الموضوع: رواية جرحي عميق و قلبي في دمه غريق

نور : صباحك نور وسرور
ام مشعل : هلا ولله بنور
زياد ينزل من الدرج : ومافي هلا لزياد
ام مشعل : راس المال زياد الله يخليكم لي وعساني اشوف عيالكم
نور : وعيال عيالنا بعد قولي امين
ام مشعل : لا اخذ زمني وزمن غيري بس مابي الا اكحل عيني في شوفت حفيد ابو مشعل الله يرحمه
نور : امين الله يرحمه
زياد قام : يلا نور ماتبين تروحين لهلك
نور : الا يلا انا جاهزه يلا خالتي انا رايحه عند امي تامرين على شي
ام مشعل: سلامتك سلمي عليها
نور وهي تلبس عبايتها وتتحجب : يوصل ان شاء الله


في مكان ثاني

صحت من النوم وتبعت خصلات شعرها المتناثره حول عنقها ووجهها طالعت الساعه : اووف تاخرت الساعه وحده
دخلت الحمام واخذت لها شاور وطلعت لبست فستان وردي تحت الركبه بشوي كت وكان نااعم ومحليه فتحت الصدر الواسعه وسشورت شعرها ولبست طوق وردي وكحت عينها بكحل اسود وبلشر وردي وقلوس وردي وشوز وردي طلعت لصاله ماشافت احد توقعت مشعل طالع : اووف وهاذا ماعمري صحيت لقيته فيه بعدين جايبني هنا عشان يحبسني في البيت
مشعل : لا ياشيخه
ليان : هاا اي ولله وانا الصادقه ياطالع يانايم وانا ميته طفش
مشعل : احسن موتي هاذا الي ابيه
ليان جرحتها الكلمه بس ماحبت تطول السالفه اخذت الرموت وجلست تقلب في القنوات لقت مسلسل تحبه ( الحب المستحيل ): واااو هاذي الحلقه مره حلوه
مشعل رفع حاجبه :ليه انتي كم مره شفتيها
ليان : امممممم ماادري بس حوالي ثلاث
مشعل : الله الله وذي الرابعه طيب وش عاجبك فيه
ليان تاشر على عمر : هالزين كله وتقول وش عاجبني
مشعل : وتقولينها قدامي
ليان : الحق ماينزعل منه
مشعل خذ الرموت وحطه على قناة العربيه : اقول اهجدي وخلي عنك هالزين
ليان تاخذ الرموت بس هو رافع يده : نونو نو مافيه
ليان : مشعل الله يخليك ولله طفشانه ماصدقت خبر شفته
مشعل : طيب يلا قومي نفطر برا ترا لي الحين ماافطرت بس شربت لي كوفي
ليان : فكره حلوه يلا نروح
مشعل : يلا قومي بدلي
ليان : توني لابسه حرام عليك
مشعل : ليان قومي بدلي ولا مافيه روحه
ليان كشرت ودخلت الغرفه ولبست تيشرت ازرق وبنطلون سكيني اسود وشوز اسود وطلعت : يلا انا جاهزه
مشعل : وشعرك
ليان : وش فيه
مشعل : ارفعيه
ليان : اووووف
مشعل : الى بكره بس ارفعيه
ليان وقفت عند المرايا الي بالصاله وربطته فوق ونزلت خصلتين : يلاا
مشعل مع انه مو راضي تطلع كذا بس مشاها : يلا قدامي
ليان : قدامي تكلم بادب وش قدامي ذي
مشعل : مو عاجبك اسلوبي ارجعي
ليان : الله لايحدني لك انا برجع واشبع بطلعتك دخلت الشقه ودمعتها على خدها جلست على الكنب وتموعها كل ثانيه تزدداد اكثر مشعل دخل ورحمها : لياان لونه
ليان ماعبرته مشعل : ليان حياتي يلا نطلع وش فيك صدقتي
ليان بين دموعها : لا ولله انت ذليتني عشان طلعه قلت لك اشبع فيها مابي اروح معاك
مشعل مسح دموعها : الحين كل هاذا عشان قلت لك هالكلمتين
ليان قامت ودخلت الغرفه وقفلت على نفسها الباب ورفعت الجوال وكلمت نور : هلا ولله بالقاطعه
ليان : انا قاطعه ولا انتي الي نسيتيني من يوم تزوجتي
نور : لا لينو لا تقولين كذا انتي دايم على بالي وش مسويه بالسفر ان شاء الله مرتاحه
ليان : ولله مفارقتني الراحه
نور بحزن : افا لييه
ليان : ولله متى ارجع السعوديه خلاص طفشت مو معقوله انا بتم عايشه معا هاذا
نور : مافي اي انسجام
ليان : ابداا
نور : يوو الله يكون بعونك بس ولو حاولي تكسبينه
ليان : ولله انا مارح اكلمه ولا ابيه وخليني اكمل معاه على الاقل خمس شهور وبرجع بيت بابا
نور : لا لينو لا تقولين كذاا

وكملو سوالف كل وحده تشكي لثالنيه وضحكو وبكو في هالمكالمه بس انتهت باابتسامه من ليان : يلا باي بوسيلي لميس
مشعل طق الباب ليان : ادخل
مشعل : اشوف البسمه لغيري والدموع لي ماعمرك ابتسمتي وانا معاك ولغيري البسمه شاقه وجهك
ليان : اكييد لناس الي تستحق الابتسامه ابتسم لها
مشعل فور : وش قلتي
ليان خافت يضربها : ماقلت شي
مشعل : على بالي يلا تعالي طلبت لنا فطور
ليان بصراخ : مااااااابي
مشعل : وجعه لاتصرخين لا اعلمك الدموع على سنعها
ليان طلعت من الغرفه : الله يصبرني على مابتلاني
مشعل لحقها وجلس على الطاوله : يلا تعالي
ليان : ياخي باي لغه تفهم مااابي
مشعل : ولله انا كلتي ولا ماكلتي هاذا اخر همي بس انتي امانه عندي وثقيله على قلبي بعد
ليان حطت رجل على رجل : محد قالك طق باب بيتنا وقل ابي بنتكم
مشعل : ايه وهي ماصدقت خبر وافقت
ليان : ههههههههههههه يقولونه وانت ادرى بعد



في مكان ثاني

رسيل : اسيل انا حدي طفشانه وش رايك نطلع مجمع
اسيل : ياختي ودي بس امي تقول لا انتي عارفتها
رسيل : خلي امي علي
اسيل : اوكي يعني برايك بقول لا هاذا عرض ينرفض
رسيل نزلت تحت عند امها : ماما حبيبتي
ام بدر وهي جالسه تطالع مطبخ منال العالمي : نعم ماما وش بغيتي
رسيل تبوس راس امها : ابي اطلب منك طلب
ام بدر : الله يستر من طلباتك يلا قولي
رسيل : اممممم نبي نطلع انا واسيل
ام بدر : وين بتطلعون له
رسيل : مجمع ال. قريب من البيت خلي كومار يوصلنا تكفين ماما
ام بدر : لالا انتو بنات لحالكم
رسيل : ماما بلييييز ولله ميتين طفش واليوم خميس
ام بدر بعد تفكير : اوكي متى راح تروحون
رسيل : ع المغرب
ام بدر : بس بشرط
رسيل : وش هو
ام بدر : تخلصون كل صحونكم لان اليوم مسويه لكم غدى تاكلون اصابيعكم وراه
رسيل : واذا بغيتي الصحن بعد
ام بدر : يلا نادي اختك وتعالو ساعدوني في تجهيز الغدى
رسيل : ماما والشغاله وش شغلتها
ام بدر : تغسل الحوش وش قلت انا ياتسوين الي اقوله ولا مافيه روحه
رسيل بصرخ وواقفه عند الدرج : اسيلووه
اسيل : نعم وش هالصراخ ترا لي الحين ماصرت امي
رسيل : يلا تعالي نساعد ماما
اسيل : اووه وش الي صاير بالدنيا بتساعدين امي
رسيل : اي مو عشان توافق لازم نساعدها
اسيل : اذا على كذا يلا مو اساعدها وبس



في مكان ثاني .

