مشكلتي مع زوجي مالها سبب 2013

بصراحه مش فاهمه الموضوع بالزبط

كل اللي صار انو تناقشنا عادي متل كل مرة
موضوع نقاشنا(واللي يااااااما حكينا فيه )
نو هو عصبي وازا ما عجبو تصرف مني بصرخ فيي قدام اهلو وما بهمو وانا بعز علي
جكيتلو فبيتنا اعمل شو مابدك,, ولو عملت اشي ماعجبك خدني ع غرفه تانيه اضربني كف وبنرجع كأنو ما صار اشي ووالله ما اهنتو ولا جرحتو ولا حكيت اشي خطأ
بالعكس هو اللي صار يغلط بزياده وكأني بتبلى عليه وبتهمو وهو مش هيك !!!
بس ليش هالمرة حب يكبر الموضوع مش عارفه
كتير اشياء حكاها مالها داعي ومالها علاقه فمشكلتنا !!
1)) حكالي الي فترة مش طايقك ! (تحديدا من يوم حملي ويوم المشكله كنت بالشهر السادس !!! )
2))وانا هاي طبيعتي ازا عجبك اهلا وسهلا ما عجبك اصبري تولدي وروحي (قصدو بياخد مني بنتي واللي فبطني )
3)) فمكان واحد مانجتمع لما افوت الغرفه انتي اطلعي منها !!

فترتها كان عندي امتحانات وكنت اضل سهرانه للصبح بالدراسه وماكنت انام بغرفتي (لاني سهرانه طبعا )
بعد يومين من المشكلة خلصت امتحاناتي وبدي افوت ع غرفتي انام عادي متل ورا كل مشكله تعودت انو امشي الوضع طبيعي لانو بغلط وما بتأسف وانا مابحب ازعل لاني بزعل لحالي وما بستفيد اشي !
صار يحكيلي شو حكينا !! حكينا انو انا وانتي مانجتمع بغرفه وحدة
عزت علي وطلعت من الغرفه وقعدت اسبوعين انام برا
هو مابحكي معي الا ازا بدو اشي اكل شرب بناديني بعملو اللي بدو اياه وبروح
بحكي بدون ما يتطلع فوجهي وازا اطلع بكون يعطيني نظرة قرف وازا ناداني بصرخ صراخ
كل اشي بدي اياه بجيبلي اياه وما حرمني من اشي متل ما كنت متوقعه يعمل
طلباتي كلها مجابه وزياده مع انها قبل كان ممكن يوافق وممكن لا (حسب مزاجو وانا عمري ما عارضتو ولا ناقشتو ,, خلص لأ لأ وبقنع حالي انو بلاش )

كان زمان اول زواجنا يضغط علي مشان اصالحو بأنو يمنعني من كتير اشياء حتى ازهق واراضيه
هاي المرة لأ ازا بطلب اشي بعطيني الضعف

مبارح تعبت من الوضع فتت عندو عالغرفه ماجكيت ولا كلمه ما عندي اسف احكيها لاني ماغلطت
مجرد نقاش عادي ونمت حدو
سألني شو بدك جاوبتو مش عارفه (لاني فعلا مش عارفه بس الوضع مش عاجبني وبدي اصلحو حتى لو تنازل مني بس شو اعمل ولا اضل منكدة طول الوقت )
وهو ما حكى اشي ضليت اكتر من ساعه وهو بلعب جيمز لما خلص قاللي يللا قومي بدي انام !!
وين اقوم !!
اطلعي برا !!
حكيتلو انا زهقت وبدي انام بغرفتي
قللي معناتو افرشيلي برا
بحكيلو ما صار اشي اللي تعمل معي هيك !!
حكالي انا هيك مبسوط ومرتاح يللا اطلعي برا
حاولت اصر بس دفشني بالحكي وعزت علي وطلعت من الغرفه
اليوووم اخد بنتي يشتريلها اشياء من السوبر ماركت
وباعتلي معها كيس شوكلاتات الي ههههههههههههههههههه ماعرفت شو يعني !!!!
بعدها اجو اخواته عنا وكان يحكي معي عادي قدامهم كان يشوي حمص سألني ازا بدي !!!
مع انو قبل كان يتعمد يحكي معي بجفاف قدامهم مشان يقهرني
اليوم كان جدا لطيف !!

مش عارفه شو رأيكم شو اللي بصير معي انا مش فاهمه ولا عارفه شو بدو ولا عارفه وين غلطت ازا انا غلطت جد ! ولا عارفه شو اعمل !!

la;gjd lu .,[d lhgih sff 2013