شوي مانيب طاير
شهد : اوكي يله انا راح ارجع المدرسه وراح اجي شوي شوي [ توني بـ فتح الباب بس بحركه سريعه مسك ايدي وحرك ]
صالح : مجنونة انتي على فكره
شهد : شكراً
[ بعد ربع ساعه تقريباً وصلنا لـ اقدم بيت بالرياض البيت فيه صاله صغيره وحمام ومطبخ وغرفتين صغااار انا انام مع ام صالح وصالح بالغرفه اللي جنبنا ]
ام صالح : يلا غسلي ايدك وتعالي اكلي
شهد : لا مالي نفس
صالح : افا ليش
شهد : كذا من ربي يا عمري
صالح : وش ذا الحكي الماصخ
شهد : دحين الحكي الحلو تسميه ماصخ والله جليل حيا انت
[ صالح فتح عيونه ع الاخر وخذ اقرب شي جنبه { علبة مناديل } وانا بسرعه ركضت الغرفه وانا هالكني الضحك ]
صالح : انا اوريك انتي بس اطلعي
شهد [ من ورى الباب ] : ماتقدر
[ فتحت الباب بكل ثقه وجلست ع الارض ]
صالح : تعرفين اني لو اتزوج اجيب بنت كبرك يا بزر
شهد : والله ؟
صالح : يعني انتي كذا بزرر يا بزر
شهد : لااااا كيف كذا !
صالح : لايكثر يلا غيري ملابسك حومتي كبدي فيها والله
شهد : شوف صلييح انت بمثابة اب لي صحيح ؟
صالح : وبعدين .!
شهد : يعني ليه ماتجيب لي كوافير هنا وحركات ودي اقص شعري والله
صالح : لا خليه كذا احلى عليك تبين انوثتك بـ شعرك يعني بعد ما وصل شعرك لي نص ظهرك بتقصينه !!! والله هبلة انتي وهاذا اذا فيك انوثه
شهد : شوف انا مايصلح لي كذا المه وماعرف ايش انا ابي بس اصحى انام ارقص انسدح وهو كذا ماله شغل فيني
صالح : شهد قومي بدلي والله مالي نفس اكل وانا اشوف ملابسك
شهد : يوووووووه
[ دخلت الغرفه مالي نفس اسوي اي شي بس بدلت ملابسي لبست شورت اسود خفيف مع تي شيرت رصاصي ولميت شعري ع السريع وانسدحت على السرير المزيف كم بطانيه على بعض وننام عليها غفت عيني شوي وانا افكر بالخطه اللي في بالي ]

صحيت من النوم على اذان المغرب [ يووووه انا وشلون نمت كذا بدون ما احس ]
طلعت برا الغرفه اللي كأنها دولاب وانا احك راسي شفت ام صالح دايخه [ عادتها نشيطه وش فيها ! ! ]
رحت جلست جنبها
شهد : يااا ام صليييح [ عليت صوتي لان السمع عندها قوي ماشالله ] ياااااااااااا ام صالح
[ يووه وش فيها هاذي ماترد علي !!!!!! ] قمت من عندها رحت لغرفة صالح رفست البباب بقوه من الخوف مشيت لي عنده وانا ارجف
شهد : صااالح صاااالح تعال مادري شفيها امك
صالح : نايمه يا بابا يعني وش فيها
شهد [ صرت مثل البزر انغمرت عيني بالدموع وانا حزنانه ] لا انا صرخت وهزيت كتفها عيت تقوم صالح قوم الله يعافيك شوفها [ خلاص ماعدت اتحمل وبكيت ]
صالح حس ان الموضوع جد ف قام من مكانه بسرعه وركض ناحية ام صالح [ جلس جنبها ] : يمه يييمه قوومي الله يخليك ييمممه يلا عااد وشو ذا [ حط ايدينه يجس نبضها ] الحمدلله رب العالمين [ وانا واقفه وراه مثل البزران ] لف علي : شهد روحي جيبي جوالي بسرعه
[ ركضت اسرع شي عندي وجبته خذ الجوال من ايدي وهو يرجف من الخوف ]
صالح : الو السلام عليكم اخوي لو سمحت نبي اسعاف وبأسرع وقت ايوه. بيت عبدالمالك راشد الـ مع السلامه
[ قام بسرعه راح يجيب العبايه ]
صالح : يلا بسرعه البسي رايحين المستشفى
شهد : لابسه انا خلاص
صالح ماكان راضي باللبس واني بطلع من دون عبايه لكنه رضى لان كنا في حاله لا يسمح النقاش بها
[ وصلنا المستشفى وبسرعه بسرعه دخلو ام صالح عندهم يشوفون وش فيها ]
صالح [ مسح على راسي بأيده لان كان باين علي التوتر ] : خلاص يا بنتي اكيد مافيها شي لاتحاتين
شهد [ بأبتسامه خفيفه ] : انششالله مافيها الا الخير
[ طلع لنا الدكتور وجهة شاحب مايطمن بالخير ركضنا ناحيته انا وصالح بسرعه ]
صالح : خير وش فيه يا دكتور طمنا
شهد : وش صار فيها يلا انطق وش فيك . !!

[ نهاية البارت توقعاتكم

البـــــ[2]ــارت
[ طلع لنا الدكتور وجهة شاحب مايطمن بالخير ركضنا ناحيته انا وصالح بسرعه ]
صالح : خير وش فيه يا دكتور طمنا
شهد : وش صار فيها يلا انطق وش فيك . !!