زياد كان يمشي في الشارع شاف بنت ضامه رجلينها ودافنه راسها وجالسه تبكي وكان صوت بكائها يقطع القلب وقف عندها : اا وش فيك يااختي
البنت بين دموعها وحسرتها : رجيتك ساعدني مالي احد بهالدنيا خلاص انا لولا الخوف من الله كان ذبحت نفسي
زياد كسرت خاطره : لالا تقولين هالكلام احنا مسلمين قولي لي وش فيك ليه جالسه هنا وتبكين
البنت : امي وابوي توفو في حادث وجلست عند عمي من خمس سنوات بس قبل ثلاث ايام توفى عمي وانا محد يحبني ولااحد يبيني غيره هو ابوي بعد عين ابوي
زياد رحمها وجلس على ركبه ورفع راسها : خلاص لاتبكين قولي لا اله الا الله
البنت ماسمحت لنفسها ولد يمسكها بعدت عنه : لا اله الا الله
زياد : والحل يعني ماتعرفين غير عمك هاذا ومرت عمك باي حق تطردك
البنت : انا ماعندي غير عمي ومرته وقبل لا يتوفى عمي كتب البيت باسمها وانا مااقدر اسوي شي غير اني اطلع واترك لها البيت
زياد : طيب قومي معي وصدقيني وماالمسك ولا اتعرض لك
البنت مالها غير تقوم معاه وقفت وهي مره خايفه : اوعدني ماتلمسني
زياد : ولله يابنت الناس ماالمسك
البنت ركبت السياره وهي ترجف من الخوف : بسم الله الرحمن الرحيم
وصلو فندق من فنادق الرياض الفخمه نزل زياد وحجز لها غرفه وبعدين راح السوق وشرا لها كم لبسه ورجع لقاها جالسه تبكي زياد : خلاص لاتبكين
البنت : شلون تبيني ماابكي انا مابقى لي احد في هالدنيا
زياد وبصعوبه نطقها لانه ماقدر يشوفها في هالحاله : خلاص اليوم انا وياك نتزوج بس مابي اشوف دموعك
البنت : شكراا صدق رجال نادر وجوده
زياد كلم صديقين له وطلب منهم يجيبون ملاك بعد صلاه المغرب وصكر : وش اسمك
البنت بخجل وهي منزله راسها : شوق
زياد : عاشت الاسامي ياشوق
شوق : عاشت ايامك



بعد المغرب في بيت ابو بدر

اسيل ورسيل نازلين من الدرج وهم لابسين بناطيل جينز سكيني وتيشرتات حمرا وشوز احمر ورابطين شعورهم فوق وبيدينهم عباياتهم اسيل : يلا سي يو ماما
رسيل ترمي بوسه على ام بدر : باايوو
دخلو المجمع رسيل : سيلو شكلي حلو
اسيل : عدل لثمتك
رسيل : اوووف عدليها انتي
مر شاب من عندهم : ولله حلوه خلاص مايحتاج تعديل
رسيل ماتحب هالحركات وتستحقر هالفئه من الشباب : الحين انت وش دخلك هاا ماتقول لي
الشاب : اممممم ماادري بس حبيت ابدي رايي
رسيل : مستغنين عنه وراحت لان اسيل سحبتها
اسيل : انتي ليه كذاا ولله الولد يطيح الطير من السما ااه ليته مكلمني
رسيل : مو احنى نسخ لصق روحي له ولله مايدري
اسيل : ولله عادي يعني
رسيل : ايه عادي بس بعلم عليك امي وبدر بسس
اسيل ضربتها : بسس
رسيل تتصنع البرائه : ايه بس مو انتي اختي وتوامي بعد
الشاب يلاحقهم ومعه صديقه : هههههههه ولله نفس الاسلوب ونفس الطول والقصر فوتوشوب
صديقه : اقول رح زين ولله ام شنطه حمرا احلاا عيون من الثانيه
الشاب الثاني : يافصفص ولله مافي فرق الا الشناط وحده سودا وحده حمرا يمه يروعون
فصفص ( فيصل ) : اوكي الحين ددخلو محل نسائي وين مدرعم له بتدخل معاهم
صديقه ريان : ولله اسويها

ريان وفيصل اصدقاء من الطفوله مغازلجيين دايم في المجمعات
ريان طويل ومعضل اسمراني بس مايل للبياض شعره الا رقبته نااعم عيونه واسعه عمره 24
فيصل طويل بس اقصر من ريان جذاااب ببياضه وشعره الناعم الي يوصل الا رقبته عمره 24

طلعو رسيل واسيل من المحل ومعهم كيستين رسيل : انا التيشرت البينك مالي دخل
اسيل : اتحدااك انا الي مختارته انتي لك الازرق
رسيل : ولله ماتلبسينه
اسيل : ايه ينكب في الزباله ولا تلبسينه بعد
اسيل تبوس رسيل : صح تعطينياه
رسيل رحمتها : اصلاا مفكره كذاا
اسيل : ايه باين بس ابي موكاا
ريان : احلى موكا لااحلى عيون
اسيل خقت : يسلمووو
ريان وقف عند ستار بكوس وطلب موكا وكتب عليه رقمه واسمه : تفضلي
اسيل : كلفت على نفسك شكراا
ريان : العفو
فيصل : والقمر الي معاك وش يشرب
رسيل فوق ماهي متحمله الي تسويه اختها يكلمها خذتها الموكا الي مع رسيل وكبته على فيصل : هاذا الي ابيه يلا اسيل
اسيل من الخوف مشت وراها : رسيل وش سويتي
رسيل نفسها في خشمها : اسيل امشي وانتي ساكته لك وجه تسالين وش الي سويتيه احنا من متى كذا
اسيل : عادي خليني اجرب مره مارح يضرني شي
رسيل من بين اسنانها : اي مارح يضرك شي البنت مثل الثوب الابيض نقطه حبر توصخه كله
اسيل نزلت راسها في الارض ومشت ورا اختها وهي ساكته

في السياره اسيل تبوس رسيل : رسوله امانه لاتقولين لحد ولله ماعيدها
رسيل ضمتها : اكيد مارح اقول لحد بس انتي اختي ومابي لك الا الخير
اسيل : وانا اوعدك مااطالع حتى الشباب والله يقدرني مع اني مااضن
رسيل : لا تقدرين


