الموضوع: دونات مالح بالصور 2013

فكرة النهاردة لذيذة وجديدة ورائعة
وكمان من اختراعاتي مش عارفه هي طرأت في دماغي
قلت اما اجربها ياصابت يا خابت
والحمد لله كانت صائبه جداً وجميلة جداً جداً



الدونات المالح ألذ شي تاكليه مع الشاي

لدرجة نسيت معاها الدونات الحلو
وعجبت الأولاد جداً والحمد لله

خلينا نقول المقادير
( الدونات المالح)
3 كوب دقيق
3 م ك زبدة
1/4 كوب سكر بودر
1/2 م ص ملح
1/2 1 كوب حليب
3 م ص خميرة فوريه
بيضه
الطريقه
ندفي الحليب السائل مع الزبدة علي النار ولو سخن منك سبيه لغاية ما يبقي فاتر
وضعي ف العجانه او ف الإناء الخاص بالعجن كل المكونات الجافه
( الدقيق+ السكر+ الملح+ الخميرة)
ثم ضيفي البيضه وقلبي ثم خليط الحليب مع الزبدة واعجني لغايه ماتبقي العجينه ناعمه وملساء
وهي بتكون طريه شويه يعني مش يابسه
ودا شكلها



واتركيها حتي تختمر
وافرديها بالنشابه وقطعيها عادي مثل الدونات الحلو
أنا قطعت شويه وخليتها مجوفة م الداخل
وجزء خليته دائري
وجزء قطعته شرايح طوليه ولفيته ع السلاكات
وجزء عملته أصابع
وكمان في دوائر صغيرة
والصور توضح







واهم اهم نقطه خليها تختمر بعد التشكيل
عشان تكون هشه وخفيفه
ثم تحمر ف الزيت

ثم نضعها ع ورق مطبخ لتمتص الزيت الزائد
وتبدأ عملية التزيين او الحشو
وهو سهل جداً وبسيط
الكور الصغيرة وضعتها في طبق زجاجي
ورشيت عليها زعتر وسماق وحبة البركه
يمي يمي





ودا الشكل الحلزوني بعد ما شلنا منه السلاكات






ودا شكل الأصابع






ودي الدونات الدائريه غطستها بالجبنه السايله
علي غرار صوص السكر

---

],khj lhgp fhgw,v 2013