الدكتور : مافيها الا الخير اتطمنو بس يبيلها عنايه شوي يعني هي على حالتها باين انها مابتاكل كثير ف نرجو منكم عنايه كامله او انكم تخلوها في دار المسنين
صالح : لا لا انشالله مايصير اله الخير
شهد : والله راسي صدع من هلاثوول هاذه
صالح : اوص انتي حسني الفاضك منتي في البيت [ خزني من فوق لي تحت ] وبعدين وش ذا اللبس الفاصخ
شهد : ويين فاصخ الله يهديك شورت و تي شيرت بعد فيها شي
صالح : انتي انجنيتي انتي !! وش تبين الناس يقولون عنك صايعه ؟
شهد : صلييح عادي والله ادري الكل يناظرني بس عادي انا وشعلي منهم في ستين داهية
صالح : استغفر الله ياربي
[ جلسنا ننتظر لما يخرجون ام صالح من الطفش فتحت سالفه ]
شهد : اقول صلييح
صالح وهو ربع نايم : هاااه وشتبين
شهد : بعطيك فكره للزواج
صالح : اكرميني بسكوتك
شهد : والله عمي يلا ولي عافيك ابي اقول
صالح [ اشر لي بأيده قولي ]
شهد [ عدلت من جلستي و قابلته ] : شف يا ولد عمي
صالح : شايفتني بزر عشان ولد عمك انا !
شهد : ههههههه مو مهم اقولك
صالح : قووولي خلصييني
شهد : روح كذا كأننك بتتسوق وشوف لك ذيك البنت السنعه اللي يمشي على فخذها التيس
صالح : وشو هاذا مثل ؟
شهد : ما ادري والله [ يتحمد علي ] المهم وقول لواحد من خوياك او لا انا انا ببخطف البنت وتجي انت تنقذها شرايك ؟
صالح : مدري افر وجهك بـ كف ؟ ولا ايش تبين بالضبط انتي انقلعي يلا
شهد [ بصوت شبه مسموع ] : مالت عليك يا اثول
صالح [ فيه ضحك مو راضي يطلعه ] : خير !
شهد [ ابتسمت ابتاسمه عرييضه ] : ولا شي سلامتك يا بعدهم
[ ناظرني شوي بعدهاا انفجرناا ضحك ]
,, بعدها بـ نص ساعه
.: شهد شهد قوومي يلا بنروح
شهد : خير وش شنو شسالفه !
صالح : يلا حبيبتي قومي بنروح البيت
[ توني استوعب اني بالمستشفى وكلي نوم ]
شهد : طييب طيب [ شفت ام صالح ماسكها صالح ,, طليت بوجهها ] يا هلا ياهلا افا يا ام صالح هاذا كله تغلي
ام صالح : صالح حبيبي وخر عني هلمجنونه
صالح [ ضحك علي ] : ههههههههههه مالت على ترحيبك اقول
[ طالعته بطرف عيني ]
شهد : يلا يلا نمشي هاذي جزاتي يعني مالت بس
[خذينا الدوى و مشينا للسياره وركبنا ام صالح قدام وانا ورى ]
اول مادخلت البيت قلبتها سمره وجلست ارقص واغني
صالح : يابنت اركدي بس خلاص
[ ام صالح عجبها الموضوع وجلست تصفق معي وتغني ]
شهد : ههههههههههههههههههههههههه يلااا عااششووو ايووووا روحي يا ام صالح
صالح وهو يضحك : الله يغربل بليسك جننتي امي
شهد : افا عليك قوم انت يلا
صالح : انا اروح انام ابرك لي ويلا انتي بكرا مدرسه وبصحيك بدري
شهد : لا مانيب رايحه تحلمممممم
صالح : ليه بالله
شهد : لاء لاء لاء تودوني المستشفى وتنيموني هناك الين الساعه 11 وتقولي تروحي المدرسه
صالح : بصحيك انا وبتشوفي
شهد : افففففففففففففف والله ما ابي اروح
ام صالح : شهد تعوذي من بليس وروحي
شهد : يالبى قلبك انتي عششانك بس ياعثثل
ام صالح : الحمدلله والشكر [ ومشت عني متوجهة للغرفة ]
صالح : ههههههههههه زين كذا
[ اشرت له بعدم اهتمام ورحت اشوف نفسي بالمريا المقسومه نصين نص لي ونص لـ صالح
شهد : وش ذا الوجه اللي ما حلاه ربي ييييع
صالح : والله تعدلي شوي وبتصيري قمر لابسه لي لبس كأنك واحد من الربع وين تبين تصيري حلوه
شهد [ تنهدت ] : الله كريم يا صلييح
صالح : يلا يلا روحي نامي
شهد : طيب
الصبح الساعه 6:00 * ]
[ صحييت بـ كاس مووويا من صالح ]
شهد : هييييييييييييييييييييييييي وش ذا من الصبح
صالح : يلا قومي بسرعه
شهد : وليش العجله يعني
صالح : يلا
[ افففففففف يا ذي النشبه انا بكل اعصابي اكلمه وهو بكل برود ]
صالح : يلا يابنت عمرك 18 على وجه تخرج ولحين يصحونك
شهد [ وانا في طريقي للحمام ] : كيفي انا حره
[ خذت شاور صار لي ربع ساعه بالحمام دايخه ماني قادره اوقف على رجلي فزيت لما سمعت صالح يطق الباب ]
شهد : خلاص خلاص جايه
صالح : سرعي يا بنت
[ لفيت المشنفه على جسمي وطلعت لبست ملابسي ولفت نظري مقص للشعر خذيته معي وحطيته بشنطة المدرسه ]
صالح : يلا تأخرنا وش فيك انتي
شهد : صالح شفيك الله يقثك خلاص قلنا
صالح : بسرعه اركبي لا اهفك والله
شهد : افففففففففففف .
[ ركبت معه ومشينا في طريقنا للمدرسه
نزلت من السياره وتوجهت للساحه شفت البنات جالسين في وسطها قربت منهم
شهد : سلاااام يا شباب
مريم : الله جابك تعالي انتي تحبين هالسوالف
شهد : شي عجيب ؟
جنا : اوووففف ان عجيب
[ جلست معهم في نص الدائره واسمع الجوري تتكلم ]
شهد : جوري حبي عيدي من اول بلييز
الجوري : وانا اقدر ارفض لك طلب [ وبكل نعومه ] حبيبي !