اما عند ريان وفيصل فكانو ورا سياره كومار ريان : فيصل انت وش جالس تسوي
فيصل مفور : ريان اسكت عني بنت تسوي فيني كذاا ولله ماتعدي





انتظروني في اقرب وقت

لكم ودي

فيصل واقف عند فله ابو بدر والشرار يطلع من عيونه : متى يجي الصبااح
ريان : فيصل قول لي وش ناوي عليه ترا ولله خوفتني
فيصل : ريان اذا انت بتزعجني فتوكل ترا حدي مفور
ريان نزل من السياره وراح لبيتهم بتكسي اما فيصل تم قبل البيت لي الساعه ست
في البيت كانو اسيل ورسل ينزلون من الدرج بماريلهم كانو مرره خطيرين بشعورهم الكيرلي وشنطهم السوداا ويا الجزم رسيل : صباح الخير ماما بابا
ابو بدر : هلا ولله الله حي بنياتي
اسيل تبوس راس امها وابوها : الله يحييك ويبقيك
ام بدر : اجلسو افطرو
رسيل خذت لها كوب نسكافيه : انا بشرب هاذا بالسياره
اسيل خذت لها كوب هي بعد : حتى انا يلا سي يو
فيصل شافهوم طالعين لحق السياره ليين وصلت مدارس ال الاهليه فيصل سال الحارس : متى يطلعون
الحارس : الساعه وحده
فيصل ( زيين تشوفين ولله مايمر هاليوم على خير ) مشى فيصل متجه لبيتهم دخل البيت قابلته فجر : فيصل بدري كان ماجيت احسن
فيصل : فجير ليه مارحتي المدرسه
فجر : ماتعودت على مدرستي الجديده ولي الحين ماصادقت احد عشان كذا غبت لاني مت طفش امس
فيصل : اها طيب ليه صاحيه من الحين اذا غايبه
فجر : الا انت من اول مادخلت طايح فيني اساله الحين جا دوري ليه توك ترجع البيت ابوي يسال عنك
فيصل : جاني شغله في الاحساء تخبرين انا دايم يجيني شغل هناك
فجر : اها الله يسهل عليك
فيصل : امين يلا انا بروح انام صحيني الساعه ثنعش ونص
فجر : اوكي

فجر اخت فيصل طيوووبه مرره دبدوبه وبيضااااا مشاء الله وخدودها محمره وشافيها محمره رموشها كثييفه والي يميزها لون عدساتها السوداا وشعرها الناعم الكثيير الاسود عمرها 18 ثالث ثانوي


في مكان ثاني الساعه تشير الا 11 في بيت ابو نور

نور جالسه تفكر ( ياربي ليه امس زياد قال لي نامي عند اهلك اكييد مل مني لالا وش قاعده اقول انا بس هو قال لي انه عنده شغله ومايقدر يمرني الا ع الفجر وانا طلبت منه بس ماكنت متوقعه يوافق صحاها من افكرها صوت رنين الجوال : الو اهلين لينو كيفك حياتي
ليان وهي جالسه تاكل تفاحه وتكلم بالجوال : حمد الله بخير وانتي كيفك
نور : انا تمام واليوم نايمه عند ميسو
ليان : فديتها ولله اشتقت لها
لميس تسحب الجوال من نور : اهنين ليان اشتقييت لكي مررره
ليان : اهلين فيك وانا اشتقت لك اكثر
لميس : متى تجين لنا
ليان : امممم ماادري بس قريب ان شاء الله
لميس عطتها بوسه في الجوال : يلا بااي نور تبغاكي
ليان : فديتك يلا بااي

وجلسو سوالف ليين الساعه 11 ونص

مشعل : انتي ماطفشتي خلاص سكري
ليان : شوي نور هاه وش تبي ضايقتك في شي ولا تخاف بقول لبابا يسدد فاتورتي
مشعل ضحك على فهمها الي اصغير مع عمرها سحب الجوال : يلا مع السلام وصكر الخط
ليان وقفت وصارت قزمه عنده ورافعه راسها تطالع فيه ومتخصره : ليه سويت كذا
مشعل وهو ذاايب على حركاتها حط اصبرعه على راسه : بس كيفي
ليان : اسغفر الله كانك طفل مو رجال عمره 28 سنه
مشعل : وشهرين
ليان : مااالت هاذا اخر عمي عمرك تبيني بعد احسب الشهرين
مشعل : ليان اسكتي دام النفس عليك طيبه
ليان بصراخ : مارح اسكت ولا تقدر تسوي لي شي ضرب وضربتني صراخ وضرخت مابقى الا تذبحني ولا تضن انك بتخوفني
مشعل : لا مو ضاربك ولا ذابحك ولا مصرخ عليك بسس بقول لك كلمه وحده وهي الرياض الي منجنه عشان ترجعين لها مافيه رجعه الا بعد شهرييين
ليان مسكت يده وعبرتها خانقتها : لالا تكفى ولله اسوي الي تبي بسكت واحط لساني في فمي بس لانطول هنا
مشعل : افكر
ليان : يعني مو بعد شهرين غيرت رايك
مشعل :لا بس اذا نفذتي شروطي يمكن
ليان : وش هي شورطك
مشعل : اول شرط هو ماتعلين صوتك علي ابداا والي اقوله هو الي يمشي بدون اي نقاش
ليان بعد تفكير : اوكي بس انا لي شروط
مشعل : اقول يلا مناك انتي وشروطك
ليان راحت للغرفه : اوووف استغفرك ياربي وش هالبليه جلست تبرد اضافيرها طلعت الايبود حقها وجلست تسمع اغنيتها المفضله > عرفتوها طبعاا


في مكان ثاني .

صحت شوق وهي مره خجلانه من زياد لفت على نفسها الشرشف ودخلت الحمام اخذت شاور وطلعت لبست بنطلون اسود سكيني وتيشرت اسود وكحلت عينها بكحل اسود وقلوس احمر صارخ وتعطرت شوق : زياد
زياد انقلب للجهه الثانيه : نور شوي وصحيني
شوق نزلت دمعتها وردت بصعوبه : اوكي طلعت جهزت الفطور ودخلت لقت زياد طالع من الحمام ابتسم لها : صباحيه مباركه ياعروسه
شوق بخجل : الله يبارك فييك يلا جهزت الفطور
زياد راح وراها : ليه تعبتي نفسك كان خليتيني اطلب
شوق : لا ماله داعي
زياد : تسلم الايادي
شوق : الله يسلمك
زياد كل بسرعه : يلا انا بروح تامرين على شي
شوق قامت معاه : سلامتك
زياد جا بيطلع ورجع مره ثانيه : تذكرت شوفي شريت لك جوال تلاقينه على الكومادينه
شوق : ليه كلفت على نفسك
زياد : ولو لاكلافه ولا شي بعدين اذا ماشريت لزوجتي من اشتري له
شوق : الله يجزاك خير
زياد : اجمعين يلا باي
شوق : باي

