النيوكي هي اكلة ايطالية تقليدية تعتبر من المعجنات, عادة يكون اساسها البطاطس , و ممكن كمان يكون اساسها جبنة الريكوتا , و هي مشهورة في شمال ايطاليا # تكفي 6 اشخاص تقريبا 
عجينة النيوكي؛ 4 حبات بطاطس متوسطة او 3 كبار حبة بيض ملح و فلفل كوب الى كوبين طحين نحط البطاطس في موية باردة و نحطها على النار تنسلق , كيف نعرف انها انسلقت ! ندخل سكين في اكبر جزء في البطاطس واذا دخلت السكين بسهولة يعني انسلقت تمام , نصفي البطاطس و نهرسها و هي حارة عشان لا تشمع و نتبلها بالملح و الفلفل و ذوقيها و انتبهي ان البطاطس تحتاج ملح شوي زيادة نستناها تصير على حرارة الغرفة و نضيف حبة بيض و نخلطها كويسس بعدين نضيف طحين شوي شوي لحد ما تحسي ان العجينة تماسكت هي بتكون لينة طبعا عشان البطاطس كيف تعرفي ان العجينة اكتفت من الطحين ! اخذي شوي من العجينة و مرريها على ظهر شوكة واضغطي عليها بخفة اذا انطبع عليها اثر الشوكة معناها ضبطت , الحين نبدا نشكل النيوكي؛ نفردها على شكل اسطوانات بقطر سانتي متر تقريبا نفس قطر الشابورة تقريبا 
و بعدين نقطعها قطع بحجم انملة تقريبا و نمررها على ظهر شوكة و نغمسها في الطحين اذا حسيتي ان العجينة تلصق فيهاا , الحين اهم شي كيف نمررها فيهاا حطي القطعة على ظهر الشوكة و اضغطي عليها باصبعك و و بعدين لفيهاا بيطلع لك شكلها شوي مقوسة و عليها خطوط هالخطوط غير شكلها الجميل بتمسك الصوص اللي بنحطه عليها طبعا في اشكال ثانية لها بس هذا الشكل الاساسي و الافضل لانه يمسك الصوص كويس الحين التسوية ؛ جيبي قدر عمييق او لو عندك قدر المكرونة نفسه , خلي الموية تغلي كووويس بعدين حطي فيها ملح و خليك شوية كريمة الحين حطي النيوكي , بس مو كلها دفعة وحدة , اول ما تحطيها راح تنزل تحت لما تستوي راح تطفو خليها شويية نص دقيقة تقريبا بعد ما تطفو و شيليها من الموية , و بس 
الصوص؛ ملعقتين او ثلاث ملاعق زيت او زبدة طحين حليب جوزة طيب ملح و فلفل للتقلية؛ سمن او زيت ثوم كزبرة على النار نحط الزيت او الزبدة * انا استعمل زيت * و بعدين نحط عليهم طحين لحد ما يتحول لمعجون نفس سماكة معجون الطماطم تقريبا < يمديكم على التشبيه و نخليه دقيقة او اقل بس عشان يختفي طعم الطحين بس انتبهوا لا ينحرق, بعدين نبدا نحط حليب شوي و نخلط و بعدين كل شوي نزيد عشان لا يكتل , و نحرك لحد ما تثقل ونتبلها بالملح و الفلفل و جوزة الطيب واذا حبيتوا تحطوا مكعب ماجي حطوا برضو يعطي نكهة حلوةة بعدين نجهز التقلية * طبعا اختيارية بس هي اللي سوت الفرق 
" على النار نسخن الزيت او السمن مزبوططط , بعدين نفرم الثوم او ندقه بالهاون و نفرم الكزبرة و نحطهم في الزيت نخليهم اقل من دقيقة تقريبا و نحطها على البشاميل , و نخلطها مع النيوكي # ممكن نسويها مع صوص الطماطم , صوص زبدة , بيستو , اي شي تحبونه بس انا ما جربتها الا مع البشاميل 
جبنة الريكوتا ,
جبنة ايطالية برضو بس كل العالم يستعملها , تستعمل للحلو و المالح , في ايطاليا تستعمل في اللازانيا او لحشو الكانيلوني و الرافيولي وغيرها من المكرونات المحشية , و للحلو ممكن نسوي فيها بان كيك , جيز كيك , كوكيز او كيك استعمالاتها جدا متعددة
4 كاسات حليب كامل الدسم
نص كاس زبادي كامل الدسم
ملعقة كبيرة خل
ملعقة كبيرة ملح
نخلط كل هالمقادير مع بعض و نحطهم على النار و نخليها لحد ما يفصل الحليب و يكون كتل , هالكتل تتكون بسبب اضافة الحمض اللي هو الخل هنا
خلوه يفصل تمام يعني يصير كتل حليب و موية و حيكون لونها اصفر , الحين نجهز مصفى و نحط عليه قماشة الجبن , و اذا ما عندك ورقتين من كلينيكس المطبخ
و نصب الجبنة عليه و نخليها قريب الربع ساعة او لحد ما تتصفى كل الموية تقعد في الثلاجة 3 ايام لا اكثر
المصدر: منتديات ترانيم الأمل - من قسم: حلويات - معجنات - بيتفورات
'vdrm ulg kd,;d fhgfahldg2013
V.I.P
طريقة عمل نيوكي بالبشاميل2013 –
14-Nov-2012,09:37 AM 
LinkBack URL
About LinkBacks