شهد : ياا لبى قلبك انتي
الجوري : الله يسلمك اخوي ناصر مدرسه خاصه صح ؟
ساره , شهد , جنا : طيب
الجوري : ف هم راح يروحو امريكا كذا يعني بيروحو هناك لمسابقة غنا وعزف
شهد : لااااااااااا لتقوووولي
الجوري : اي والله ماهوب الاسبوع الجاي اللي بعده
شهد : اوففف حلاته كذا عندنا حنا حسره علينا انتي يا خبلة ليه مارحتي خاصه
الجوري : واخلي حبيبي [ تقصدني ] لااااااا مستحيل
شهد [ بكل رجوله ] : اححم
ساره : اقول انقلعي انتي وهي ترا بدا الطابور
[ اصطفينا كلنا صف واحد وبعدها رحنا للفصل ]
[ ودخلت معلمة الانجليزي , اوففف العن ابو الماده اللي ماعرف فيها ولا شي ]
المعلمه : good morning girl’s
البنات [ الكل نايم مافي الا كم وحده ردت عليها ]
[ انا راسي على الطاوله وابغى ارتاح من تعب امس لكن هلقبره صحتني ]
المعلمه : شهد , شهد , شهد
شهد : هااا هااا
المعلمه : يلا اجلسي مثل الناس وبلا استهبال زايد لا اطلعك برا
[ انا كلي نوم مانيب مستوعبه اي شي تقوله اكتفيت بـ
شهد : اي طيب
[ المعلمه طفشت مني وكملت الدرس وانا نمت مره ثانيه ]
دق جرس الفصحه وجتني ساره وسحبتني من ايدي
شهد : آآخ يألم يادوق
ساره : مقص الشعر وش يسوي في شنطتك ؟ [اوفف وشلون عرفت ذي ]
شهد : هااه . اي . ولا شي
ساره : خابزتك انا يا شهد وش ناويه عليه
شهد : اوكي خلاص بقولك شفتي هذيك البنت اللي
( مره كنا نمشي انا وساره وجنا وجنان وكل ما شفنا وحدا تغزلنا فيها مشت جنبنا بنت دايم تلعب في شعرها وهو طوييل يعني يوصل الى اخر ضهرها ومن ذاك اليوم انا واقفه لي في حلقي ومانيب طايقتها وكل ماتمشي جنبي تتدلع وتهف شعرها على وجهي . )
ساره : لاااااااااا شهوود حرام عليك يا مجرمه
شهد : امشي معي
[ خذت المقص من الشنطه وخليته في جيبي مشينا عند البنت في المقصف حنا وقفنا وراها ]
ساره [ صوتها منخفض مرا ] : لا لا لتسوينها
شهد : اصبري [ وقربت المقص من شعرها وقطعت كم خصله وباقي ماكملت بشويش قطعته من فوق . وبسرررررررررررررعه ركضناااا ]
شهد : هههههههههههههههههههههههههههههههههههههههههههههههههه هه والله نكته قسم بالله
ساره : هههههههههههههههههههه انتي من جد حيوانه اتخيل شكلها دحين وشلون
شهد [ اقلدها ] : امبي شعررري لئ لئ لئ اهئئئئئئئئئئئئئئئئئئئئئئئئئئئ ماما بابا وينكم
ساره , شهد : هههههههههههههههههههههههههههههههههههههههههههههههههه ههههههه
شهد: يلا يلا تعالي نروح ناكل لنا سندويش شي كذا وبعد نر. [ فجأه سعنا صراخ وصياح انا وساره ناظرنا في بعض ]
ساره : الله يخليك شهد خلينا نروح نشوف وجهها وشلونه
شهد : يلا ههههههههههههههههههههه
[ توجهنا للـمقصف البنت مستلقيه ع الارض وتبكي ]
البنت ": اااااااااااااه يا شععررري . لااااا ما اقدر استحمل [ وتبكي بكي مش طبيعي ]
شهد : يا ويلي ماتوقعتها بتسوي كذا
ساره : ولا انا !!!
شهد : طيب ليه حنا واقفين خليها وجع ماتهمني
ساره : حرام عليك والله
شهد : اقول لاتاخذك العاطفه وتعالي معي يلا
ساره : هههههههه الله يخسك
[ طلعنا للساحه وشفنا البنات محاوطين بعضهم وجالسين ]
جاني صوت من بعييد .
: فهوووووووووووووودي
[ مشيت لي ما وصلت عندها ]
شهد : يااا بعد قلبي آمري حياتي
الجوري [ نزلت راسها ] : فديت قلبك اجلسي معنا ونسينا ولطفي الجو طفشت منهم
جنا : لاا والله ليش ماتروحي معها وتريحينا منك
شهد : اووب اوووب خلاص طيب بقعد معكم وبلا مطاقق
الجوري : ياااا عمري انتا
خلونا ناخذ فاصل نتعرف على شخصيات البنات }*
{ الجوري : 18 سنة مراا بنوته بشرتها بيضه عيونها وساع شعرها بني طوله الى كتفها .
{ جنا : عربجيه البنت بشرتها حنطاويه عيونها مرسومه شعرها قصير طوله الى حد رقبتها
{ صديقتي من الطفوله ساره : حلوه مرا بشرتها بيضه عيونها وساع مكحله من الله وشعرها طويل يوصل الى اخر ضهرها
/ نرجع لـ جو المدرسه .
ساره : شهوود ليه ماتفتحي شعرك وتخليه كذا لحاله والله عفستيه
شهد : لاا ما احب و بعدين اساساً انا بسويه سبايكي بعد كم يوم
الجوري : واااااااااااو بتصيري خوقاااااااااااااااق
جنا : اي والله
ساره : عطيني المقص اللي عندك بنتفه لك افا عليك
شهد : انقلعي هناك
ساره : يحصل لك
الجوري : ماعليك منها فهودي
شهد : محد فاهمني غيرك يا عسل [ قربت لـ وجهها وبستها ]
جنا : لااااااا ما اقدر على الرومنسيه انا
الجوري : هههههههههههههه
[ سمعنا الجرس ورحنا للفصل ابتدينا بالدراسه الى نهاية الدوام ]
شهد : يلاااااااااااااااااااااا البيت البيت
[ مشينا كلنا مع بعض ]
الجوري : تعالو عندي بعد بكرى الخميس عندي بالبيت نامو
جنا : اي والله خوش فكره
شهد : جبتييييييييييييييييييييها
الجوري : وانتي ساره ؟
ساره : ما ادري بخبر امي وبقول لك
الجوري : طيب يلا مع السلامه السايق ينتظرني
كلنا : بااي.