في مكان ثاني

فجر تلعب بالاب توب وتذكرت فيصل راحت غرفته : فييصل يلا قوم الساعه 12 ونص
فيصل صحى بسرعه : ولله
فجر : غريبه انت فيصل تقوم بالسرعه هاذي
فيصل دخل الحمام واخذ شاور ولبس تيشرت ازرق فيه كتابات بالنقليزي بالاسود وبنطلون اسود سكيني وتعطر وطلع
ام فيصل : وين بتروح له
فيصل : طالع تامرين على شي
ام فيصل بحده : وش قلت في موضوع بنت خالتك
فيصل : الحين انا مشغول اذا جيت اقول لك يلا سلام
طلع فيصل وتوجه لمدارس رسيل واسيل وقف عند البواب وينتظر كومار يجي يوم شافه نزل بسسرعه : لو سمحت
كومار : ايوا
فيصل مد له الفين : خذ هاذولي وعطني السياره
كومار : لالالا مافي اعطي
فيصل زاد على الالفين ثلاث الاف : والحين
كومار احولت عيونه خمس الاف مره وحده مد له المفاتيح وراح فيصل ركب سياره كومار ويتضر رسيل واسيل يركبون
فتحت الباب اسيل : كومار شغل المكيف
رسيل : هههههههه كومار اليوم كاشخ
فيصل قفل البايبان ومشى باقصى سرعه التفت على البنات : لا ياشيخه اجل كومار كاشخ
رسيل بصراخ : يمااااااااااااااااه
اسيل شهقت : هاااااااااا من هالجني



هاذا نص بارت

لكم ودي

مشعل ينادي ليان على الغدى : لياان تعالي الغدى وصل
ليان فتحت نص الباب وطلت : مابي شي
مشعل : تعالي ولا مافيه روحه السعوديه
ليان طلعت : اووووف سحبت كرسي وجلست كل شي عندك بالغصب
مشعل يهز راسه : يسس لان هاذا الي يمشي معك حتى وانتي ميته جوع تدلعين
ليان كشرت : بس انا مااتدلع بجد مابي
مشعل رفع لها ملعقه فيها رز : ذوقي هاذي طيب
ليان فتحت فمها وذاقتها : امم ماعليه بس رز مامي احلى
مشعل : لا ياشيخه
ليان : ايه ياشيخ
مشعل : جهزي نفسك نطلع مشوار بعد الغدى الجو اليوم حلو
ليان بفرح : صدق
مشعل : ايه صدق
بعد ماخلصو فطور قامت ليان تجهز نفسها خذت شاور وطلعت لبست بنطلون جينز سكيني وتيشرت رمادي وكحلت عينها بكحل اسود وقلوس مائي وشوز رمادي مع عدساتها الرماديه طالعه وااو طلعت لقت مشعل طالع من غرفته ولابس قميص اسود مبين عضلات جسمه وجينز وشوز اسود مع الساعه السودا والعطر الي شمته اول ماطلعت ليان : يلا انا جاهزه
مشعل طالعها ومشى : يلا


في مكان ثاني

ام بدر في المستشفى ودموعها على خدها : لييه تسوون كذاا لييه هاذا اخر ثقتي فيكم
بدر وعيونه يتطاير منها الشرار : وش صار على الولد الي معاهم
ام بدر : في العمليات
بدر : هاذا نهيات الثقه الزايده
ام بدر : رجيتك لا تقول لبوك عن خواتك قل له مسوين حادث وبسس مو ناقص فوق مرضه
بدر باس راس امه : هالي صار محد راح يعرف فيه
طلع الدكتور ام بدر : بشر يادكتور
الدكتور : للاسف وحده منهم ماقدرنا ننقذها والثانيه في صحه جيده وراح
ام بدر طاحت مغمى عليها بدر : يماااه
جو الممرضات وجالوها للغرفه عشان يعطونها ابره مهديه اما بدر راح يخلص اجرائات وفاة اخته اسيل ودموعه على خده

اما عند اهل فيصل فكانو ام فيصل وفجر كلهم عند باب غرفت العمليات لان حالت فيصل ماتسر طلع لهم دكتور ام فيصل من بين دموعها : فيصل ولدي بخيير يادكتور
الدكتور : الحمد لله تعدى مرحله الخطر بس لي الحين ماصحى
ام فيصل جلست على الكرسي ودموعها على خدها : الحمد والشكر لك ياربي
فجر تهدي امها : يمه خلاص هو بخير لاتسوين في نفسك كذا
ابو فيصل جاي والشرار يطلع من عيوونه ويصارخ : ولد هالي مايستحي لين متى بيعقل هاذا حو حي بس موت بنت الناس الي مايخاف ربه انا وشلون بقابل اهلها هاا ماتقولين لي
ام فيصل : وش الي قاعد تقوله واي بنت
ابو فيصل : ولدك يوم يسوي الحادث كان خاطف بنات وصلت فيه المواصيل الى الخطف
ام فيصل ماقدرت تتحمل اكثر انهارت بكي : ليه يافيصل لييه تسوي في امك كذاا
فجر ودموعها على خدها على حاله امها : يمه قولي لا اله الا الله
ام فيصل انسدحت على كتف فجر من التعب والبكي : لا اله الا الله ياربي لاتصخط علينا وش سويت يافيصل في بنت الناس موت روح الحين حتى لو حييت ماضن انهم بيسامحونك موت بنتهم
ابو فيصل : والاردى من كذا ان البنت الثانيه مغتصبهااا
ام فيصل بصراخ بين دموعها : بسس بسس بسس خلاص لاتزيد علي انا وش ذنبي لو بيدي ماخليته يسوي في بنات الناس كذا

في مكان ثاني

مشعل ماسك يد ليان وجالسين على كرسي يطل على شلالات مره روعه مشعل : وش رايك في المنظر
ليان : مره حلو احب هالمناظر
مشعل حط يده على كتف ليان وضمها : وانا بعد احب هالمناظر
ليان بخجل بعدت عنه وتصرخ : وش رايك نتمشى
مشعل قام : يلا وين تبينا نروح
ليان : امممم اي شي
لفو اغلب الاماكن وتصورو وبعد ماتعبو وتكسرو رجعو للفندق ع الساعه 2 بالليل ليان على طول انسدحت على الكنبه وناامت اما مشعل دخل الحمام واخذ شاور طلع يشرب مويه وشاف ليان نايمه على الكنبه وشكلها ميته برد قرب من عندها وشالها ووداها لغرفتها وعطاها ومامنع نفسه من انه يطبع قبله على جبينها وطلع تابع له فيلم وناام على الكنبه > مو حب عشان ينام هو لالا امزح لاتصدقون
صحت ليان الصبح واستغربت كيف وصلت لسرير بس فكرت هي قامت بالليل دخلت الحمام واخذت لها شاور وطلعت لبست شور جينز وتيشرت اسود وسندل اسود وتركت شعرها مبلل ليان : اوووف مشعل قوم ليه نايم بالصاله
مشعل انقلب للجهه الثانيه : ليان بلا ازعاج انا نايم متاخر
ليان جلست على طرف الكنبه : طيب قوم ادخل غرفتك بطالع التي في
مشعل : هو انا ماسكك طالعيه بس اسكتي
ليان شغلت التي في جت اغننيه تحبها لراشد وعلت الصوت وصارت تغني معاه مشعل بصراخ : ليااان انا نايم ولا ماتشوفين
ليان بخوف : بس انا قلت لك بطالعه قلت لي عادي
مشعل رحمها قام ودخل الحمام غسل وجهه وفرش اسنانه وطلع لبس ترينق وجا جلست جنبها : وش تبين فطور
ليان : امممم وش رايك ننزل نفطر تحت
مشعل عجبته الفكره بس حب يهبل فيها : لا ابيك انتي تسوين لي فطور
ليان : هاااا لالالا بلييز اطلب خلاص مابي انزل كلش ولا اسوي
مشعل ضحك : يلا قومي
ليان بترجي : تكفى ماابي
مشعل : ماتبين تطلعين
ليان نقزت : يعني نبي نطلع مااسوي شي الله ونااسه
مشعل ضحك على هبالها ودخل يبدل


