قصيده حب البنات الرائعه 2013


القصيدة
كلهه مكبلة وتلعب على الحبلين
التحبك اعتقد غيرك تحب عشرة
غم رايك ولك يمغمض العينين
وي غير ك تراهي مكيفة بسهره
غم رايك والك تركض ورة ام كلبين
تغطك باالسواد وتلبس الحمرة
توهمك بالجزن وتكلك من اسنين
عطشانة على حبك والنفس صحرة
ماتدري بهواها بيارقم مسكين
لأن حبها متاع ويشتهي السفرة
توعدك تخلف وماتوفي بدين
ويطول انتظار ك تنطر السمرة
وبنفس الوكت تلكاها وي اثنين
تتواعد الحلوى وكلهه منتظرة
عفية شكد حنينة وبالجمع توفين
واليحبج صدك متقشمر وفكره
نوب على الرصافة وياه تتمشين
ونقالج يدك بيه رنة البصرة
بس هزاز جرحج مايحسه البين
وتنام القو في بمفرق الشطرة
شكد اكلوب عدنج انتي من ياطين
شكم مسكين حادج غرته الكشرة
تغر ين اليشوفج حتى من تمشين
ونكلات الجدم تتغاوة عالغبرة
تطلعين الصبح والعشرة منتظرين
وتردين العصر وياج هم عشرة
ما لومن غرورج سهلة تنغرين
والمثلج حلو يظل حاير بأمرة
بس عندج عقل بفلان تختارين
وطبع الحب جبر ماينعطف جرة
ويظل منصوب شان العل غدر ماشين
وممنوع الصرف محبوبج وكسرة
موكافي جهل وليمته تفتهمين
لوفات العمر مايرجع بعمرة
وميفيد الندم لو ردتي تتندمين
ويظل خالي المكان بآخر السفرة
وعلى كيفج بهيدة و لاتطيحين
وموكل مرة توكع سالمة الجرة

rwd]i pf hgfkhj hgvhzui 2013