توووووووقعاااتكم

البــــــ[3]ـــارت

[ لمحت صالح صافط بعيد سلمت علىالبنات وتوجهت له ركبت السياره وعلى طول رحنا البيت
[ زي الروتين غيرتملابسي و نمت الى العصر صليت ورحت لـ ام صالح
ام صالح : انتي صاير نومككثير اشوف
شهد : طفشانه وربي وش تبيني اسوي ! انتي شايفه ان عيشتي طبيعيه اقضي وقتي على الانترنت ؟
ماعندي شي انام ابرك لي [ انسدحت على االارض ]
ام صالح : انا اعتنيت فيك و ربيتك على ايدي وهاذه كل اللي اقدر اسويه امكوصتني عليك وملزومه انفذ ’’ و سامحيني يا بنتي على العيشه اللي عيشناك بها واللهلو اقدر اسوي اكثر من كذا كان سويت وانتي ادرى بالعيشه اللي حنا فيها
شهد : لااا ام صالح ما اقصد كذا وربي اصلن مين عندي غيرك انتي وصالح كافي انتو فيحياتي انا اللي مانيب عارفه كيف ارد جميلكم لي انا من لي بعد عين امي وابوي انتو اللي اكتفلتو فيني وقصرتو على نفسكم عشاني [ اخنقتني العبره وبسرعه غيرتالموضوع ] إلا صالح وين ؟!
ام صالح : طلع يجيب كم غرض طالبته منه
شهد : آآاها طيب
[ قضيت وقتي مع ام صالح سوالف وضحك على القصص الي تحكيها لي ودخل علينا صالح ,,

صالح : شهد تعالي خذي الاكياس بسرعه
شهد : اشتغلعندك انا ولا شو ؟
صالح : قومي يا شهد عندي اكياس في السياره يلا
شهد : طيبطيب [ رحت خذت الاكياس من ايده وهو رجع بأيده اكياس ثانيه جلس معنا
صالح : شخبارك اليوم
شهد : عادي
صالح : ايش اللي عادي
شهد : ماصار شي [ وتذكرت سالفة البنت اللي قصيت شعرها ] ااييييييييي ما قلت لك
صالح : لاماقلتي لي
شهد : اقولك يا صلييح اليوم عفست شعر وحده من البنات
صالح : كيفيعني
شهد : قصيته وهي ماتدري [ بكل ثقه ]
[ ضربني صالح على راسي ]
صالح : مجنونه انتي
شهد : ههههههههههه والله شعور حلو تصدق
صالح : انشالله يجييوم و شعرك يطيح خصله ورى خصله
شهد : عادي لاتحاول تخوفني بعد كم يوم راح تشوفهبوووي
صالح : الله يرجك يا مجنونه
شهد : جبت لي حلاو ؟
صالح : ايه روحيشوفيه بالكيس
شهد : لبى قلبك يااا حيااتي [ طبعت بوسه على خده ورحت ] [ اخذتالحلاو ورحت ابي ارجع لكن وقفني صوت صالح يقول :
يمه اليوم قال لي المؤجر اناذا ماعطيناه فلوس الاجار بعد 5 شهور راح ياخذ البيت وحنا بنسكن في الشارع واناماعندي ولا فلس اللي عندي يكفي لي ولك ولشهد ومدرستها
ام صالح : على اللهيا ولدي [ افففف انا لازم اتصرف واسوي اي شي ][ مشيت عندهم كأني هبلةماسمعت اي شي وصالح اول ماشافني غير الموضوع ]
صالح : ايه يمه جبت لك كل الليتبينه انتي اطلبي وتمني
شهد [ ناظرته بنص عين ] : اطلبي وتمني اجل هاه
صالح : انا وامي كيفنا انتي شدخلك يا بليس
شهد [ بكل رجوله ] : لاتخليني اعفس وجهكهنا فاهم
صالح : بسم الله وش فيك تحولتي
شهد : هههههههههههههههههههههههههه ايوا
صالح : متى بتصيري بنت انتي
شهد : لين اميوابوي رجعو للحيا
صالح : استغفر الله
شهد : ههههههههههههههههه
صالح : في شي بعقلك انتي الحمدلله والشكر
شهد : صالح شرايك تودينا على البحر
صالح : وش نسوي
شهد : كذا يعني نستانس شوي
صالح : لا لا ماراح اوديكم
شهد : الله يخلليييك صالح بلييييز
صالح : افففف طيب روحي البسي عباتك
شهد : لامانيب لابسه
صالح : على كيفك هو [ رفع لي حاجبه ]
شهد : حر وش فيك اموووتيعني انا اموت ؟ لا قول اموت بعد قول [ لفيت ناحية ام صالح ] واالله
صالح : خلااااص طيب كلتيني يمه منك انتي نسر
شهد : اححم
صالح : يلا روحيشغلي السياره على ما اجيب اكل
شهد [ اخذت المفتاح ] : يلا ام صالح تعالي
امصالح : طيب
[ وتوجهنا للسياره وشغلتها ] [ بعدها إجا صالح معاه الاكلوالاغراض ورحنا للبحر ]
صالح : يلا انزلي جايبتنا هنا وش بتسوين يعني
شهد : انت اسكت وحنا بخير
[ جلس صالح على الفرش اللي حطيناه وانا علىالسياره جتني الطربه وجلست اغني ]
شهد : بلا حب بلاا وجاااع قللبب وش جاانامن وررى هلحب غير صويلح وغير امه وش جانا
[ ام صالح سمعت اسمها بالأغنيه وصفقتمعي ]
شهد : عاششت ام صاالح ايوااا يااا ناس انا مابي الدفى قلبي منالححب اكتفى وين العشق وين الوفى ودانا الله . يا سلاام ويين [ وقمتارقص مع ام صالح و صالح يشوفنا ويضحك ]
{
ناخذ فاصل نتعرف على شخصية بطلةالروايه [ شهد ] :
بنت ملامحها حلوه كثير لكنها ماتعتني في نفسها ابد تشوفنفسها بالمرايه ولد شعرها طويل الين نص ضهرها ناعم ولونه بني قامج عيونهاوسيعه عسليه على امها جسمها حلو ولو تلبس شي انوثي تطلع تحفه لكنها ماتهتمابد

نرجع }

صالح : خلااص خلاص ماقدر بموت من الضحك اجلسي بس
شهد : ههههههههههههههههه طيب خلاص اوفف تعبت
صالح : ايه اكيد راح تتعبيمن اللي تسوينه
شهد : صالح بذمتك لو رحت انا ماراح تضحك ابد صح [ شفته يفكر ]
صالح [ بعدم اهتمام ] : لا ليه يعني !