في مكان ثاني

ام بدر تبكي : ياحسرتي على شبابك يابنتي رااح اااه يااسيل
ام ليان : بس ياخيتي اذكري ربك كلنا ماشين على هالطريق
ام بدر حطت يدينها على راسها وبونين : انا وش اسوي في نفسي بنت راحت والثانيه مايندرا وش مستقبلها الله ياخذ الي كان السبب
ام ليان تحاول تهدي اختها قرت عليها وشربت مويه بس مافيه فايده تبكي : عشاني ياام بدر بس بكي
نجلاء دخلت البيت هي ويا بدر ورذاذ سلمت على خالتها وام ليان : الله يرحمها
بدر بهمس لنجلاء : ترا اليوم بننام هنا
نجلاء : اوكي
ام ليان : الحمد لله نامت
نجلاء تطالعها برحمه : ياحرام تلاقينها من كثر البكي
ام ليان : اي يمكن ومفعول الابره
نجلاء : قلتو لليان ومشعل
ام ليان : لا ولله لي الحين ماوصلنا لهم الخبر
نجلاء : وش اخبار رسيل عساها تحسنت
ام ليان : ولله قبل مانجي مرينا نشوفها مابعد صحت وحالتها ماتسر الله يصبر اختي على ماابتلاها وجلست تبكي
نجلاء : لا ياخالتي اذكري ربك هاذا وانتي تهدين ام بدر
ام ليان مسحت دموعها : ولله حالهم مايسر لا عدو ولا رفيق
نجلاء خنقتها العبره بس ماحبت تبكي وتزيد الطين بله : الله يسكنها فسيح جناته ويشفي اخيتها ويعافيها ياربي ياكريم
ام ليان رفعت يدينها لسماء : امين


في مكان ثاني .


وصلته رساله عن خبر وفات اسيل وحزن عليها وماحب يخرب فرحت ليان : مشعل شووف هنااك ههههههههه يهبلون صح
مشعل : تبين وحده
ليان وهي تطالع البلونات الحمرا : اي ابي
مشعل وقف الي يبيع : لو سمحت اعطني واحده
ليان خذتها : وااو شكلها روعه
مشعل يطالع في عيونها : مو احلى منك
ليان تصرف مثل كل مره : يلا نمشي
مشعل حست بدوخه وطاح على الارض ليان صرخت : مشعل وش فييك
مشعل حاول يفتح عينه : اااه راااسي
ليان وهي تحاول تساعده نزلت دمعتها على خده : مشعل ساعدني
مشعل حاول يساعدها لين قدر يوقف : ااااه
ليان جلست على اقرب كرسي وهي تبكي وتمسح على خدوده : مشعل انت بخير صح
مشعل ضمها : اي بخير ولله بخير انا دايم يجيني كذا عادي طبيعي من فقر الدم
ليان : انت فيك فقر دم
مشعل يكذب عليها : ايه فيني عشان كذا ادوخ
ليان مسحت دموعها : انت لازم تروح الطبيب
مشعل باسها على خدها : خلاص بس بكي ماتوقعتني غالي
ليان طلعت لسانها : من قال لك ابكي عشانك
مشعل تخصر : اجل عشان من
ليان : اممممم ماادري حسيت فيني بكي قلت ابكي
مشعل : عندي لك مفاجاه
ليان ابتسمت : وش هي
مشعل : اليوم رحلتنا
ليان ضمته لاشعوري : صدق مشعل
مشعل ضمها بقوه : اي صدق لهاذي الدرجه مشتاقه لها
ليان بعدت وهي مره مستحيه : واكثر بعد

كملو كلام وسوالف لما حست انه بخير فقامو يتمشون وغصبته على عصير وبعدين رجعو الفندق يجهزون اغراضهم


في مكان ثاني

رجع زياد من الشركه تعبان ودخل لقا نور تطالع التي في جلس جنبها : نورتي كيفها اليوم
نور ابتسمت : بخير عساك بخير وانت وش مسوي
زياد رجع شعره على ورا : ولله من يوم سافر مشعل والشغل كله فوق راسي حتى بكره عندي سفره يوم وراجع > كذااب هالولد
نور : اها الله يكون في عونك
زياد انسدح على رجلها ويقول في خاطره ( صدقيني ولله مو بيدي خنتك غصب عني ماقدرت اشوفها وهي بهاذي الحاله ) وبعد تفكيره ناام ونور تلعب في شعره وتغني له كانه طفل بعد مانا باست راسه وراحت تجيب له بطانيه من الغرفه
ودخلت ترتب المطبخ وبعد كذا خذ لها شاور ولبست فستان واسع لان بطنها بداا يكبر ابيض كت وسشورت شعرها ولبست شوز واطي ونزلت تحت لقت ام مشعل محزنه نور : سلامات خالتي وش فيك تعبانه
ام مشعل : لا ولله موب تعبانه بس اسيل بنت ام بدر توفت
نور بصدمه : وحده من التوام
ام مشعل : ايه الله يرحمها
نور نزلت دمعتها : الله يرحمها ويصبر اهلها ويجعل مثواها الجنه
ام مشعل : امين
نور : وش منه
ام مشعل : في حادث الله يستر هي واختها
نور : واختها عساها بخير
ام مشعل : مابعد صحت بس حالتها مصتقره
نور : الحمد لله




وهاذا النص الثاني

فتحت عينها وهس تسمع صوت قرايه امها دمعت عينها وهي تتذكر شكل اختها وهي غرقانه في الدم عارفه انها ماتت تمنت تلحقها بس قدرت الله فوق كل شي ام بدر بفرح : رسيل يمه تسمعيني
رسيل ودموعها الحاره على خدها المجروح وبصوت مبحوح : اي اسمعك بس ياليتني مااسمعك
ام بدر قامت باست راس بنتها وصارت تقرا عليها : لا تقولين يمه كذا
رسيل رفعت يدينها وفيها مغذي وضمت امها وصارت تبكي وامها تهديها ام بدر : رسيل حبيبته ماما بس بكي خلاص مو ناويه ترجعين البيت اشتقنا لك صار لك اسبوعين على السرير
رسيل ببكاء : مابي ارجع البيت واختي مو فيه ياليتني مت انا ولا هي
ام بدر بكت : اختك هاذا المقدر والمكتوب لها وانتي الحين حيه وخلاص انسي الي راح
رسيل تشاهق من كثر البكي : الله لايسامحه وان كانه مات الله لا يحلله ولا يبيحه لا دنيا ولا اخره
ام بدر : بس هو حي ولا تخافين الحين بالسجن ونهايه هالشهر بيموت ويلحق اختك
رسيل ضغطت على يد امها : يماااه مااقدر اعيش بدونها مااقدر
ام بدر باست يد بنتها : بس ياقلبي الحين انتي في حاله نقاهه لازم ماتبكين


في مكان ثاني

نور وهي تفكر في زياد الي له اسبوعين متغير ولا يرجع البيت بدري ودايم ساهي ويفكر دخل عليها : نورتي وش جالسه تسوي
نور : ولا شي
زياد طلع من جيبه علبه حمرا صغيره : افتحيرها
نور فتحتها : وااااو ضمته تسلم حبيبي
زياد اخذ الخاتم ولبسه نور : واي يجنن
زياد باسها مع جبينها : وانتي محليته اكثر
نور : ربي يخليك لي وحدي
زياد ( بس انا مو لك وحدك والظروف اجبرتني ) ابتسم : يلا مو ناويه تطلعين نتمشى
نور بفرح : بتطلعني
زياد : اي يلا قومي البسي عبايتك
نور راحت الغرفه ولبست عبيتها وتلثمت : يلا انا جاهزه
زياد اخذ نور وصارو يتمشون في الرياض وعشاها في مطعم راقي ورمنسي بعد كذا رجعو البيت ونااامووو


في مكاان ثاني .

