طريقة عمل الملوخية 2013 , طريقة عمل ملوخية بالارانب 2013


طريقه عمل ملوخيه بالارانب
اتمنى تجربوها حلوة كتير



طريقة الملوخية 2013 طريقة ملوخية 120830092904e8OP.jpg
الكمية تكفي: 4 أشخاص
وقت التحضير: 20 دقيقة
وقت الطهي: 75 دقيقة
المقادير: 1 ارنب
بصلتين متوسطين
1طماطم
حبهان ورق لورى ملح وفلفل
5 فصوص توم مفرومه
معلقه صغيره كسبره ناشفه مطحونه
التحضير: نغسل الارنب كويس جدا ونقطعه الى 6 قطع وننقعه فى ميا ونغسله كويس بعد كده وطبعا
الطبخ: نرص الارنب فى الحله علشان نسلقه بعد كده نحط الحلة على نار هادية خالص لمدة عشر دقايق حنلاقى الارنب نزل ميا لونها ابيض كده فى الصورة اهه طبعا
الميا دى بتبقى زفرة نصفيها من الارنب كويس خالص ونرميها علشان ماتزفرش الشوربة
بعد ما نرمى الميا دى نجيب نصف معلقة سمنة بلدى ونشوح الارنب كويس اوى بعد ما نشوحه نحط الميا وبصلتين متوسطين
وفصين حبهان وورق لوروا ومستكة وانا بحط طماطماية كمان ودى بتعمل تسكيرة جميلة علشان الملوخية يعنى اى شوربة بعمل فيها ملوخية لازم احط فيها طماطماية وطبعا نحط ملح وفلفل اسود
ونسيبه على نار عالية يغلى كويس وبعد خمس دقايق نحطه على نار هادية خالص يستوى على الهادى هو اخد حوالى ساعة
بعد كده ننشل الارانب فى طبق
ونصفى الشوربة بتاعتنا علشان نعمل الملوخية وطبعا لازم بنزل البصل والطماطم من المصفاة على الشوربة
كده خلاص خلصنا الشوربة والارنب
نبدا نحضر الملوخية باه
اول حاجة طبعا نجيب الملوخية نغسلها كويس اوى ونقطفها على صينية واسعة ونسيبها لغاية لما تنشف من الميا خالص
وبعدين نخرطها بالمخرطة لااااااااااااازم مخرطة مفيش حاجة تخلى الملوخية جميلة زى المخرطة
بعد كده نحط عليها الشوربة بس لازم الشوربة تكون بتغلى واحنا بنحطها على الملوخية

وبحط عليها ربع معلقة صغيرة سكر بتدى تسكيرة جميلة للملوخية ونضبط شوربة الملوخية
بعد كده نحضر التقلية نجيب خمس فصوص توم مفرومين ومعلقة صغيرة كسبرة ناشفة وندعكهم ببعض كويس اوى
حنحط نصها نى على الملوخية والنص التانى نحط عليه قطعة .دة ونص معلقة سمنة بلدى علشان نعمل التقلية

بعد كده نحط الملوخية على النار علشان تغلى اوعى تخليها تغلى اوى يادوب اول لما تلاقى بداه تغلى تطفى عليها على طول
وتقومى محمرة التوم والكسبرة على طول
وتحطيهم على الملوخية على طول بعد ما يتحمروا وتعملى كده
وتغطى عليها بسرعة وبعد دقيقة كده تفتحى عليها وتقلبيها وكلى باه احلى ملوخية
وطبعا واحنا بنعمل الملوخية نحمر الارنوب الجميل بتاعنا ونعمل الرز بالشعرية
وبالهنا والعافيه

'vdrm ulg hglg,odm 2013 < 'vdrm ulg lg,odm fhghvhkf 2013