شهد : اعتتررف يلا [ قربت منه ] اعترف اعررررررررررف ت لاتنكر
صالح : هههههههه طيب طيب ايوا اكيد راح بختفي حسك
شهد : يسسس
صالح : بس راح افتك منك
شهد [ شهقت ] : طيب اانا من بكرارايحه
صالح : هههههههههههههههه لا امزح
شهد : انقلع
صالح : افاااااا ’ بس كيفك ازعلي عادي
شهد : ههههههههه انا ازعل ؟
صالح : ايوا
شهد : تبيهامن الله انت مستححيل ازعل لو شتسوي
صالح : مافيك ذرة احساس
شهد : ذرةولا فشااار [ واسدحت على الارض وانا اضحك ] [ وصالح يطالعني بنص عين ]
[ قمتوقربت من صالح ] : ححلوه صح وربي لا اخليك تضحك اضضضحك اعرف انها حلووه
صالح : قومي عننني قوومي [ يقاوم الضحكه اللي فيه ]
شهد : هههههههههههههههههههههههههههه تبيي تضضحك صح تبي تضحك
صالح : قوومي ههههههههههههههههههههههههههههههههههههههه بس يا حيوانه قومي
شهد : ههههههااايايييييييييواا خليتك تضحك
صالح : انقلعي يا مجنونه
[ لفيت وجهي ييمين يسار ام صالح مالها حس وين راحت هاذي ]
صالح : امي وينها
شهد : ماااا ادري
صالح : قووومي قوومي كله منك لهيتيني عنها يلا تعالي ندورها
شهد: افففففففف وانا شدخلني [ قمنا ندورها مشيييينا ومششيينا ورحنا بعيد عنالسياره ]
صالح : ياا الله وين راحت
شهد : تعبببت
صالح : وشوهاذه هناك
[ لفيت وجهي وشفت شي اسود واقف بسم الله ]
شهد : يلا تعالنروح
[ مشيينا عند الشي الاسود ولف علينا انا كلي خوف بس احاول ما ابينلصالح ]

صالح : يمه وش تسوين هنا الله يهديك
[ حطيت ايدي على قلبي ونفسي سريع ]
شهد : الله يرجك وش تسوي انتي هنا
[ ماشفت إلا مطلعه ايدها من ورى ظهرها وماسكه عقرب وتضحك ]
[ انا وصالح فتحنا عيوننا على الآخر ]
شهد : وششششووو هاذه هاهاااي
صالح : وقتك تضحكي انتي ! [ راح لأم صالح ] يمه وش تسوي ليه ماسكه العقرب
شهد : تغني معه ههههههههههههه
صالح [ التفت علي ] اسكتي انتي
ام صالح : انا شفتكم تضحكون ومستانسيين قلت اجي اوسع صدر هذا المسكين [ ورفعت العقرب فوق ]
شهد : اقققققععععععععععدد ههههههههههههههههههههههههههههه شوف امك تسولف مع العقررب
صالح : ههههههههه اسكتي انتي
ام صالح : بلاكم تضحكون يا عيال
صالح : ولا شي يا يمه بس خلي العقرب بنروح البيت الساعه 10 وشهد لازم تنام
شهد : ياعميي روووح
ام صالح : لا انا ابيه حلو يونس
شهد : هههههههههههههههههههه يلا تصرف
صالح : يا يمه انا اجيبه لك بس يلا نمشي ورانا درب جايبتنا لين هنا وتبين العقرب بعد
ام صالح : طيب يلا مشينا
شهد : ههههههههههه وتقول لي انا مجنونة ؟
صالح : انتي ماتعبتي وانتي تضحكين ؟
شهد : لا اله الا الله تحسدني على الضحك
صالح : لا ماقلت كذا ههههههههه
شهد : طيب وين السياره
صالح : هناك [ اشر عليها ]
شهد : بعيييييييييييييييد
ام صالح : انا ركبتي توجعني
شهد : محد مسك شعرك وشدك لي هنا
صالح : خلااص كنكم بزور وجعتو لي راسي
[ ومشينا مسافه طويله هلكنا الين ما وصلنا للسياره ركبنا كلنا ]
صالح : اخر مره اجيبك البحر
ام صالح : ليه
صالح : لو منتي امي كان خليتك ومشيت
ام صالح : في هالزمن مافي احترام للأم تكلمني كأني جاية لك من الشارع
صالح : خلاص سامحيني [ قام يبوس راسها ] يا لبى قلبك انتي
ام صالح : طيب رضيت خلاص
[ هـــــــــه نسيت اقول له عن بعد بكرى ]
شهد : صلييييح
صالح : وش تبين
شهد : بعد بكرى بنام في بيت الجوري
صالح : و مين الجوري ذي
شهد : يعني مين ! صديقتي بالفصل
صالح : والمطلوب مني ؟
شهد : اولاً موافقتك بس يعني مش مهمه كثير انت وافقت او لا انا رايحه ثانياً التوصيله وهاذي اهم شي في الطلبات وشكراً
صالح : امممم ,, وكم يوم راح تنامي هناك
شهد : يومين خميس اروح وجمعه انام وسبت في الليل ارجع [ ابسمت ]
صالح : آهااااااااااااااااا وانا اوصلك !