ليان منسدحه على السرير ودخل عليها مشعل ليان بفزعه : مشعل كم مره اقول لك طق الباب قبل تدخل
مشعل جلس على السرير :ولله كيفي
ليان تخصرت : زين وش تبي
مشعل : اممممم ولا شي
ليان : ليه مشرفني
مشعل وقف وحاوط خصرها : اشتقت لك من رجعنا الرياض ماتهاوشت وياك
ليان بعدت عنه وهي مره مستحيه : وطبعاا جاي عشان نتهاوش بس انا مالي نفس
مشعل قرب منها مره ثانيه وباس خدها : بس انا مو جاي عشان اتهاوش
ليان فكت نفسها وانحاشت لصاله واخذت الرموت وجلست تقلب في القنوات
مشعل طلع من الغرفه وعيونه طايره : ليان
ليان التفتت له : نعم
مشعل : ليه كلما احاول اقترب منك تبعدين عني ليه مو سامح لي اصلح غلطي
ليان تجمعت في عيونها الدموع : لانك اصلا مو لي واحنى ماتزوجنا الا عشان انتقام
مشعل تتردد في باله كلمه انتقاام انتقاام كيف قدرت اكفر بهاذي الطريقه انا انسان ساذج بس من كثرت التفكير حس جاته الدوخه انسدح على الكنب وحط يدينه على راسه : اااه
ليان بخوف : مشعل جتك دوخه مره ثانيه انت لازم تروح الطبيب مايصير
مشعل : لالا ماله داعي قلت لك من فقر الدم
ليان بخوف تلمس جبينه ورقبته : بس انت فيك حراره
مشعل غمز لها : لانك جنبي مو اكثر
ليان استحت بعدت عنه جلست في الكنبه الثانيه : حتى وانت مريض سخيف
مشعل ضحك عليها ليان : مافي شي يضحك
مشعل رجع له الصدااع مسك راسه بقوه : ااااه
ليان : اجيب لك فيفادول
مشعل : تعالي سوي لي مساج
ليان جات وجلست وهو انسدح على رجلها وصارت تسوي له مساج ليين حست انه غفى دخلت الغرفه وجابت له بطانيه وغطته وشافت شكله باين عليه التعب وحواجبه معقوده تفحصت ملامحه الحاده حواجبه مرسومه وعيونه وااسعه غير الرموش الطوال مشاء الله والخشم المسلول ومحليه سكسوكته باست خده ودخلت تناام




في مكان ثاني

شوق على البالكون تفكر في حياتها مع زياد الي كل يوم احسن من الثاني زياد قدر يطلعها من كل شي هي فيه بس هي تحس بالذنب من ناحيه نور بس مابيدها غير توافق على زياد مالها بعد الله الا هو غفت من كثر التفكير على الكرسي


في مكان ثاني

دخلت الدكتوره وشافت رسيل تبكي الدكتوره : ماتبكيش مايصلحش وانتي حامل
رسيل من قوة الصدمه سكتت ام بدر : حااامل
الدكتوره : ااه هي حامل انتو مابتعرفوش
رسيل جلست تصارخ وتكسر كل شي قدامها وتبكي لين جو الممرضات ومسكوها عشان يعطونها ابره وام بدر داخله في نوبه بكاا على حالت بنتها مصيبه فوق مصيبه وش تتحمل تفقدت توامها واعتدي عليها وتحمل في كل هاذا
بدر عرف بالخبر وجا للمستشفى مثل المجنون يكلم الدكتور : لازم ينزل البيبي
الدكتوره : لا هي صغيره ولسى فاقده دم كثير شلون تبينا ننزله فيه خطر على حياتها
بدر جلس على الكرسي ومسك رااسه : لاحول ولا قوه الا بالله الله يصبرني
ابو بدر : لازم نطلع الزفت من السجن يتزوج اختك قدام الناس وبعدين يطلقها
بدر : كلامك عين العقل


في مكان ثاني .

صحت ليان من النوم ع دخلت الحمام واخذت لها شاور ولبست تيشرت بينك وبنطلون اسود سكيني ورفعت شعرها بشباصه سودا ولبست شبشب اسود وطلعت لقت مشعل لي الحين نايم ليان : مشعل قووم صاير نواام
مشعل يتقلب : شوي
ليان : بسوي الفطور واجي اصحيك
مشعل : اوكي
ليان دخلت المطبخ وسوت الفطور وحطته على الطاوله وطلعت لقت مشعل طالع من الحمام :يلا الفطور جاهز
مشعل : اووو وش مسويه اليوم
ليان : ماتشوف نواشف
مشعل : اهاا
ليان تطالع الساعه : تاخرت على خالتي يلا بسرعه عشان توصلني
مشعل : اليوم ملكت رسيل يعني
ليان بحزن : ايه ياحياتي امس طلعت من المستشفى واليوم ملكتها
مشعل : ولله هاذا مايستحق العيشه
ليان : نسيتا ترا الي سوا فيصل سويته من قبل انت
مشعل يحاول يصرف الموضوع : طيب يلا انا بنزل اسلم على امي ليما تخلصين
ليان : اوكي
مشعل نزل وسلم على امه ولقا زياد جالس : هلا ولله ابو عبود من زمان عنك
زياد : هلا بك
مشعل : اشوف من رجعت وانت حاط الشغل كله فوق راسي ياخي انا عريس جديد
زياد : وانا عريس جديد
مشعل : بيجيك الولد الخامس وانت تقول انا عريس جديد
زياد ضحك : اي وانا الصادق مالي الا تسع شهور متزوج
مشعل : ياخي طفشت متى تولد زوجتك
زياد : اوو بدري هي الحين بالسابع
مشعل : باقي ثلاث شهور واصير عم
زياد : ومنت ناوي تصير ابو
مشعل تغيرت ملامح وجهه : بعدين
نزلت ليان وهي لابسه عبيتها ومتحجبه : هاااي كيفك خالتي
ام مشعل مستغربه من مشعل انه ماعلمها عن عاداتهم وقال لها تتغطا : الحمد لله بخير وانتي علومك
ليان : الحمد لله تمام يلا انا بروح عند خالتي تامرين على شي
ام مشعل : سلامتك سلمي عليها طلعو مشعل وليان
زياد : يمه وراها ماتغطت
ام مشعل : مادري عنها


في مكان ثاني

طلعو عند الباب مشعل مفور مسكها مع يدها : الحين كم مره بقول لك تغطي هاا كم
ليان : ااي مشعل فك يدي
مشعل رص عليها زياد ودفها : امشي قدامي لابارك الله فيك من مره
ليان ركبت السياره وبصراخ : مااسمح لك تصارخ علي عشان شي تافه
مشعل : عندك هاذا شي تافه شوفي زياد استحى وانتي مااستحيتي
ليان غرقت عيونها دموعها تغطت : هاذا انا تغطيت
مشعل رحمها لان صوتها تغير من الخوف : كذا كويس
ليان مسك يد مشعل : سوري اوعدك اني اتغطى من اليوم ورايح
مشعل لف عليها وابتسم : هاذي لينو الي اعرفها
ليان كشرت : من متى المعرفه
مشعل ضحك عليها فجاه تنقلب : ههههههههههههه من قبل سنتين
ليان : وجعوه حاسبها
مشعل : فيه احد ينسى هالعيون
ليان استحت مشعل : ليان متى اجي اخذك
ليان : ماادري بس يمكن انام عند رسيل
مشعل عقد حواجبه : وبامر مين
ليان : ماتعودت اخذ اوامر من احد انا كبيره وشوري في زوري
مشعل : هي كلمه وحده بقولها الساعه عشر انا عند الباب
ليان التفتت : قلت لك بنام مو على كيفك
مشعل : اوكي نرجع البيت احسن صح
ليان : لالا خلاص اصلا مابي انام
مشعل ضحك : ايه باين

مرت سنه على ابطالنا بحلوها ومرها طبعا

ليان & مشعل حياتهم مشاكل × مشاكل ولا فيه اي تغير عايشين مع بعض وكانهم اعداء بس لمى يتعب احد فيهم تختفي كل هاذي المشاكل

نور & زياد سمنه على عسل جالهم ولد وسموه عبدالله على اسم الجد عبدالله ومره فرحانين فييه

شوق & زياد شوق حامل ي شهورها الاخيره ومرره فرحانه لانها حامل بعكس زياد الي كل يوم يانبه ضميره لانه خان نور حبه الاول بس هاذا مايمنع من انه يعامل شوق بكل احترام

رسيل & فصيل رسيل فضلت تربى بنتها اسيل بين امها وابوها عشان كذا قررت تعيش مع فيصل بس ماله اي حقوق عندها

نجلاء & بدر مجننتهم بنتهم رذاذ بشطانتها ونجلاء من كثر مايحبها بدر تغار منها > وش تحس فيه



اليكم البارت


ليان بركض مسكت يد الدكتور لاشعورياا وهي تلهث من كثرت الركض : دكتور بشر مشعل بخير
الدكتور باسف : اسف يامدام بس مشعل فيه سرطان بالدماغ
ليان تركت يد الدكتور وصرخت بصوت عاالي طاحت على الارض وفصخت لثمتها وضمت رجلينها وجلست تبكي وبصوت يقطع القلب : مشعل لاتتركني اهئ
الدكتور برحمه : يامدام انتي لازم تكونين اقوى من كذا وتوقفين مع زوجك هو بحاجه لك
ليان بتفهم مسحت دمعتها الي حرقت خدها ووقفت على رجلين مو شايلتها تلثمت وبصوت باكي : طيب كيف حالته الحين
الدكتور : للاسف لو ماعمل العمليله خلال هالاسبوع راح يموت
ليان ترددت في بالها كلمت بيموت كذا مره ودمعت عينها : الله لايقوله مشعل بيقوم وبقول له اني احبه
الدكتور باسف على حالتها : الله كريم
ليان : لازم نسوي شي مستحيل نتركه يموت واحنى نطالع يسافر يتعالج برا
الدكتور : حالته ماتسمح ولازمه طبيب هنا وعامل هالعمليه كذا مره
ليان ويدينها ترجف اشرت على نفسها : انا سويت هاذي العمليه اكثر من مره ونجحت
الدكتور ابتسم : وليه ساكته
ليان بدات تبكي : لان لو يصير له شي مارح اسامح نفسي
الدكتور : خلي املك بالله كبير
ليان مسحت دمعتها : واذا ماسويت العمليه وصار له شي مارح اسامح نفسي
الدكتور : اتكلي على الله وان شاء الله بكره تسوين له العمليه
ام مشعل جت ودموعها على خدها : ليان وش صار في مشعل
ليان ضمتها وبكت : مشعل تعبان ياخالتي تعبان حييل
ام مشعل ضمتها بقوه وتمسح على راسها : وش فيه قولي لي وش فيه حشاشه جوفي
ليان بعدت عنها وسحت دمعتها راحت تكلم الدكتور : ممكن اشوفه
الدكتور : لا انا اسف
ليان باسف طلعت من الغرفه ودموعها على خدها جلست على اقرب كرسي وصارت تبكي بصوت عالي وتدعي له بالشفا وان الله يقدرها على انها تسوي له العمليه



في مكان ثاني

دخلت ممرضه على عياده الدكتوره نور : دكتوره فيه حالته ولاده
نور وقفت : اوكي الحين جايه
دخلت نور غرفت الولاده وسوت العمليه طلعت لقت حرمه جالسه بعيد يو شافتها جات لها الحرمه : بشري شوق بخير
نور ابتسمت : بخير والنونو بعد بخير
الحرمه بفرح : وش جابت
نور : بنت انتي اختها
الحرمه : لاجارتها بس زوجها مسافر وجاتها الولده
نور : اها الله يكون بعونها
الحرمه : ولله هالبنت حضها شيين في كل شي وقالت لها قصه شوق
نور رحمتها : ياحياتي كل هاذا صار معاها
الحرمه : اي ولله وتقول لي انتي الحرمه الوحيده الي اعرفها واسولف معاها
نور : الله لايذوقنا ماذاقته
الحرمه : امين وحتى يوم تزوجت زوجها مايجلس معاها ودايم برا ومايجيها الا كل ثلاث ايام
نور: ليه ؟
الحرمه : هو متزوج وزوجته ماتعرف عنها
نور : اها
الحرمه مدت لها ورقه : خوذي هاذا رقمه كلميه وقولي له ان زوجته ولدت عشان يجي لها وتفرح المسكينه
نور اخذت الرقم : مع اني مااكلم رجال بس بكلمه عشانها ولله حالتها تنرحم
الحرمه : الله يوفقك
نور مشت : اجمعين




في مكان ثاني


فيصل برجا : رسيل بطلب منك طلب
رسيل من دون نفس وهي تبرد اضافيها : خير وش تبي
فيصل وبخوف ترده : ابيك تطلعين معي نتمشى انا وانتي واسوله
رسيل حطت رجل على رجل : ولله انا مالي نفس اطلع معاك واذا لي نفس طلعت مع السواق ليه معاك
فيصل انجرح بس ماحب يرد عليها لان مهما قالت يحق لها : اوكي انا بطلع انا وبنتي
رسيل : اسيل في زكمه خلها
فيصل : اوكي
رسيل قامت وسوت لها خبزه وجبنه ونسكافي وطلعت لقت فيصل يطالع فلم اخذ الرموت وغيرت القناه جلست تاكل
فيصل : رسيل رجعي القناه
رسيل رفعت حاجبها : مابي فلم فاشل
فيصل : اوكي كلش ولا رفعت الحاجب هاذي
رسيل كملت اكل ولا كنها تسمع شي