شهد : طبعاً
صالح : متى ؟
شهد : يعنـ[ قاطعني ]
صالح : يلا نزلي ونتفاهم داخل
شهد : افف طيب
[ دخلنا البيت وام صالح توجهت للغرفه تنام وانا لحقت صالح جلس وجلست وياه ]
صالح : ايش فيه !
شهد : الحين شلون بتوديني او لا
صالح : وين ؟!
شهد : اففففف صالح بلا حركات بزران
صالح : شفيك ! عن شنو تتكلمي
شهد : صالح قلت لك بروح بيت صديقتي الجوري بنام عندها يومين بتوصلي اولا
صالح : آآآآاهااااااااااا طيب
شهد : وشو اللي طيب
صالح : خلاص بوديك
شهد : اييييييييييوااااا انت كذا تعجبني [ بسته على راسه ]
صالح : شرط تروحي تنامي
شهد : طيب بروح
صالح : يلا
[ توجهت للغرفة خذيت شاور سريع غطيت شعري بالمنشفه وانسدحت جنب ام صالح ونمت ]
. الساعه 6:00 صباحاً ."
. : يلااااااااااااااا قوووووووووووووووووومي
شهد : ااففففففففففففففففففففففففففففففففففففففففف الله يلعنك يا صالح
صالح : والله انتي بيجيك يوم وإلا انتي في النار على الادعيه اللي تدعينهم علي
شهد [ نعساانه وماودي اقوم ] : بس تعرف انو ممو من قلبي
صالح : خلاص يلا البسي انا برا انتظرك
[ طلع وانا توجهت للحمام غسلت وجهي ولبست ملابسي رحت خذيت لي سندويشه وطلعت لصالح وركبت السياره ]
شهد : ابغى انام
صالح : نامي عند مشرفتك
شهد : انطم [ سندت راسي على الكرسي ضربني ] ليش تضربني !
صالح : حسني الفاضك
شهد : طيب [ ابي افك نفسي لان مالي نفس مطاقق معاه من الصبح ]
[ وصلت المدرسه وتوجهت للفصل وشفت البنات متجمعين في الزاويه ]
الجوري : حبيبي شفيك شكلك تعبان
فهد : اي والله ابغى انام فيني النوم حياتي
الجوري : تعال نام على حظني [ وع وش هلقرف شفيها هاذي لكن من التعب رحت لها ونمت على حظنها وهي تمسح على شعري ]
جنا : لو انا منك اتفل في وجهها
الجوري : اسكتي مالك شغل فينا انا وحبيبي
شهد [ بدون ما افتح عيني ] : ايوا مالك شغل
ساره : ايه الجوري انا امي رضت اجي معكم بكرى بس حنا كم يوم راح ننام عندك ؟
الجوري : على كيفك
جنا : يومين ؟
الجوري : ايوا
[ انا اسمع بدون ما اشوف والجوري دوختني اكثر واهي تمسح على شعري ]
الجوري : انتي من جد تعبانه
[ فتحت نص عين ] : تكلميني انا؟
الجوري:ايوا
[ قمت عنها وجلست معهم ]
شهد : اناااا من اومي تعباااانه اقولك امس ام صالح ماسكه عقرب وتكلمه
البنات : ههههههههههههههههههههههههههههههههههههههههههههههه
ساره : تمزززحي
شهد : هههههههههههههه وربي انها ماسكته وتتفاهم معه
جنا : والله هاذي ام صالح لحالها جوو
الجوري : اييه والله ههههههههههههههه
[ وسمعنا الجرس كل وحده قامت توجهنا للساحه وبعد ماخلصنا رحنا الفصل ]
وجلست جنب ساره
ساره [ بصوت خفيف لجل ماتسمعنا المعلمه ] : امس كلمت محمد
شهد : احلفي
ساره : وربي
شهد : طيب وش صار ؟
ساره : يبغى يشوفني
شهد : خخخيير خير !! من الحين انا اقولك لا
ساره : طيب ليه شهد عادي انا واثقه فيه وهو واثق فيني
شهد : انتي وش فيك هبلة وله انهبلتي يعني لا هو بزوجك ولا ولد عمك لجل تطلعي معه
ساره : من بعيد عادي ماراح يصير شي
شهد [ عصبت وعليت صوتي بدون ما احسن ] : انت وش فيك ماتفهمي غغبيه غبيه؟
ساره : اوش فضحتينا
[ التفتت المعلمه علينا ]
المعلمه : برافوو والله مخلين الدرس على صوب وتحكو مع بعض
شهد : والله يا اختي درسك يطفش اللي مايطفش اسمحيلي يعني
المعلمه [ عصبت ] : اطلللعي برااا انتي وياها .
[ وقفت ومسكت ااييد ساره وسحبتها ومشيت ]
شهد : تعالي سارونه حبيبتي تكمل سوالفنا برى
البنات : هههههههههههههههه
[ مرينا جنب جنا والجوري ] [ وبصوت خفيف قلت لهم :
اذا في خاطركم تسمعون السالفه اعملو مصيبه وتعالو برى
جنا : هههههههههههه طيب روحي وبنلحقك
المعلمه : هييي انتوو يلا برى ما ابي اشوفكم هنا مره ثانيه
عطيناها طااف ومشينا [ جلست معها جنب الباب ]
شهد : كملي سواد وجهك
ساره : شهد مو غلط لما اطلع مع واحد احبه واشوفه من بعيد صدقيني هاذي بتكون اخر مرة
شهد : اسمعي طلعه مع ذا المخلوق مافي وبعدين تعالي انتي وش نهاية ذا الحب يعني !
ساره : زواج يعني وش نهايته
شهد : وانتي مصدقه مع خشتك انو راح يتزوجك لما بتطلعي معه ؟ حبيبتي انتي اذا طلعتي معه راح تكوني بعينه سهلة وراح يحط في باله انو اذا طلع معك يقدر يكذب عليك بكم كلمه وياخذك في شقه
سااره : لااااااااا وش ذا الحكي مستحييييييييل ارضى
شهد : دامك مارضيتي على ذا الشي لاترضي تطلعي معه هو اذا يبيك صدق خليه يجي يخطبك السننه الجايه
ساره : شهد والله ماراح اسوي شي وبخليك تجي معي
شهد [ رفعت حاجبي ] : وشلون يعني !!
ساره : يعني حنا ماحنروح بيت الجوري ؟
شهد : طيب
ساره : راح نطلع وبعدها كلكم تجو معي واعرفك انتي اذا صار اي شي راح تكوني جنبي
شهد : افففففففففففففف شوفي انتي تدري اني مانيب راضيه اذا صادك شي وانا ماقدرت اساعدك مالي شغل فيك
ساره : يالبى قلبببك حياااااتي انتي والله
شهد [ عطيتها نظره سكتتها ] [ مسكت وجههي ]
ساره : اشووووفك
شهد : وشتبين !
ساره : ليه وجهك كذا كأنو شي مضايقك ؟
شهد : لا مافي شي
ساره : انا اعرفك يلا قولي وش فيك
[ تنهدت ] : بعد خمس شهور اذا مادفع صالح اجار البيت راح نسكن في الشارع
ساره : هاااه !!!
شهد : ايش بيدي اسويه ؟
ساره : ما ادري
شهد : والله لو يقوولو لي اشتغلي ليل ونهار وراح نعطيك 200 ريال بشتغل
ساره : ياقلبي انتي اقدر اسوي لك شي ؟
شهد : لا فديتك كافي انك تسمعيني
ساره : فديييت العثللل الجمييل انا
شهد : هههههههه يلا قومي ناخذ جوله ونرجع
ساره : يلا
[ مشيت معها الين وصلنا للـ ساحه ,, وإلا للمره الثانيه نشوف المديره تكلم المعلمه ]
ساره : اعوووووووووووووووووووووذ بالله
شهد : ياااااااااااااابووووووووووووووووي تعالي تعالي بسرعه
[ وركضنا بسرررعه ودخلنا للمقصف ]
ساره : اوفففف زين ماشافتنا
شهد : و إذا ؟
ساره : وش فيك انتي . فصصصل
شهد : عادي وناسه
ساره : انطمي اقول
[ بعدها مر اليوم عادي وكل وحده منا رجعت للبيت ]
صالح : ليه وجهك كذا انتي
شهد : ايش فيه !
صالح : شاحب !!
شهد : عادي عادي يلا بروح انام تعبانه
صالح : طيب مارح تاكلي شي ؟
شهد : لا مالي نفس
صالح : طيب
[ رحت للغرفه واول ماحطيت راسي على المخده نمت حتى ملابسي مابدللتها ]
قمت من النوم الساعه 8 [ يوووه احس روحي مصخنه افف مو وقتك ] غيرت ملابسي وطلعت لام صالح وانا من جد تعبانه
ام صالح : وش فيك يابنتي مريضه ؟
شهد : ايوا احس راسي بينفجر [ دخل علينا صالح ]
صالح : وش فيك انتي !!
شهد : ولا شي بس صخونه
[ حط ايده على جبهتي ]
صالح : يووووه وشو ذا نار !
شهد : جيب لي بندول بس
صالح : بوديك المستشفى احسن
شهد : لا مالي نفس صلييح عادي شوفني مافيني شي [ ركضت الين الغرفه وجيت جنبه ] شفت عادي
صالح : حتى وانتي مريضه فيك شده تتحركي
شهد : بسم الله علي ماشالله لاتحسدني ياحقود
صالح : ههههههه طيب اجلسي بجيب لك البندول
شهد : طيب
[ عطاني البدول واكلته بعدها نمت ]
. [ قمت وشفت الساعه إلا 5 الفجر ] اوفففففففففففف انا وش اللي مخليني انام لين الحين
[ رحت غرفة صالح واخذت جواله رجعت الصاله وضغطت على رقم ساره ررن ررن وماجاوبت اتصلت مره ثانيه جاوبتني بصوت نعسان ]
ساره : ألوو حد يتصل الساعه 5 الفجر !!
شهد [ بصوت مبحوح ] : انا
ساره : مين انتي
شهد : انا شهد ياحيوانه
ساره : يووه شهد حد يتصل في ذا الوقت اني شايفه الساعه كم ! طيب ليه صوتك كذا
شهد : انا بكرى مانيب جايه المدرسه
ساره : ليه !

شهد : تعبانه ومصخنه وكذا اكيد صالح ماراح يخليني اجي
ساره : افااااااااا طيب راح تجي بيت الجوري ؟
شهد : ايييه اكييد الساعه 2 ونصانا عندكم
ساره : كذا تمام
شهد : يلا سكري وروحي نامي
ساره : طيب يلا اشوفك بكرى بعد الدوام
شهد : ههههههههه يلا باي
[ رجعت الجوال مكانهورحت للمطبخ اكل لي اي شي موجود الحمدلله في توست وجبنه اكلت ورحت للغرفهاحاول انام ثاني ]
[ صحيت على صوت صالح ]
صالح : شهد قومي يلا
شهد : ايش فيه !
صالح : باخذك على المستشفى
شهد : لا لا مايحتاج
صالح : اكيييد ؟
شهد : ايوا
صالح : طيب مته تبغي تروحي بيت صديقتك ؟
شهد [ الحمدلله انو مانسى ] : الساعه 2 ونص
صالح : طييب قومي البسي دحينالساعه 1 ونص !
شهد [ فزييت من مكاني ولا كأن فيني شي ] : اوووووووووووووبلاااااا ليه ماقعدتني
صالح : توك تعبانه وبتموتي والحين يوم قلت لك كذا نطيتي !
[ قمت عنه ورحت اخذ شاوور على السريع طلعت من الحمام نشفت شعري ولبستقميص ابيض وعلى الكتف فيه زخرفه ناعمه بالرصاصي الفاتح وسكيني اسود وشوزرياضي رصاصي فاتح وطلعت لصالح ]
شهد : يلا مشيينا
صالح : كذا !!!!