قرائه ممتعه احبتي
البارت الاخيير .
7


7


7


7


نور دخلت الحضانه وبابتسامه : ياقلبي عليها مرره تشبه عبودي وتذكرت انها مااتصلت على ابو البنت
راجت للعياده ورفعت جوالها وكتبت الرقم طلع لها اسم عيوني نور ماصدقت ان زياد زوج شوق ولا واحد في الميه كررت الرقم عشر مرات وفي الاخير ايقنت ان زياد ابو البنت الي تشبه ولدها جلست على الكرسي وحاطه يدها على قلبها وتدعي انه مايكون صدق بعد لحضات اتصل زياد ردت نور بصوت مبحوح : الو
زياد : نور انتي اتصلتي علي
نور بدات تبكي صكرت في وجهه وحطت يدينها على وجهها وصارت تبكي لين رن جوالها اسم لينو ردت : الو
ليان ببكاء : نور تعالي مستشفى ال انا هناك مشعل مرره تعبان
نور مسحت دمعتها وبخوف وقفت : ليان لاتبكين الحين انا اجي لك
اتصلت نور على سواقها الخاص ووقف عند المستشفى : روح مستشفى
وصلت نور المستشفى دخلت وصارت تدور على ليان بين الممرات واخيراا لقتها جالسه على الكرسي وتبكي نور ركضت لها : لينو حياتي وش فيه مشعل حالته لهاذي الدرجه سيئه
ليان ضمت نور وبين شهقاتها : نور مشعل بيموت اذا ماسويت له العمليه
نور : ليه وش فيه
ليان قالت لها كل شي عن حالت مشعل نور : وش تنتضرين لازم توافقين وتسوين له العمليه
ليان مسحت دمعتها : وهاذا الي بسويه
نور ضمتها وابتسمت : هاذي لينو الي اعرفها




في مكان ثاني

شوق اتصلت على زياد وبشرته ان جالهم بنت قالت له عن المستشفى وانصدم يوم عرف ان نور هي الي ولدتها : شوق عيدي وش اسم الدكتوره
شوق وهي تبتسم : نور مشاء الله عليها حبوبه
زياد وقف مصدوم وركض لعيادتها فتح الباب بس مالقها جلس على الكرسي ورجلينه مو حاملته : نور لاتخليني اتصل عليها بس ماردت
كرر الاتصال ردت وبصراخ : نعم وش تبي
زياد بخوف : نور افهميني وحطي نفسك في مكاني
نور : ولله انت فاضي اخوك بين الحياة والموت وانت تتناقش في مثل هاذي الامور
زياد بصدمه : اخوي وش فيه
نور خافت عليه : مافيه الا العافيه تعال مستشفى ال امك هنا
زياد ركض للسياره وطار باقصى سرعه وصل المستشفى وعرف عن حالت مشعل نزلت دمعته : الله يشفيك ياخوي
نور مدت يدها الي متردده لاتمسح دمعته بس مسحتها وضمته : زياد لاتبكي ادعي له
زياد ضمها بكل قوته : نور هاذا اخوي الوحيد هاذا ابوي اعتبره
نور تمسح على راسه كانه طفل : بس ياروحي خذ اشرب مويه
زياد شرب مويه : شكرا
نور : العفو وقامت مسك يدها
زياد : وين تروحين
نور : بروح عند ليان
زياد : تعالي بسرعه
نور : اوك
راحت نور لقت ليان جالسه تتطالع مشعل من ورا القزازه ودموعها على خدها حطت يدها على كتف ليان : بس لينوو خلالاص بكي
ليان التفتت لها : نور بظنك انا اقدر اسوي له العمليه
نور : اكيد تقدرين ياروح نور
ليان : نور وش فيك انتي متضايقه من شي
نور لفت وجهها : لا مافيني شي
ليان : عبدالله فيه شي
نور : لا اسم الله عليه
ليان : طيب امنتك بالله قولي لي وش فيك
نور امتلت عيوننها دموع : مافيني شي قلت لك
ليان : اوكي براحتك
نور : عبدالله صار له اخت
ليان : يعني انتي حامل
نور هزت راسها بالنفي : لا متزوج علي حط على راسي مره ياليان
ليان : انتي وش قاعده تقولين معقوله زياد يسويها
نور قالت لها عن سالفه شوق كلها ليان : من حقه يانور وش تبينه يسوي وهو يشوفها مالها لااهل ولا رفيق
نور : وش اسوي مو قادره استوعب ان زياد لغيري
ليان : هو مو لغيرك الى الحين لك
نور مسحت دمعتها : الحين انتي في هالمصيبه وانا اشكي لك همي بجد مالي حق
ليان ضمتها : وش تقولين انتي انا اول ماعرفت عن مشعل اول ماخطر على بالي انتي وانتي مارح تقولين لي
نور : الله يشفيه ويرجعه لك
ليان لفت نظرها له : امين
جو ممرضات يركضون دخلو على مشعل وهم مره منخبصين مشعل دقات نبضه بدات تضعف ليان جالسه تبكي بصوت عالي : مشعل لاتتركني مشعل الله يخليك لاتموت اهئ
نور ضامتها وتبوس راسها : ليان حبيبي بسس
طلعو وهم يسحبون مشعل بالسرير الدكتور : لازم يسوي العمليه الحين
ليان مسحت دمعتها ولحقتهم دخلت غرفت العمليان وكل شي فيها يرجف

ام مشعل تبكي طول الوقت وتدعي لمشعل بالشفا ام ليان تهدي ام مشعل ونجلاء الي طول الوت يبكون اما زياد فكان ساكت طول الوقت نور رجعت البيت عشان تجلس عند رذاذ وعبدالله طلعت ليان وهي مبتسمه ضمت امها : ماما نجحت العمليه
الكل فرح ودعا لليان الي من بعد الله هي السبب في شفائه



بعد ثلاث اشهر


في بيت رسيل طالعه من المطبخ وبيدها ملاس : فيصل تبي اطقك بها عشان تفهم اني ماابي هالافلام البايخه
فيصل : رسوول تكفين ابي اتفرج
رسيل بصراخ : ماافيه ولا بروح لهلي
فيصل : اووف بدات تتغلا اوكي برجع الي تبينه
اسيل بعناد مثل امها حطت رجل على رجل : ايه اسمع كلام ماما
فيصل ضحك وباس بنته : فديت ماما

عاشو فيصل ورسيل حياة هايده بس مثل ماقلت لكم فيصل ماله اي حقوق ودايم يترجاها انها تسامحه بس رسيل معنده

اما عند عائله زياد شوق ونور دايم غيرانين من بعض بس يحبون بعض وكانهم خوات
شوق سمت بنتها على اسم نور عشان كذا نور سامحتهم وهاذا زاد حب شوق في قلب نور


اما ابطالنا ليان ومشعل عاشو حياة سعيده ومليئه بالحب فيه بعض المشاكل والي هي دلع ليان وعصبيه مشعل حملت ليان وهم مره فرحانين بالولد