شهد : ايوا كذا وش فيني يعني !
صالح : البسي عباتك
شهد : يوووووووووووووه يا صالح انا رايحه بيت صديقتي مانيب رايحه مكان عام
صالح : شهدقلت لك البسي عباتك وإلا ترى مافي طلعه
شهد : افففففف طيب طيب [ ورحت للغرفهخذت العبايه ولبستها ]
صالح : وغطا لشعرك ؟
شهد : صالح يلا تأخرنا
صالح : ااه منك انتي يا بليس مدري متى بتصيري بنت
شهد : يلا يلا لايكثر
صالح : اركبي وانتي ساكته
[ وحنا في السياره رن جوال صالح ]
صالح : الوو وعليكم السلام ورحمة الله . شهد ؟ . ايوا هنا . طيب // اخذي في بنت تبيك
شهد : هلا ساره
ساره : وجع وشلون عرفتي
شهد : مافي حد يعرف رقم صالحالا انتي
ساره : ههههههههه اي صح طيب يلا ننتظرك صارت الساعه 3 وانتي ماجيتيوينك
شهد : في الطريق يلا انا 5 دقايق بالضبط واكون عندك اطلعو لي
ساره : طيب يلا باي
[ سكرت الجوال وعطيته لصالح ]
صالح : وش تبي منك !
شهد : تقول مته راح تجي
صالح : ماشالله مهمه
شهد : احححم تربيتك
صالح : صحييح اتصلي لها وين بيتهم!!
[ مسكت الجوال اتصلت لساره ]
شهد : ساارووو وين البيت ايه اوكي ؟ طيب اوكي يلا باي
[ وصلت لبيتالجوري نزلت من السياره وتوجهت لباب القصر اللي عند بيتنا ولا شي فتحت ليالجوري وسلمت عليهم ودخلنا]
الجوري : يقولو حبيبي مريض
شهد : ايه
الجوري : ماتشوف شر يا حياتي
شهد : الشر مايجيك انشالله ياعمري
[ ودخلنا القصر تحفه حنا بيتنا غرفه من هالقصر سلمت على ام الجوري وتونيبصعد بالدرج لكن سمعت صوت رجال يقول :
: يمه اقولك ماعندي شريك بالغرفهووخويي مريض ماراح يجي معي [ هاذه يمكن ناصر اخو الجوري ]
. : وش فيها يعنييا ناصر
ناصر : انا شاسوي لحالي طول الوقت هناك
ام ناصر [ هي ام الجورينفسها ] : عادي يا حبيبي اذا ضقت اتصل في اي احد
ناصر : افففففففففففوالله ضايق صدري وماني طايق شي
[ سمعت صوت جنا تناديني ]
جنا : شهوووديلا وش فيك واقفه ماتتحركي !
شهد : يلا جايه
[ وصعدنا كلنا فوق ودخلناغرفة الجوري الغرفه صراحه ولا اروع اكبر من بيتنا ]
ساره : يااا هلاابشهد فقدناك تصدقين
الجوري : اي والله المدرسه بدوونك مراا مالها طعم
شهد :" لبى قلوبكم حياتتاتي
جنا : اذلفي مانيب قايله شي
شهد : ومن قالاني ابيك تقولي شي [ ولفيت على الجوري ] قلتي بتغدينا على حسابك يلا وين
الجوري : اوف منك ولا تنسي يلا البسو السايق ينتظرنا برى
كلنا : اوكي
[ كلهملبسو عبيهم والطرحه إلا انا بس عبايه ]
ساره : ليه منتي جايبه معك طرحه؟!
شهد : ما البس انا زين اني لبست عبايه تبيني البس طرحه !!!
الجوري : ماعليك منها يلا مشينا
[ ونزلنا لتحت وطلعنا شفنا السايق ينتظر بالسياره ركبنا كلنا ]
جنا : وين بنروح ؟
الجوري : ما اعرف كيفكم
ساره : خلينانروح اي مطعم نتغدى ونرجع
[ طبعاً الجوري اول ما حددت مكانالمطعم مسكت سارهجوالها وطرشت مسج لـ محمد وعطته كل المعلومات ]
شهد : استحي على وجهك شوي !
ساره : ماعليك مني
شهد : طيبب بنشوف مين راح يبكي بالأخير
ساره : اففشهد ليه كبريت انتي
شهد : خلاص بسكت
[ وصلنا للمطعم طبعاً انا اول مرةادخل ذي الاماكن ولا عمري شفت مثلها وبكل عربجيه فتحت الباب الكبير على داخل وإلا في وجهي الجرسون بأيده عصاير وكلهم طاحو على الارض ]
شهد : هههههههههآسفه اخوي ما اقصد
الجرسون :No it’s okay
الجوري : Thanx
ساره : عفسيينا الله يرجك
شهد [ مواصله ضحك ] : جايبيني مكان ماعمري جيته وش تبون منييعني ههههههههههه
[ وجلسنا على طاوله لأربع اشخاص ومعزوله عن الناس لحالنا ]
الجوري : وش تبون تاكلو ؟
شهد : انااا عن نفسي خارج الموضوع اي شيتحسونه زين لي اطلبوه
جنا : ههههههههههه منتي بصاحيه
شهد : يلا انا جوعانهترى
ساره : خلاص انا بطلب لك مثلي
[ وبعد ما طلبت كل وحدا اللي تبيه ]
الجوري : مسكين ناصر متضايق كثير
ساره : ليه !
الجوري : صديقه مريضوماراح يروح المسابقه في امريكا
ساره : طيب ! عادي وش اللي مضايق اخوك
الجوري : كل واحد منهم هناك عندو شريك بالغرفه والعدد اكتمل ودحين ناصرلحاله في الغرفه !
جنا : مسكييين مافي حد يجلس معه
الجوري : اييه مافيشريك
شهد : انا راح اصير الشريك
كلهم : هاااااه !!!




نهآيـة ألـبَآرتّ

*| توقعاتكم